Monday, May 19, 2008

ഏകജാലകം നല്ലതിനോ ?

കേരളത്തില്‍ വിദ്യാഭ്യാസ രംഗത്ത്‌ എന്ത്‌ പരിഷക്കരണം കൊണ്ടുവന്നാലും വിവാദമാകുക സാധരണമാണ്‌. സി.പി. രാമസ്വാമി അയ്യരുടെ കാലം മുതല്‍ ഈ വിവാദങ്ങള്‍ ഉണ്ട്‌. ആദ്യ കമ്യൂണിസ്റ്റ്‌ മന്ത്രി സഭയുടെ പതനത്തിന്‌ വഴിതെളിച്ചതും വിദ്യാഭ്യാസ രംഗത്തെ പരിഷ്കാരം തന്നെ. അത്‌ ഈ കമ്യൂണിസ്റ്റ്‌ മന്ത്രി സഭയേയും പിന്‍തുടരുമോ എന്ന് തോന്നിക്കുന്ന തരത്തിലാണ്‌ വിദ്യാഭ്യാസ പരിഷ്ക്കരണ വിവാദങ്ങളുടെ പോക്ക്‌. പുതിയ വിവാദം ഏകജലക സംവിധാനമാണ്‌. പതിവു പോലെ കത്തോലിക്ക സഭ സര്‍ക്കാരിനെതിരെ പല്ലും നഖവുമെടുത്ത്‌ ഇറങ്ങിക്കഴിഞ്ഞു. എന്നാല്‍ ഒപ്പം ഉള്ളത്‌ NSS മാത്രമെന്നാണ്‌ ഇപ്പോള്‍ കാണുന്നത്‌. ബാക്കിയെല്ലാവരേയും സര്‍ക്കാര്‍ പാട്ടിലാക്കി കഴിഞ്ഞു എന്തിന്‌ ഓര്‍ത്തഡോക്സ്‌ സഭയേപ്പോലും.

കൊട്ടിഘോഷിക്കപ്പെട്ട സ്വയാശ്രയ നിയമം കോടതിയില്‍ ഉടഞ്ഞു വീഴുന്നത്‌ വരെ ഞാനടക്കമുള്ളവര്‍ അതിനേ ശക്തമായി പിന്‍തുണച്ചിരുന്നു. അതുകൊണ്ട്‌ തന്നെ ഏകജലക പരിഷക്കാരത്തെപ്പറ്റി പെട്ടെന്ന് പിന്‍തുണക്കേണ്ട എന്ന് തീരിമാനിച്ചു. സഭക്ക്‌ പറയാനുള്ളത്‌ മുഴുവന്‍ കേട്ടിട്ടെ ഒരു നിലപാട്‌ എടുക്കൂ എന്ന് ആദ്യമേ തീരുമാനിച്ചു. ഇതാണ്‌ സഭയുടെ വാദഗതികള്‍


ഏകജാലകം: വീണ്ടുമൊരു തുഗ്ലക്‌ പരിഷ്കാരം - ഫാ. ലോറന്‍സ്‌ തൈക്കാട്ടില്‍


കേരള വിദ്യാഭ്യാസ വകുപ്പ്‌ മാര്‍ച്ച്‌ 29-ന്‌ ഇറക്കിയ ഉത്തരവനുസരിച്ച്‌ അടുത്ത അധ്യയനവര്‍ഷത്തില്‍ (2008-09) പ്ലസ്‌ വണ്‍ ക്ലാസുകളിലേക്ക്‌ ഏകജാലക സംവിധാനത്തിലൂടെയാണു വിദ്യാര്‍ഥികള്‍ക്കു പ്രവേശനം ലഭിക്കുക. ഈ പുതിയ സംവിധാനം പ്ലസ്‌ വണ്‍ പ്രവേശനമാകെ പ്രശ്നകലുഷിതമാക്കുമെന്ന്‌ ആദ്യമേ പറയട്ടെ.ഏകജാലക സംവിധാനംപ്ലസ്‌ വണ്‍ പ്രവേശനത്തിനു നിലവിലുള്ള രീതി മാറ്റി ഓരോ ജില്ലയ്ക്കും പൊതുവായ മെരിറ്റ്‌ ലിസ്റ്റ്‌ തയാറാക്കി പ്രവേശനം നിശ്ചയിക്കുന്ന അശാസ്ത്രീയമായ പ്രവേശന സമ്പ്രദായമാണ്‌ ഏകജാലക സംവിധാനം.ഏകജാലക സംവിധാനത്തെക്കുറിച്ചു പ്രതിപാദിക്കുന്നതിനു മുമ്പ്‌ നിലവിലുള്ള പ്രവേശന സമ്പ്രദായത്തെക്കുറിച്ച്‌ അറിയുന്നത്‌ നല്ലതാണ്‌.
