Thursday, September 27, 2007

ഇടയലേഖനം : തെറ്റിദ്ധരിപ്പിച്ചതില്‍ മാപ്പ്‌

കുഞ്ഞുങ്ങള്‍ കൂടണം എന്ന മംഗളം വാര്‍ത്ത കണ്ട്‌ ഞാന്‍ ഇട്ട പോസ്റ്റ്‌ തെറ്റിദ്ധാരണ പരത്തുന്നതും സത്യത്തില്‍ നിന്ന് ബഹുദൂരം അകന്നു നില്‍ക്കുന്നതുമാണ്‌ എന്ന് മനസ്സിലാക്കാന്‍ ഞാന്‍ വൈകി പോയതില്‍ നിര്‍വ്യാജം ഖേദിക്കുന്നു. ഇങ്ങനെ ഒരു കൈപ്പിഴ എനിക്ക്‌ പറ്റാന്‍ പാടില്ലായിരുന്നു. മരീചന്‍ അയച്ചു തന്ന ഇടയലേഖനത്തിന്റെ പൂര്‍ണ്ണ രൂപം താഴേക്കൊടുത്തിരിക്കുന്നു. ഈ വിഷയത്തില്‍ ശ്രീ ജോജു പറഞ്ഞ കാര്യങ്ങള്‍ ശരി വയ്ക്കുന്ന തരത്തിലാണ്‌ ഇടയലേഖനം വായിച്ചാല്‍ മനസ്സിലാകുന്നത്‌. ഇനിയെങ്കിലും മാധ്യമങ്ങളില്‍ വരുന്ന വാര്‍ത്തകള്‍ കൂടുതല്‍ അനേഷണത്തിന്‌ വിധേയമാക്കി അവതരിപ്പിക്കാന്‍ ശ്രമിക്കുമെന്ന് അറിയിക്കുന്നു. ഇങ്ങനെ ഒരു പോസ്റ്റിടാന്‍ വന്ന സാഹചര്യത്തെ മാന്യ ബ്ലോഗേഷ്‌ മനസിലാക്കും എന്ന് കരുതുന്നു. നിങ്ങളുടെ വികാരങ്ങള്‍ മറയില്ലാതെ കമന്റുകളിലൂടെ പ്രകടിപ്പിക്കണം എന്നും അപേക്ഷിക്കുന്നു.

ഇടയലേഖനം
ദൈവപരിപാലനയാല്‍ തൃശ്ശൂര്‍ അതിരൂപതയുടെ മെത്രാപ്പോലീത്തയായ ഞാന്‍ അതിരൂപതയിലെ വൈദികര്‍ക്കും സന്യസ്‌തര്‍ക്കുംദൈവജനം മുഴുവനും നമ്മുടെ കര്‍ത്താവീശോമിശിഹായുടെ കൃപയും സമാധാനവും നേരുന്നു.യേശുവില്‍ പ്രിയസഹോദരരേ, വത്സലമക്കളേ,തൃശ്ശൂരിന്റെ മെത്രാപ്പോലീത്തയായശേഷം നിങ്ങളുടെ ആത്മീയപിതാവെന്ന നിലയില്‍ ഞാന്‍ നിങ്ങള്‍ക്കെഴുതുന്ന രണ്ടാമത്തെ ഇടയ ലേഖനമാണിത്‌. കുടുംബവര്‍ഷാചരണത്തിന്റെ തുടര്‍ച്ചയായി 2007മാര്‍ച്ച്‌ 25 മുതല്‍ 2008 മാര്‍ച്ച്‌ 25 വരെ .ജീവന്റെ സമഗ്രപോഷണവര്‍ഷ..മായി ആചരിക്കുവാന്‍ കേരള കത്തോലിക്ക മെത്രാന്‍സമിതിയുടെ കീഴിലുള്ള ഫാമിലി കമ്മീഷന്‍ ആഹ്വാനം ചെയ്‌തിരുന്നു.ഇതോടനുബന്ധിച്ച്‌ നമ്മുടെ അതിരൂപതയിലെ ഫാമിലി അപ്പസ്‌തോലേറ്റിന്റെ ആഭിമുഖ്യത്തില്‍ പരിശുദ്ധ അമ്മയുടെ ജനനത്തിരുനാളായ സെപ്‌തംബര്‍ 8-ാം തീയതി .ജീവന്‍ രക്ഷാദിനമായി ആചരിക്കുന്നു.

ഇത്തരുണത്തില്‍ ജീവന്റെ മൂല്യത്തെക്കുറിച്ചും അതിനെ പരിപോഷിപ്പിക്കേണ്ടതിനെക്കുറിച്ചും നിങ്ങളെ ഉദ്‌ബോധിപ്പിക്കുവാന്‍ ഞാന്‍ ആഗ്രഹിക്കുകയാണ്‌. കുടുംബം, മനുഷ്യജീവന്‍ എന്നീ വിഷയങ്ങള്‍ക്ക്‌ കൂടുതല്‍ ഊന്നല്‍ കൊടുക്കേണ്ടത്‌ ആവശ്യമാണെന്ന്‌ എന്റെ അജപാലനശുശ്രൂഷയുടെ ആരംഭത്തില്‍ത്തന്നെ എനിക്ക്‌ ബോധ്യമായിട്ടുണ്ട്‌. മാനവവംശത്തിന്റെ നന്മ മുന്നില്‍ കണ്ടുകൊണ്ട്‌ ആധുനിക മാര്‍പ്പാപ്പമാര്‍ ഏറ്റവും ശക്തമായി പഠിപ്പിച്ചിട്ടുള്ളതും ഈ വിഷയങ്ങളാണ്‌. പോള്‍ ആറാമന്‍ പാപ്പയുടെ `മനുഷ്യജീവന്‍', ജോണ്‍ പോള്‍ രണ്ടാമന്‍ പാപ്പയുടെ `ജീവന്റെ സുവിശേഷം' എന്നീ ചാക്രികലേഖനങ്ങള്‍ വിശ്വപ്രസിദ്ധങ്ങളാണല്ലോ.ജീവന്റെ പ്രാധാന്യത്തെക്കുറിച്ചുള്ള ചിന്തകള്‍ക്കുമുമ്പേ മനുഷ്യജീവനെ കുറിച്ചുള്ള ഉത്‌കണ്‌ഠകളാണ്‌ എന്നില്‍ ആദ്യം ഉയര്‍ന്നുവരുന്നത്‌. ദൈവം മനുഷ്യനെ ഭരമേല്‌പിച്ച ഏറ്റവും വലിയസ്‌നേഹദാനമായ ജീവനോട്‌ നിരുത്തരവാദപരമായ സമീപനങ്ങള്‍ നമ്മുടെ സമൂഹത്തില്‍ പ്രബലമായിക്കൊണ്ടിരിക്കുന്നു. പ്രയോജനവാദാനുകൂല നിലപാടുകളും അവ വരുത്തിവെക്കുന്ന മരണസംസ്‌കാരവും ഉയര്‍ത്തുന്ന വെല്ലുവിളികള്‍ .ഭീതിപ്പെടുത്തുന്നവയാണ്‌.സ്വന്തം സുഖസൗകര്യങ്ങള്‍ക്ക്‌ ഉപയോഗപ്പെടാത്തവയെ തിരസ്‌കരിക്കുന്ന പ്രവണത കൂടി വരുന്നു. ഓരോ വ്യക്തിയും ഓരോ കുടുംബവും വ്യത്യസ്‌ത ദ്വീപുകളായി കഴിയുന്ന അവസ്ഥ ആഴപ്പെടുന്നു.നിരാശരുടെ എണ്ണം ഏറി വരുന്നു. ധാര്‍മികത നഷ്‌ടപ്പെട്ട്‌ പാപബോധമില്ലായ്‌മ മനുഷ്യമനസ്സുകളില്‍ വേരുറയ്‌ക്കുന്നു. ലൈംഗികതയെക്കുറിച്ചുള്ള .ഭൗതികമായ കാഴ്‌ചപ്പാടുകളില്‍ ദാമ്പത്യബന്ധത്തിന്റെ പവിത്രത ചോദ്യം ചെയ്യപ്പെടുന്നു. ജീവന്റെ സംസ്‌കാരം നല്‍കുന്ന ക്രിസ്‌തുവിന്റെ പ്രബോധനം തിരസ്‌കരിക്കുന്നവരില്‍ മരണസംസ്‌കാരം വളരുന്നുവെന്നത്‌ വേദനാജനകമാണ്‌. ഈ പശ്ചാത്തലത്തില്‍ മനുഷ്യജീവന്റെ മൂല്യത്തെക്കുറിച്ചും അതിനെതിരെയുള്ള വെല്ലുവിളികളെക്കുറിച്ചും നാം ആഴത്തില്‍ ചിന്തിക്കേണ്ടതുണ്ട്‌.വ്യാപകമാകുന്ന മദ്യപാനം, മയക്കുമരുന്ന്‌, ലൈംഗികാക്രമണങ്ങള്‍, സ്‌ത്രീപീഡനം, വേശ്യാവൃത്തി, ഗുണ്ടായിസം, ധൂര്‍ത്ത്‌, ദൃശ്യശ്രാവ്യമാധ്യമങ്ങളിലെ അശ്ലീലത, ബാലപീഡ, പരിസ്ഥിതി മലിനീകരണം തുടങ്ങിയവ മരണസംസ്‌കാരത്തിലേക്കുള്ള പല കൈവഴികളാണ്‌. ഇവ മനുഷ്യനെക്കൊണ്ടെത്തിക്കുന്നത്‌ ഗര്‍ഭഛിദ്രം, ദയാവധം, ആത്മഹത്യ, കൊലപാതകം തുടങ്ങിയ ഘോരതിന്മകളിലും എയ്‌ഡ്‌സ്‌ തുടങ്ങിയ മാറാരോഗങ്ങളിലുമാണ്‌.

ഗര്‍ഭഛിദ്രം തെറ്റാണെന്ന്‌ സഭയും ഇതരമതങ്ങളും പഠിപ്പിക്കുന്നു. രണ്ട്‌ ലോകമഹായുദ്ധങ്ങളില്‍ കൊല്ലപ്പെട്ടതിലധികം മനുഷ്യജീവന്‍ അമ്മമാരുടെ ഉദരങ്ങളില്‍ വെച്ച്‌ വര്‍ഷംതോറും നശിപ്പിക്കപ്പെടുന്നു. ജനപ്പെരുപ്പം കാരണവും സാമ്പത്തിക സാമൂഹിക സുസ്ഥിതിയെപ്രതിയും ദമ്പതിമാരുടെ സ്വാതന്ത്ര്യത്തെപ്രതിയും ആണ്‌പലരും ഗര്‍ഭഛിദ്രത്തെ അനുകൂലിക്കുന്നത്‌. ജീവനെതിരെയുള്ള ഈതിന്മയെ ഒരു കാരണംകൊണ്ടും ന്യായീകരിക്കാനാവില്ല. കേരളത്തില്‍ മാത്രം പ്രതിദിനം നൂറുകണക്കിനു കുഞ്ഞുങ്ങളാണ്‌ ഗര്‍ഭഛിദ്രത്തിലൂടെ കൊല്ലപ്പെടുന്നത്‌ എന്നത്‌ ഈ തിന്മയുടെ .ഭീകരത വെളിെപ്പടുത്തുന്നു. കഴിഞ്ഞ 50 വര്‍ഷത്തിനുള്ളില്‍ കേരളത്തിലെ ക്രൈസ്‌തവരുടെ ജനസംഖ്യ 24 ശതമാനത്തില്‍ നിന്ന്‌ 19 ശതമാനമായി കുറഞ്ഞത്‌ ഏവരുടേയും കണ്ണുതുറപ്പിക്കേണ്ടതാണ്‌. അതിനാല്‍ അമ്മയുടെ ഉദരം ജീവന്റെ സംരക്ഷണത്തിനുവേണ്ടി ദൈവം നല്‍കിയ രക്ഷാപേടകമാണ്‌ എന്ന തിരിച്ചറിവോടെ ഓരോ മനുഷ്യജീവനെയും വളര്‍ത്താന്‍ മാതാപിതാക്കന്മാര്‍ തയ്യാറാകണം.വാര്‍ദ്ധക്യമോ രോഗമോ മനുഷ്യജീവന്റെ മാഹാത്മ്യം കുറയ്‌ക്കുന്നില്ല. അതിനാല്‍ ദയാവധമല്ല, ദയാപൂര്‍വകമായ പരിപാലനമാണ്‌ ജീവന്റെ നേര്‍ക്കുള്ള ശരിയായ സമീപനം. ഏതൊരുമനുഷ്യജീവനും അതിന്റെ ഉത്ഭവനിമിഷം മുതല്‍ സ്വാഭാവികാന്ത്യംവരെ ജീവിക്കാനുള്ള അവകാശം അഭംഗുരം പാലിക്കപ്പെടണം (ജീവന്റെ സുവിശേഷം ന.60). അതിനാല്‍ സാധ്യമായ എല്ലാ മാര്‍ഗങ്ങളുമുപയോഗിച്ച്‌ ജീവനെ പരിപാലിക്കണം. വൃദ്ധരും ശാരീരിക, മാനസികരോഗികളും കുടുംബം, സമൂഹം എന്നിവരുടെ ഉത്തരവാദിത്തത്തില്‍ പരിചരിക്കപ്പെടുകയാണ്‌ വേണ്ടത്‌. ജീവിതത്തിന്റെ ഭാഗമായ സഹനത്തെ സ്വീകരിക്കാനുള്ള താല്‌പര്യക്കുറവാണ്‌ ആത്മഹത്യയിലേക്ക്‌ നയിക്കുന്നത്‌. ഒറ്റപ്പെടല്‍, പരാജയങ്ങള്‍, കുടുംബപ്രശ്‌നങ്ങള്‍, സാമ്പത്തിക ബാധ്യതകള്‍, മാനഹാനി, മാനസികപ്രശ്‌നങ്ങള്‍ തുടങ്ങിയവയാണ്‌ ആത്മഹത്യയ്‌ക്കു പ്രേരിപ്പിക്കുന്ന മുഖ്യഘടകങ്ങള്‍. ഇവയില്‍ പലതും മനുഷ്യന്‍ സ്വയംവരുത്തിവെക്കുന്നവയാണ്‌. ആത്മഹത്യ ദൈവികനിയമത്തിന്‌ എതിരാണ്‌. ജീവന്റെ അധികാരി ദൈവമാണ്‌. ജീവന്‍ നല്‍കുന്ന ദൈവത്തിനു മാത്രമെ ജീവനെ തിരിച്ചെടുക്കാനുള്ള അധികാരമുള്ളൂ. ആത്മഹത്യ പ്രകൃതിനിയമത്തിനും എതിരാണ്‌. പ്രകൃതിയിലേക്ക്‌ ഒന്നുനോക്കൂ. സ്വന്തം ജീവനെ പക്ഷിമൃഗാദികള്‍ നശിപ്പിക്കുന്നില്ലല്ലോ.മനുഷ്യനെ സംബന്ധിച്ചും ഇതു തന്നെയാണ്‌ പ്രകൃതി നല്‍കുന്ന പാഠം. വിശ്വാസത്തിന്റെയും പ്രത്യാശയുടെയും വെളിച്ചത്തില്‍ ജീവിതപ്രശ്‌നങ്ങളെ പരിഹരിക്കാന്‍ സാധിക്കാത്തതാണ്‌ മനുഷ്യനെ പലപ്പോഴും ആത്മഹത്യയിലേക്ക്‌ നയിക്കുന്നത്‌. പ്രതിസന്ധികളില്‍ ഉഴലുന്നവരെ സൗഹൃദത്തിലൂടെയും പ്രോത്സാഹനത്തിലൂടെയും സഹായങ്ങളിലൂടെയും പ്രാര്‍ത്ഥനയിലൂടെയും ആത്മഹത്യയില്‍ നിന്ന്‌ പിന്തിരിപ്പിക്കാന്‍ സാധിക്കണം.കൊലപാതകങ്ങളും ക്രൂരകൃത്യങ്ങളും ഇന്ന്‌ ഏറെ വര്‍ദ്ധിച്ചിരിക്കുന്നു. ഇവ തൊഴിലാക്കിയവരുമുണ്ട്‌ എന്നത്‌ മനസാക്ഷിയെ ഞെട്ടിപ്പിക്കുന്നതാണ്‌. സമൂഹത്തില്‍ വ്യാപകമായിക്കൊണ്ടിരിക്കുന്ന `ഗുണ്ടായിസം'ഈ തിന്മയുടെ വ്യാപ്‌തി വിളിച്ചറിയിക്കുന്നു. അസൂയ, സ്വാര്‍ത്ഥത, അത്യാഗ്രഹം, അധ്വാനിക്കാതെ പണമുണ്ടാക്കാനുള്ള വ്യഗ്രത, നീതിയുടെ അവഗണന എന്നിവയാണ്‌ അക്രമങ്ങളിലേക്കും കൊലപാതകങ്ങളിലേക്കും പലപ്പോഴും നയിക്കുന്നത്‌. .കൊല്ലരുത്‌.എന്ന ദൈവകല്‌പനയുടെ നഗ്നമായ ലംഘനമാണ്‌ ഇതെല്ലാം. മരണസംസ്‌കാരത്തിന്റെ വളര്‍ച്ചയാണ്‌ ഇത്തരം പ്രവണതകള്‍ കാണിച്ചുതരുന്നത്‌.മരണസംസ്‌കാരത്തിലേക്ക്‌ നയിക്കുന്ന സാമൂഹിക സാഹചര്യങ്ങളും ഇന്ന്‌ വളര്‍ന്നു- ക്കൊണ്ടിരിക്കുകയാണ്‌. ചെയ്യുന്നതെല്ലാം ലാഭത്തിനു വേണ്ടിയും പറയുന്നതെല്ലാം പരസ്യത്തിനു വേണ്ടിയും എന്ന നിലയിലേക്ക്‌ സമൂഹം മാറുന്നു.

