Sunday, September 23, 2007

ദീപികയുടെ എഡിറ്റോറിയല്‍ പോളിസി മാറ്റം

ഫാരിസ്‌ ദീപിക മൊത്തമായി തിരികെ കൊടുക്കാന്‍ പോകുമ്പോള്‍ ഏറ്റവും അധികം ചര്‍ച്ച ചെയ്യപ്പെടുന്ന വിഷയം ഫാരിസ്‌ വന്നതിനു ശേഷം ദീപികയിലെ എഡിറ്റോറിയല്‍ പോളിസിയില്‍ വന്ന മാറ്റമാണ്‌. ശ്രീ ചന്ദ്രന്‍ കുന്നേല്‍ അച്ചന്‍ ഇക്കാര്യം പല ചാനല്‍ ചര്‍ച്ചകളിലും പറഞ്ഞിട്ടുണ്ട്‌. ഈ എഡിറ്റോറിയല്‍ പോളിസി മാറ്റം എത്രത്തോളം ഉണ്ടായിരുന്നു എന്നന്വേഷിക്കാന്‍ ശ്രമിക്കുകയാണ്‌. കേരളത്തില്‍ ഉണ്ടായ പല വിവാദ വിഷയങ്ങളിലും ദീപിക എന്ത്‌ നിലപാട്‌ സ്വീകരിച്ചു. അവ കത്തോലിക്കാ സഭയുടെ അഭിപ്രായത്തോട്‌ അല്ലെങ്കില്‍ ദീപികയുടെ പാരമ്പര്യത്തില്‍ നിന്ന് മാറിയിട്ടുണ്ടോ.

വിവാദങ്ങള്‍ അതിന്റെ ക്രമത്തില്‍ ഓര്‍ക്കാന്‍ കഴിയുന്നില്ലാത്തതിനാലും ദീപികയുടെ ആര്‍ക്കൈവ്‌സ്‌ ലഭ്യമല്ലാത്തതിനാലും പല കാര്യങ്ങളും ഓര്‍മ്മയില്‍ നിന്നാണ്‌ എഴുതുന്നത്‌. തെൂകള്‍ ഉണ്ടെങ്കില്‍ തിരുത്താന്‍ അപേക്ഷിക്കുന്നു

ADB വിഷയം
ADB വിഷയത്തില്‍ ദീപിക UDF ന്റെ കാലത്ത്‌ പുലര്‍ത്തിയ അതേ നിലപാടാണ്‌ പുലര്‍ത്തിയത്‌. ലോണ്‍ വാങ്ങാം എന്ന നിലപാടില്‍ ദീപിക ഉറച്ചു നിന്നു. എന്നാല്‍ ഇതിനെതിരെ VS കൈക്കൊണ്ട ഇരട്ടത്താപ്പ്‌ ദീപിക നന്നായി ആഘോഷിച്ചു. ADB വായ്പ വാങ്ങാന്‍ 2005 നവമ്പറില്‍ തന്നെ VS അടക്കമുള്ള സംസ്ഥാന സെക്രട്ടറിയേറ്റ്‌ തീരുമാനിച്ചതാണ്‌ എന്ന പിണറായുടെ പരാമര്‍ശവും ദീപിക VS നെതിരെ ഉപയോഗിച്ചു. ഫയല്‍ താന്‍ കണ്ടില്ലാ എന്ന് VS ന്റെ പരാമര്‍ശത്തെ പാലോളിയുടെ മറുപടി ഉയര്‍ത്തിക്കാട്ടി മുഖ്യമന്ത്രി കള്ളം പറയുന്നു എന്ന് ദീപിക വാര്‍ത്തയെഴുതി.മാത്രവുമല്ല VS ന്‌ എതിരെ അച്ചടക്ക നടപടിയുണ്ടായപ്പോള്‍ അതിന്റെ സത്യാവസ്ഥ VS നെ സെന്‍ഷര്‍ ചെയ്തു എന്നും ദീപിക റിപ്പോട്ട്‌ ചെയ്തു. എന്നാല്‍ ADB വിഷയത്തില്‍ ദീപിക തനിക്കെതിരെ വാര്‍ത്തകള്‍ എഴുതുന്നതിനെതിരെ VS പ്രസ്ക്ലബ്ബില്‍ പരാതി നല്‍കി. ഈ വിഷയത്തില്‍ ദീപികയുടെ നിലപാട്‌ സഭയുടെ എതിര്‍പ്പ്‌ നേരിടുന്നതായി കാണാന്‍ കഴിയില്ല

വ്യാജ സി.ഡി വിവാദം
വ്യാജ സി.ഡി വിവാദത്തില്‍ ദീപിക മുഖ്യമന്ത്രിക്കെതിരെ നിലപാട്‌ എടുത്തു. അവര്‍ CD കടകളില്‍ നടത്തുന്ന സുരേഷ്‌ ഗോപി ശൈലിയുള്ളാ റേയിഡിനെ എതിര്‍ത്തു. വ്യാജനല്ലാത്തതും ലൈബ്രറികളില്‍ ഉപയോഗിക്കാവുന്നതുമായ എല്ലാ CD യും എടുത്തുകൊണ്ട്‌ പോകുന്ന IG യുടെ നിലപാടിനെ എതിര്‍ത്തു. ബീമ പള്ളി പോലുള്ളാ സ്ഥലങ്ങളില്‍ റെയിഡ്‌ ചെയ്യാത്തതിനെ വിമര്‍ശിച്ചു. വീഡിയോ ലൈബ്രറിക്കാരുടെ പക്ഷം പിടിച്ച്‌ പകര്‍പ്പവകാശ നിയമത്തിലെ പല കഠിന വകുപ്പുകളും എടുത്തുപയോഗിച്ച്‌ IG നടത്തുന്ന റെയിഡ്‌ ഈ വീഡീയോ ലൈബ്രറികള്‍ എന്നന്നേക്കുമായി പൂട്ടിക്കും എന്നും കുത്തക കമ്പനിയായ മോസര്‍ബെയര്‍ ഈ രംഗം കൈയടക്കുമെന്നും ദീപിക പ്രവചിച്ചു. മോസര്‍ബെയറിനുവേണ്ടിയാണ്‌ IG ഋഷിരാജ്‌ സിംഗ്‌ ഇത്‌ ചെയ്യുന്നതെന്നും ദീപിക എഴുതി. അവസാനം ദീപിക പ്രവചിച്ചതുപോലെ സംഭവിച്ചു. CD കടകള്‍ പൂട്ടി മോസര്‍ ബെയര്‍ പെട്ടികടവഴി വരെ ഇപ്പോള്‍ CD വില്‍ക്കുന്നു. വ്യാജ സി.ഡികള്‍ ഇപ്പോഴും നിര്‍ലോബം കിട്ടുന്നു.

പൂമൂടല്‍ വിവാദം
ബാക്കിയെല്ലാവരും പൂമൂടല്‍ കൊണ്ടാടിയപ്പോള്‍ ദീപിക മിതത്വം പാലിച്ചു. മാത്രവുമല്ല ഈ വിവാദം പൊക്കികൊണ്ടു വന്ന ജനശക്തി വാരിക വാര്‍ത്ത പിന്‍വലിച്ചകാര്യവും ദീപിക മാത്രമേ റിപ്പോട്ട്‌ ചെയ്തുള്ളൂ.

മുരിങ്ങൂര്‍ റെയിഡ്
‌ഇതിന്‌ മുന്‍പ്‌ പ്രതിപാദിച്ച വിവാദങ്ങളൊന്നും സഭയുമായി ബന്ധപ്പെട്ടതല്ല. മുരിങ്ങുര്‍ ധ്യാനകേന്ദ്രത്തിലെ വിവാദ പരിശോധന പ്രശ്നം വന്നപ്പോള്‍ ദീപിക സഭക്കൊപ്പം നിന്നു. ഈ വാര്‍ത്തയുടെ ഒരു തലത്തിലും ദീപിക സഭയെ കൈവിട്ടില്ല. പക്ഷെ തിരുവമ്പാടി ഉപതെരെഞ്ഞെടുപ്പില്‍ സഭയിലെ ചിലര്‍ ഇത്‌ ഉപയോഗിച്ചപ്പോള്‍ ദീപിക മൗനം പാലിച്ചു. ദീപികക്ക ജോര്‍ജ്ജ്‌ എം. തോമസ്‌ ജയിക്കണം എന്നായിരുന്നു

വിദ്യാഭ്യാസ നിയമം
കത്തോലിക്ക സഭയേ ഏറ്റവും അധികം ബാധിച്ച ഒരു പ്രശ്നമായിരുന്നു സ്വയാശ്രയ നിയമം. കടുത്ത പിണറായി പക്ഷക്കാരനായ ബേബിയേ ഒരു തലത്തിലും ദീപിക സഹായിച്ചില്ല. സഭക്ക്‌ വേണ്ടി ദീപിക ശക്തമായി നിലകൊണ്ടു. ഇപ്പോഴും തുടരുന്നു.

വെടിയുണ്ട വിവാദം
വെടിയുണ്ട വിവാദത്തില്‍ ദീപിക വ്യക്തമായി പിണറായിക്കൊപ്പം നിലകൊണ്ടു.ദീപിക ഒരു കഥയും മെനഞ്ഞില്ല. അവാസനം വരെ ഒരേ നിലപാടില്‍ നിന്നും. ആ നിലപാട്‌ തന്നെ ഈ കേസില്‍ അവസാനം ഉണ്ടായി.

വിമാന യാത്ര വിവാദം
ഇതില്‍ ദീപിക ജോസഫിനൊപ്പം നിന്നു. സഭയുടെ കുഞ്ഞാടായ ജോസഫിനെ സഹായിക്കുക എന്നതില്‍ കവിഞ്ഞ സഭാവിരുദ്ധമായ ഒരു അജണ്ട ദീപികക്ക്‌ ഉണ്ടെന്ന് വിശ്വസിക്കാന്‍ വയ്യ. മാത്രവുമല്ല കുരുവിള പ്രശ്നത്തില്‍ ദീപിക കുരുവിളക്ക് വേണ്ടി കാര്യമായി ഒന്നും ചെയ്തില്ല
സ്മാര്‍ട്ട്‌ സിറ്റി
ഈ വിഷയത്തില്‍ മറ്റെല്ലാ മാധ്യമങ്ങളു VS നെ ഉയര്‍ത്തിക്കാട്ടിയപ്പോള്‍ ദീപിക ഒരു മൃദു സമീപനം പുലര്‍ത്തി. ചര്‍ച്ചകള്‍ അനിയന്ത്രിതമായി നീണ്ടു പോയപ്പോള്‍ സ്മാര്‍ട്ട്‌ സിറ്റി ഇവിടെ വരണം എന്ന് ദീപിക പലപ്പോഴായി ഓര്‍മ്മിപ്പിച്ചുകൊന്റിരിന്നു. എന്നാല്‍ സ്മാര്‍ട്ട്‌ സിറ്റിയുടെ ക്രഡിറ്റ്‌ VS ന്‌ നലകാന്‍ ദീപിക തയ്യാറായിരുന്നില്ല.
മൂന്നാര്‍ കൈയേറ്റം.
വ്യാജ CD വിവാദത്തില്‍ എന്ന പോലെ മൂന്നാര്‍ ഒഴിപ്പിക്കലിലും ദീപിക മുഖ്യമന്ത്രിയേ എതിര്‍ത്തു എന്ന് മാത്രമല്ല് പൊളിക്കലിനെതിരെ ദീപിക ശക്തമായി രംഗത്ത്‌ വരുകയും ചെയ്തു. കോടതി അടച്ചിട്ടിരുന്ന സമയത്ത്‌ ഉടമകളുടെ വാദം പോലും കേള്‍ക്കാതെ പൊളിക്കുന്നത്‌ അവകാശ ലംഘനമെന്ന് വരെ ദീപിക പറഞ്ഞു. എന്നാല്‍ പൊളിക്കലിന്‌ കിട്ടിയ വന്‍ ജനപിന്‍തുണ ദീപികയെ ഞെട്ടിച്ചു. പിന്നെ പരസ്പര വിരുദ്ധമായ വാര്‍ത്തകളാണ്‌ ദീപികയെയില വന്നത്‌. എന്നാല്‍ ആദ്യം മുതലേ പൊളിക്കന്‍ എതിര്‍ക്കുന്നതിന്‌ ഉപയോഗിച്ച വാദങ്ങള്‍ അവസാനം വരെ ഉപയോഗിച്ചിരുന്നു എങ്കില്‍ ഇപ്പോള്‍ ഉണ്ടായ കോടതി വിധികളെ ചൂണ്ടിക്കാണിച്ച്‌ ഞെളിയാമായിരുന്നു. എന്നാല്‍ ഇടക്ക്‌ നടന്ന കൈവിട്ട കളികള്‍ മൂലം ദീപികക്ക്‌ അടിതെറ്റി.

ഇനി ഈ വിഷയത്തില്‍ ദീപികയുടെ നിലപാടിന്‌ പിന്നില്‍ ഫാരിസിന്റെ താതപര്യമായിരുന്നോ സഭയുടെ തത്പര്യമായിരുന്നോ ദീപിക സംരക്ഷിച്ചത്‌ എന്ന് ചോദ്യം ഉയരും. ലാന്റ്‌ മാഫിയക്കരന്‍ എന്ന് വിളിക്കുന്ന ഫാരിസിന്‌ മൂന്നാറില്‍ ഭൂമിയില്ല എന്നറിയുമ്പോഴാണ്‌ പിന്നെ സഭക്ക്‌ എന്താണ്‌ ഈ വിഷയത്തില്‍ താല്‍പര്യം എന്ന് ചിന്തിക്കുന്നത്‌. CHR ഭൂമിയില്‍ കൂടുതല്‍ ഉള്ളത്ത്‌ സഭാവിശ്വാസികളാണ്‌ CHR ഭുമിയില്‍ ഉള്ള കെട്ടിടങ്ങളും മറ്റും പൊളിക്കുകയോ അല്ലെങ്കില്‍ പാട്ട വ്യവസ്ഥ ലംഘിച്ച്‌ ഏലമല്ലാത്ത വിള കൃഷിചെയ്യുകയോ ചെയ്തു എന്ന പേരില്‍ പാട്ടക്കരാര്‍ റദ്ദാക്കപ്പെടുകയോ ചെയ്താല്‍ ഇവരെ അത്‌ സാരമായി ബാധിക്കും. ഒരു അഭിമുഖത്തില്‍ ശ്രീ ഫെലിക്സ്‌ ജെ. പുല്ലൂടന്‍ പറഞ്ഞത്‌ കാഞ്ഞരപ്പള്ളി രൂപതുയുടെ 50 ഇല്‍ അധികം പള്ളികള്‍ ഈ CHR ഭൂമിയില്‍ ഉണ്ടെന്നാണ്‌. അപ്പോള്‍ ഈ വിഷയത്തിലും ഫാരിസ്‌ സഭയുടെ താത്പര്യം സംരക്ഷിച്ചു എന്ന് കാണാന്‍ കഴിയും.

CPM ലെ പ്രശ്നങ്ങള്‍
‍എന്നാല്‍ ദീപിക വളരെ വ്യക്തമായിത്തന്നെ CPM ഇലെ പ്രശ്നങ്ങളില്‍ പിണറായി പക്ഷത്തു നിന്നു എന്നതാണ്‌ സത്യം. ഇതിനെക്കുറിച്ച്‌ ചോദിച്ചപ്പോള്‍ ഫാരിസ്‌ പറഞ്ഞത്‌ ദീപിക എല്ലാ പാര്‍ട്ടികളിലേയും ഔദോഗിക പക്ഷത്തോടൊപ്പമാണ്‌ എന്നാണ്‌. കഴിഞ്ഞ തെരെഞ്ഞെടുപ്പുകാലത്ത്‌ പിണറായി നയിച്ച്‌ ജാഥകളില്‍ ഉയര്‍ത്തിയ സമഗ്ര വികസനം സാമുഹിക നീതി എന്നീ മുദ്രാവാക്യങ്ങളും പിന്നെ CPM സംഘടിപ്പിച്ച്‌ കേരള വികസന സെമിനാറുമൊക്കെ കണ്ടാണ്‌ താന്‍ പിണറായിയെ പിന്തുണച്ചതെന്നും പറഞ്ഞിരുന്നു. ഇതില്‍ സഭക്ക്‌ എന്തെങ്കിലും അഭിപ്രായ വ്യത്യാസം ഉണ്ടായിരുന്നോ എന്ന് വ്യക്തമല്ല.

എന്നാല്‍ പിണറായി തന്റെ കേരള യാത്രയുടെ ഭാഗമായി എല്ലാ മത നേതാക്കന്മാരെ കാണുകയും സഹായം അഭ്യര്‍ത്ഥിക്കുകയും ചെയ്തിരുന്നു എന്നും അതേ തുടര്‍ന്നാണ്‌ ഈ മാറ്റം സഭാ തലത്തില്‍ ഉണ്ടായതെന്നും ഞാന്‍ മനസ്സിലാക്കുന്നത്‌. മുരിങ്ങുര്‍ സംഭവം ഉണ്ടായപ്പോള്‍ പിണറായി ധ്യാന കേന്ദ്രം സന്ദര്‍സിച്ചത്‌ ഓര്‍ക്കുക. അപ്പോള്‍ തീര്‍ച്ചയായും ഒരു പ്രശ്നാധിഷ്ടിത സഹകരണം പിണറായിയും സഭയും തമ്മിലുണ്ടായിരുന്നു. അത്‌ ദീപികയില്‍ പ്രകടവുമായി. പാലോളിയേയും പിണറായിയെയുമൊക്കെ ദീപിക സഹായിച്ച്പ്പോള്‍ ബേബിക്കെതിരെ ഉറഞ്ഞു തുള്ളി.

എന്നാല്‍ പിണറായിക്കുള്ള പിന്‍തുണ VS നോടുള്ള എതിര്‍പ്പ്‌ പോലെ ദീപിക തോന്നിപ്പിച്ചു. എന്തിന്‌ ദേശാഭിമാനി ഇടപാടുകളില്‍ ഉണ്ടായ വിവാദങ്ങളില്‍ പോലും ദീപിക പിണറായിക്കൊപ്പം നിന്നു. ദീപികയുടെ ഈ കാര്യത്തിലെ നിലപാട്‌ സഭയിലെ പലര്‍ക്കും സുഖിക്കുന്ന ഒന്നല്ല. മാത്രവുമല്ല ഇതെത്തുടര്‍ന്ന് വന്ന നയനാര്‍ ഫുട്ബോള്‍ വിവാദവും ഫാരിസിന്റെ കൈരളി അഭിമുഖവും പ്രശ്നങ്ങളെ വ്യത്യസ്ഥ തലത്തില്‍ എത്തിച്ചു. മുഖ്യമന്ത്രി വെറുക്കപ്പെട്ടവന്‍ എന്ന് വിളിച്ചതോടേ ഫാരിസ്‌ താരമായി. എന്നാല്‍ തുടര്‍ന്നുണ്ടായ വിവാദങ്ങളില്‍ ഫാരിസിനു വേണ്ടി ദീപികക്ക്‌ എഴുതേണ്ടി വന്നു. ഇതോടെ പലര്‍ക്കും അത്‌ ഉള്‍ക്കൊള്ളാന്‍ കഴിയാതെ വരുകയും ചെയ്തു.