+1 നിലവിലുള്ള സമ്പ്രദായം
ഓരോ സ്കൂളും പ്ലസ്‌ വണ്‍ പ്രവേശനത്തിന്‌ അപേക്ഷ ക്ഷണിക്കുന്നു. മാനേജ്മെന്റ്‌ ക്വാട്ടയിലേക്കുള്ള അപേക്ഷയും അതാതു സ്കൂളിലേക്കാണു നല്‍കേണ്ടത്‌. അതാതു സ്കൂളുകള്‍ തയാറാക്കുന്ന മാനേജ്മെന്റ്‌ ക്വാട്ട അപക്ഷാഫോറത്തില്‍ അതാതു മാനേജ്മെന്റിന്റെ ഹിതാനുസരണമുള്ള കാര്യങ്ങളാണു ചോദിക്കുന്നത്‌. ഭരണഘടന ഉറപ്പുനല്‍കുന്ന ന്യൂനപക്ഷാവകാശമാണ്‌ (ഭരണഘടന 30:1). ഇപ്രകാരം പ്രവര്‍ത്തിക്കാന്‍ മാനേജ്മെന്റിന്‌ അനുവാദം നല്‍കുന്നത്‌.
സീറ്റു വിഭജനം - നിലവിലുള്ള സമ്പ്രദായം
പ്ലസ്‌ വണ്‍ പ്രവേശനത്തിന്‌ നിലവിലുള്ള സമ്പ്രദായത്തില്‍ ന്യൂനതകളും ക്രമക്കേടുകളുമുണെ്ടന്ന പ്രചാരണമാണ്‌ ഇടതുപക്ഷ സര്‍ക്കാര്‍ ഏകജാലക സംവിധാനം കൊണ്ടുവരുന്നതിന്‌ ഉപയോഗിക്കുന്ന ഉമ്മാക്കി. ക്രമക്കേടുണെ്ടങ്കില്‍ അതു കണ്ടുപിടിക്കാനുള്ള പ്രത്യേക സ്ക്വാഡ്‌ സര്‍ക്കാരിനുണെ്ടന്ന സത്യം എന്തുകൊണ്ടു മറച്ചുവയ്ക്കുന്നു. സാധാരണരീതിയില്‍ പ്രവേശനം പൂര്‍ത്തിയായാല്‍ ഉടന്‍തന്നെ മെരിറ്റ്‌ ലിസ്റ്റും അഡ്മിഷന്‍ രജിസ്റ്ററിന്റെ ഒരു കോപ്പിയും ബന്ധപ്പെട്ട മുഴുവന്‍ രേഖകളും ആര്‍.ഡി.ഡി.ക്ക്‌ അയച്ചുകൊടുക്കുന്നുണ്ട്‌. ഇത്ര സുതാര്യമാണ്‌ നമ്മുടെ പ്ലസ്‌ വണ്‍ പ്രവേശനം.
പുതിയ ഏകജാലക സംവിധാനം
പ്രവേശനപരീക്ഷയില്‍ നേടുന്ന റാങ്കിന്റെ അടിസ്ഥാനത്തില്‍ കോളജും സീറ്റും അലോട്ട്‌ ചെയ്ത്‌ പ്രവേശനം നല്‍കുന്ന മെഡിക്കല്‍/ എന്‍ജിനീയറിംഗ്‌ അഡ്മിഷന്റെ മോഡലില്‍ പ്ലസ്‌ വണ്‍ പ്രവേശനത്തിന്‌ സ്വീകരിച്ചിട്ടുള്ള രീതിയാണ്‌ ഏകജാലക സംവിധാനം. പ്രവേശന പരീക്ഷയ്ക്കുപകരം എസ്‌.എസ്‌.എല്‍.സി.ക്കു വിവിധ വിഷയങ്ങള്‍ക്കു ലഭിക്കുന്ന ഗ്രേഡിന്റെയും കുട്ടി ആവശ്യപ്പെടുന്ന പ്രധാന വിഷയത്തിന്റെ (സയന്‍സ്‌, കൊമേഴ്സ്‌, ഹ്യൂമാനിറ്റീസ്‌) കോമ്പിനേഷനിലുള്ള വിഷയങ്ങള്‍ക്കു ലഭിച്ച ഗ്രേഡിന്റെ പോയിന്റും ബോണസ്‌ പോയിന്റുണെ്ടങ്കില്‍ അതും ചേര്‍ത്ത്‌ കണെ്ടത്തുന്ന വെയ്റ്റേജ്‌ ഗ്രേഡ്‌ പോയിന്റ്‌ ആവറേജിന്റെ അടിസ്ഥാനത്തില്‍ ഓരോ ജില്ലയിലും റാങ്ക്‌ ലിസ്റ്റ്‌ തയാറാക്കുന്നു. അപേക്ഷയില്‍ രേഖപ്പെടുത്തിയിട്ടുള്ള ഓപ്ഷനും വെയ്റ്റേജ്‌ ഗ്രേഡ്‌ പോയിന്റ്‌ ആവറേജിന്റെയും അടിസ്ഥാനമാക്കി കോഴ്സിന്റെ പ്രധാന വിഷയവും സ്കൂളും തീരുമാനിക്കുന്നു. ആ വിവരം ഇന്റര്‍നെറ്റില്‍നിന്നും അറിയാം. ജില്ലയിലെ ഓരോ സ്കൂളുകളിലേക്കും അവിടെ പ്രവേശനം നല്‍കേണ്ട കുട്ടികളുടെ ലിസ്റ്റ്‌ അയച്ചുകൊടുക്കും. എന്നാല്‍, ജില്ലയുടെ മൊത്തമുള്ള ലിസ്റ്റ്‌ പ്രസിദ്ധപ്പെടുത്തുകയില്ല. (അനുവാചകം: വര്‍ഷങ്ങള്‍ക്കുമുമ്പ്‌ കംപ്യൂട്ടര്‍ വന്നപ്പോള്‍ സാധാരണക്കാരന്റെ തൊഴില്‍പോകുമെന്നു പറഞ്ഞ്‌ കംപ്യൂട്ടര്‍ തല്ലിപ്പൊളിച്ച സാധാരണക്കാരന്റെ സര്‍ക്കാരിന്റെ വളര്‍ച്ച.)
ഏകജാലകത്തിലെ അപകടങ്ങള്
‍താത്വികമായും പ്രായോഗികമായും വിദ്യാര്‍ഥിയുടെയും മാതാപിതാക്കളുടെയും അവകാശാധികാരങ്ങളെ കാറ്റില്‍പ്പറത്തുന്ന ഭീകരമായ വിദ്യാഭ്യാസ അപചയ തളര്‍ച്ചയിലേക്കു കേരളത്തെ നയിക്കുന്ന നിയമമാണിത്‌. ഈ നിയമത്തിന്റെ അന്ധകാരാംശങ്ങളിലേക്ക്‌ പരിചിന്തനം നടത്തുന്നതിനു മുമ്പ്‌ കഴിഞ്ഞവര്‍ഷം പരീക്ഷണാര്‍ഥം ഈ സമ്പ്രദായം നടപ്പിലാക്കിയ തിരുവനന്തപുരം ജില്ലയിലുണ്ടായ അനുഭവങ്ങളെക്കുറിച്ചു പറയാം.
ഏകജാലക സംവിധാനം തിരുവനന്തപുരത്ത്‌
കഴിഞ്ഞ അധ്യയനവര്‍ഷത്തില്‍ കേരളത്തില്‍ പൊതുവില്‍ ജൂണ്‍ 23-ന്‌ പ്ലസ്‌ വണ്‍ക്ലാസുകള്‍ തുടങ്ങി. എന്നാല്‍, തിരുവനന്തപുരം ജില്ലയില്‍ പ്ലസ്‌ വണ്‍ പ്രവേശനം പൂര്‍ത്തിയാക്കി ശരിയായ രീതിയില്‍ പ്ലസ്‌ വണ്‍ ക്ലാസുകള്‍ തുടങ്ങിയത്‌ നവംബര്‍മാസത്തിലാണ്‌. നഷ്ടപ്പെട്ട അധ്യയനദിവസങ്ങള്‍ക്ക്‌ ആരാണുത്തരവാദി?
(അകംപൊരുള്‍ 1: കഴിഞ്ഞ അധ്യയനവര്‍ഷം 200 പ്രവൃത്തിദിനങ്ങളുണ്ടാകണമെന്നു വാശിപിടിച്ചയാളാണ്‌ ബഹുമാനപ്പെട്ട വിദ്യാഭ്യാസമന്ത്രി.
അകംപൊരുള്‍ 2: പ്ലസ്‌ വണ്‍ വിദ്യാഭ്യാസം തലസ്ഥാന നഗരിയില്‍ ഉപകാരപ്രദമായിട്ടില്ലെന്നറിഞ്ഞതുകൊണ്ടാണ്‌ പ്ലസ്‌ വണ്‍ പരീക്ഷകള്‍ മധ്യവേനലവധിക്കു ശേഷമാകാമെന്നു മന്ത്രി തിരുമനസായത്‌.)