സമ്പത്തിന്റെ ദുരുപയോഗംപ്രത്യക്ഷമായും പരോക്ഷമായും സമൂഹത്തെ തിന്മയിലേക്കു നയിക്കുന്നു. സമ്പത്തു കൂടുതലുള്ളവര്‍ ആഘോഷങ്ങളും ആഢംബരങ്ങളും വര്‍ദ്ധിപ്പിക്കുമ്പോള്‍ മറ്റുപലരിലും അത്‌ അന്ധമായ അനുകരണങ്ങള്‍ക്കും അസൂയയ്‌ക്കും കാരണമാകുന്നു. കവര്‍ച്ചകള്‍ക്കും കൊലപാതകങ്ങള്‍ക്കുംവരെ ഈ പ്രവണതകള്‍ ഇടയാക്കുന്നുണ്ട്‌.സ്വസഹോദരനായ ആബേലിനെതിരെ തന്റെ ഉള്ളില്‍ കായേന്‍ വളര്‍ത്തിയ അസൂയ അദ്ദേഹത്തെ കൊണ്ടെത്തിച്ചത്‌ ജീവനുനേരെയുള്ള കയ്യേറ്റത്തിലാണ്‌ എന്ന്‌ വിശുദ്ധ ഗ്രന്ഥംതന്നെ സാക്ഷിക്കുന്നു.സമ്പത്തും സുഖസൗകര്യങ്ങളും പങ്കുവെയ്‌ക്കാനുള്ള വിമുഖതയാണ്‌ മക്കളുടെ എണ്ണം കുറയ്‌ക്കാന്‍ പലരേയും പ്രേരിപ്പിക്കുന്നത്‌. ജീവന്റെ സമൃദ്ധിയിലാണ്‌ യഥാര്‍ത്ഥ അഭിവൃദ്ധി എന്ന്‌ മനസ്സിലാക്കണം. ആഢംബരങ്ങളേക്കാള്‍ ജീവന്‌ മുന്‍ഗണന നല്‍കാന്‍ തയ്യാറാകണം. സുഖസൗകര്യങ്ങള്‍, ഭവനങ്ങള്‍, ആഘോഷങ്ങള്‍ എന്നിവ ഒരുക്കുന്നതില്‍ മിതത്വം പാലിക്കാനും ആഢംബരങ്ങള്‍ക്കും ധൂര്‍ത്തിനും ഉപയോഗിക്കുന്ന ധനം ജീവന്റെ പോഷണത്തിനായി കുട്ടികള്‍, നിരാലംബര്‍, രോഗികള്‍, അനാഥര്‍ എന്നിവര്‍ക്കു വേണ്ടി നീക്കിവെക്കാനും ഞാനാഹ്വാനം ചെയ്യുന്നു.മേല്‍പ്രസ്‌താവിച്ച വസ്‌തുതകള്‍ നമ്മുടെ സമൂഹത്തില്‍ ജീവന്റെ സംസ്‌കാരം വളര്‍ത്തേണ്ടതിന്റെ ആവശ്യകത കൂടുതല്‍ സ്‌പഷ്‌ടമാക്കുന്നു. അതിനുള്ള കൂട്ടായ ചിന്തകള്‍ക്കും പരിശ്രമങ്ങള്‍ക്കും നിങ്ങളേവരേയും ഞാന്‍ ക്ഷണിക്കുകയാണ്‌.ജീവിതത്തില്‍ ലക്ഷ്യബോധം നഷ്‌ടപ്പെടുന്നതാണ്‌ ജീവന്റെ സംസ്‌കാരത്തിന്‌ പ്രധാന .ഭീഷണിയായിരിക്കുന്നത്‌. അതുകൊണ്ട്‌ ജീവിതലക്ഷ്യത്തെക്കുറിച്ച്‌ ക്രൈസ്‌തവവിശ്വാസത്തിലധിഷ്‌ഠിതമായ ഉത്തമബോധ്യം പകര്‍ന്നു കൊടുക്കാന്‍ ഏവരെയും ഞാന്‍ ഉദ്‌ബോധിപ്പിക്കുന്നു.ജീവിക്കുന്നതെന്തിനാണ്‌ എന്നചോദ്യത്തിനു ഇന്ന്‌ മനുഷ്യന്‍ നല്‍കുന്ന ഉത്തരം പലവിധത്തിലാകും. .സുഖിക്കാനായി ജനിച്ചവര്‍, സഹിക്കാനായി ജനിച്ചവര്‍ . എന്നൊക്കെ ചിന്തിക്കുന്നവര്‍ക്ക്‌ ആറടിമണ്ണിനപ്പുറം ജീവിതമില്ല. ഈ ഭൂമിയില്‍ കഴിയാവുന്നിടത്തോളം സുഖം തേടണമെന്നുള്ളവര്‍ക്ക്‌ ധാര്‍മികതയും സനാതനമൂല്യങ്ങളും പ്രശ്‌നമല്ലപോലും. നിരീശ്വരവാദത്തിനു പിടിച്ചു നില്‌ക്കണമെങ്കില്‍ മനുഷ്യനെ ജഡികതയിലും ഭൗതികതയിലും ഒതുക്കി നിറുത്തണം. അങ്ങനെയുള്ളവരുടെ ലക്ഷ്യം ഭൂമിയിലെ സ്വര്‍ഗം മാത്രമാണ്‌. എന്നാല്‍..പിതാവിന്റെ ഭവനത്തില്‍..- സ്വര്‍ഗ്ഗത്തില്‍ എത്തിച്ചേരലാണ്‌ യഥാര്‍ത്ഥ ലക്ഷ്യമെന്ന്‌ യേശു വ്യക്തമാക്കി. ..വഴിയും സത്യവുംജീവനുമായി.. (യോഹ. 14:6) വന്ന അവിടുന്ന്‌ പുനരുത്ഥാനത്തിലേക്കാണ്‌ മനുഷ്യനെ നയിക്കുന്നത്‌. യേശു പറഞ്ഞു: ..ഞാന്‍ പോയി സ്ഥലമൊരുക്കിക്കഴിയുമ്പോള്‍ നിങ്ങളേയും കൂട്ടിക്കൊണ്ടുപോകാന്‍ വരും.

ഞാന്‍ ആയിരിക്കുന്നിടത്ത്‌ നിങ്ങളും ആയിരിക്കും. (യോഹ.14:3).ഉല്‍പ്പത്തിവിവരണത്തിലൂടെ മനുഷ്യജീവനെക്കുറിച്ച്‌ വിശുദ്ധഗ്രന്ഥം നല്‌കുന്ന പാഠം ജീവന്റെ ഉറവിടവും ലക്ഷ്യവും ദൈവമാണ്‌ എന്നാണ്‌. മനുഷ്യനെ ദൈവം സൃഷ്‌ടിച്ച്‌ സൃഷ്‌ടികളുടെ മകുടമായി നിയോഗിച്ചത്‌ പ്രത്യേകവിധമാണ്‌. തന്റെ ജീവശ്വാസം പകര്‍ന്നുകൊടുത്താണ്‌ അവന്‌ ദൈവം ഉയിരേകിയത്‌ (ഉല്‍പ. 2:7). ദൈവത്തിന്റെ ഛായയിലും സാദൃശ്യത്തിലുമാണ്‌ മനുഷ്യന്‍ സൃഷ്‌ടിക്കപ്പെട്ടത്‌ (ഉല്‍പ. 1:26). പെരുകി വര്‍ദ്ധിക്കാനും ഭൂമിയെ കീഴടക്കാനുംവേണ്ടി സര്‍വ്വജീവജാലങ്ങളുടേയുംമേല്‍ ദൈവം അവന്‌ അധികാരവും നല്‌കി (ഉല്‍പ. 1:28). എന്നാല്‍ മനുഷ്യനു ദൈവം നല്‍കിയഏറ്റവും വലിയ ദാനമായ ജീവനും സ്വാതന്ത്ര്യവും സ്വാര്‍ത്ഥതയാല്‍മനുഷ്യന്‍ നശിപ്പിച്ച ചരിത്രമാണ്‌ പിന്നീട്‌ കാണുക. ആദിമാതാപിതാക്കന്മാര്‍ ദൈവഹിതത്തിന്‌ എതിരുനിന്നപ്പോള്‍ പാപവും മരണവും ലോകത്തിലേക്കു പ്രവേശിച്ചു.നഷ്‌ടപ്പെട്ട പറുദീസയും നിത്യജീവനും തിരികെ നല്‍കി രക്ഷിക്കാന്‍ ദൈവം മനുഷ്യനായതുതന്നെ മനുഷ്യജീവന്‌ ദൈവം നല്‍കുന്ന പ്രാധാന്യത്തെ കൂടുതല്‍ ബോധ്യപ്പെടുത്തുന്നു. രക്ഷകനായി യേശുവന്നത്‌ നമുക്ക്‌ .ജീവനുണ്ടാകാനും അത്‌ സമൃദ്ധമായി ഉണ്ടാകാനുമാണ്‌.(യോഹ. 10:10). മരണത്തെ മറികടക്കുന്ന ജീവന്റെ സംസ്‌കാരത്തിലേക്കാണ്‌ യേശു മനുഷ്യനെ നയിക്കുന്നത്‌. അവിടുന്ന്‌ പറഞ്ഞു:..ഞാന്‍ പുനരുത്ഥാനവും ജീവനുമാകുന്നു. എന്നില്‍ വിശ്വസിക്കുന്നവന്‍ ഒരിക്കലും മരിക്കുകയില്ല.. (യോഹ. 11:25). മനുഷ്യജീവനെഅമര്‍ത്യമാക്കുന്നതിന്‌ .ജീവന്റെ അപ്പമായി (യോഹ. 6:35),. ജീവന്റെ വചനമായി (യോഹ. 6:63,68), .ജീവന്റെ പ്രകാശമായി (യോഹ. 8:12) ജീവജലമായി (യോഹ. 4:14) .ജീവാത്മാവായി (യോഹ.7:39; 16:7) യേശു തന്നെത്തന്നെ സഭയിലൂടെ ഇന്നും നല്‍കികൊണ്ടിരിക്കയാണ്‌. അതിനാല്‍, മരിക്കുന്നതിനുവേണ്ടിയല്ല, ജീവിക്കുന്നതിനു വേണ്ടിയാണ്‌ദൈവം മനുഷ്യനെ സൃഷ്‌ടിച്ചത്‌ (ജ്ഞാനം 1: 13-14; 2:23) എന്ന സത്യം ജീവനോടുള്ള നമ്മുടെ സമീപനങ്ങളെ ഭരിക്കുകയും നയിക്കുകയും വേണം.വി.ഗ്രന്ഥം നമ്മെ പഠിപ്പിക്കുന്നു: .ഇതാ ഇന്നു ഞാന്‍ നിന്റെ മുമ്പില്‍ ജീവനും മരണവും നന്മയും തിന്മയും വച്ചിരിക്കുന്നു..... നീയും നിന്റെ സന്തതികളും ജീവിക്കേണ്ടതിനു ജീവന്‍ തെരഞ്ഞെടുക്കുക. (നിയമ.30:15-19). ജറെമിയ പ്രവാചകനിലൂടെ ദൈവം പറയുന്നു: മാതാവിന്റെ ഉദരത്തില്‍ നിനക്കു രൂപം നല്‍കുന്നതിനുമുന്‍പേ ഞാന്‍ നിന്നെ അറിഞ്ഞു. ജനിക്കുന്നതിനുമുന്‍പേ ഞാന്‍ നിന്നെ വിശുദ്ധീകരിച്ചു..(ജെറ.1:4-5). അതിനാല്‍ ദൈവത്തിനല്ലാതെ മറ്റാര്‍ക്കും ജീവനില്‍ അധികാരമില്ല. മാതാപിതാക്കന്മാരും കുടുംബവും സമൂഹവും ജീവന്റെ ഉടമസ്ഥരല്ല, സൂക്ഷിപ്പുകാരും സംരക്ഷകരും പരിപോഷകരും മാത്രമാണ്‌. ഭ്രൂണാവസ്ഥയിലായാലും, മാറാരോഗമോ അംഗവൈകല്യമോഉള്ളതായാലും ദൈവത്തിന്റെ ഛായയും സാദൃശ്യവും ഉള്‍ക്കൊള്ളുന്നതുകൊണ്ട്‌ മനുഷ്യജീവന്‍ അമൂല്യമാണ്‌. .കൊല്ലരുത്‌. എന്ന കല്‌പന നല്‍കി ജീവന്റെ സംരക്ഷണം ദൈവം ഉറപ്പുവരുത്തുന്നു (പുറ.20:14; നിയമാ. 5:17). ജീവന്റെ സുവിശേഷം പ്രസംഗിക്കുകയും ജീവിക്കുകയും ചെയ്യേണ്ട ശ്രീകോവിലാണ്‌ കുടുംബം എന്ന്‌ ദിവംഗതനായ പോള്‍ ആറാമന്‍ പാപ്പ `മനുഷ്യജീവന്‍' എന്ന ചാക്രികലേഖനത്തിലൂടെ നമ്മെ ഓര്‍മപ്പെടുത്തുന്നു.പ്രിയ മാതാപിതാക്കന്മാരേ, നിങ്ങളെ പ്രത്യേകം ഞാനോര്‍മിപ്പിക്കുന്നു: ദമ്പതികള്‍ പരസ്‌പരം നല്‍കുന്ന ദാനത്തിന്‌ ദൈവം നല്‍കുന്ന അനുഗ്രഹമാണ്‌ മക്കള്‍. ഓരോ ശിശുവും ദാനവും വാഗ്‌ദാനവും സാധ്യതയുമാണ്‌. ദൈവികപ്രവര്‍ത്തനങ്ങള്‍ക്ക്‌ നിങ്ങള്‍ അതിരുകല്‌പിക്കരുത്‌; എതിരു നില്‍ക്കുകയുമരുത്‌.നമ്മുടെ സമൂഹത്തിന്റെ എല്ലാതലങ്ങളിലും വിശിഷ്യ കുടുംബം, കുടുംബകൂട്ടായ്‌മ, മതബോധനം, യുവജനം, ആതുരസേവനരംഗങ്ങള്‍ എന്നീ തലങ്ങളില്‍, ജീവന്റെ സംസ്‌കാരം വളര്‍ത്തുന്നതിനുള്ളപരിശ്രമങ്ങള്‍ വിജയിപ്പിക്കണം. ദൈവഹിതത്തോടുള്ള വിധേയത്വമാണ്‌ ജീവന്റെ സംസ്‌കാരം വളര്‍ത്തുന്നതിന്റെ അടിസ്ഥാനം. ദൈവഹിതം മനസ്സിലാക്കാനും പകര്‍ന്നുകൊടുക്കാനും ആഴമേറിയ പ്രാര്‍ത്ഥനാജീവിതത്തിന്റെ മൂലധനം ആവശ്യമാണ്‌.