ഫാരിസ്‌ എന്ന് ഒരു മുസ്ലിം കത്തോലിക്കര്‍ പോലും തിരിഞ്ഞു നോക്കാത്ത ദീപികയെ രക്ഷിക്കാന്‍ വന്നു എന്നൊന്നും ആരും വിശ്വസിച്ചില്ല. എല്ലാം ഫാരിസ്‌ കൈക്കലാക്കി എന്ന് രീതിയില്‍ കാര്യങ്ങള്‍ എത്തി. ഒപ്പം അറക്കല്‍ പിതാവിനെക്കൂടി ഈ വിഷയത്തില്‍ ബന്ധപ്പെടുത്താന്‍ കഴിഞ്ഞതോടെ സഭയിലെ വിഭാഗീയതയും മറനീക്കി പുറത്തു വന്നു. ഇപ്പോള്‍ എല്ലാം വിട്ട്‌ കൊടുത്ത്‌ ഫാരിസ്‌ പടിയിറങ്ങുകയാണ്‌ വര്‍ക്കി വിതയത്തിലിന്റെ സ്വഭാവ സര്‍ട്ടിഫിക്കറ്റോടേ. ദീപിക മൊത്തമായി സഭാ വിശ്വാസികള്‍ നടത്തുന്നു. ഇനി ഫാരിസിന്റെ കാലഘട്ടത്തില്‍ എന്തു നടന്നു എന്നൊക്കെ അവര്‍ നാളെ നമ്മേ അറിയിക്കുന്നവരെ കാര്‍ത്തിരിക്കാം.

22 comments:

കിരണ്‍ തോമസ് തോമ്പില്‍ said...

ഫാരിസ്‌ ദീപിക മൊത്തമായി തിരികെ കൊടുക്കാന്‍ പോകുമ്പോള്‍ ഏറ്റവും അധികം ചര്‍ച്ച ചെയ്യപ്പെടുന്ന വിഷയം ഫാരിസ്‌ വന്നതിനു ശേഷം ദീപികയിലെ എഡിറ്റോറിയല്‍ പോളിസിയില്‍ വന്ന മാറ്റമാണ്‌. ശ്രീ ചന്ദ്രന്‍ കുന്നേല്‍ അച്ചന്‍ ഇക്കാര്യം പല ചാനല്‍ ചര്‍ച്ചകളിലും പറഞ്ഞിട്ടുണ്ട്‌. ഈ എഡിറ്റോറിയല്‍ പോളിസി മാറ്റം എത്രത്തോളം ഉണ്ടായിരുന്നു എന്നന്വേഷിക്കാന്‍ ശ്രമിക്കുകയാണ്‌.

വക്കാരിമഷ്‌ടാ said...

കിരണേ, പെട്ടെന്ന് ഓര്‍മ്മയില്‍ തോന്നുന്നത്.

മുരിങ്ങൂര്‍ പ്രശ്‌നം: ഒരു സഭാപത്രമെന്ന നിലയില്‍ ദീപികയുടെ ചെയ്തികള്‍ ന്യായീകരിക്കാമെങ്കിലും മുരിങ്ങൂര്‍ വാര്‍ത്തകള്‍ പലതും ദീപിക തമസ്കരിക്കുകയോ കോടതി വിധിന്യായങ്ങള്‍ വ്യാഖ്യാനിച്ച് തങ്ങള്‍ക്കനുകൂലമായ രീതിയില്‍ നല്‍കുകയോ ചെയ്തു. അതുപോലെ ഏതോ ഒരു മുരിങ്ങൂര്‍ വാര്‍ത്താ സമയത്ത് മോഡിയെയോ മറ്റോ പ്രൊജക്റ്റ് ചെയ്ത് ആ വാര്‍ത്തയ്ക്ക് അമിതപ്രാധാന്യവും നല്‍കി ദീപിക, മുരിങ്ങൂര്‍ വാര്‍ത്ത തമസ്കരിക്കാനായി (ആ സാഹചര്യം കൃത്യമായി ഓര്‍ക്കുന്നില്ല-ബ്ലോഗില്‍ തന്നെ എവിടെയോ ഞാന്‍ അത് പറഞ്ഞിരുന്നു).

വി.എസ്:

ഒരുമാതിരി പ്രതികാര ദാഹത്തോടെയുള്ള പെരുമാറ്റമാണ് ദീപികയ്ക്ക് വി.എസ്‌-നോടുള്ളതെന്നാണ് എന്റെ നിരീക്ഷണം. സംസ്ഥാനത്തെ മുഖ്യമന്ത്രിയാണെന്ന ബഹുമാനം പോലും നല്‍‌കാത്ത രിതിയില്‍ (ബഹുമാനിക്കണോ വേണ്ടയോ എന്നത് ദീപികയുടെ ഇഷ്ടം). ഇന്നത്തെ വാര്‍ത്തയുടെ തലക്കെട്ട് തന്നെ നോക്കിയാല്‍ മെര്‍ക്കിസ്റ്റണ്‍ വിവാദത്തില്‍ മുഖ്യമന്ത്രിക്ക് സി.പി.എം ശാസനം എന്നാണ് ദീപികയുടെ തലക്കെട്ട്.ീപികയിലെ തന്നെ ആ വാര്‍ത്ത വായിച്ചിട്ടോ മനോരമ, കൌമുദി മുതലായ പത്രങ്ങള്‍ വായിച്ചിട്ടോ ഒരു ശാസനയുടെ സ്വരമെന്നും വാര്‍ത്തകളില്‍ നിന്ന് കിട്ടിയില്ല. വി.എസ്സിന്റെ കാര്യത്തില്‍ ഒരു പത്രത്തില്‍ നിന്ന് പ്രതീക്ഷിക്കുന്നതായ സംയമനം, പക്വത ഇവയൊന്നും പലപ്പോഴും ദീപിക കാണിക്കുന്നില്ല. പിണറായിയെ അനുകൂലിക്കുന്നു എന്നതുകൊണ്ട് വി.എസ് വിരുദ്ധത തോന്നിക്കുന്നതല്ല, വി.എസ്സ് സംബന്ധമായ എന്ത് വാര്‍ത്തയിലും ദീപിക ആ ദീപികടച്ച് പ്രകടമാക്കുന്നുണ്ട്-ഒരു മഞ്ഞപ്പത്ര ശൈലിയില്‍ തന്നെ (എന്റെ വ്യക്തിപരമായ അഭിപ്രായം).

സിമി said...

കിരണ്‍,

ഞാന്‍ ഇപ്പോള്‍ ദീപികയും ദേശാഭിമാനിയും വായിക്കാറില്ല. രണ്ടിന്റെയും സ്വരം ഏതാണ്ട് ഒരുപോലെയാണ്. വാര്‍ത്തകളില്‍ അവര്‍ക്ക് ഇഷ്ടമുള്ളതിനെ എടുത്ത് പൊലിപ്പിക്കുന്നു, ഇഷ്ടമില്ലാത്തതിനെ മുക്കുന്നു, അതിലും കൂടുതല്‍ പത്രങ്ങള്‍ ജനങ്ങളെ ശരിയും തെറ്റും പഠിപ്പിക്കാന്‍ ശ്രമിക്കുന്നു.

നിഷ്പക്ഷമാ‍യി വാര്‍ത്തകള്‍ വസ്തുനിഷ്ഠമായി റിപ്പോര്‍ട്ട് ചെയ്യുക എന്ന പത്രധര്‍മ്മത്തില്‍ നിന്ന് ഏറ്റവും അകന്നുനില്‍ക്കുന്ന രണ്ടുപത്രങ്ങളാണ് ഇവ എന്നാണു തോന്നിയിട്ടുള്ളത്. രണ്ട് വര്‍ഷത്തിനു മുന്‍പ് ദീപിക വായിക്കുമ്പോള്‍ ഇതേ ഫീലിങ്ങ് വരാറില്ലായിരുന്നു.

കിരണ്‍ തോമസ് തോമ്പില്‍ said...

വക്കാരി എന്റെ പോസ്റ്റിന്റെ ഉദ്ദേശം തന്നെ ദീപികയുടെ എഡിറ്റോറിയല്‍ പോളിസിയില്‍ സി.പി.എം ഇലെ പ്രശ്നത്തില്‍ ഒഴിച്ച് ബാക്കിയെല്ലാത്തിലും എടുത്ത നിലപാടുകള്‍ തെറ്റെന്ന് പറയാന്‍ കഴിയില്ലാ എന്നു മാത്രമാണ്. അത് പത്സ്തിലും സഭ്യുടെ താത്പര്യം സംരക്ഷിക്കേണ്ടത് തന്നെയാണ് എന്ന മുന്വിധിയോടെയാണ് ദീപിക പത്രം പരവര്‍ത്തനം നടത്തിയത്. മുരിങ്ങുര്‍ വിഷയത്തിലും വിദ്യാഭ്യാസ പ്രശ്നങ്ങളിലും മൂന്നാര്‍ പ്രശ്നങ്ങളിലും വിമോചന സമരാ‍ാഹ്വാനത്തിലും ഒക്കെ സഭയേ ശക്തമായി ദീപിക പിന്തുണച്ചു.

ഇനി എന്തുകൊണ്ട് വി.എസിനെ എതിര്‍ത്തു എന്നത് . വി.എസ് ഉള്ളതുകൊന്റു മാത്രമാണ് ഇത്തരം നിയമങ്ങളും പ്രശ്നങ്ങളും ഉണ്ടാകുന്നത്. വി.എസ് മാറിയാല്‍ പിണറായിയും കൂട്ടരും ചേര്‍ന്ന് തങ്ങള്‍ക്കനുകൂലമായ ഒരു അവസ്ഥയുടാകും എന്ന് ഇവര്‍ പ്രതീക്ഷിക്കുന്നു. ബാക്കിയെല്ലാ മാധ്യമങ്ങളും വി.എസിനെ പുകഴ്തുമ്പോള്‍ തിരിച്ചെവിടെയെങ്കിലും ഒരു ഇകഴ്തല്‍ വെണ്ടേ. സഭ ശരിക്കും വി.എസിന്റെ ഇമേജിനെ ഭയപ്പെടുന്നുണ്ട് എന്നാണ് സത്യം. പിന്നെ വക്കാരി ഈ മഞ്ഞ പത്ര ശൈലി ദീപികക്ക് മാത്രമല്ല മാത്ര്ഭുമിക്കും ചേരും. ദീപിക മോശവും മാത്ര്‌ഭുമി നല്ലതും എന്ന ഇപ്പോള്‍ നടക്കുന്ന പ്രചരണവും അത്രക്ക് ശരിയല്ല.