ഏക ജാലകസമ്പ്രദായത്തില്‍ തിരുവനന്തപുരത്തെ പല ഹയര്‍ സെക്കന്‍ഡറി സ്കൂളുകളിലും പ്രവേശനം ലഭിച്ചവരില്‍ ഇരുപതോളം വിദ്യാര്‍ഥികളാണ്‌ അവസാനം വരെയുണ്ടായത്‌. ഈ അനിശ്ചിതാവസ്ഥയ്ക്ക്‌ ആരാണുത്തരവാദി?ഈ സമ്പ്രദായം അനുവര്‍ത്തിച്ച തിരുവനന്തപുരം ജില്ലയില്‍ മൂന്നു പ്രാവശ്യത്തിലധികം വിദ്യാലയങ്ങള്‍ മാറേണ്ടിവന്ന വിദ്യാര്‍ഥികളുണ്ട്‌. ഈ അസ്വസ്ഥതകളുടെ (യൂണിഫോം, പാഠപുസ്തകം എന്നിവയുടെ ചെലവ്‌) ഉത്തരവാദിത്വം വിദ്യാഭ്യാസവകുപ്പ്‌ ഏറ്റെടുക്കുമോ?തിരുവനന്തപുരം ജില്ലയില്‍ 2007-2008-ല്‍ 20 ശതമാനം വരെ ഹയര്‍ സെക്കന്‍ഡറി സീറ്റുകള്‍ ഒഴിഞ്ഞുകിടന്നു. ആര്‌ ഇതിന്‌ ഉത്തരവാദിത്വം പറയും? (സര്‍ക്കാര്‍ സ്കൂളുകളിലെ സ്ഥിതി ഇതിനേക്കാള്‍ മോശമാണെന്ന കാര്യം വിസ്മരിക്കുന്നില്ല.)
2008-09 ല്‍ സര്‍ക്കാര്‍ നടപ്പിലാക്കാനുദ്ദേശിക്കുന്ന ഏകജാലക സംവിധാനം താഴെപ്പറയുന്ന വിധത്തിലെല്ലാം അംഗീകരിക്കാ നാവുന്നതല്ല:
1 ഇന്ത്യന്‍ ഭരണഘടന കാത്തുസംരക്ഷിക്കുന്ന ന്യൂനപക്ഷാവകാശങ്ങളുടെ നഗ്നമായ ലംഘനമാണ്‌ ഈ നിയമം.
2 ഈ പുതിയ ഉത്തരവുപ്രകാരം വിദ്യാഭ്യാസവകുപ്പ്‌ രണ്ടുതരം അപേക്ഷാഫോമുകളാണ്‌ തരുന്നത്‌. ഒന്ന്‌ മെരിറ്റ്‌ സീറ്റിലേക്കും മറ്റൊന്നു മാനേജ്മെന്റ്‌ സീറ്റിലേക്കും. നിരീശ്വര തത്വത്തില്‍ ഉറച്ചുനില്‍ക്കുന്ന സര്‍ക്കാരിനെങ്ങനെ ന്യൂനപക്ഷസ്ഥാപനങ്ങള്‍ക്കുള്ള മാനേജ്മെന്റ്‌ ക്വാട്ട ഫോമുകള്‍ തയാറാക്കാന്‍ സാധിക്കുമെന്നു മനസിലാകുന്നില്ല. ഓരോ സ്വകാര്യമാനേജ്മെന്റിനും സ്വന്തമായ താത്പര്യങ്ങളുണ്ടാകുമല്ലോ.
3 പുതിയ സമ്പ്രദായമനുസരിച്ച്‌ 10 അംഗങ്ങളുള്ള (6 കംപ്യൂട്ടര്‍ അധ്യപകര്‍, 3 ക്ലാര്‍ക്കുമാര്‍, 1 കണ്‍വീനര്‍) കമ്മിറ്റിയാണ്‌ അപേക്ഷോഫോമുകള്‍ വെബ്സൈറ്റിലേക്ക്‌ അപ്ലോഡ്‌ ചെയ്യുന്നത്‌. അതിനുശേഷമാണ്‌ സീറ്റുകള്‍ അലോട്ട്‌ ചെയ്യുന്നത്‌. കഴിഞ്ഞവര്‍ഷം തിരുവനന്തപുരത്ത്‌ ഏഴ്‌ അലോട്ട്മെന്റുകള്‍ക്കുശേഷം സീറ്റുലഭിച്ച ധാരാളം കുട്ടികളുണ്ട്‌. ഇത്തരം അലോട്ട്മെന്റുകള്‍ യഥാര്‍ഥത്തില്‍ നീതിപൂര്‍വമാകില്ല എന്നുള്ള മുന്നറിയിപ്പാണു കഴിഞ്ഞവര്‍ഷത്തേത്‌.