ദൈവാലയങ്ങളിലും സന്യാസ.ഭവനങ്ങളിലും കുടുംബങ്ങളിലും വ്യക്തിപരമായും പൊതുവായും ജീവസംരക്ഷണത്തിനുള്ള നിയോഗം വച്ച്‌ പ്രാര്‍ത്ഥനകള്‍ നടത്തണം. ഉപവാസം, മധ്യസ്ഥപ്രാര്‍ത്ഥനകള്‍ എന്നിവ കൊണ്ട്‌ജീവന്‍സംരക്ഷണ ശുശ്രൂഷകളെ സമ്പന്നമാക്കണം. 2007 സെപ്‌തംബര്‍ 8-ാം തീയതി എല്ലാ ഇടവകകളിലും .ജീവന്‍ രക്ഷാദിന.(Pro-Life Dayമായി ആചരിക്കുവാന്‍ ഞാന്‍ ആഹ്വാനം ചെയ്യുന്നു. ഇടവകകള്‍ തോറും പ്രോ-ലൈഫ്‌ യൂണിറ്റുകള്‍ സ്ഥാപിച്ച്‌ അംഗങ്ങളെ ചേര്‍ത്ത്‌ ജീവന്‍ രക്ഷാ പദ്ധതികള്‍ ശക്തിപ്പെടുത്തണം. ഇടവകകള്‍, സ്‌ക്കൂളുകള്‍, ആശുപത്രികള്‍, പൊതുസ്ഥലങ്ങള്‍ എന്നിവയെ ബന്ധിപ്പിച്ചുകൊണ്ടുള്ള ജീവന്‍രക്ഷാ ബോധവല്‌ക്കരണയാത്രകള്‍ നടത്തണം. പഠനശിബിരങ്ങള്‍, പ്രദര്‍ശനങ്ങള്‍, സെമിനാറുകള്‍ എന്നിവ സംഘടിപ്പിച്ച്‌ ജനങ്ങള്‍ക്ക്‌ കാര്യക്ഷമമായ ബോധവല്‌ക്കരണം നല്‍കണം. കൂടുതല്‍ മക്കളുള്ള മാതാപിതാക്കന്മാരെ സഹായിക്കുകയും ആദരിക്കുകയും വേണം.ജീവന്റെ സംസ്‌കാരം വളര്‍ത്താനുള്ള കടമയെ കുറിച്ച്‌ ഒരിക്കല്‍ കൂടി ഞാന്‍ ഓര്‍മപ്പെടുത്തുന്നു. മാതാപിതാക്കന്മാര്‍, ആരോഗ്യപാലകര്‍, വിദ്യാഭ്യാസപ്രവര്‍ത്തകര്‍, വൈദികര്‍, സമര്‍പ്പിതര്‍ എന്നിവര്‍ ജീവനെ സവിശേഷമായ വിധം കൈകാര്യം ചെയ്യുന്നവരാണല്ലോ.ആഴമേറിയ പ്രാര്‍ത്ഥനാജീവിതം, ഉത്തരവാദിത്വബോധം, ത്യാഗാരൂപി, ആത്മദാനം, സംലഭ്യത, ഐക്യദാര്‍ഢ്യം, മിതത്വം എന്നീ മൂല്യങ്ങളിലധിഷ്‌ഠിതമായ ജീവിതശൈലി നിങ്ങളുടെ പ്രവര്‍ത്തനങ്ങളെ അനുഗ്രഹദായകവും ഫലപ്രദവും ആക്കും. ആരോഗ്യപരിപാലനരംഗത്ത്‌ വര്‍ത്തിക്കുന്ന ഡോക്‌ടര്‍മാരും നേഴ്‌സുമാരും ആശുപത്രി അധികൃതരും ജീവനെ ഒരിക്കലും നശിപ്പിക്കാതിരിക്കാന്‍ അതീവ ശ്രദ്ധാലുക്കളായിരിക്കണം.നമ്മുടെ അതിരൂപതയുടെ ഫാമിലി അപ്പോസ്‌തലേറ്റ്‌ സെന്ററിന്റെ കീഴിലുള്ള കുടുംബകൂട്ടായ്‌മ, മാതൃസംഘം, പ്രോലൈഫ്‌ മൂവ്‌മെന്റ്‌ തുടങ്ങിയ പ്രസ്ഥാനങ്ങള്‍ ജീവന്റെ മൂല്യം പ്രചരിപ്പിക്കാനുംജീവനെതിരെയുള്ള വെല്ലുവിളികള്‍ നേരിടുവാനും അനേകം പരിപാടികള്‍ ആസൂത്രണം ചെയ്‌ത്‌ നടപ്പിലാക്കിക്കൊണ്ടിരിക്കുകയാണ്‌.അവരെയും ജീവന്റെ പോഷണത്തിനായി യത്‌നിക്കുന്ന സര്‍വ്വരേയും ഞാന്‍ പ്രത്യേകം അഭിനന്ദിക്കുകയും ആശീര്‍വദിക്കുകയും ചെയ്യുന്നു. ഫാമിലി അപ്പോസ്‌തലേറ്റ്‌ സെന്ററുമായി സഹകരിച്ച്‌ ഇനിയും കൂടുതല്‍പേര്‍ ജീവന്റെ ശുശ്രൂഷയ്‌ക്കായി കടന്നുവരട്ടെയെന്ന്‌ ഞാന്‍പ്രാര്‍ത്ഥിക്കുന്നു.ജീവന്‍ സമൃദ്ധമായി നല്‍കാന്‍ വന്ന യേശുനാഥന്റെ വചനങ്ങള്‍ നമ്മുടെ പ്രവര്‍ത്തനങ്ങള്‍ക്ക്‌ മാര്‍ഗദീപമായിരിക്കട്ടെ. ജീവന്‍രക്ഷിക്കാനുള്ള എല്ലാ ഉദ്യമങ്ങളെയും ശുശ്രൂഷകളെയും നമുക്ക്‌പ്രോത്സാഹിപ്പിക്കാം.

പിതാവിന്റെയും + പുത്രന്റെയും + പരിശുദ്ധാത്മാവിന്റെയും+ നാമത്തില്‍ നിങ്ങളേവരേയും ഞാന്‍ ആശീര്‍വദിക്കുന്നു.എന്ന്‌സ്‌നേഹപൂര്‍വം,മാര്‍ ആന്‍ഡ്രൂസ്‌ താഴത്ത്‌തൃശ്ശൂര്‍ അതിരൂപതാ മെത്രാപ്പോലീത്ത

49 comments:

കിരണ്‍ തോമസ് തോമ്പില്‍ said...

കുഞ്ഞുങ്ങള്‍ കൂടണം എന്ന മംഗളം വാര്‍ത്ത കണ്ട്‌ ഞാന്‍ ഇട്ട പോസ്റ്റ്‌ തെറ്റിദ്ധാരണ പരത്തുന്നതും സത്യത്തില്‍ നിന്ന് ബഹുദൂരം അകന്നു നില്‍ക്കുന്നതുമാണ്‌ എന്ന് മനസ്സിലാക്കാന്‍ ഞാന്‍ വൈകി പോയതില്‍ നിര്‍വ്യാജം ഖേദിക്കുന്നു. ഇങ്ങനെ ഒരു കൈപ്പിഴ എനിക്ക്‌ പറ്റാന്‍ പാടില്ലായിരുന്നു. മരീചന്‍ അയച്ചു തന്ന ഇടയലേഖനത്തിന്റെ പൂര്‍ണ്ണ രൂപം താഴേക്കൊടുത്തിരിക്കുന്നു. ഈ വിഷയത്തില്‍ ശ്രീ ജോജു പറഞ്ഞ കാര്യങ്ങള്‍ ശരി വയ്ക്കുന്ന തരത്തിലാണ്‌ ഇടയലേഖനം വായിച്ചാല്‍ മനസ്സിലാകുന്നത്‌. ഇനിയെങ്കിലും മാധ്യമങ്ങളില്‍ വരുന്ന വാര്‍ത്തകള്‍ കൂടുതല്‍ അനേഷണത്തിന്‌ വിധേയമാക്കി അവതരിപ്പിക്കാന്‍ ശ്രമിക്കുമെന്ന് അറിയിക്കുന്നു. ഇങ്ങനെ ഒരു പോസ്റ്റിടാന്‍ വന്ന സാഹചര്യത്തെ മാന്യ ബ്ലോഗേഷ്‌ മനസിലാക്കും എന്ന് കരുതുന്നു. നിങ്ങളുടെ വികാരങ്ങള്‍ മറയില്ലാതെ കമന്റുകളിലൂടെ പ്രകടിപ്പിക്കണം എന്നും അപേക്ഷിക്കുന്നു.

വക്കാരിമഷ്‌ടാ said...

പത്രങ്ങളെ നാഴികക്ക് ഇരുപത്തിരണ്ട് വട്ടം ചീത്ത പറയുന്ന സ്വഭാവക്കാരനായ ഞാനും ഇതൊരു പത്രവാര്‍ത്തയാണ്, ശരിയ്ക്കും ഇങ്ങിനെ തന്നെയാണോ എന്നൊന്നറിയുക കൂടി വേണം എന്ന് ചിന്തിച്ചില്ല എന്നത് എന്റെയും പിഴ.

ഏതെങ്കിലും രാജ്യത്ത് ഏതെങ്കിലും ഒരു മതം അവരുടെ മതങ്ങളിലെ ജനസംഖ്യ മാത്രം കൂട്ടണം എന്ന്, മറ്റ് സാമൂഹ്യ യാഥാര്‍ത്ഥ്യങ്ങള്‍ കാണ്ടില്ലെന്ന് നടിച്ച്, അവരുടേതായ മാത്രം രീതിയിലുള്ള ആഹ്വാനങ്ങള്‍ നടത്തുന്നതിനോട് യോജിക്കാത്തപ്പോള്‍ തന്നെ ഈ പ്രത്യേക വിഷയത്തില്‍ മംഗളം വാര്‍ത്തയെ മാത്രം അടിസ്ഥാനമാക്കി പ്രതികരിച്ചതിന് ഞാനും മാപ്പ് ചോദിക്കുന്നു. ഒപ്പം തന്നെ തെറ്റ് തിരുത്താന്‍ കിരണ്‍ കാണിച്ച ആര്‍ജ്ജവത്തെ അഭിനന്ദിക്കുകയും ചെയ്യുന്നു. ഇന്നത്തെ കാലത്ത് വളരെയധികം ആള്‍ക്കാരില്‍ കാണാത്ത ഒരു ഗുണമാണ് തെറ്റാണെന്ന് മനസ്സിലായാല്‍ പോലും അത് അഗീകരിക്കാനുള്ള മടി.

ഇനി ഇടയലേഖനം വായിക്കട്ടെ :)

ഉണ്ണിക്കുട്ടന്‍ said...

കിരണിന്റെ "കുഞ്ഞുങ്ങള്‍ കൂടണം" എന്ന പോസ്റ്റ് വായിച്ചവരെല്ലാം മരിചന്റെ ഈ കമന്റും വായിച്ചിരിക്കുമല്ലോ.. പിന്നെന്തിനാണ്‌ ഈ പോസ്റ്റ്..? ആവശ്യമില്ലായിരുന്നു.

N.J ജോജൂ said...