എന്റെ സിമി നിഷ്പക്ഷമായ പത്രപ്രവര്‍ത്തനമോ അതും കേരളത്തില്‍ അത് ഒരു മലര്‍പ്പൊടിക്കാരന്റെ സ്വപനമല്ലേ. ഭരണകഷിയിലെ ഒരു പാര്‍ട്ടിയായ സി.പി.എം ലെ ഒരു വിഭാഗത്തെപ്പറ്റ്യുണ്ടാകുന്ന കഥകള്‍ ദീപിക പ്രസിദ്ധീകരിക്കാതെ വരികയും മറ്റ് മാധ്യമങ്ങള്‍ അവ പ്രസിദ്ധീകരിക്കുകയും ചെയ്യുമ്പോഴും മറ്റ് മാധ്യമങ്ങള്‍ അനുകൂലിക്കുന്ന ഒരാളേ ദീപിക എതിരിക്കുകയും ചെയ്യുമ്പോള്‍ വായിക്കുന്നവര്‍ക്ക് അത് ഉള്‍ക്കോള്ളാന്‍ ചില ബുധ്ദിമുട്ടുകള്‍ ഉണ്ടാകും. എന്നാല്‍ അച്ചുതാനന്ദനെതിരെ ദീപികയെടുത്ത മഞ്ഞപ്പിത്ത ശൈലിയിലുള്ളാ സമീമീപനവും സഭയോടനുബന്ധിച്ചുള്ളാ വാര്‍ത്തകളും ഒഴിച്ച് നിര്‍ത്തിയാല്‍ ഇവിടെ ഉണ്ടായ പല വിവാദങ്ങളിലും ദീപിക നിലപാടും ശ്രദ്ധേയമായിരുന്നു.

അച്ചായ്യന്‍ said...

പ്രിയ കിരണ്‍

'You saud it'

ദീപിക അല്ലെങ്കില്‍ സഭ, പാര്‍ട്ടിയ്യില്‍ ഉണ്ടായ്യ മാറ്റത്തെ നന്നായി തന്നെ മനസ്സിലാക്കുന്നുണ്ട്.
മത്രമല്ല സഭ ഇതു വരെ പിന്തുണച്ചിരുന്ന Congress ന്റെ തനിനിറം സഭ മനസ്സിലാക്കുകയ്യും ചെയ്തു.

പിണറായിയ്യെ ഒരു പരിധി വരെ സപ്പോര്‍ട്ടും ചെയ്യുന്നുണ്ട്. അദ്ദേഹം കാലഘട്ടത്തിന്റെ മാറ്റം നന്നായി തന്നെ മനസ്സിലാക്കുന്നുണ്ട്. അതിന്റെ പ്രതിഫലനം നമ്മുക്കു പാര്‍ട്ടിയ്യില്‍ കാണുകയ്യും ചെയ്യാം.

പിന്നെ എന്തു കൊണ്ടു V.S. നെ എതിര്‍ക്കുന്നു. V.S. ഇന്നും പഴയ ബീഡീം പരിപ്പു വടയ്യും മതി പാര്‍ട്ടിയ്യില്‍ എന്നു വാദിക്കിന്ന കൂട്ടത്തില്‍ പെട്ട ആള്‍ ആണെന്നാണു എന്റെ അഭിപ്രായം. പക്ഷെ സ്വന്തം മക്കളുടെ കര്യത്തില്‍ ഒരു Modern അച്ചനും. ആ സംഭവങ്ങളും പുറത്തു കൊണ്ട് വന്നതും ദീപിക തന്നെ ആണു. V.S. കളിച്ച പോലെ ഒരു നാലാം കിട കളി വേറെ ആരെങ്കിലും കളിച്ചിട്ടുണ്ടോ. M.V.R., Gouri Amma, മുതലായ്യവ്വര്‍ ആ കളി കളിച്ചിരുന്നെങ്കില്‍.........

വെറുതെ പറഞ്ഞന്നെ ഉള്ളൂ

അച്ചായ്യന്‍

Anonymous said...

The true nature of Catholics are reflecting in Deepika issue.

Who is this catholics?
The most undemocratic Organisation inside Democratic India isn't it?

Catholics have no shame to take money from any devil. Is it Pharis or Dawood or Togadia Money is important to catholic not from where it is coming.
(Remeber when Santiago Martin issue came up CPM decide to pay back that money and restricted its outfits from taking such money) Catholics have no shame to go for such money.

Look at the most of the prestigious Catholic Institues around the country.
How many Dalits, Backwards and poor Chirstians have a chance to study in such institutes?

Who are the products of such Catholic Institutes?
Subramanyam Swami (A RSS Swayem Sevak) kind politicians. Most of the BJP, Sangparivar Leaders Children are getting English Education in North India from Catholic Institutes.

One Bishop take the money of Pharis (from where Pharis made this money?) Another Bishop makes statments justifying such moeny

What a Shame?

"Do not store up for yourselves treasures on earth, wehre moth and rust consume and where thieves break in and steal" (Mathew 6:19)


To single out VS and attack deepika trying to praise Pinarayi Vijayan and CPM state secretary.

Public just seeing this as MADNESS, Catholic Madness. Under Pharis or Under Catholics can anybody show a single news which public accepts?

Nasrani Deepika become Deepika under Pharis and now under Chandran Kunnel Nanamillatha Deepika it will be.

From where Catholics find moeny to buy back deepika from Pharis?

Do Public have the right to know the source of Money?

Why Janayugam fund or Desabhimani Fund become an issue and Pharis' Money and Deepika's Money do not discussing anybody?

Catholics seek help from Pharis but where Pharis got money?

Catholics now buying deepika back from Pharis Where Catholics got 20Crore Money for this deal?

Do they Pay tax for this Money?

N.J ജോജൂ said...

എന്തോക്കെയാണ് കിരണ്‍ ഈ അനോനി പറയുന്നത്. മെര്‍ക്കിണ്‍സ്റ്റണ്‍ പോസ്റ്റില്‍ പ്രത്യക്ഷപ്പെട്ട അതേ അനോനി ആണെന്നു തോന്നുന്നു.

അദ്ദേഹത്തിന്റെ ആരോപണങ്ങള്‍
1.Catholics have no shame to take money from any devil.
ഇഷ്ടമില്ലാത്തച്ചി ചെയ്യുന്നതെല്ലാം കുറ്റം.
2.How many Dalits, Backwards and poor Chirstians have a chance to study in such institutes?
അന്വേഷിച്ചു നോക്കണം മിസ്റ്റര്‍. ഇക്കാലമത്രയും എത്ര നിര്‍ദ്ധനരായ കത്തോലിക്കര്‍ക്ക്, അകത്തോലിക്കര്‍ക്ക്, അക്രൈസ്തവര്‍ക്ക് ഒക്കെ സഭയുടെ സഹായം ലഭിച്ചിട്ടുണ്ടെന്ന്. ഒന്നും അറിയാന്‍ താത്പര്യപ്പെടാതെ വികാരത്തിളപ്പില്‍ വായില്‍ത്തോന്നിയ അഭിപ്രായങ്ങളും ആരോപണങ്ങളും ഉന്നയിക്കുന്നത് എന്തിനുവേണ്ടിയാണ്. ഈ വര്‍ഷമാണ് കത്തോലിക്കാസഭയുടെ പ്രൊഫഷണല്‍ സ്ഥാപനങ്ങളില്‍ നിര്‍ധനവിദ്യര്‍ത്ഥികള്‍ക്ക് സൌജന്യങ്ങള്‍ നല്‍കുന്നതായി പ്രഖ്യാപിച്ചത്. അതിനും വളരെ മുന്‍പേതന്നെ ഇതിലേ തന്നെ പലസ്ഥാപനങ്ങളിലും ഇത്തരം വിദ്യാര്‍ത്ഥികള്‍ സഭയുടെ സഹായത്തോടെ പഠിച്ചിട്ടുണ്ട്.

3.Who are the products of such Catholic Institutes?
എത്രസുന്ദരമായ ആരോപണം!!???

4.One Bishop take the money of Pharis (from where Pharis made this money?)
ഫാരിസിനെക്കുറിച്ച് എനിക്കോ താങ്കള്‍ക്കോ ഒന്നും അറിയില്ല. എന്തടിസ്ഥാനത്തിലാണ് താങ്കള്‍ ഫാരിസിനെ വെറുക്കപ്പെട്ടവനാക്കുന്നത്?

5.where Catholics find moeny to buy back deepika from Pharis?
അത് താങ്കള്‍ അറിയാന്‍ ശ്രമിക്കത്തത് കത്തോലിക്കാ സഭയുടെ കുറ്റമാണോ?

6.Do Public have the right to know the source of Money?
പൊതുജനങ്ങളെ സഭയെന്തിനു ബോധ്യപ്പെടൂത്തണം?
സഭബോധ്യപ്പെടുത്തേണ്ടത് സഭാംഗങ്ങളെയും അധികാരികളെയും മാത്രമാണ്. സഭാംഗങ്ങള്‍ക്ക് അത് ബോധ്യപ്പെട്ടിട്ടുണ്ട്. അധികാരികളെ ബോധിപ്പിച്ചിട്ടില്ലെങ്കില്‍ അവര്‍ക്ക് നിയമപരമായ നടപടികള്‍ സ്വീകരിക്കാം.
7.Why Janayugam fund or Desabhimani Fund become an issue and Pharis' Money and Deepika's Money do not discussing anybody?
അപ്പൊ അതാണു പ്രശ്നം. ദീപിക സഭയുടെ സ്വകാര്യസ്വത്തും ഫാരിസിന്റെ പണം ഫാരിസിന്റെ സ്വകാര്യസ്വത്തുമാണ്. അതിന്റെ കൈമാറ്റത്തിന് നിയമപരമായ നടപടിക്രമങ്ങളുണ്ട്. അതൊക്കെ പാലിക്കുകയും ആവശ്യമായ വിശദീകരണം അര്‍ഹതപ്പെട്ടവര്‍ക്ക് കൊടുക്കുകയും ചെയ്താല്‍ പിന്നെ വിവാദങ്ങള്‍ക്ക് അടിസ്ഥാനമില്ലല്ലോ.