4 പുതിയ സമ്പ്രദായത്തിന്റെ അപേക്ഷാഫോറം 40 പേജുണെ്ടന്നാണു പറയുന്നത്‌. ഇതില്‍ അപേക്ഷാര്‍ഥികള്‍ സ്കൂളിന്റെ കോഡും വിഷയങ്ങളുടെ കോഡും നല്‍കണം. ഇത്തരം ഒത്താശകള്‍ വിദ്യാര്‍ഥി ലോകത്തെയും ഒപ്പം മാതാപിതാക്കളെയും കടുത്ത ആശയ പ്രതിസന്ധിയിലാക്കുമെന്നതു തീര്‍ച്ചയാണ്‌.
5 പുതിയ ക്രമമനുസരിച്ച്‌ ഓരോ ജില്ലയ്ക്കും ഓരോ കോഓര്‍ഡിനേറ്റര്‍മാരുണ്ട്‌. ഇവര്‍ നിര്‍ദേശിക്കുന്നതനുസരിച്ച്‌ ഓരോ ബാച്ചിലും ഇപ്പോഴുള്ള 50 സീറ്റുകള്‍ക്ക്‌ പകരം 60 സീറ്റുകള്‍ വേണമെന്നാണ്‌. പുതിയതായി കൂട്ടുന്ന 10 സീറ്റുകള്‍ പൂര്‍ണമായും മെരിറ്റ്‌ അടിസ്ഥാനത്തിലാകണമെന്നും നിഷ്കര്‍ഷിക്കുന്നുണ്ട്‌. വൈരുധ്യാത്മകതയിലൂന്നിയ നീതിബോധമാണ്‌ ഇത്‌ എന്നു പറയാം. 50- ല്‍നിന്ന്‌ 60-ലേക്ക്‌ മാറ്റുന്നത്‌ സര്‍ക്കാരിന്റെതന്നെ നയങ്ങളുടെ വൈരുധ്യാത്മകത ഒരിക്കല്‍ക്കൂടി വെളിച്ചത്താക്കുന്നതാണ്‌. പുതിയ കെ.ഇ.എ.ആര്‍. 2008-ല്‍ ഓരോ ഡിവിഷനും 40 കുട്ടികള്‍ മതിയെന്ന്‌ നിഷ്കര്‍ഷിക്കുന്നവര്‍തന്നെയാണ്‌ പ്ലസ്‌ വണ്ണിന്‌ 50 കുട്ടികള്‍ വേണമെന്നു ശഠിക്കുന്നത്‌.
6 ഒരു കുട്ടിക്ക്‌ തനിക്ക്‌ ഇഷ്ടപ്പെട്ട വിഷയം ലഭിച്ചില്ലെങ്കില്‍ പ്രവേശനപ്രക്രിയ അവസാനിക്കുന്നതുവരെ അതിനായി കാത്തിരിക്കേണ്ടിവരും.
7 കുട്ടിക്ക്‌ എത്ര ഉന്നതമായ ഗ്രേഡ്‌ കിട്ടിയാലും തനിക്ക്‌ ഇഷ്ടപ്പെട്ട സ്കൂളിലോ വിഷയമോ പഠിക്കാനാകുമോ എന്നു പറയാനൊക്കില്ല. കുട്ടിയുടെ സാമൂദായിക-മതപരമായ കാഴ്ചപ്പാടില്‍നിന്നും സാഹചര്യങ്ങളില്‍നിന്നും അവനെ /അവളെ സര്‍ക്കാരിന്റെ പൊതുസ്വത്താക്കുക എന്ന സാക്ഷാല്‍ ലെനിനിസ്റ്റ്‌ - ഫാസിസ്റ്റ്‌ തന്ത്രമാണിത്‌.
8 ഒരു കുട്ടി തനിക്കു ലഭിക്കുന്ന ആദ്യ അലോട്ട്മെന്റില്‍ത്തന്നെ അഡ്മിഷനെടുക്കണം. പിന്നീടു തനിക്ക്‌ ഇഷ്ടപ്പെട്ട സ്ഥലത്തു കിട്ടുമ്പോള്‍ അവിടേക്കു പോകാം. പുറമേക്കു നന്നായി തോന്നാമെങ്കിലും ആട്ടിന്‍കൂട്ടത്തില്‍ ചെമ്മരിയാടിന്‍ തോലിട്ട്‌ ക്രൂരതയോടെ ചെമ്മരിയാടിന്റെ രക്തംകുടിക്കുന്ന രക്തദാഹിയായ ചെന്നയയാണ്‌ ഇതെന്നു നാം തിരിച്ചറിയണം. കാരണം, കുട്ടി സാമ്പത്തികമായും മാനസികമായും ചോരയൂറ്റപ്പെടുകയാണിവിടെ.