എന്നാലും കിരണിനു തന്നെ ഈ ഗതി വന്നല്ലോ.

ആദ്യം വാര്‍ത്തയിടുക...പിന്നെ തെറ്റാണെന്നറിഞ്ഞാല്‍ ഒരു തിരുത്തുകൊടുക്കുക. ഇത് ആരുടെ പരിപാടിയാണെന്നാണ് പറഞ്ഞത്?? (തമാശയാണേ..)

മാധ്യമപ്രവര്‍ത്തകരുടെ ബുദ്ധിമുട്ടുമനസിലായി കാണുമല്ലോ?

കിരണ്‍ തോമസ് തോമ്പില്‍ said...

ജോജു ശരിക്കും പെട്ടു പോയി. ഉണ്ണിക്കുട്ടാ ഇതെങ്കിലും വേണം ആരെങ്കിലും ആ കമന്റെ വായിക്കാത്തവരുണ്ടെങ്കില്‍ അവരും സത്യം അറിയണം.

Marichan said...

ഇടയലേഖനം വായിച്ചു നോക്കാമായിരുന്നിട്ടും, പ്രകോപനപരമായ കമന്റിട്ടതില്‍ മാരീചന്റെ വക മാപ്പ്. സ്വന്തം തലക്കിട്ടും വല്ലപ്പോഴും രണ്ടെണ്ണം കിട്ടുന്നത് നല്ലതു തന്നെ. കിരണിന്റെ ആര്‍ജവത്തിന് അഭിനന്ദനങ്ങള്‍.

ദില്‍ബാസുരന്‍ said...

ഏതാ ഇങ്ങനെ വാര്‍ത്ത വന്ന പത്രം? വാര്‍ത്തയുടെ ലിങ്ക് കിട്ടുമോ? (ആ പത്രാധിപര്‍ക്കൊരു നല്ല ഈ മെയില്‍ വിട്ട് അനുമോദിക്കാനാ. ലവന് ഒരു ഈ മെയില്‍ വിട്ടില്ലെങ്കില്‍ പിന്നെ ഈ മെയില്‍ കൊണ്ട് എന്താ ഉപകാരം?)

കിരണ്‍ തോമസ് തോമ്പില്‍ said...

പത്രം മംഗളം വാര്‍ത്ത ഇവിടേ

Radheyan said...

ഞാന്‍ കമന്റിയത് കിരണ്‍ന്റെ പോസ്റ്റിനായതിനാല്‍ എന്റെ പേരില്‍ കുറ്റമില്ല ഹഹഹ.

പണ്ട് എനിക്കും പറ്റി ഒന്ന്-ഒരുത്തന്‍ മക്കയില്‍ കയറി എന്ന വിഷയത്തില്‍.

സിമി said...

സാരമില്ല, ഇത്തവണത്തേയ്ക്ക് വെറുതേ വിട്ടേക്കുന്നു.

മാവേലി കേരളം said...

കിരണ്‍ തോമസ്

താങ്കള്‍ ‍മംഗളത്തില്‍, ത്രുശൂര്‍ രൂപതയില്‍ അടുത്തകാലത്തുപയോഗിച്ച ഒരു ഇടയലേഖനത്തെക്കുറിച്ചുണ്ടായ വാര്‍ത്തയൂടെ അടിസ്ഥാനത്തില്‍ ഒരു പോസ്റ്റിടുന്നു.

അതിനു പ്രതികരണങ്ങള്‍ ഉണ്ടാകുന്നു.

ഉടനെ ഒരു ബ്ലോഗര്‍ (മാരീചന്‍) ഇടയലേഖനം തെറ്റിദ്ധരിയ്ക്കപ്പെട്ടു, ഇതാണ് അതിന്റെ ഒരിജിനല്‍ ലേഖനം എന്നു പറഞ്ഞു ഒരു കമന്റു ഇടുന്നു. തെറ്റിദ്ധാരണകള്‍ മാറ്റുന്നു.

ഇത്രയുമാണ് സംഭവിച്ചത്.

ഇനിയും എനിക്കീ കാര്യത്തില്‍ ചില സംശയങ്ങള്‍ ബാക്കി നില്‍ക്കുന്നു. ചിലതൊക്കെ എന്റെ അറിവുകേടുകള്‍ കോണ്ടു ഉണ്ടായതാണ് എന്നു കരുതുക.
1. ഞാന്‍ ഒരു ഇടയലേഖനം കണ്ടിട്ടില്ല. ഇത് പള്ളിയില്‍ പ്രാര്‍ഥനയ്ക്കു വരുന്ന ‘ഇടയന്മാര്‍ക്ക്‘ പുരോഹിതന്‍ കോടുക്കുന്നതാണ് എന്നു ‍ സങ്കല്‍പ്പിയ്ക്കുന്നു. ഇത്രയും നീണ്ട് ഒരു ലേഖനം ഭക്തര്‍ പള്ളിയില്‍ ഇരുന്നു വായിയ്ക്കയാണോ ചെയ്യുന്നത്. ഈ നീണ്ട ലേഖനം ഭക്തര്‍ വായിയ്ക്കുമ്പോള്‍ പുരോഹിതന്‍ എന്തു ചെയ്യുകയായിരിയ്ക്കും.

2. എന്തു സാഹചര്യത്തിലാണ് മംഗളം പത്രം ഇങ്ങനെ ഒരു വാര്‍ത്ത അവരുടെ പത്രത്തിനു നല്‍കിയത്? അതു സതു‌വിരുദ്ധമാകുന്ന സാഹചര്യത്തില്‍‍ അതിനേക്കുറിച്ചൊരു തിരുത്ത് ആ പത്രത്തിന്റെ എഡിറ്ററില്‍ നിന്നും ഉണ്ടാകേണ്ടതാണല്ലോ

3ഈ ഇടയലേഖനം ത്രിശൂര്‍ രൂപതയില്‍ നിന്നും ഇട്ടതാണ് എന്നു പറയുന്നു.ഇത് മതപരമായി ഒരു ഔദ്യോഗിക രേഖയാണ്. പക്ഷെ അതു മരീചന്റെ വെറുമൊരു സ്വയം എഴുതിയ കമന്റായാണ് കാണിച്ചിരിയ്ക്കുന്നത്. ഒരൌദ്യോഗിക രേഖ ഇങ്ങനെ അംഗീകരിയ്ക്കുന്നത് എല്ലാവര്‍ക്കും സമ്മതമാണോ?

ആണെങ്കില്‍ ആയിക്കോളൂ. പക്ഷെ എനിയ്ക്കു ചില വിഷമതകള്‍ ഊണ്ട് എന്നു വിനീതമായി അറിയിയ്ക്കട്ടെ.

ഇതു ഇടയലേഖനം ആണേന്നോ അല്ലെന്നോ ആരോപിയ്ക്കുകയല്ല ഞാന്‍ എന്നു പ്രത്യേകം പറയട്ടെ.

ഇതു ബ്ലോഗില്‍ ഒരു precedence സൃഷ്ടിയ്ക്കുകയാണ്. ഒരാള്‍ ഒരു പത്രവാര്‍ത്തകൊണ്ടുവരുന്നു. അതിന്റെ ഉള്ളടക്കം വിവാദമാകുന്നു. അപ്പോള്‍ അതിനെതിരായി ഒരു മത-ഔദ്യോഗിക രേഖ (അല്ലെങ്കില്‍ എതെങ്കിലും രേഖ)അതിന്റെ യാതൊരു ഒറിജിനല്‍ അടയാളങ്ങളും ചിഹ്നങ്ങളും ഇല്ലാതെ തെളിവിനായി കോണ്ടുവരുന്നു.

ഏതു തെളിവും അംഗീകരിയ്ക്കുന്നതിനു മുന്‍പ് അതിന്റെ ആധികാരി‍കത അന്വേഷിയ്ക്കണം എന്നുള്ളത് ഒരു സാമാന്യബുദ്ധിയല്ലേ ഈ ലോകത്ത്. പിന്നെ ബൂലോകത്തില്‍ എങ്ങനെയാണ് അതിനൊരപവാദമായി ഒരു പതിവു സൃഷ്ടിയ്ക്കുന്നത്. ഇതാണ് എനിയ്ക്കുള്ള വിഷമം.

അതുകോണ്ട് താഴെപ്പറയുന്ന കാര്യങ്ങള്‍ ശ്രദ്ധിയ്കണമെന്നു താല്പര്യപ്പെടുന്നു.
1. മാഗളം പത്രത്തിന്റ ഒരു മറുകുറിപ്പ്
2. ഈ ഇടയലേഖനം തന്നെയാണ് മംഗളം പത്രത്തിന്റ് അടിസ്ഥാന രേഖ
3. ഈ ഇടയലേഖന്നത്തിന്റെ ഔദ്യോഗിക വേര്‍ഷന്‍ തന്നെ തെളിവായി പരസ്യപ്പെടുത്തേണ്ടിയിരിയ്ക്കുന്നു.

കെ പി സുകുമാരന്‍ അഞ്ചരക്കണ്ടി said...

കിരണിന്റെ ആര്‍ജവത്തിനും , ആത്മാര്‍ത്ഥതയ്ക്കും,നിഷ്കളങ്കമായ സത്യസന്ധതക്കും എന്റെ ഹൃദയപൂര്‍വ്വമായ അഭിനന്ദനങ്ങള്‍ !!

N.J ജോജൂ said...

മാവേലീ കേരളം,

1. ഇടയലേഖനം ബിഷപ്പ് തന്റെ അധികാരപരിധിയിലെ വൈദീകര്‍ക്കും സന്യാസിനീ സന്യാസികള്‍ക്കും വിശ്വാസികള്‍ക്കു മുഴുവനുമായി എഴുതുന്നതാണ്. ഇത് രഹസ്യസ്വഭാവമുള്ളതല്ല. പക്ഷേ അത് പരസ്യപ്പെടുത്തുക എന്നത് സഭയുടെ ബാധ്യതയോ ഉത്തരവാദിത്വമോ അല്ല. ഇത് ഞായറാഴ്ച പ്രാര്‍ത്ഥനയുടെ ഇടയില്‍ പുരോഹിതന്‍ വായിക്കുകയാണ് പതിവ്.

2.തിരുത്തുകൊടുക്കണോ വേണ്ടയോ എന്ന് തീരുമാനിക്കേണ്ടത് മംഗളമാണ്. വാര്‍ത്തയില്‍ ചില അര്‍ദ്ധസത്യങ്ങളും മിസ് ഇന്റര്‍‌പ്രട്ടേഷനും കടന്നുകൂടിയതല്ലാതെ വാര്‍ത്ത പൂര്‍ണ്ണമായും തെറ്റുമല്ല.

3.മാരീചന് ഇതില്‍ കൂടുതല്‍ എന്തുചെയ്യാന്‍ കഴിയും? തന്നെയുമല്ല സഭയുടെ ഔദ്യോഗിക രേഖകള്‍ ഓണ്‍ലൈനായി ലഭ്യവുമല്ല. മാരിചനാകട്ടെ ഇതു വായിക്കുന്നതിനു മൂന്‍പേ വിമര്‍ശിച്ചുകൊണ്ട് കമന്റിട്ടതുമാണ്.

“ഒരാള്‍ ഒരു പത്രവാര്‍ത്തകൊണ്ടുവരുന്നു. അതിന്റെ ഉള്ളടക്കം വിവാദമാകുന്നു. അപ്പോള്‍ അതിനെതിരായി ഒരു മത-ഔദ്യോഗിക രേഖ (അല്ലെങ്കില്‍ എതെങ്കിലും രേഖ)അതിന്റെ യാതൊരു ഒറിജിനല്‍ അടയാളങ്ങളും ചിഹ്നങ്ങളും ഇല്ലാതെ തെളിവിനായി കോണ്ടുവരുന്നു.”

എന്തിനെങ്കിലും എതിരായല്ല ഔദ്യോഗികമെന്നു പറയപ്പെടുന്ന രേഖ കൊണ്ടൂവന്നത്. ഔദ്യോഗികരേഖയെ അടിസ്ഥാ‍നപ്പെടുത്തി വന്ന തെറ്റിദ്ധാരണാജനകമായ ഒരു പത്രവാര്‍ത്തയെ അടിസ്ഥാനപ്പെടുത്തിയാണ് ഈ പോസ്റ്റുതന്നെ. തെറ്റിദ്ധാരണമാറ്റുകമാത്രമാണ് മാരീചന്‍ ചെയ്തത്.

N.J ജോജൂ said...

ഒരു തിരുത്ത് എന്റെ കമന്റിന്...

ഇടയലേഖനത്തിന്റെ ഓണ്‍ ലൈന്‍ വേര്‍ഷന്‍ ലഭ്യമാണ്.
ഇടയലേഖനം

കിരണ്‍ തോമസ് തോമ്പില്‍ said...

ജോജു
ലിങ്ക്‌ തെറ്റിപ്പോയി HTML ERROR
മാവേലി കേരളം
ഇതാ ഇവിടെ വായിക്കൂ

ചിത്രകാരന്‍chithrakaran said...

കിരണിനു പറ്റിയ നിസ്സാരമായ തെറ്റില്‍ ക്ഷമാപണം നടത്തിയ കിരണിന്റെ നല്ല മനസ്സിനെ അഭിനന്ദിക്കുന്നു.

Marichan said...

മാവേലി കേരളമേ........
ഇത്തരമൊരു ഔദ്യോഗിക രേഖ ഗൂഗിള്‍ വഴി സംഘടിപ്പിക്കാനാവുമോ എന്ന് ശ്രമിച്ചു നോക്കിയിട്ടാണ് താങ്കള്‍ ആ കമന്റെഴുതിയതെങ്കില്‍ എന്ന് ആശിച്ചു പോവുകയാണ്.

പോസ്റ്റെഴുതിയ കിരണും കമന്റെഴുതിയ മാരീചന്‍ അടക്കം ചിലരും ആ സാധ്യത ആരായാതെയാണ് തങ്ങളുടെ പിഴവുകള്‍ വരുത്തിയത്.

തൃശൂര്‍ അതിരൂപതാ ബിഷപ്പിന്റെ ഇടയലേഖനം ഗൂഗിളില്‍ കിട്ടുമോ എന്ന അന്വേഷണത്തില്‍ നിന്നാണ് മാരീചന് ആ ഇടയലേഖനം കിട്ടിയത്. ആ അന്വേഷണം സ്വന്തം നിലയില്‍ നടത്തിയ കിരണിനും ജോജുവിനും അത് കിട്ടുകയും ചെയ്തു. എനിക്കും വേണമെങ്കില്‍ ലിങ്കു നല്‍കാമായിരുന്നു.