8.Do they Pay tax for this Money?
അന്വേഷിക്കൂ മിസ്റ്റര്‍....ഇന്‍കം ടാക്സ് ഡിപ്പാര്‍ട്ട് മെന്റില്‍.

ഒരു സാംഗത്യവുമില്ലാതെ ഉന്നയിക്കുന്ന ആരോപണങ്ങള്‍ക്ക് മറുപടി പറയരുതാത്തതാണ്. മറ്റു പണിയൊന്നുമില്ലാത്തതുകൊണ്ടൂ മാത്രം കമന്റുന്നു.

അച്ചായ്യന്‍ said...

അല്ല ജോജു

അനോണി പറഞ്ഞതു ശരിയ്യല്ലേ. സുബ്രമണ്യം സ്വാമി (ഇദേഹം R.S.S. ആണോ?) Primary വിദ്യാഭ്യാസം നടത്തുന്ന സമയത്തു തന്നെ സഭ മനസ്സിലാക്കണം ആയിരുന്നു. ഇയ്യാള്‍ നാളെ സ്വയം സേവക് ആകും എന്നും അതുകൊണ്ടു വിദ്യാഭ്യാസം നല്‍കരുതു എന്നും.

അനോണി ചേട്ടാ, പിന്നെ സഭ നടത്തുന്ന കാരുണ്യ പ്രവര്‍ത്തനം അറിയ്യാന്‍ ത്രിശൂര്‍ മിഷന്‍ ആശുപത്രിയ്യില്‍ പോയ്യാല്‍ മതി. അല്ലെങ്കില്‍ അമലയ്യില്‍.

അച്ചായ്യന്‍

കിരണ്‍ തോമസ് തോമ്പില്‍ said...

അനോണിക്ക് ജനയുഗം ഫണ്ടിനെക്കുരിച്ച് കഴിഞഞ പോസ്റ്റില്‍ വന്ന ചര്ര്ച്ചയുടെ കലിപ്പിലാണ്. പിന്നെ അനോണിയിയേ ജനയുഗം ഫണ്ട് സംഭാവനയാണ് അത് ദേശാഭിമാനി വികസന ബോണ്ടിനേക്കാള്‍ മോശാമാണ് മറക്കേണ്ട. പിന്നെ സഭ ഫാരിസില്‍ നിന്ന് തുക ബോണ്ടായോ സംഭാവനയായി സ്വീകരിച്ചതല്ല്. മറിച്ച് ഒരു പ്രത്യേക സാഹചര്യത്തില്‍ കടം വാങ്ങിയതാണ്. അത് തിരിച്ച് കൊടുത്തിട്ട് തന്നെയാണ്‍് ഇപ്പോള്‍ ദീപിക വാങ്ങുന്നത്. പിന്നെ പണം ഫാരിസിന്റെ അടുക്കല്‍ നിന്ന് വാങ്ങുമ്പോള്‍ ഇത്രക്ക് വിവാദങ്ങള്‍ ഒന്നും ഉണ്ടായിരുന്നില്ല. മാത്രവുമല്ല ഇന്നും ഫാരിസ്ന്റെ പേരില്‍ ഒരു ക്രിമിനല്‍ കേസ് പോലും നിലവിലില്ല. സഭയും ഫാരിസുമായും ഒരു കേസു പോലുമീല്ല. എന്നാല്‍ സാന്റിയാഗോ മാര്‍ട്ടിനും സര്‍ക്കാരും തമ്മില്‍ കേസ് നടക്കുന്നു. മാര്‍ട്ടിന്‍ ഒളിവിലാണ്.

പിന്നെ ജനയുഗം ഫണ്ട് ഈര്‍ക്കിലി പാര്‍ട്ടിയയ സി.പി.ഐ. പ്രവര്‍ത്തകര്‍ സംഭാവന ചെയ്ത് പണം കൊണ്ടാണത്രെ 10 കോടി പിരിച്ചരിച്ചത് . സി.പി.എം ന് പോലും 8 കോടിയേ പിരിക്കാന്‍ കഴിഞ്ഞിട്ടുള്ളൂ അപ്പോഴാണ് 10 കോടി പുല്ലു പോലെ പിരിച്ചത്.

ഇതൊക്കെ വച്ച് നോക്കുമ്പോള്‍ ദീപികയുടെ ഫാരിസ് ഇടപാടൊക്കെ എത്ര്അയോ ഭേദം.

Marichan said...

കുറേക്കാലം മുമ്പുവരെ കേരളത്തിലെ മൂന്നാമത്തെ പത്രമായിരുന്നു ദീപിക. നൂറ്റാണ്ടിന്റെ പഴക്കമുളള തും ക്രൈസ്തവ സഭയുടെ പിന്തുണയുളളതുമായ ഒരു പത്രം നശിച്ച് നാമാവശേഷമായത് ആരുടെ കയ്യിലിരുപ്പു കൊണ്ടാണ്. ഫാരിസാണോ പത്രത്തെ നഷ്ടത്തിലാക്കിയത്?

മനോരമയും മാതൃഭൂമിയുമൊക്കെ വളര്‍ച്ചയുടെ കഥ പറഞ്ഞപ്പോള്‍ ദീപിക നഷ്ടങ്ങളില്‍ നിന്നും നഷ്ടങ്ങളിലേയ്ക്ക് കൂപ്പുകുത്തുകയായിരുന്നു. രാഷ്ട്രദീപികയും രാഷ്ട്രദീപിക സിനിമയിലെ അര്‍ദ്ധനഗ്ന ചിത്രങ്ങളുമൊന്നും ആ നഷ്ടത്തില്‍ നിന്നും കരകയറാന്‍ ദീപികയെ സഹായിച്ചില്ല.

എങ്ങനെ ദീപിക നഷ്ടത്തിലെത്തി എന്ന ചോദ്യവും ഇതൊടൊപ്പം ഉന്നയിക്കണമെന്ന് തോന്നുന്നു. ദീപികയില്‍ നിന്നും സിആര്‍എസ് നല്‍കി പറഞ്ഞുവിടപ്പെട്ട പത്രപ്രവര്‍ത്തകര്‍ക്ക് അതില്‍ എന്തെങ്കിലും പങ്കുണ്ടോ? പി പി ജെയിംസ് കേരള കൗമുദിയില്‍ കുടിയേറി എന്നല്ലാതെ, ദീപികയിലെ ഏതെങ്കിലും പത്രപ്രവര്‍ത്തകനെ അയാളുടെ പ്രൊഫഷണല്‍ മികവ് മാനിച്ച് കേരളത്തിലെ മറ്റേതെങ്കിലും പത്രമോ ചാനലോ സ്വന്തമാക്കിയോ?

ദീപികയിലെ മിസ് മാനേജ്മെന്റിനൊപ്പം പഠിക്കാനും പണിയെടുക്കാനും മെനക്കെടാത്ത ഒരുപറ്റം പത്രപ്രവര്‍ത്തക സിംഹങ്ങളും ചേര്‍ന്നാണ് ആ പത്രത്തെ ഒരു പരുവമാക്കി കൈയില്‍ കൊടുത്തത്. കേരളത്തിലെ ഏറ്റവും സമ്പന്നമായ സമുദായത്തിന്റെ പിന്‍ബലമുളള പത്രത്തിനാണ് ഈ ഗതി വന്നത് എന്നോര്‍മ്മിക്കുക.

ദീപികയുടെ തലപ്പത്ത് ഫാരിസ് എങ്ങനെയെത്തിയെന്നത് ഇന്നും ഒരു ചോദ്യചിഹ്നമാണ്. സക്കാത്തുമായി വന്നവന്‍ ഉടമയായി എന്ന പ്രകോപനപരമായ തലവാചകം മാതൃഭൂമിയെപ്പോലൊരു പത്രം എഴുതിയിട്ടും മാര്‍ വര്‍ക്കി വിതയത്തിലിനെപ്പോലുളളവര്‍ ഫാരിസിനെ പിന്തുണയ്ക്കുന്നെങ്കില്‍ കാര്യങ്ങള്‍ നാം വിചാരിക്കുന്നതിനെക്കാളും അപ്പുറമാണെന്നാണ് തോന്നുന്നത്.

Anonymous said...

>>>>>>>>>>>>>>
ഇഷ്ടമില്ലാത്തച്ചി ചെയ്യുന്നതെല്ലാം കുറ്റം.
>>>>>>>>>>>>

So you will get the right ITCHING when touch the catholics and thier dirty work isn't it?

WHERE DID CATHLOICS FIND MONEY ALL OF A SUDDEN TO BUY BACK DEEPIKA

As a reader to Deepika I have the right to Know. I as a Keralite I have the right to know.

Catholics given Deepika to Pharis because of BANKRUPTCY. How come all of a sudden 20 Crore to buy Deepika Back?


By the way POPE don't like public using CONDUM how come the Filim Deepika Printing Semi Nude Women on the cover page?