9 ഒന്നാമത്തെ സ്കൂള്‍ തുടങ്ങി കുട്ടി മാറുന്ന എല്ലാ സ്കൂളുകളുടെയും യൂണിഫോമും ടെക്സ്റ്റ്‌ പുസ്തകങ്ങളും വാങ്ങിച്ച്‌ സാമ്പത്തികമായി കുട്ടിയുടെയും കുടുംബത്തിന്റെയും നട്ടെല്ലു തകര്‍ത്ത്‌ ആനന്ദനൃത്തമാടുന്ന ക്രൂരതയാണിത്‌. പാവങ്ങളുടെ പക്ഷം ചേരുന്ന സര്‍ക്കാരിന്റെ ദരിദ്രസ്നേഹം.
10 ഈ സമ്പ്രദായം കേരളമൊട്ടാകെ നടപ്പിലാക്കാന്‍ ഏകദേശം മൂന്നുകോടി രൂപ ചെലവുവരും. പാവപ്പെട്ടവന്റെ നികുതിപ്പണത്തില്‍നിന്നും ഇത്തരം ദുര്‍വ്യയത്തിനുള്ള അനുമതി ആരാണു നല്‍കിയത്‌?
11 സ്വന്തം വിദ്യാര്‍ഥി സംഘടനാ പ്രവര്‍ത്തകരെ നന്നായി പ്രവര്‍ത്തിക്കുന്ന വിദ്യാലയങ്ങളിലേക്കു വിന്യസിച്ച്‌ അവിടെ തങ്ങളുടെ പിണിയാളുകളെ കുത്തിനിറയ്ക്കാനുള്ള സംവിധാനമാണ്‌ ഏകജാലക സംവിധാനമെന്നു സംശയിക്കുന്നു.കാലാനുസൃതമായ മാറ്റങ്ങള്‍ രാജ്യത്തിനും സമൂഹത്തിനും വ്യക്തികള്‍ക്കും ഉപയോഗപ്രദമാണെങ്കില്‍ സ്വീകരിക്കാന്‍ മനസ്സില്ലാത്തവരല്ല കേരളത്തിലെ പ്രബുദ്ധരായ ജനം. ചരിത്രം അതിനു സാക്ഷ്യംപറയുന്നുണ്ട്‌. എന്നാല്‍, പുതിയ ഏകജാലകസംവിധാനത്തില്‍ അനിശ്ചിതത്വവും കഷ്ടപ്പാടും സാമ്പത്തിക നഷ്ടവുമല്ലാതെ മറ്റൊന്നും കാണാനാകുന്നില്ല. വിദ്യാലയം ദേവാലയമായി കാണുന്ന, അധ്യാപകരെ ദൈവങ്ങളായി കാണുന്ന നമ്മുടെ നാട്ടില്‍ ഋഷിവര്യന്മാരുടെ പ്രാര്‍ഥനമാറ്റി 'വെളിച്ചം ദുഃഖമാണുണ്ണീ' എന്നു പഠിപ്പിക്കുന്ന രീതിയിലേക്കു ഭാവിവാഗ്ദാനങ്ങളായ വിദ്യാര്‍ഥികളെ പന്താടുന്ന പരീക്ഷണങ്ങള്‍ നിറുത്താന്‍ സര്‍ക്കാര്‍ തയാറാകണം.