അതിനെക്കാള്‍, സംഗതി യുണികോഡാക്കി പോസ്റ്റു ചെയ്യുന്നതാണ് ഉചിതം എന്നു തോന്നി. കാരണം എല്ലാവര്‍ക്കും വായിക്കാന്‍ അതാണ് സൗകര്യം എന്നാണ് എന്റെ നിലപാട്. യോജിക്കാം, വിയോജിക്കാം. അത് വേറെ കാര്യം.

പിന്നെ ബ്ലോഗില്‍ precedence സൃഷ്ടിക്കുന്നുവെന്നൊക്കെയുളള ഭയം എന്തിനാണെന്നു മനസിലാകുന്നില്ല. വിവരശേഖരണത്തിന് അനന്തമായ സാധ്യതകള്‍ ഉളള ഒരു മേഖലയില്‍ ആര്‍ക്കും കളളരേഖ ചമയ്ക്കാനാകുമെന്നും അങ്ങനെ കളളരേഖ ചമച്ച് ഏറെക്കാലം വിലസാമെന്നുമൊക്കെ കരുതാമോ?

എഴുതുന്ന പോസ്റ്റുകള്‍ക്കും കമന്റുകള്‍ക്കും സ്വന്തം നിലയില്‍ ഉത്തരവാദിത്വം വേണമെന്നതു കൊണ്ടു തന്നെയാണ്, സ്വന്തം വാദങ്ങള്‍ക്ക് കടകവിരുദ്ധമാണെന്ന് തിരിച്ചറിഞ്ഞിട്ടും ഇടയലേഖനത്തിന്റെ ഒറിജിനല്‍ ഹാജരാക്കിയത്. സാധാരണ സ്വന്തം വാദം സാധൂകരിക്കാനാണല്ലോ രേഖകള്‍ ഹാജരാക്കുന്നത്. സ്വന്തം നിലപാട് തെറ്റെന്നു തെളിയിക്കാന്‍ ആരെങ്കിലും രേഖ ഹാജരാക്കിയ precedence താങ്കള്‍ക്ക് ചൂണ്ടിക്കാണിക്കാമോ?

സ്വന്തം വാചകങ്ങള്‍ക്ക് ഉത്തരവാദിത്വവും സത്യസന്ധതയും ഉണ്ടാകണമെന്ന് കരുതിയവര്‍ തെറ്റു തിരിച്ചറിഞ്ഞപ്പോള്‍ ഏറ്റുപറയാന്‍ തയ്യാറായതിനെ വേണമെന്നുളളവര്‍ക്ക് മാനിക്കാം.

മാവേലി കേരളം said...

പ്രിയ ജോജൂ, മാരീചാ

'ഔദ്യോഗികരേഖയെ അടിസ്ഥാ‍നപ്പെടുത്തി വന്ന തെറ്റിദ്ധാരണാജനകമായ ഒരു പത്രവാര്‍ത്തയെ അടിസ്ഥാനപ്പെടുത്തിയാണ് ഈ പോസ്റ്റുതന്നെ. തെറ്റിദ്ധാരണമാറ്റുകമാത്രമാണ് മാരീചന്‍ ചെയ്തത്'(ജോജു)

സമ്മതിച്ചു.അങ്ങനെ ഒരുദ്ദേശമാണ് കിരണിനുള്ളത് എന്നു കിരണ്‍ വ്യക്തമാക്കിയിട്ടൂണ്ടല്ലോ. അതനുസരിച്ച് മാരീചനും പിന്നിട് കിരണും ഇടയലേഖനം പ്രസിദ്ധീകരിയ്ക്കയും ചെയ്തു.

അതിന്റെ ഉദ്ദേശം ആ ‘തെറ്റിദ്ധരിയ്ക്കപ്പെട്ടു’ എന്നു കിരണ്‍ പറഞ്ഞ പത്രവര്‍ത്തയും ആ ഇടയലേഖനവും മറ്റുള്ളവര്‍ വായിച്ചു മാസിലാക്കുക എന്നതായിരുന്നല്ലോ.

ഏതു ലേഖനവും വയിയ്ക്കുന്നതിനു മുന്‍പ് അതിന്റെ authenticity യേകുറിച്ചു ചിന്തിയ്ക്കുക ഒരപരാധമാണോ? അതിനെ മാരീചന്‍ വ്യക്തിപരമായി എടുക്കേണ്ട കാര്യമില്ല.

യദ്ധാര്‍ഥ ജീവിതത്തിലും ബ്ലോഗിലും കൊടുക്കുന്ന തെളിവുകള്‍ക്ക് authenticity ഉണ്ടോ എന്ന് എല്ലാവരും ശ്രദ്ധിയ്ക്കുന്ന കാര്യമാണ് എന്നാണ് എന്റെ തോന്നല്‍. കുറ്റസമ്മത്മായാലും, സ്വന്തം ഭാഗം സ്ഥാപിയ്ക്കാനായാലും ആര്‍ഗുമെന്റിനായാലും എല്ലാം. ഈ ഒരു പതിവ് മാറരുത് എന്നാണ് precedence കോണ്ട് ഉദ്ദേശിച്ചത് എന്നു വ്യക്ത്മാക്കട്ടെ.

ഇനി കാര്യത്തിലേക്കു കടക്കട്ടെ.

ഇടയലേഖനവും പത്രവാര്‍ത്തയും വായിച്ചു കഴിഞ്ഞു. ഇനിയും മംഗളം പത്രം ജനങ്ങളെ തെറ്റിദ്ധരിപ്പിച്ചുവോ എന്നു ചിന്തിയ്കാനുള്ള അവകാശം എല്ലാവര്‍ക്കുമുണ്ടല്ലോ. അല്ലാതെ ഇതാകെ തെറ്റിദ്ധാരണയാണ് എന്നു കിരണ്‍ തോമസ് എഴുതിയതുകൊണ്ട്‍ എല്ലാവരും അതു വിശ്വസിച്ചോണം എന്നാരും പറയുകയില്ലല്ലോ?

ഒരുകാര്യത്തെ കാര്യാകാരണസഹിതം വിശദീകരിച്ചു മനസിലാക്കുകയാണ് ചിന്താസ്വാതന്ത്ര്യം.

പത്രത്തില്‍ വന്ന വാര്‍ത്ത ഇങ്ങനെ തുടങ്ങുന്നു.

“സംസ്ഥാനത്തു ക്രൈസ്തവരുടെ ജനസംഖ്യ ആനുപാതികമായി കുറയുകയാണെന്നും ഇത് അപകടകരമായ പ്രവണതയാണെന്നും വ്യക്തമാക്കുന്ന ത്രുശൂര്‍ ആര്‍ച്ചുബിഷൊപ്പ് ആന്‍ഡ്രൂസ് താഴ്ത്തിന്റെ ഇടയലേഖനം പള്ളികളില്‍ വായിച്ചു“ ലേഖനം തുടരുന്നു. ഇതിന്റെ ബാക്കി ഭാഗങ്ങള്‍ ഈ പോസ്റ്റില്‍ നിന്നു വായിയ്ക്കാം.

ഇനി ഈ മുകളില്‍ പറയുന്ന വര്‍ത്തയെ ഇടലേഖനം എവിടെയെങ്കിലും സ്ഥിരീകരിയ്ക്കുന്നുവോ ഇല്ലയോ എന്നു നോക്കിയാല്‍ താഴെപറയുന്ന ഇടയലേഖനത്തിന്റ് ഭാഗത്തെത്തും.

(തീര്‍ശ്ചയായും ഇടയലേഖനം തുടങ്ങുന്നത് ജീവന്റെ മൂല്യത്തെക്കുറിച്ചുല്‍ബോധിപ്പിച്ചുകൊണ്ടാണ്. ഇന്നു ജീവന്റെ നിലനില്‍പ്പിനെതിരായി സമൂഹത്തില്‍ നടമാടുന്ന പല വിധ ദോഷങ്ങളേക്കുറിച്ചും ലേഖനം പറയൂണ്ട്. അതു തുടര്‍ന്നു പോകുന്നതിനിടയില്‍ മുകളില്‍ സൂചിപ്പിച്ച ഭാഗത്തെത്തും)

അതിങ്ങനെയാണ്:“ജീവനെതിരെയുള്ള ഈ തിന്മയെ ഒരു കാരണം കൊണ്ടും ന്യായീകരിയ്ക്കാനാവില്ല.കേരളത്തില്‍ മാത്രം പ്രതിദിനം നൂറുകണക്കിനു കുഞ്ഞുങ്ങളാണ് ഗര്‍ഭ്ഭശ്ചിദ്രത്തിലൂടെ കൊല്ലപ്പെടുന്നത് എന്നുള്ളത് ഈ തിന്മയുടെ ഭീകരത വെളിപ്പെടുത്തുന്നു. കഴിഞ്ഞ അന്‍പതു വര്‍ഷത്തിനുള്ളില്‍ കേരളത്തിലെ ക്രൈസ്തവരുടെ ജനസംഖ്യ 24 ശതമാനത്തില്‍‍ നിന്ന് 19 ശതമാനമായി കുറഞ്ഞത് ഏവരുടെയും കണ്ണു തുറപ്പിയ്ക്കേണ്ടതാണ്. അതിനാല്‍ അമ്മയുടെ ഉദരം ജീവന്റ് സംരക്ഷണയ്ക്കുവേണ്ടി,ദൈവം നല്‍കിയ രക്ഷാപേടകമാണ് എന്ന തിരിച്ചറിവോടെ ഓരോ മനുഷ്യ ജീവനേയും വളര്‍ത്താന്‍ മാതാപിതാക്കള്‍ തയ്യാറാകണം”

അതായത് ജീവന്റെ നിലനില്‍പ്പിനെ ഉല്‍ബോധിപ്പിയ്ക്കുന്ന ലേഖനം വളരെ സമര്‍ദ്ധമായി, കേരളത്തിലെ ക്രിസ്ത്യാനിയുടെ demographic deterioration ലേക്കു കടക്കുന്നു.തന്നെയുമല്ല ആ deterioration നേര്‍ക്ക് എല്ലാവരുടെയും കണ്ണു തുറപ്പിയ്ക്കണമെന്നും പറയുന്നു. (അല്ലാതെ പപപുണ്യചിന്ത്യിലേക്കല്ല). അതുകൊണ്ടാണ് അമ്മയുടെ ഉദരം ജീവന്‍ നിലനിര്‍ത്തുന്നതിനുവേണ്ടി ഉപയോഗിയ്ക്കേണ്ടത് എന്നു പറയുന്നത്.

ഇതു തന്നെയല്ലേ മംഗളം പത്രവും പറഞ്ഞിരിയ്ക്കുന്നത്. അല്ലെങ്കില്‍ ഇതില്‍ നിന്നു വ്യത്യസ്ഥമായി എന്തെങ്കിലും മംഗളം പറഞ്ഞോ?

ജനനം, മരണം, ഈ രണ്ടു പ്രക്രിയകളേയും മനുഷ്യജീവിതത്തിന്റെ അനേകതലങ്ങള്‍ കൈകാര്യംചെയ്യുന്നുണ്ട്. ഉദ്. ഗവണ്മെന്റ്, കുടുംബം, വൈദ്യശാസ്ത്രം, സമൂഹം, സംസ്കാരികസംഘടനകള്‍, മതം, രാഷ്ട്ര്രിയം അങ്ങനെ പോകുന്നു ആ ലിസ്റ്റ്. എന്നാല്‍ ഇതില്‍ ഗവണ്മെന്റു കൈകാര്യം ചെയ്യുന്ന കാര്യങ്ങളല്ല, വൈദ്യശാസ്ത്രം കൈകാര്യം ചെയ്യുന്നത്. അതുപോലെ മതം കൈകാര്ര്യം ചെയ്യുന്നത് വേറെകാര്യങ്ങളാണ്. ജനനത്തിന്റെയും മരണത്തിന്റെയും ഇടയ്ക്കുള്ള ആത്മീയവും, ധാര്‍മ്മികവുമായ കാര്യങ്ങളാണ് അതു കൈകാര്യം ചെയ്യുന്നത്. Theology, morality and church discipline,western culture's moral degradation, salvation, evil of postivism and materialism, pacification ഇവയുടെയൊക്കെ പരിധിയ്ക്കുള്ളില്‍ നിന്നുകൊണ്ടാണ് ജീവന്റെ മഹത്വത്തേക്കുറിച്ചെന്നല്ല ഏതുവിഷയത്ഥെക്കുറിച്ചും മതം കൈകാര്യം ചെയ്യേണ്ടത്.

ഈ തല‍ങ്ങളിലുള്ള ധാര്‍മ്മികതയെ ആത്മീയബോധങ്ങളായ പാപപുണ്യങ്ങളുമായി ബന്ധിപ്പിച്ച് ദൈവബോധമുണ്ടാക്കുകയാണ് മതങ്ങളുടെ പൊതുവായ ലക്ഷ്യം.

അതിനപ്പുറത്തു കടന്ന് വിശ്വാസികളെ അവരു‍ള്‍ക്കൊള്ളുന്ന ജനതയുടെ ഒരു പ്രത്യേകഭാഗമായിക്കണ്ട്, അവരുടെ കുറയുന്ന എണ്ണത്തില്‍ ‘കണ്ണൂതുറക്കണമെന്നു‘ പറഞ്ഞ് അതുകോണ്ട് മാതാവിന്റെ ഉദരം ജീവന്റെ നില‍നില്‍പ്പിനു വേണ്ടി ദൈവം നല്‍കിയ രക്ഷാപേടകമായി കണക്കാക്കണമെന്നു പറയുമ്പോഴാണ്, അതില്‍ കല്ലുകടി അനുഭവപ്പെടുന്നത്. അപ്പോഴാണ്, അതു ഗവണ്മെന്റിന്റയും മറ്റു ഭരണസംവിധാനങ്ങളുടെയും നേര്‍ക്കു കാട്ടുന്ന മതത്തിന്റെ കൈകടത്തലായി തോ‍ന്നുന്നതും അതിനോടു ജനം‍ പ്രതികരിയ്ക്കുന്നതും.

ചുരുക്കീപ്പറഞ്ഞാല്‍: കിരണ്‍ തോമ‍സ് മംഗളത്തില്‍ വന്ന പത്രവാര്‍ത്തയെ അടിസ്താനമാക്കി ഇട്ട ആദ്യപോസ്റ്റ് ഒരു തെറ്റുദ്ധാരണയാണെന്ന് പറയുന്നത് ‍ convincing ആയി എനിയ്ക്കു തോന്നുന്നില്ല.


{ഈ കമന്റ് കിരണ്‍ തൊമസിനിഷ്ടമായില്ലെങ്കില്‍ ഡിലീറ്റ് ചെയ്യാം എന്നുള്ളതുകോണ്ട് എന്റെ ബ്ലൊഗിലും ഒരു പോസ്റ്റായി ഇടുന്നു}

കെ പി സുകുമാരന്‍ അഞ്ചരക്കണ്ടി said...