>>>>>>>>>>>>>>>>
2.How many Dalits, Backwards and poor Chirstians have a chance to study in such institutes?
അന്വേഷിച്ചു നോക്കണം മിസ്റ്റര്‍. ഇക്കാലമത്രയും എത്ര നിര്‍ദ്ധനരായ കത്തോലിക്കര്‍ക്ക്, അകത്തോലിക്കര്‍ക്ക്, അക്രൈസ്തവര്‍ക്ക് ഒക്കെ സഭയുടെ സഹായം ലഭിച്ചിട്ടുണ്ടെന്ന്.
>>>>>>>>>>>>>>>>>>>

PHOOOOOOOOO
Yes I did Check with data available. How many Dalits are Studing in Catholic Managed Self Financing Colleges for MBBS free of cost or for a lower fee structure?


DO YOU ACCEPT THE TRUTH THAT CATHOLICS HAVE TWO KIND OF CHURCH FOR THE POOR AND BACKWARD AND UPPER CLASS CHRISTIANS?

Do you wathc TV?
Last night KIRALI Shown in a Delhi Latin Catholics are worshipping in VALMIKI Temple becuase the Upper Class Catholics denying entry to their Church

>>>>>>>>>>>>>>
ഈ വര്‍ഷമാണ് കത്തോലിക്കാസഭയുടെ പ്രൊഫഷണല്‍ സ്ഥാപനങ്ങളില്‍ നിര്‍ധനവിദ്യര്‍ത്ഥികള്‍ക്ക് സൌജന്യങ്ങള്‍ നല്‍കുന്നതായി പ്രഖ്യാപിച്ചത്. അതിനും വളരെ മുന്‍പേതന്നെ ഇതിലേ തന്നെ പലസ്ഥാപനങ്ങളിലും ഇത്തരം വിദ്യാര്‍ത്ഥികള്‍ സഭയുടെ സഹായത്തോടെ പഠിച്ചിട്ടുണ്ട്.
>>>>>>>>>>>>>>>>
My friend
As every CATHOLIC you are telling LIES
READ AGAIN your own above statment
THIS YEAR CATHLIC DECLARED SPECIAL FEE FOR POOR STUDENTS

but why and how?

because of the CPM PRESSURE ISN'T IT?

and you added another line
അതിനും വളരെ മുന്‍പേതന്നെ ഇതിലേ തന്നെ പലസ്ഥാപനങ്ങളിലും ഇത്തരം വിദ്യാര്‍ത്ഥികള്‍ സഭയുടെ സഹായത്തോടെ പഠിച്ചിട്ടുണ്ട്.

are you joking?


3.Who are the products of such Catholic Institutes?
എത്രസുന്ദരമായ ആരോപണം!!???

Why?
Who is SUBRAMANYAM SWAMI?
A TRUE SWYEM SEVAK (RSS) now not inside the RSS.

Who all are studing in Catholic School in North India?

Mostly the upper class Brahins and BJP/RSS leaders and their children.

എത്രസുന്ദരമായ ആരോപണം!!???

it is not aligation but CATHOLICS ACCEPTED TRUTH ONLY.

they are the biggest educator of RSS in India

>>>>>>>>>>>>>>>
ഫാരിസിനെക്കുറിച്ച് എനിക്കോ താങ്കള്‍ക്കോ ഒന്നും അറിയില്ല. എന്തടിസ്ഥാനത്തിലാണ് താങ്കള്‍ ഫാരിസിനെ വെറുക്കപ്പെട്ടവനാക്കുന്നത്?
>>>>>>>>>>>>>>>>>

WHERE DID PHARIS MADE MONEY?
Don't you and other cathlics don't need to know that while going behind that money?

DO YOU READ BIBLE?
DID CHRIST ALLOW CATHLICS TO TAKE SUCH MONEY?
If Christ come today to Kerala Do he allow Bishop to take the money of Pharis?
Do Christ allow Cathlic to print Nudity over their publications?

>>>>>>>>>>>>>>>>
അത് താങ്കള്‍ അറിയാന്‍ ശ്രമിക്കത്തത് കത്തോലിക്കാ സഭയുടെ കുറ്റമാണോ?
>>>>>>>>>>>>>>>>
IF THIS IS NOT YOUR FRIEND IN HIS BLOG TRYING TO PEN PUSH THEN WHAT IS THE REASON OF HIS CATHOLIC BLOGS?

Why the so called Bishop forced to make public statments on Pharis?

We like to know the full story?



പൊതുജനങ്ങളെ സഭയെന്തിനു ബോധ്യപ്പെടൂത്തണം?
THEN WHY THE BISHOP WRITING IN THE NEWS PAPER SOME TRUTH (SOME LIE TOO isn't it?) ABOUT PHARIS?


>>>>>>>>>>>>
സഭബോധ്യപ്പെടുത്തേണ്ടത് സഭാംഗങ്ങളെയും അധികാരികളെയും മാത്രമാണ്.
>>>>>>>>>>>>>>>
What about Christ?
You don't need to inform him?

>>>>>>>>>>>>
അന്വേഷിക്കൂ മിസ്റ്റര്‍....ഇന്‍കം ടാക്സ് ഡിപ്പാര്‍ട്ട് മെന്റില്‍.

>>>>>>>>>>>>>>>>>

LOOK AT THE CATHOLIC BLOOD BOLING INFRONT OF TRUTH!

As a Catholic it is your privilage to know. DO YOU KNOW THE SOURCE OF THAT MONEY? DO YOU KNOW THAT YOUR CHURCH PAY TAX FOR SUCH MONEY?

കിരണ്‍ തോമസ് തോമ്പില്‍ said...

കത്തോലിക്ക സഭയെക്കുറിച്ചുള്ള ചര്‍ച്ചകള്‍ നടത്താനുള്ള പോസ്റ്റല്ല ഇത്‌. അതുകൊണ്ട്‌ തന്നെ അത്തരം ചോദ്യങ്ങള്‍ക്ക്‌ മറുപടി നല്‍കി ഈ ചര്‍ച്ച മുന്നോട്ട്‌ കൊണ്ടുപോകാന്‍ തത്പര്യമില്ല. അനോണി ആയി കമന്റുന്ന ആള്‍ക്ക്‌ എന്തും എഴുതാന്‍ ഉള്ള അവസരം എന്റെ ബ്ലോഗില്‍ നല്‍കാറുണ്ട്‌. എന്നാല്‍ അത്‌ വിഷയവുമായി ബന്ധമുള്ളതായിരിക്കണം. കത്തോലിക്ക സഭയേ വിമര്‍ശിച്ച്‌ ഞാന്‍ പല പോസ്റ്റുകളും ഇട്ടിട്ടുണ്ട്‌. ഇനിയും ഇടുകയും ചെയ്യും. അപ്പോള്‍ അതെപ്പറ്റി സംസാരിക്കുക. ഇപ്പോഴത്തെ പോസ്റ്റിന്റെ ഉദ്ദേശം അതല്ല. ദീപികയെപ്പറ്റിയാണ്‌.

അതുകൊണ്ട്‌ ദീപികയെപ്പറ്റി പരാമര്‍ശിച്ച്‌ ചോദ്യങ്ങള്‍ക്ക്‌ മറുപടി പറഞ്ഞുകൊണ്ട്‌ ചര്‍ച്ച്‌ മുന്നോട്ട്‌ പോകാം.

ഒന്നാമതായി ദീപിക സഭയുടെ പത്രമല്ല അത്‌ സമുദായത്തിന്റെ പത്രമായാണ്‌ അറിയപ്പെടുന്നത്‌. ഞാന്‍ മനസ്സിലാക്കിയിടത്തോളം ദീപിക പത്രവും രാഷ്ട്രദീപികയും വ്യത്യസ്ഥമാണ്‌. ദീപിക സഭയുടെ പത്രമായിരുന്നു എന്നാല്‍ അത്‌ രാഷ്ട്ര്ദീപിക കമ്പനി ആയപ്പോള്‍ മുതല്‍ സഭയുടെ ഹോള്‍ഡ്‌ ഇല്ലാതായി എന്ന് മാര്‍ പൌവ്വത്തില്‍ പറഞ്ഞിട്റ്റുണ്ട്‌. ഇനി ദീപിക വാങ്ങുന്ന സമുദായ അംഗങ്ങള്‍ എല്ലാവരും തന്നെ മറ്റൊരുദിനപ്പത്രവും വാങ്ങാറുണ്ട്‌. സമുദായ സംബന്ധമായ വാര്‍ത്തകള്‍ പരസ്യങ്ങള്‍ തുടങ്ങിയവക്കാണ്‌ ദീപിക ഇവര്‍ വാങ്ങുന്നത്‌. ഉദാഹരണം പറഞ്ഞാല്‍ നമ്മുടെ കൈരളി ചാനല്‍ പാര്‍ട്ടിക്കാര്‍ കാണുന്നത്‌ പോലെ. കൈരളിയില്‍ CPM ന്‌ നിയന്ത്രണമുള്ളതു പോലെ സഭക്ക്‌ ദീപികയില്‍ ഉണ്ട്‌ ( CPM പിണറായി പക്ഷത്തിന്‌ ഉള്ളത്ര ഹോള്‍ഡ്‌ സഭക്കില്ല എന്നത്‌ സത്യം)


ഫാരിസ്‌ എങ്ങനെ പണമുണ്ടാക്കി എന്ന് സഭ എങ്ങനെ അറിയാനാണ്‌. ഫാരിസിനെതിരെ ഇന്ത്യയിലോ ലോകത്തെവിടെയെങ്കിലുമോ ക്രിമിനല്‍ കേസ്‌ ഉണ്ടോ? പിന്നെ ഉണ്ട്‌ എന്ന് പറയുന്നത്‌ സിങ്കപ്പൂര്‍ കിഡ്‌ണി ഫൌണ്‍ഡേഷനുമായി ബന്ധപ്പെട്ട്‌ ഉണ്ടായിട്ടുള്ള കരാര്‍ ലംഘനക്കേസാണ്‌. അതും സിവില്‍ക്കേസാണ്‌. ദീപിക സംരക്ഷിക്കാന്‍ കത്തോലിക്കരാരും തയ്യാറാകാതിരുന്ന സാഹചര്യത്തിലാണ്‌ ഫാരിസ്‌ സഹായിച്ചത്‌. സഹായം മുഴുവന്‍ തിരിച്ചു നല്‍കുമ്പോള്‍ ദീപികയൌം ഫാരിസ്‌ തിരിച്ചു തരുന്നു. ഇതില്‍ സഭയെന്ത്‌ പിഴച്ചു. ഫാരിസ്‌ ഇപ്പോഴും സാന്റിയാഗോ മാര്‍ട്ടിന്‍ അല്ല എന്ന് മനസ്സിലാക്കുക.