(ഡയറക്ടര്‍, ദൈവശാസ്ത്ര വിദ്യാപീഠം തൃശൂര്‍)



ഇത്‌ വായിച്ച്‌ കഴിഞ്ഞപ്പോള്‍ എന്തൊക്കെയോ പന്തികേട്‌. ആകെ മൊത്തം കണ്‍ഫ്യൂഷന്‍. നിരീശ്വരവാദ തത്വത്തില്‍ പ്രവര്‍ത്തിക്കുന്ന ഗവണ്മെന്റ എന്ന പ്രയോഗമൊക്കെ മൊത്തത്തില്‍ ഒരു വല്ലായ്മ തോന്നിക്കുന്നു. എന്നാല്‍ ഈ പറയുന്നവയി എന്തെങ്കിലും കാര്യമുണ്ടോ എന്നും അന്വേഷിക്കേണ്ടതുണ്ട്‌ എന്നതാണ്‌ എന്റ പക്ഷം. നിയമപരമായി ഇത്‌ നിലനില്‍ക്കില്ല എന്നാണ്‌ സഭ പറയുന്നത്‌ എന്താണ്‌ ഇതിന്റ യഥാര്‍ത്ഥ്യം. ഇതേപ്പറ്റി അന്വേഷിച്ച്‌ ചെന്നപ്പോഴാണ്‌ ഹയര്‍ സക്കന്ററി ഡയറക്ടരുടെ വിശദീകരണക്കുറിപ്പ്‌ കണ്ടത്‌ അതിങ്ങനെ




ഏകജാലകം: സത്യവും മിഥ്യയും വി. കാര്‍ത്തികേയന്‍നായര്‍


കഴിഞ്ഞ അധ്യയനവര്‍ഷം തിരുവനന്തപുരം ജില്ലയില്‍ ഒന്നാംവര്‍ഷ ഹയര്‍ സെക്കന്‍ഡറി ക്ലാസുകളിലേക്ക് പരീക്ഷണാടിസ്ഥാനത്തില്‍ നടപ്പാക്കിയ ഏകജാലക പ്രവേശനരീതി ഈ വര്‍ഷം കേരളമാകെ വ്യാപിപ്പിക്കാന്‍ സര്‍ക്കാര്‍ തീരുമാനിച്ചിരിക്കുകയാണല്ലോ. അതില്‍ ശക്തിയായി പ്രതിഷേധിച്ച് ചില മാനേജ്മെന്റുകളും, മതസാമുദായിക നേതാക്കളും രംഗത്തെത്തിക്കഴിഞ്ഞു. പ്രതിഷേധക്കാരെക്കാള്‍ വളരെക്കൂടുതലാണ് അനുകൂലിക്കുന്നവര്‍ എന്നതാണ് വാസ്തവം. തിരുവനന്തപുരത്തെ അനുഭവത്തില്‍നിന്നു മനസ്സിലാകുന്നത് ഇത് ഭൂരിപക്ഷത്തിനും ഗുണകരമാണെന്നാണ്.

ഇതിനെ എതിര്‍ക്കുന്നവര്‍ ഉന്നയിക്കുന്ന പ്രധാന ആരോപണങ്ങള്‍ ഇവയാണ്: വീട്ടില്‍നിന്ന് അകലെ കുട്ടികള്‍ പ്രവേശനംകിട്ടി പോകാന്‍ നിര്‍ബന്ധിതരാകുന്നു, പഠിച്ച സ്കൂളില്‍തന്നെ തുടര്‍പഠനത്തിനുള്ള അവസരം നിഷേധിക്കപ്പെടുന്നു, മുന്‍ഗണനാക്രമമനുസരിച്ച് കുട്ടികള്‍ മാറിപ്പോകുന്നതിനാല്‍ അക്കാദമികമായ പ്രയാസങ്ങളുണ്ടാകുന്നു, പ്രവേശനം അനന്തമായി നീളുന്നു, എയ്ഡഡ് സ്കൂളുകളിലെ വിദ്യാര്‍ഥി പ്രവേശനം മാനേജര്‍മാരുടെ അവകാശമാണ്്.

എന്താണ് ഏകജാലകം?
ഏകജാലകപ്രവേശനം എന്ന പദപ്രയോഗം തെറ്റിദ്ധാരണക്കിടയാക്കിയിട്ടുണ്ട് എന്നുതോന്നുന്നു. വാസ്തവത്തില്‍ ഇതിന്റെ പേര് കേന്ദ്രീകൃത സീറ്റ് അലോട്ട്മെന്റ് എന്നാണ്. ഇതിന് തയാറാക്കിയ പ്രോജക്ടിന്റെ പേര് ഹയര്‍ സെക്കന്‍ഡറി സെന്‍ട്രലൈസ്ഡ് അലോട്ട്മെന്റ് പ്രോഗ്രാം (എച്ച്.എസ്.സി.എ.പി) എന്നാണ്. പ്രൊഫഷനല്‍ കോഴ്സുകളിലേക്ക് എന്‍ട്രന്‍സ് പരീക്ഷാകമീഷണര്‍ കേന്ദ്രീകൃത അലോട്ട്മെന്റ് നടത്തുന്നതുപോലെ ഹയര്‍ സെക്കന്‍ഡറി പ്രവേശനവും കേന്ദ്രീകൃതമായി നടത്തുന്നുവെന്നേയുള്ളൂ. ജില്ല കേന്ദ്രീകരിച്ചാണ് പ്രവേശന അലോട്ട്മെന്റ് നടത്തുന്നത്. വിദ്യാര്‍ഥി ഒരു ജില്ലയില്‍ ഒരു അപേക്ഷ കൊടുത്താല്‍ മതി. അറുപത് സ്കൂളോ ബാച്ചോ മുന്‍ഗണനാക്രമമനുസരിച്ച് രേഖപ്പെടുത്താന്‍ അപേക്ഷാഫോറത്തില്‍ വ്യവസ്ഥയുണ്ട്. ഒരു അപേക്ഷക്ക് പത്തുരൂപയാണ് വില. കുട്ടിയുടെ അപേക്ഷ കമ്പ്യൂട്ടര്‍ സംവിധാനത്തിലൂടെ പരിശോധിച്ച് അര്‍ഹതപ്പട്ടിക പ്രസിദ്ധീകരിക്കുന്നു. തെറ്റുണ്ടെങ്കില്‍ തിരുത്താന്‍ ആവശ്യമായ സമയം നല്‍കുന്നു.