“അതിനാല്‍ അമ്മയുടെ ഉദരം ജീവന്റെ സംരക്ഷണയ്ക്കുവേണ്ടി,ദൈവം നല്‍കിയ രക്ഷാപേടകമാണ് എന്ന തിരിച്ചറിവോടെ ഓരോ മനുഷ്യ ജീവനേയും വളര്‍ത്താന്‍ മാതാപിതാക്കള്‍ തയ്യാറാകണം”

യഥര്‍ത്ഥത്തില്‍ ഈ പ്രസ്ഥാവന വളരെ അപകടകരമാണെന്ന് പറയാതിരിക്കാന്‍ ഒരു നിവൃത്തിയില്ല . കാരണം സ്ത്രീകള്‍ക്ക് കുറഞ്ഞ പക്ഷം ശരാശരിയായി ഒരു പന്ത്രണ്ട് കുഞ്ഞുങ്ങളെയെങ്കിലും പ്രസവിയ്ക്കാന്‍ കഴിയുമെന്നതില്‍ തര്‍ക്കമുണ്ടാവാനിടയില്ല .

ഇതില്‍ക്കൂടുതല്‍ ഞാന്‍ ഒന്നും പറയുന്നില്ല . കാരണം കുടുംബാസൂത്രണം ഏറ്റവും നന്നായി വിജയിച്ച ഒരു സംസ്ഥാനമാണ് കേരളം . അത് കൊണ്ടാണല്ലോ ഇങ്ങിനെയൊരു ഇടയലേഖനത്തിന് കാരണഭൂതമായതും . ഈ സ്തിതി അട്ടിമറിക്കപ്പെടാന്‍ ആയിരം ഇടയലേഖനങ്ങളാലും കഴിയില്ല . പക്ഷെ അന്ധവും ഭ്രാന്തവുമായ വിശ്വാസം എങ്ങിനെ മനുഷ്യരാശിയെ അപകടപ്പെടുത്തും എന്നതിന് ഉത്തമ ദൃഷ്ടാന്തമാണ് പ്രസ്തുത ലേഖനം !

ഈ വിവാദം ഇനിയും തുടരാതിരിക്കാന്‍ ഞാന്‍ മാവേലികേരളത്തോട് അപേക്ഷിക്കുന്നു. സംഗതി ഇപ്പോള്‍ എല്ലാവര്‍ക്കും ബോധ്യപ്പെട്ടുകാണും . സമൂഹത്തെ കൂട്ട ആത്മഹത്യയിലേക്കാണ് വിഷലിപ്തമായ വിശ്വാസങ്ങള്‍ നയിക്കുന്നത് . ഇതിനെതിരെ പൊരുതാന്‍ ഞാന്‍ പറഞ്ഞപോലെ ശക്തമായ പ്രതിരോധമുന്നണി ഉരുത്തിരിഞ്ഞു വരേണ്ടതുണ്ട് . കിരണിനെ വെറുതെ വിട്ടേക്കുക !!

Anonymous said...

What is the difference between Mangalam News and Catholic Decree?

The Decree is to the so called KUNJADUKAL not for the general public isn't it? (Courtsey to Joju Kunjadu)

Catholics or their leaders don't want to make TOGADIA style statments so Andrew Thazathu given his decree in a very polished manner in 10 pages Mangalam made it a small news by covering that catholic decree.

When you shorten the news to one tenth of the original message how do you write?

The Catholic leader in his decree said Christian population going down and all other evils of the society increasing.

Polution to Crime and cological disater he try to use a weapon to cover up the real issue and his concern to christian population issue.

(Don't forget Catholic publications like Cinema Deepika, Jeevan TV are not much behind any other commercial publication in spreading and promoting the consumeric market economy. The majority of the Abkari, Liquor tradors are from Catholics only)

Don't forget any of these bishops never demanded bringing infront of the law the criminals who involved in Sister ABHAYA MURDER.

many of us including Joju knows Catholics and Church's own people are behind such murder.

Kiran is trying to mislead the public with his second item on the catholic decree. May be because of his catholicism or pressure from the church or other catholic members to withdraw that subject.

കൊച്ചുത്രേസ്യ said...

കിരണ്‍, ഇടയലേഖനം മുഴുവന്‍ വായിച്ചു കഴിഞ്ഞിട്ടും ആദ്യത്തെ പോസ്റ്റ്‌ തെറ്റിദ്ധരിപ്പിക്കുന്നതായിരുന്നു എന്നു തോന്നുന്നില്ല. അത്രേം നീളത്തിലുള്ള ഇടയലേഖനത്തില്‍ വിയോജിപ്പു തോന്നിയ ഭാഗം ഒന്നെടുത്തു കാണിച്ചു എന്നല്ലേയുള്ളൂ. ഇടയലേഖനത്തില്‍ രണ്ടു മുന്നു പേജുകളിലായി പരത്തിപ്പറഞ്ഞിരിക്കുന്ന കാര്യങ്ങള്‍ ആറ്റിക്കുറുക്കിയാല്‍ മംഗളത്തിലുള്ള ആ രണ്ടു വാക്ക്‌ തലക്കെട്ടില്‍ തന്നെയല്ലേ എത്തിച്ചേരുന്നത്‌.

കിരണ്‍ തോമസ് തോമ്പില്‍ said...

എവിടെയാണ് മംഗളം വാര്‍ത്താക്ക് തെറ്റ് പറ്റിയത് എന്ന് ചോദിക്കുന്നവേക്ക്


1991ലെ സെന്‍സസില്‍ കേരളത്തിലെ ജനസംഖ്യ 2.9 കോടിയായിരുന്നപ്പോള്‍ അതില്‍ 19.5 ശതമാനമായിരുന്ന ക്രൈസ്തവര്‍. 2001 ആയപ്പോള്‍ ജനസംഖ്യ 3.18 കോടിയായി ഉയര്‍ന്നപ്പോള്‍ ക്രൈസ്തവരുടെ അനുപാതം 19 ആയി കുറഞ്ഞു. കൂടുതല്‍ കുഞ്ഞുങ്ങളെ ജനിപ്പിക്കുകയും ജീവന്റെ വിശുദ്ധിയെ ആദരിക്കുകയുമാണ് ഈ പ്രതിസന്ധി മറികടക്കാനുള്ള മാര്‍ഗമെന്ന് ആര്‍ച്ച്ബിഷപ്പ് പറഞ്ഞു.

ഇതില്‍ കൂടുതല്‍ കുട്ടികളെ ജനിപ്പിക്കുക എന്ന ആശയം പൊലിപ്പിച്ച് കാണിച്ചാണ് മംഗളം ഇത് റിപ്പോട്ട് ചെയ്തര്ത്. എന്നാല്‍ പ്രത്യക്ഷത്തില്‍ അങ്ങനെ ഒരു ആശയം ഈ ഇടയലേഖനം നല്‍കുന്നില്ല. എനിക്ക് മനസ്സിലായത് ഗര്‍ഭചിദ്രം സഭാ വിശ്വാസികളിലും വന്‍ തോതില്‍ നടക്കുന്നു എന്നതിനെയാണ് ഇടയലേഖനം അര്‍ത്ഥമാക്കുന്നത് എന്ന് മുന്‍‌വിധികള്‍ മാറ്റിവച്ച് ചിന്തിച്ചാല്‍ മനസ്സിലാകും എന്നാണ് തോന്നുന്നത്. കാരണം ബിഷപ്പ് 1991 ഇലേയും 2001 ലേയും സെന്‍സെസിനെയാണ് ആധാരമാക്കിയത്. 1991 ന് വളരെ മുന്‍പ് തന്നെ കത്തോലിക്കാ സഭാ വിശ്വാസികള്‍ കുടുബാസൂത്രണം നടത്തിയിട്ടുണ്ട്. അപ്പോള്‍ പിന്നീട് ഉണ്ടായ കുറവ് കുട്ടികള്‍ വേണ്ടാ എന്ന് വയ്ക്കുന്നതിലോ ആലെങ്കില്‍ ഗര്‍ഭചിന്ദ്രം ചെയ്യുന്നതിലോ കൂടി സംഭവിച്ചതാകാം എന്ന് ബിഷപ്പ് ആശങ്കപ്പെട്ടു എന്ന് കരുതിക്കൂടെ. ഇനി കേരളത്തില്‍ ആണ്‍കുട്ടികളുടെ എണ്ണം കൂടുന്നു എന്നും പെണ്‍കുട്ടികള്‍ കുറയുന്നു എന്നും പഠന റിപ്പോര്‍ട്ടുകളുണ്ട്. ആണ്‍കുട്ടികള്‍ക്ക് വേണ്ടി കൊതിക്കുന്ന മാതാപിതാക്കള്‍ ഗര്‍ഭസ്ഥ ശിശുവിന്റെ ലിഗ നിര്‍ണ്ണയം നടത്തി പെണ്‍കുഞ്ഞാണെങ്കില്‍ കൊന്നു കളയുന്ന രീതിയുണ്ടായി എന്നത് വസ്തുതയല്ലേ. സഭ മാത്രമ്ല്ല സര്‍ക്കാരൌം അതിനെ എതിര്‍ക്കുന്നുണ്ട്. 19% ഓളം പേര്‍ സഭാവിശ്വാസികളായ ഈ സംസ്ഥാനത്ത് അവരിലും ഇത്തരം ജീര്‍ണ്ണത് ആനുപാതികമായി ഉണ്ടാകാം എന്ന് കരുതിക്കൂടെ. അതിനെതിരെ ബോധവല്‍ക്കരണം നടത്താന്‍ ഒരു ബിഷപ്പിന് അവകാശമില്ലേ? ( അത് നാളെ ഉല്പാദനം കൂട്ടണം എന്ന രീതിയില്‍ വന്നാല്‍ ഞാന്‍ ശകതായി എതിര്‍ക്കും എന്നത് വേറേ കാര്യം. എന്നാല്‍ ഇന്ന് പിതാവ് അങ്ങനെ ആഹ്വാനം ചെയ്തിട്ടില്ലാ)

അഛനും അമ്മയുമാകുക കുട്ടിക്കളിയല്ല. അപ്പോള്‍ ലൈംഗീകതയും കുട്ടിക്കളിയല്ല. കുട്ടികള്‍ ഉണ്ടാകാന്‍ സാധ്യത ഇല്ലാത്ത ആര്‍ത്തവ ചക്രത്തിലെ സമയങ്ങളില്‍ സ്വാഭാവിക കുടുബാസൂത്രണം ലഭ്യമാണ്. ഒരു ആര്‍ത്തവ ചക്രത്തില്‍ ഗര്‍ഭസാധ്യതയുള്ള ദിനങ്ങള്‍ കേവലം 3 ദിവസമാണ് എന്നറിയുക. ഈ 3 ദിവസം എന്നത് ഒരു ബഫര്‍ ഇട്ട് 6 ദിവസമായാലും ബക്കി ദിനങ്ങള്‍ ഉണ്ട് അലെങ്കില്‍ ക്രിതിമ മാര്‍ഗ്ഗങ്ങള്‍ ഉപയോഗിക്കാം ( ഇത് സഭ അനുവദിക്കുന്നില്ലായിരിക്കാം). ഇതൊന്നും ചെയ്യാതെ ഗര്‍ഭമുണ്ടായാല്‍ അത് അലസിപ്പിച്ച് കളയാം എന്ന മനോഭാവം എങ്ങനെ ഈ സമൂഹത്തിന് ഗുണം ചെയ്യും എന്ന് ചിന്തിക്കുന്നത് നല്ലതാണ് അല്ലെങ്കില്‍ മനുഷ്യനും മ്ര്‌ഗങ്ങളും തമ്മിലുള്ളാ വ്യത്യാസ്അത്തില്‍ ഒന്നുകൂടെ നമുക്ക് ചേര്‍ക്കാം മ്ര്‌ഗങ്ങള്‍ ഗര്‍ഭചിന്ദ്രം ചെയ്യുന്നില്ല.

Radheyan said...

പക്ഷെ കിരണ്‍,ബിഷപ്പിന്റെ ആഹ്വാനം 2 രീതിയില്‍ മനസ്സിലാക്കാം എന്ന് തന്നെയല്ലേ.

ഒന്നുകില്‍ അത് പെണ്‍ഭ്രൂണഹത്യ,പെണ്‍ശിശുഹത്യ,ഗര്‍ഭഛിദ്രം തുടങ്ങിയ എതിര്‍ക്കപ്പെടേണ്ട കാര്യങ്ങളെയാവാം പരാമര്‍ശിക്കുന്നത്.അത് തന്റെ സമുദായത്തിലെങ്കിലും കുറയണം എന്ന സദ്ചിന്ത.

അല്ലെങ്കില്‍
തങ്ങളുടെ വിഭാഗത്തില്‍ സ്ത്രീകള്‍ അവരുടെ പൊട്ടന്‍ഷ്യലിനൊത്ത് ഗര്‍ഭം ധരിക്കാത്തതിലും പ്രസവിക്കാത്തതിലും അതു മൂലം സ്വസമുദായത്തിന് പൊതുസമൂഹത്തിലുണ്ടാകുന്ന അനുപാത ഇടിവ് തടയുക എന്ന അത്ര നല്ലതലാത്ത ചിന്ത.

കത്തോലിക്കാവിഭാഗത്തിലുണ്ടായ കുറവ് ഗര്‍ഭഛിദ്രത്തിലൂടെയാണ് ഉണ്ടാകുന്നത് എന്ന് കരുതാന്‍ ന്യായമുണ്ടോ?അത്തരത്തില്‍ എന്തെങ്കിലും സാമൂഹ്യപഠനങ്ങള്‍ ഉണ്ടായിട്ടുണ്ടോ?നമ്മുടെ immidiate surroundingsല്‍ നിരീക്ഷിക്കുമ്പോള്‍ അങ്ങനെ ഒരു വസ്തുത ബോധ്യപ്പെടുന്നുണ്ടോ?