ഇനി വിതയത്തില്‍ പറഞ്ഞതല്ല ശരിയെങ്കില്‍ താങ്കള്‍ക്കറിയുന്ന കാര്യങ്ങള്‍ തെളിവുകള്‍ സഹിതം അറിയിക്കൂ . അല്ലാതെ വെറുതെ വികാരം കൊള്ളരുത്‌. ഇന്നു വരെ ഒരു കമന്റും ഞാന്‍ എന്റെ പോസ്റ്റില്‍ നിന്ന് ഡിലീറ്റ്‌ ചെയ്തിട്ടില്ല. എന്നെ അതിന്‌ നിര്‍ബന്ധിക്കരുത്‌. പിന്നെ ഒന്നു കൂടി പറയാം. ENGLISH കമന്റുകള്‍ ഞാന്‍ ഈ പോസ്റ്റില്‍ ഇഷ്ടപ്പെടുന്നില്ല.

Anonymous said...

>>>>>>>>>>>
കത്തോലിക്ക സഭയെക്കുറിച്ചുള്ള ചര്‍ച്ചകള്‍ നടത്താനുള്ള പോസ്റ്റല്ല ഇത്‌. അതുകൊണ്ട്‌ തന്നെ അത്തരം ചോദ്യങ്ങള്‍ക്ക്‌ മറുപടി നല്‍കി ഈ ചര്‍ച്ച മുന്നോട്ട്‌ കൊണ്ടുപോകാന്‍ തത്പര്യമില്ല. അനോണി ആയി കമന്റുന്ന ആള്‍ക്ക്‌ എന്തും എഴുതാന്‍ ഉള്ള അവസരം എന്റെ ബ്ലോഗില്‍ നല്‍കാറുണ്ട്‌. എന്നാല്‍ അത്‌ വിഷയവുമായി ബന്ധമുള്ളതായിരിക്കണം. കത്തോലിക്ക സഭയേ വിമര്‍ശിച്ച്‌ ഞാന്‍ പല പോസ്റ്റുകളും ഇട്ടിട്ടുണ്ട്‌. ഇനിയും ഇടുകയും ചെയ്യും. അപ്പോള്‍ അതെപ്പറ്റി സംസാരിക്കുക. ഇപ്പോഴത്തെ പോസ്റ്റിന്റെ ഉദ്ദേശം അതല്ല. ദീപികയെപ്പറ്റിയാണ്‌.
>>>>>>>>>>>>


Oh,
Blog man
As a true catholic you have the full freedom to preserve and protect the croockedness of Catholics. and You have the full right to delete the postings (If you are not threatening others with such orders how could public understand the nature of Catholics?)


More than 15Years gone after Sister Abhaya RAPED and Murdered did anybody heard a Single Bishop (Why Bishop, A Single CATHOLIC) demanding a probe to find the truth?

Did you ever read in Deepika an editorial demanding a probe?


So Bloger and his colaborator can write anything about anybody but we cannot talk about Cathlics isn't it?

I DON'T UNDERSTAND HOW DO YOU SPEAK ABOUT JANAYUGAM AND DESABHIMANI without talking CPM?

Could you withdraw the lies you spread about Janayugam and CPI in your previous post before implementing your CATHLICISM on others?

കിരണ്‍ തോമസ് തോമ്പില്‍ said...

അനോനിക്ക് ഇപ്പോഴും മെര്‍ക്കിസ്റ്റണ്‍ കലിപ് തീരുന്നില്ല. അതാണ് യഥാര്‍ത്ഥ പ്രശ്നം. ദീപിക സമുദായത്തിന്റെ പത്രമാണ് അതില്‍ വരുന്ന വര്‍ത്തകള്‍ക്ക് ആ സമുദായത്തോട് ചായ്‌വ് ഉണ്ടാകും എന്നത്. എന്റെ വിഷ്റ്റ്യം ദീപികയുടെ ഏഡിറ്റോറിയല്‍ പോളിസിയില്‍ വ്യത്യാസം ഉണ്ടായി എന്ന വാദത്തെപ്പറ്റിയുള്ളാ അന്വേഷണമായിരുന്നു. സഭക്കെതിരെ ദീപിക വാര്‍ത്ത എഴുതിയിട്ടില്ല എന്നാണ് ഞാന്‍ ഈ പോസ്റ്റ്കൊന്റ് ഉദ്ദേശിച്ചത്. അല്ലാതേ ദീപിക സ്വതന്ത്ര പത്രമെന്ന് പറയാന്‍ അല്ല. ആദ്യം എന്താണ് ചര്‍ച്ച് ചെയ്യുന്നത് എന്ന്ന്‍ മനസ്സില്ലാക്കാന്‍ ശ്രമിക്കുക. അല്ലാതെ തങ്ങളുടെ വിരോധം തീര്‍ക്കാന്‍ ഈ പോസ്റ്റ് ഉപയോഗിക്കരുത്.

ജനയുഗത്തേയും ദേശാഭിമാനിയേയും കുറിച്ച് പറയെന്റി വന്നത് താങ്കള്‍ വിഷയം വഴിതിരിച്ച് വിട്ടതുകൊണ്ടാണ്. എതെ പോസ്റ്റില്‍ അങ്ങനെ ഒരു പരാമര്‍ശം പോലുമില്ല.

Anonymous said...

ഫാരിസ് മുതലാളിയുടെ കമ്പനിയെക്കുറിച്ച് നാഷനല്‍ കിഡ്നി ഫൌന്‍ഡേഷനില്‍ വാര്‍ത്ത ഉണ്ട്.

http://www.nkfs.org/news/press_19_12_05.php

Its stated that they failed to deliver projects.

കെ പി യോഹന്നാന്‍

കിരണ്‍ തോമസ് തോമ്പില്‍ said...

ഈ വാര്‍ത്തകളൊക്കെ എല്ലാ മാധ്യമങ്ങളിലും വന്നതാണ് യോഹന്നാനേ
ഫാരിസിന്റെ കമ്പനി നാഷ്ണ്‍ കിഡ്ണി ഇന്‍സ്റ്റിട്ടൂട്ടിനു വേണ്ട് ഒരു സോഫ്റ്റ്വെയര്‍ കോള്‍സെന്റര്‍ ജോലിക്കാണ് കരാര്‍ എടുത്തത്. ആ കാരാര്‍ പൂര്‍ത്തിയാക്കാന്‍ ആ കമ്പനിക്ക് കഴിഞിട്ടില്ലായിരിക്കാം . എന്നാല്‍ അതൊരു ക്രിമിനല്‍ക്കുറ്റമായി ഒന്നു രജിസ്റ്റര്‍ ചെയ്യപ്പെട്ടിട്ടില്ല. ഒരു കരാര്‍ ലംഘിച്ചു അതും സോഫ്‌റ്റ്വെയര്‍ കരാര്‍ അല്ലാതെ കിഡ്‌ണി വില്‍പ്പനയൊന്നുമല്ലല്ലോ. അപ്പോള്‍ സഭക്ക ആ മനുഷ്യന്റെ അടുത്തു നിന്ന് പോലും കടം വാങ്ങിക്കൂടേ? പിന്നെ ഫാരിസുമായി ബന്ധപ്പെട്ട് ഇന്ത്യയില്‍ നിലവൈല്‍ ഒരു കേസുപോലുമില്ല. അപ്പോള്‍ ഒരു പ്രതിസന്ധിഘട്ടത്തില്‍ ആ മനുഷ്യന്റെ സഹായം വാങ്ങിയാല്‍ തെറ്റാകുമോ

Anonymous said...

>>>>>>>>>>>>>>>

എന്താണ് ചര്‍ച്ച് ചെയ്യുന്നത് എന്ന്ന്‍ മനസ്സില്ലാക്കാന്‍ ശ്രമിക്കുക. അല്ലാതെ തങ്ങളുടെ വിരോധം തീര്‍ക്കാന്‍ ഈ പോസ്റ്റ് ഉപയോഗിക്കരുത്.
>>>>>>>>>>>>>>>>>>

My friend the simple logic
If desabhimani belongs to cpm, you can talk about santiago martin (HE IS ANOTHER CATHOLIC is that make sence?) via cpm

if you are talking about merchinston estate you can included janayougam and cpi

but we can talk about deepika not about cathlic.


>>>>>>>>>>>>>>>>>>>>
എന്റെ വിഷ്റ്റ്യം ദീപികയുടെ ഏഡിറ്റോറിയല്‍ പോളിസിയില്‍ വ്യത്യാസം ഉണ്ടായി എന്ന വാദത്തെപ്പറ്റിയുള്ളാ അന്വേഷണമായിരുന്നു. സഭക്കെതിരെ ദീപിക വാര്‍ത്ത എഴുതിയിട്ടില്ല എന്നാണ് ഞാന്‍ ഈ പോസ്റ്റ്കൊന്റ് ഉദ്ദേശിച്ചത്.
>>>>>>>>>>>>>>>


You can think anything you like
do that mean others should comment on that and they should abstain from touching the catholic unholy owner of deepika?

You open a thread with polic change on deepika IT INCLUDES THE CAUSE AND REASON OF SUCH POLICY CHANGE

and what is that?

THE UNHOLY CATHOLIC INTEFEARANCE.


it look like catholics are more nasty than any other fundamentalist outfits.

NOT YOUR POLISHED BLOGS BUT the talk on catholics bring you and your colaborators real colour out.