ഇനി ഗര്‍ഭഛിദ്രത്തിനുമില്ലേ അമ്മയെ തല്ലിയാല്‍ എന്ന പോലെ 2 വശം.
ആദ്യകുട്ടി ജനിച്ച് 6 മാസത്തിനുമുന്‍പ് അബദ്ധത്തില്‍ വീണ്ടും അമ്മ ഗര്‍ഭം ധരിക്കുകയാണെങ്കില്‍,അത്തരമൊരു ശിശുവിനെ പെറ്റ് വളര്‍ത്തുമ്പോള്‍ ആദ്യ കുട്ടിക്ക് ഉണ്ടാകുന്ന പരിഗണനാനഷ്ടം ഗര്‍ഭഛിദ്രത്തിന് കാരണമായി പലരും പറയാറുണ്ട്.അതില്‍ കുറച്ച് ന്യായമില്ലേ?
അത് പോലെ തന്നെ അവിഹിതഗര്‍ഭമുണ്ടാകുകയാണെങ്കില്‍ അത് ഗര്‍ഭഛിദ്രം നടത്തുകയല്ലെ മറ്റൊരു തെരുവുബാലനെ ഉണ്ടാക്കുന്നതിലും നല്ലത്?ഇതൊന്നും എന്റെ അഭിപ്രായങ്ങളല്ല.പൊതുസമൂഹത്തില്‍ ഉയരുന്ന ചില ചോദ്യങ്ങള്‍ മാത്രമാണ്.

കുഞ്ഞന്‍ said...

കിരണ്‍ മാഷെ,

ഇടയ ലേഖനത്തില്‍ പറയുന്നതു തന്നെയാണു മംഗളത്തിലും പറയുന്നതെന്നു എനിക്കു തോന്നിയത്. കൂടുതല്‍ കുട്ടികളെ ജനിപ്പിക്കുന്നവരെ പ്രോത്സാഹിപ്പിക്കണമെന്ന ആഹ്വാനം ആ ഇടയലേഖനത്തിലുണ്ട്. ഇതില്‍ ഒരു മതത്തിന്റെ മാത്രം കാര്യമല്ല, എല്ലാ മതങ്ങളും ആഹ്വാനം ചെയ്യുന്നു. അനുയായികളെ കൂടുതല്‍ സൃഷ്ടിക്കലെന്നതിലുപരി,മതത്തെ മുന്നോട്ടു നയിക്കുവാന്‍(പുരോഹിത വര്‍ഗ്ഗം) ആളുകള്‍ കുറഞ്ഞുവരുകയാണ്. അണു കുടുമ്പമായതോടെ, നാമൊന്ന് നമുക്കൊന്ന് എന്ന രീതിയില്‍ കേരള സമൂഹം മുന്നോട്ടു പോകുമ്പോള്‍, പള്ളിലച്ചനാക്കുവാനൊ,കന്യാസ്ത്രീയാക്കാനൊ,ബ്രഹ്മചാരിയായ പൂജാരിയാക്കാനൊ മാതാപിതാക്കള്‍ ആഗ്രഹിക്കുന്നില്ല. തങ്ങള്‍ക്കുശേഷവും തലമുറ നിലനിര്‍ത്തിപോരണമെന്ന ആഗ്രഹത്തില്‍,ഒന്നൊ രണ്ടൊ മക്കളുള്ളവര്‍ അവരെ വിവാഹിതിരായി കാണുവാന്‍ പ്രവൃത്തിക്കുന്നു. അങ്ങിനെ വരുമ്പോള്‍ ഉഴിഞ്ഞിടുവാന്‍ കുട്ടികളില്ലാത്തതു കാരണം,പിന്നെ ദൈവഭയം,സന്ധ്യാപ്രാര്‍ത്ഥന തുടങ്ങിയകാര്യങ്ങളില്‍ നിന്നും പുതു തലമുറ അകന്നു കൊണ്ടിരിക്കുകയാണ്, അങ്ങിനെ വരുമ്പോള്‍ സ്വയമായി,ആകൃഷ്ടരായി അച്ഛനാകാനൊ,കന്യാസ്ത്രീയാകാനൊ താല്പര്യമുള്ളവരുടെ എണ്ണം കുറയുന്നു. ഈ കാര്യങ്ങള്‍കൊണ്ട് പുരോഹിത വര്‍ഗ്ഗം അന്യം നിന്നുപോകുമെന്ന് ന്യായമായും മത മേലേളന്മാര്‍ ഭയപ്പെടുന്നു. പണ്ടു കാലത്ത് രണ്ടു മക്കളില്‍ കൂടുതലുള്ള വീടുകളിലാണ് അച്ഛനമാരും കന്യാസ്ത്രീകളും ഉണ്ടായിരുന്നത്. ഇന്ന് രണ്ടു മക്കളുള്ള വീടുകളില്‍നിന്ന് ആരെങ്കിലും മുന്നോട്ടു വരുന്നുണ്ടോ?

കിരണ്‍ മാപ്പ് പറയേണ്ട ആവിശ്യമുണ്ടെന്നെനിക്കു തോന്നുന്നില്ല..ഇടയലേഖനം കൂടുതല്‍ കുട്ടികളുണ്ടാകുവാനാണ് ആഹ്വാനം ചെയ്യുന്നത്..

പിന്നെ കൂടുതല്‍ കുട്ടികളുണ്ടാകണമെന്ന് ഏതെങ്കിലും ഒരു പെണ്ണ് ഇക്കാലത്ത് വിചാരിക്കുമെന്ന് തോന്നുന്നില്ല (രണ്ടു പെറ്റവര്‍,‍അതിന്റെ ബുദ്ധിമുട്ടുകള്‍ അനുഭവിച്ചവര്‍) ഇപ്പോള്‍ വിദേശ രാജ്യങ്ങളില്‍ ഭര്‍ത്താവിനെ ഭാര്യയുടെ പ്രസവ സമയത്ത് ഓപ്പറേഷന്‍ തീയറ്ററില്‍ നിര്‍ത്തുന്നുണ്ട്. ആ പ്രസവം കണ്ട ഒരു പുരുഷനും പിന്നീട് കൂടുതല്‍ പ്രസവിക്കാന്‍ തന്റെ ഭാര്യയെ നിര്‍ബന്ധിക്കാറില്ല.

ദില്‍ബാസുരന്‍ said...

പുതു തലമുറ അകന്നു കൊണ്ടിരിക്കുകയാണ്, അങ്ങിനെ വരുമ്പോള്‍ സ്വയമായി,ആകൃഷ്ടരായി അച്ഛനാകാനൊ,കന്യാസ്ത്രീയാകാനൊ താല്പര്യമുള്ളവരുടെ എണ്ണം കുറയുന്നു
അഛനാവാന്‍ താല്പര്യമില്ലാന്നോ? ദൈവദോഷം പറയരുത് കുഞ്ഞന്‍ മാഷേ. ;-)

അച്ചന്‍ എന്നല്ലേ ശരി? (ഇനി അല്ലേ?)

കുഞ്ഞന്‍ said...

ദില്‍ബാ,
ഞാന്‍ സുല്ലു പറഞ്ഞു,അപ്പോള്‍ കുഴപ്പമില്ലല്ലൊ..:(
നന്ദി..ഒരഛന്‍

കിരണ്‍ തോമസ് തോമ്പില്‍ said...

എന്നും വളച്ചൊടിക്കലിനേ എതിര്‍ക്കുന്നവനാണ് ഞാന്‍. ഈ മംഗളം വാര്‍ത്ത്അയും വളച്ചൊടിക്കപ്പെട്ടതാണ് എന്ന് ഞാന്‍ വിശ്വസിക്കുന്നു. അത് എന്റെ ബോധ്യത്തിന്റെ പ്രശ്നമാകാം. എന്റെ മനസാക്ഷിക്ക് ചേര്‍ന്നത് ഞാന്‍ ചെയ്തു എന്നേ ഉള്ളൂ. എനിക്ക് ഇത് വായിച്ചിട്ട് ഇതുപോലെ മനസ്സിലാക്കാന്‍ മാത്രമേ ആകൂ. അത് എന്റെ ഇന്റലക്ചല്‍ നിലവാരത്ത്റ്റെ തകരാറാകാം.

Anonymous said...

>>>>>>>>>>>>>>>
എന്നും വളച്ചൊടിക്കലിനേ എതിര്‍ക്കുന്നവനാണ് ഞാന്‍. ഈ മംഗളം വാര്‍ത്ത്അയും വളച്ചൊടിക്കപ്പെട്ടതാണ് എന്ന് ഞാന്‍ വിശ്വസിക്കുന്നു. അത് എന്റെ ബോധ്യത്തിന്റെ പ്രശ്നമാകാം. എന്റെ മനസാക്ഷിക്ക് ചേര്‍ന്നത് ഞാന്‍ ചെയ്തു എന്നേ ഉള്ളൂ. എനിക്ക് ഇത് വായിച്ചിട്ട് ഇതുപോലെ മനസ്സിലാക്കാന്‍ മാത്രമേ ആകൂ. അത് എന്റെ ഇന്റലക്ചല്‍ നിലവാരത്ത്റ്റെ തകരാറാകാം.
>>>>>>>>>>>>>>>>>


10 Page decree of the Church Mangalam made one column x 2paragrahp news. In that the shortest message of the Decree they printed without anything missing.

Please stop your kind of stupidity and tell the public as a catholic i made a mistake and i am correcting it.

Anonymous said...

കിരണേ... താന്‍ വടികൊടുത്ത് അടിവാങ്ങിക്കൂട്ടുകയാണല്ലോ ബ്ലോഗര്‍മാരുടെ കൈയ്യില്‍ നിന്നും. കാളപെറ്റെന്നുകേട്ട് കയറെടുക്കുമ്പോള്‍ ഒന്നുകൂടെ ചിന്തിക്കുക.

എനിക്കൊരു സംശയം.

1991 ലെ സെന്‍സസ് പ്രകാരം ക്രൈസ്തവരുടെ എണ്ണം 19.5% അതായത് 5655000. 2001 ലെ സെന്‍സസ് പ്രകാരം 19% അതായത് 6042000. ഇവിടെ എണ്ണം കുറഞ്ഞില്ലല്ലോ, കൂടുകയല്ലേ ചെയ്തുള്ളൂ..??

മണി said...

ഒരു ഓഫ് ടോപിക്ക് ചോദ്യം ചോദിച്ചോട്ടേ: “ജീവന്‍“ എന്നു വച്ചാല്‍ മനുഷ്യ ജീവന്‍ എന്നു മാത്രമാണോ സഭ ഉദ്ദേശിക്കുന്നത്? ഭൂമിയിലുള്ള മറ്റു ജീവജാലങ്ങള്‍ ദൈവത്തിന്റെ സൃഷ്ടികള് തന്നെ അല്ലേ?

ദില്‍ബാസുരന്‍ said...

അനോണി മാഷേ,
ക്രൈസ്തവരുടെ എണ്ണം 1991 സെന്‍സസില്‍ നിന്നും കൂടിയെങ്കിലും ശതമാനം കുറഞ്ഞു എന്നതിന് പ്രാധാന്യം ഇല്ലേ? മൊത്തം ജനസംഖ്യ കൂടിയതിന് ആനുപാതികമായി വര്‍ദ്ധിയ്ക്കാത്തത് കൊണ്ടാണല്ലോ രണ്ടാമത്തെ സെന്‍സസില്‍ ശതമാനത്തില്‍ ഇടിവ് വന്നത്. ഈ ട്രെന്റ് ജനസംഖ്യ കുറയുന്നു എന്ന് തന്നെയല്ലേ കാണിക്കുന്നത്.

ഓടോ: അനോണിയുടെ ആ ചോദ്യം കണ്ടപ്പോള്‍ മനസ്സില്‍ തോന്നിയത് പറഞ്ഞു എന്ന് മാത്രം.

മൂര്‍ത്തി said...

19.5% ആയിരുന്നു ഇപ്പോഴത്തെ ക്രൈസ്തവ ജനസംഖ്യയുടെ അനുപാതം എങ്കില്‍ 6201000 ആവണമായിരുന്നു എണ്ണം. ഇപ്പോള്‍ 6042000. കുറവ് 159000. ഇതാണുദ്ദേശിച്ചിട്ടുള്ളത്.

ആവനാഴി said...

പ്രിയ ദില്‍ബാസുരന്‍,

കൃസ്ത്യാനികളുടെ ജനസംഖ്യ കൂടുകതന്നെയാണു ചെയ്തത്. ആകെ എണ്ണത്തിനെയാണു ജനസംഖ്യ എന്നതുകൊണ്ട് ഉദേശിക്കുന്നത്. ശതമാനം റേറ്റിനെ കുറിക്കുന്നു. ഇതു രണ്ടും രണ്ടാണ്. റേറ്റു കുറഞ്ഞു എന്നതിനര്‍ത്ഥം എണ്ണം കുറഞ്ഞു എന്നല്ല.

സസ്നേഹം
ആവനാഴി

ദില്‍ബാസുരന്‍ said...

എണ്ണം വെച്ച് ശതമാനത്തേയും തിരിച്ചും താരതമ്യം ചെയ്തിട്ട് കാര്യമില്ല. മൊത്തം ജനസംഖ്യ അതായത് എണ്ണം കൂടിയപ്പോഴും ആനുപാതികമായ മൊത്തം ജനസംഖ്യയിലെ ശതമാനം അതായത് പ്രാതിനിധ്യം കുറഞ്ഞു എന്നേ ഞാന്‍ പറയാന്‍ ശ്രമിച്ചിട്ടുള്ളൂ. എണ്ണമാണോ പ്രാതിനിധ്യമാണോ നോക്കുന്നത് എന്നതിനെ അനുസരിച്ചിരിക്കും ഉത്തരം.

കുതിരവട്ടന്‍ :: kuthiravattan said...

ദില്‍ബാ, “ഈ ട്രെന്റ് ജനസംഖ്യ കുറയുന്നു എന്ന് തന്നെയല്ലേ കാണിക്കുന്നത്“ എന്നു പറഞ്ഞത് തെറ്റാണ് എന്നാണ് ആവനാഴി പറഞ്ഞത്.

ജനപ്പെരുപ്പനിരക്ക് ആപേക്ഷികമായി കുറയുന്നു എന്നതാണ് ശരി. ജനപ്പെരുപ്പനിര്‍ക്ക് കുറയുന്നു എന്നു പറഞ്ഞാല്‍ വരെ ശരിയാവണമെന്നില്ല.

ദില്‍ബാസുരന്‍ said...

കുതിരവട്ടാ, ആവനാഴി മാഷേ ഞാന്‍ ആ പറഞ്ഞത് തെറ്റാണ്. മനസ്സിലുള്‍ലതല്ല എഴുതിവന്നപ്പോള്‍ അര്‍ത്ഥം വന്നത്.

കിരണ്‍ തോമസ് തോമ്പില്‍ said...

മണി സഭ മനുഷ്യ ജീവന്‍ മാത്രമേ ഉദ്ദേശിക്കുന്നുള്ളൂ

Anonymous said...

>>>>>>>>>>>>>
മണി said...
ഒരു ഓഫ് ടോപിക്ക് ചോദ്യം ചോദിച്ചോട്ടേ: “ജീവന്‍“ എന്നു വച്ചാല്‍ മനുഷ്യ ജീവന്‍ എന്നു മാത്രമാണോ സഭ ഉദ്ദേശിക്കുന്നത്? ഭൂമിയിലുള്ള മറ്റു ജീവജാലങ്ങള്‍ ദൈവത്തിന്റെ സൃഷ്ടികള് തന്നെ അല്ലേ?
>>>>>>>>>>>>

The term JEEVAN stand for LIFE in Bible, Life in God's creation irrespective of any shape and structure. But we have no Idea how Catholic Church seeing things.

In Old Testament (or in Torah of Jews) you can read God not permitting to eat or drink blood of any animal because that is the LIFE. This is the reason Muslims eat HALAL Food or Jews eat Kosher food. Both are stand for some or some other way Meat without Blood.

Nurishness and Celebration of LIFE is the center theam of Bible. As per Bible, God created Man and women in His own shape to guard and protect his all other creations not to destroy.


Without following this basic principle of Bible how can a Bishop release his Decree on human population?


Read in the decree, Bishops concerns on Human Life? Catholics are against Mercy Killing.
How many innocnet human beings are killed by Catholics?
Take the example of Joan of Arch?
Who killed her?
The Church.
Who Killed Sister Abhaya?
The Churhc.

Pop Benedict the Supre Leader of Catholics (Ayothulla Khumeni of Catholism) was a supporter of NAZISIM and HILTER in Germani until Hilter turn to Kill Catholics.


From Chenganacheri SB College a girl student denied permission to write the exam and she forcefully move from the class room for her dad writing a book against Catholic Church.

Catholic History is covered with Murder, Brutuality and Killings.

nalan::നളന്‍ said...

ഇടയലേഖനത്തിന്റെ ലേ ഔട്ടില്‍ കൌതുകകരമായിട്ടൊന്നും ഇല്ല.

ചുവപ്പ് ചുവപ്പാണു
പച്ച പച്ചയാണു
എല്ലാവരേയും സ്നേഹിക്കുക
കൊലപാതകം കുറ്റമാണു.
....
ഇങ്ങനെ എല്ലാവരും അംഗീകരിക്കുന്ന സത്യങ്ങളോ, നല്ല കാര്യങ്ങളോ ഉള്ള ഒരു നീണ്ട ലിസ്റ്റുണ്ടാക്കുക, പൊലിപ്പിച്ചു ഒരു ലേഖനമാക്കുക. എന്നിട്ടു ചുളുവില്‍ ഇടയില്‍ എവിടെയെങ്കിലും മറ്റവനെ തിരുകി കയറ്റുക. ഇതു പഴയ മാധ്യമ തന്ത്രം തന്നെ.
പാഠം 1: നീട്ടിവലിച്ച് തുടങ്ങുമ്പോഴേ കാള വാലു പൊക്കുകയാണെന്നു മനസ്സിലാക്കിക്കോണം

തെറ്റു (തെറ്റാണോ ശരിയാണോ എന്നതു വേറെ കാര്യം) തിരുത്താനുള്ള കിരണിന്റെ ആര്‍ജവത്തെ അഭിനന്ദിക്കുന്നു.

Anonymous said...

ഗര്‍ഭനിരോധനത്തോടൂള്ള തിരു സഭയുടെ ഔദ്യോഗിക നിലപാട് എന്താണ് എന്ന് വ്യക്തമാക്കുന്ന വിക്കി ലേഖന്ത്തിന്റെ ലിങ്ക് ഇവിടെ: http://en.wikipedia.org/wiki/Natural_family_planning

സഭയുടെ ഔദ്യോഗിക നിലപാടുകളും, ഗര്‍ഭ നിരോധനത്തിനായി ഉറ, ഗുളിക, ഓപ്പറേഷന്‍ എന്നിവയെ പ്രൊത്സാഹിപ്പിക്കുന്ന ഇന്ത്യന്‍ ഗവണ്മെന്റിന്റെ ഔദ്യോഗിക നയങളും, തമ്മില്‍ ഒട്ടും പൊരുത്തപെടില്ല എന്നും കാണാം.

N.J ജോജൂ said...

"എന്നിട്ടു ചുളുവില്‍ ഇടയില്‍ എവിടെയെങ്കിലും മറ്റവനെ തിരുകി കയറ്റുക." -നളന്റെ പരാമര്‍ശം നിലവാരം കുറഞ്ഞുപോയീ.

“കഴിഞ്ഞ 50 വര്‍ഷത്തിനുള്ളില്‍ കേരളത്തിലെ ക്രൈസ്‌തവരുടെ ജനസംഖ്യ 24 ശതമാനത്തില്‍ നിന്ന്‌ 19 ശതമാനമായി കുറഞ്ഞത്‌ ഏവരുടേയും കണ്ണുതുറപ്പിക്കേണ്ടതാണ്‌.” “ദൈവികപ്രവര്‍ത്തനങ്ങള്‍ക്ക്‌ നിങ്ങള്‍ അതിരുകല്‌പിക്കരുത്‌; എതിരു നില്‍ക്കുകയുമരുത്‌.” മേലെ ഉദ്ധരിച്ച രണ്ടു വാചകങ്ങളിലല്ലാതെ ഒരിടത്തും കൈസ്തവജനസംഖ്യാനുപാതം കുറയുന്നതിലെ ആശങ്കയോ കുട്ടികളുടെ എണ്ണം കൂടണമെന്ന അഭിപ്രായമോ വ്യഗ്യമായിപ്പോലും പറഞ്ഞിട്ടില്ല.
എന്നിട്ടൂം “ക്ഷീരമുള്ളോരകിട്ടിന്‍ ചുവട്ടിലും ചോരതന്നെ കൊതുകിന്നു കൌതുകം” എന്നരീതിയിലാണ് പലരുടെയും അഭിപ്രായപ്രകടനങ്ങള്‍.

ധാര്‍മ്മികത പഠിപ്പിക്കുക എന്നത് കത്തോലിക്കാസഭയെ സംബന്ധിച്ചിടത്തോളം ഉത്തരവാദിത്വമാണ്. എല്ലാ മതങ്ങളും അങ്ങിനെതന്നയാണെന്നു ഞാന്‍ വിശ്വസിക്കുന്നു.

ന്യൂക്ലിയര്‍ ഫീമിലികളെയോ കൃത്രിമ ഗര്‍ഭനിരോധനമാര്‍ഗ്ഗങ്ങളെയോ സഭ ഒരിക്കലും അനുകൂലിച്ചിട്ടില്ല. ഇത് കത്തോലിക്കാസഭയുടെ അംഗസംഖ്യകൂട്ടൂക എന്ന ലക്ഷ്യത്തോടെയാണെന്നു പറയുന്നത് കഷ്ടംതന്നെ. സഭയ്ക്ക് സഭാവിശ്വാസികളെ മാത്രമേ പഠിപ്പിയ്ക്കാന്‍ കഴിയൂ.

കര്‍മ്മത്തിന്റെ യജ്ഞഭാവത്തെ പ്രോത്സാഹിപ്പിക്കുകയും കാമഭാവത്തെ എതിര്‍ക്കുകയും ചെയ്യുന്ന ഹിന്ദുമതത്തിന് കൃത്രിമഗര്‍ഭനിരോധനമാര്‍ഗ്ഗങ്ങളെ അനുകൂലിക്കാന്‍ കഴിയുമെന്നു തോന്നുന്നുണ്ടോ?

ഞാന്‍ ഹിന്ദുവായതുകൊണ്ടും കൃത്രിമഗര്‍ഭനിരോധനമാര്‍ഗ്ഗങ്ങള്‍ ഉപയോഗിക്കരുത് എന്ന് എന്നോട് ആരും പറയാത്തതുകൊണ്ടൂം ഹിന്ദുമതം കൃത്രിമഗര്‍ഭനിരോധനമാര്‍ഗ്ഗങ്ങളെ അനുകൂലിക്കുന്നു എന്നു പറയാന്‍ കഴിയുമോ.

google优化 said...

无锡乐洋化机公司主要采购反应设备销售反应设备反应设备商机反应设备产品反应设备公司反应设备供应商反应设备市场反应设备价格行情反应设备展会信息反应设备行业资讯反应设备反应设备本公司主要生产反应设备销售反应设备制造反应设备和各种产品我们是反应设备供应商有很大的反应设备市场反应设备详细情况可以访问反应设备专业网本公司主要生产反应设备
销售反应设备冷凝器冷凝器冷凝器冷凝器冷凝器反应锅反应锅反应锅反应锅反应锅反应釜反应釜反应釜反应釜反应釜反应釜反应釜反应釜反应釜搅拌设备搅拌设备搅拌设备不锈钢反应釜冷凝器冷凝器冷凝器冷凝器冷凝器展会信息冷凝器行业资讯反应锅反应锅反应锅反应锅反应锅反应釜反应釜反应釜反应釜反应锅反应釜换热器换热器换热器换热器

google优化 said...

无锡乐洋化机公司主要采购反应设备销售反应设备反应设备商机反应设备产品反应设备公司反应设备供应商反应设备市场反应设备价格行情反应设备展会信息反应设备行业资讯反应设备反应设备本公司主要生产反应设备销售反应设备制造反应设备和各种产品我们是反应设备供应商有很大的反应设备市场反应设备详细情况可以访问反应设备专业网本公司主要生产反应设备
销售反应设备冷凝器冷凝器冷凝器冷凝器冷凝器反应锅反应锅反应锅反应锅反应锅反应釜反应釜反应釜反应釜反应釜反应釜反应釜反应釜反应釜搅拌设备搅拌设备搅拌设备不锈钢反应釜冷凝器冷凝器冷凝器冷凝器冷凝器展会信息冷凝器行业资讯反应锅反应锅反应锅反应锅反应锅反应釜反应釜反应釜反应釜反应锅反应釜换热器换热器换热器换热器

Anonymous said...

有什么 有什么网址 有什么新闻 有什么博客 有什么论文 有什么图片 有什么音乐 有什么搜商 有什么帖客 天气预报 有什么

Anonymous said...

wow gold
wow gold
wow power leveling
wow power leveling
wow gold@@@@
World of Warcraft Gold
wow power leveling
wow power leveling
wow power leveling
wow power leveling
wow power leveling
wow power leveling
wow power leveling
wow power leveling
wow power leveling
wow powerleveling
wow powerleveling
wow powerleveling
rolex replica
wow powerleveling
wow powerleveling
wow powerleveling
wow powerleveling
wow powerleveling
wow powerleveling
wow powerleveling
wow powerleveling
replica rolex
powerleveling
powerleveling
powerleveling
powerleveling
power leveling
power leveling
powerleveling
powerleveling
power leveling
power leveling
power leveling
power leveling
power leveling
power leveling
power leveling
power leveling
rolex
wow gold
wow gold
Warcraft Gold
Warcraft Gold

中高年 転職
アルバイト 求人情報
ブライダル
転職
競馬
FX
ダイエット
お見合い
競馬 予想
新築マンション
新築マンション
コンタクトレンズ
婚約指輪
合宿免許
人材派遣
東京都 墓地
派遣会社
人材派遣
パチンコ 攻略
おなら

货架
OCR
OCR
手机词典
高速扫描
机票
灭蟑螂
蜗轮减速机
减速机
齿轮减速机
丝杆升降机
租房
租房
北京租房
北京租房
搬家公司
北京搬家
北京搬家公司
上海机票
上海机票
上海打折机票
上海打折机票
上海特价机票
上海特价机票
搬家公司
搬家公司
北京搬家公司
北京搬家公司

dggghjhgkg

Nishan said...

Read the actual news here : http://www.ucanews.com/2007/09/14/bishops-want-catholic-baby-boom-to-halt-slide-in-kerala-christian-community/

It reveals whats inside the mind of these people.

qweaq said...

wow gold!All wow gold US Server 24.99$/1000G on sell! Cheap wow gold,wow gold,wow gold,Buy Cheapest/Safe/Fast WoW US EUwow gold Power leveling wow gold from the time you World of Warcraft gold ordered!fanfan980110

wow power leveling wow powerleveling wow power levelingcheap wow power leveling wow power leveling buy wow power leveling wow power leveling buy power leveling wow power leveling cheap power leveling wow power leveling wow power leveling wow power leveling wow powerleveling wow power leveling power leveling wow power leveling wow powerleveling wow power leveling buy rolex cheap rolex wow gold wow gold wow gold wow goldfanfan980110
sdfsdfs

版主支持你 said...

圣诞树 小本创业
小投资
条码打印机 证卡打印机
证卡打印机 证卡机
标签打印机 吊牌打印机
探究实验室 小学科学探究实验室
探究实验 数字探究实验室
数字化实验室 投影仪
投影机 北京搬家
北京搬家公司 搬家
搬家公司 北京搬家
北京搬家公司 月嫂
育儿嫂 月嫂
育婴师 育儿嫂
婚纱 礼服

婚纱摄影 儿童摄影
圣诞树 胶带
牛皮纸胶带 封箱胶带
高温胶带 铝箔胶带
泡棉胶带 警示胶带
耐高温胶带 特价机票查询
机票 订机票
国内机票 国际机票
电子机票 折扣机票
打折机票 电子机票
特价机票 特价国际机票
留学生机票 机票预订
机票预定 国际机票预订
国际机票预定 国内机票预定
国内机票预订 北京特价机票
北京机票 机票查询
北京打折机票 国际机票查询
机票价格查询 国内机票查询
留学生机票查询 国际机票查询

vikram's darbar said...

അല്‍പ്പം വൈകിയാണ് വാര്‍ത്തയും പോസ്റ്റും (ഇടയ ലേഖനത്തെ ക്കുറിച്ച്ചുള്ളവ) വായിച്ചത്. തെറ്റിദ്ധാരണ ജനകമായി ഒരു പോസ്റ്റ് ഇട്ടു എന്ന് തോന്നിയ ഉടന്‍ അതിന് തിരുത്ത് നല്കാന്‍ തുനിഞ്ഞ കിരണിന്റെ ആത്മാര്‍ഥതയെ അഭിനന്ദിക്കാന്‍ മാത്രമാണീ കമന്റ്. വിഷയത്തില്‍ സ്വന്തം അഭിപ്രായം എഴുതാന്‍ തുടങ്ങിയാല്‍ അത് മറ്റൊരു പോസ്റ്റ് ആയി മാറും എന്ന ബാഹുല്യ ഭയത്താല്‍ തത്കാലം സാഹസത്തിനു മുതിരുന്നില്ല.
ഓ ടോ : പുതിയ ബ്ലോഗുകള്‍ തനിമലയാളത്തില്‍ ലിസ്റ്റ് ചെയ്യപ്പെടാന്‍ എന്ത് ചെയ്യണം എന്ന് ആരെങ്കിലും ദയവു ചെയ്തു പറഞ്ഞു തരിക.