കിരണ്‍ തോമസ് തോമ്പില്‍ said...

ദേശാഭിമാനിയും ജനയുഗവും പാര്‍ട്ടി പത്രങ്ങളാണ്‌. ഒരു പാര്‍ട്ടിയുമായി ബന്ധപ്പെട്ട വിവാദങ്ങള്‍ ഉണ്ടാകുമ്പോള്‍ ആ പത്രത്തിന്റെ ഫണ്ട്‌ പിരിവും പ്രസക്തമാകും. എങ്ങനെയാണ്‌ നമ്മുടെ ചര്‍ച്ചകളില്‍ ഇത്‌ പൊങ്ങിവന്നത്‌. താങ്കള്‍ CPI യുടെ ചാരിത്ര ശുദ്ധിയേക്കുറിച്ച്‌ വാചാലനായപ്പോള്‍. മാര്‍ട്ടിനേയോ ജനയുഗത്തേയോ ഒന്നും ഞാന്‍ പോസ്റ്റില്‍ പരാമര്‍ശിച്ചിട്ടേ ഇല്ല.

ഇനി ദീപിക കത്തോലിക്കാ സഭയുടെ മുഖപത്രമല്ല എന്ന് ആദ്യം മനസ്സിലാക്കുക. സത്യദീപമാണ്‌ സഭ്യുടെ മുഖപത്രം. സത്യദീപത്തില്‍ ദീപികയേപ്പറ്റിയുള്ള വിമര്‍ശനങ്ങള്‍ വന്നിട്ടുണ്ട്‌. ഇത്‌ കുറേക്കൂടി വ്യക്തമാകണമെങ്കില്‍ കൈരളി ടിവിയും ദേശാഭിമാനിയും തമ്മിലുള്ള വ്യത്യാസം മനസ്സിലാക്കിയാല്‍ മതി.

Chandran said...

മൂന്നാ‍ര്‍ പൊളിക്കലിനെ ദീപിക തുടക്കം മുതല്‍ എതിര്‍ത്തത്‌ അതൊരു നിയമാനുസൃതമല്ലാത്ത, അപക്വമായ ഓപ്പറേഷന്‍ ആയതിനാലാണെന്ന് തോന്നുന്നു. ജനാധിപത്യപരമല്ലാത്ത രീതിയില്‍, നടപടിക്രമങ്ങള്‍ പാലിക്കാതെ, തിടുക്കത്തിലുള്ള തല്ലിപ്പൊളിക്കല്‍ ചീപ്പ്‌ പബ്ലിസിറ്റിമാത്രം ലക്ഷ്യമാക്കിയായിരുന്നു‍. മുന്‍ പിന്‍ നോക്കാതെ എല്ലാം നശിപ്പിക്കാനുള്ള ഉദ്യോഗസ്ഥരുടെ നീക്കത്തെ തുടക്കം മുതല്‍ ഒടുക്കം വരെ ദീപിക എതിര്‍ത്തിരുന്നതായി അവരുടെ പത്രവാര്‍ത്തകളും മുഖപ്രസംഗങ്ങളും വായിച്ചാല്‍ മനസ്സിലാക്കാം.

മറ്റൊരു കാര്യം ഇക്കാര്യത്തില്‍ ദീപികയ്ക്ക്‌ നിലപാട്‌ മാറ്റമൊന്നു‍മുണ്ടായിട്ടി‍ല്ല എന്നതാണ്. ഈ പൊളിക്കലിലും തരംതിരിവ്‌ കാണിച്ചപ്പോള്‍ ദീപിക അത് ചുണ്ടിക്കാട്ടിയിരുന്നു. മുഖ്യമന്ത്രിയുമായി അടുത്തു ബന്ധമുള്ളവരുടെ കെട്ടി‍ടങ്ങള്‍ പൊളിക്കാതിരിക്കുകയും അവര്‍ക്ക്‌ നിയമപരമായ നടപടികളിലേക്കു നീങ്ങാന്‍ അവസരമുണ്ടാക്കിക്കൊടുക്കുകയും ചെയ്തത് ദീപികയാണ് ആദ്യമായി ജനശ്രദ്ധയില്‍ കൊണ്ടുവന്നതെന്ന് തോന്നുന്നു. ചിലരുടേത്‌ പൊളിക്കുകയും മറ്റു ചിലരെ ഭദ്രമായി സംരക്ഷിക്കുകയും ചെയ്യുന്ന ഇരട്ടത്താപ്പ്‌ എടുത്തുകാട്ടു‍കയായിരുന്നു‍ പല റിപ്പോര്‍ട്ടുകളിലൂടെയും മുഖപ്രസംഗങ്ങളിലൂടെയും ദീപിക ചെയ്തത്‌.

പിന്നെ‍ പൊളിക്കലിനു കിട്ടിയ ജനപിന്തുണ ദീപികയെ ഞെട്ടി‍ച്ചു എന്ന്‍ പറയുന്നത് അക്ഷരം പ്രതി തെറ്റാണ്‌. പൊളിക്കലിനു ജനപിന്തുണയുണ്ട്‌ എന്ന് പറയുന്നതുതന്നെ തെറ്റാണെന്നാണ് ദീപിക പലപ്പോഴും ചൂണ്ടിക്കാട്ടിയത്‍. വല്ലവരുടെയുമൊക്കെ കെട്ടിടങ്ങള്‍ തകര്‍ക്കപ്പെടുന്നത് കണ്ടപ്പോള്‍ ജനക്കൂട്ടത്തിന്റെ ആ നിമിഷമുണ്ടായ ചിരി മാത്രമായിരുന്നു‍ ഈ പറഞ്ഞ ജനപിന്തുണ; ആരാന്റെ അമ്മയ്ക്കു ഭ്രാന്തു വന്നാല്‍ കാണാന്‍ നല്ല ചേല് എന്ന് പറയുന്നതുപോലെ. അതു തന്റെ നാട്ടി‍ലേക്കും വീട്ടിലേക്കും വരുന്നത് കണ്ടപ്പോള്‍, വിയര്‍പ്പുകൊണ്ട്‌ കെട്ടി‍പ്പൊക്കിയതൊക്കെ തകര്‍ക്കപ്പെടും എന്ന് തിരിച്ചറിഞ്ഞപ്പോള്‍ ജനങ്ങള്‍ പൊളിക്കലിനെതിരേ തിരിഞ്ഞില്ലേ. കോട്ടയത്തേക്കും എറണാകുളത്തേക്കും തൃശൂരിലേക്കും മലപ്പുറത്തേക്കുമൊക്കെ പൊളിക്കല്‍ വ്യാപിക്കാന്‍ തുടങ്ങിയപ്പോള്‍ തന്നെ അതിന്റെ കഥയും തീര്‍ന്നു‍.

വന്‍ ജനപിന്തുണയാണ്‌ പൊളിക്കലിനു കിട്ടി‍യതെങ്കില്‍ പിന്നെ അത്‌ എന്തേ തുടരാഞ്ഞൂ. ഈ പൊളിക്കലുകള്‍ക്ക്‌ സര്‍ക്കാര്‍ കനത്ത വില നല്‍കേണ്ടിവരുമെന്ന്, നീണ്ട നിയമയുദ്ധം വരുമെന്ന് ദീപിക പണ്ടേ ചൂണ്ടിക്കാട്ടിയിരുന്നു. അതല്ലേ ഇപ്പോള്‍ സംഭവിച്ചുകൊണ്ടിരിക്കുന്നതും?

Manu said...

well written Kiran.

Anonymous said...

>>>>>>>>>>>>>>>>>>
ഇനി ദീപിക കത്തോലിക്കാ സഭയുടെ മുഖപത്രമല്ല എന്ന് ആദ്യം മനസ്സിലാക്കുക. സത്യദീപമാണ്‌ സഭ്യുടെ മുഖപത്രം. സത്യദീപത്തില്‍ ദീപികയേപ്പറ്റിയുള്ള വിമര്‍ശനങ്ങള്‍ വന്നിട്ടുണ്ട്‌. ഇത്‌ കുറേക്കൂടി വ്യക്തമാകണമെങ്കില്‍ കൈരളി ടിവിയും ദേശാഭിമാനിയും തമ്മിലുള്ള വ്യത്യാസം മനസ്സിലാക്കിയാല്‍ മതി.
>>>>>>>>>>>>>>>>>>>

Desabhimani not the MUKAPATHRAM of CPM. Peoples Democracy in Englisha nd Chita is in malayalam the offical media of CPM.

Catholic media too work the same manner of CPM. don't try to bluff to the public on cathlics.

Not necessary Deepika or Jeevan TV to work as the only and single media of Catholic Churhc.

But who is the owner of Deepika (Nasrani Deepika) is it belongs to a cocus of Bishops and clergy's?

What was its role in Vimochana Samram?

>>>>>>>>>>>>
Chandran said...
മൂന്നാ‍ര്‍ പൊളിക്കലിനെ ദീപിക തുടക്കം മുതല്‍ എതിര്‍ത്തത്‌ അതൊരു നിയമാനുസൃതമല്ലാത്ത, അപക്വമായ ഓപ്പറേഷന്‍ ആയതിനാലാണെന്ന് തോന്നുന്നു.
>>>>>>>>>>>>>>>>>>

Are you making Jok?

An Immature media opposing Munnar drive of the govt. why?

HOW CAN LAND ENCROCHERS AND LAND BANK, LAND MAFIA'S media can oppose an encrochment demolition drive?

കിരണ്‍ തോമസ് തോമ്പില്‍ said...

ദേശാഭിമനി പാര്‍ട്ടിയുടെ മുഖപത്രം അല്ലാ എന്ന അറിവ്‌ പ്രദാനം ചെയ്തതിന് നന്ദി. അപ്പോള്‍ ദേശാഭിമനിയുടെ ക്യാപഷന്‍ ശരിയാകണം നേരറിയാന്‍ നേരത്തെ അറിയാന്‍