തിരുത്തു വരുത്തിയശേഷം സ്കൂള്‍ തിരിച്ച് പ്രവേശനപ്പട്ടിക പ്രസിദ്ധീകരിക്കുന്നു. അതോടൊപ്പം ഓരോ കുട്ടിയുടെയും പ്രവേശനസാധ്യതാ പട്ടികയും പ്രസിദ്ധീകരിക്കുന്നു. അനര്‍ഹര്‍ കടന്നുകൂടിയിട്ടുണ്ടോയെന്ന് പരിശോധിക്കാനും ഓരോരുത്തര്‍ക്കും എവിടെ എപ്പോള്‍ പ്രവേശനം കിട്ടുമെന്ന് വെബ്സൈറ്റിലൂടെ അറിയാനും പറ്റുന്നു. ഇത് വിദ്യാര്‍ഥികള്‍ക്കും രക്ഷിതാക്കള്‍ക്കും സ്കൂള്‍ അധികൃതര്‍ക്കും സൌകര്യപ്രദമാണ്; സുതാര്യമാണ്.

മുന്‍ഗണനാക്രമമനുസരിച്ച് ഇഷ്ടപ്പെട്ട സ്കൂള്‍ കിട്ടുന്നതുവരെ വിദ്യാര്‍ഥിക്ക് സ്കൂള്‍ മാറാന്‍ അവസരമുണ്ട്.

അന്തിമമായി പ്രവേശനം തീരുമാനിക്കുന്ന സമയത്ത് സ്കൂളില്‍ ഫീസടച്ചാല്‍ മതി. ഒരിക്കല്‍ ഫീസടച്ചശേഷം മുന്‍ഗണനാക്രമമനുസരിച്ച് സ്കൂള്‍ മാറുകയാണെങ്കില്‍ പുതിയ സ്കൂളില്‍ ഫീസടക്കേണ്ടതില്ല. മുമ്പ് അടച്ച ഫീസ് വകവെച്ചുകൊടുക്കും. പ്രവേശനം അവസാനിക്കുന്ന സമയത്ത് ഏതെങ്കിലും സ്കൂളില്‍ സീറ്റ് ഒഴിവുണ്ടെങ്കില്‍ അവ നികത്തുന്നതിനും ഈ സമ്പ്രദായം അവസരമൊരുക്കുന്നു. പ്രവേശനം ലഭിക്കാത്തവരുടെ നീണ്ടനിര നില്‍ക്കുമ്പോള്‍ മറ്റു ചില സ്ഥലങ്ങളില്‍ ധാരാളം സീറ്റുകള്‍ ഒഴിഞ്ഞുകിടക്കുന്ന നിലവിലെ സ്ഥിതിക്ക് പരിഹാരം കാണാന്‍ ഏകജാലക രീതിയിലൂടെ കഴിയുന്നു.

കഴിഞ്ഞ അധ്യയനവര്‍ഷം തിരുവനന്തപുരം ജില്ലയില്‍ നടപ്പാക്കിയ ഏകജാലകപ്രവേശനരീതി വിജയകരമായിരുന്നു. അതിനുമുന്നോടിയായി അധ്യാപകസംഘടനാ പ്രതിനിധികള്‍, മാനേജ്മെന്റ് പ്രതിനിധികള്‍, വിദ്യാഭ്യാസ വിദഗ്ധര്‍ എന്നിവരുമായി സര്‍ക്കാര്‍ ചര്‍ച്ച നടത്തി. എയ്ഡഡ് സ്കൂള്‍ മാനേജര്‍മാര്‍ക്ക് അനുവദിച്ച കമ്യൂണിറ്റി^മാനേജ്മെന്റ് സീറ്റുകള്‍ നികത്താന്‍ അവര്‍ക്കുതന്നെ അധികാരമുണ്ടായിരിക്കുമെന്ന് സര്‍ക്കാര്‍ വ്യക്തമാക്കിയിരുന്നു. എന്നാല്‍ പ്രസ്തുത സീറ്റുകളിലേക്ക് പട്ടികതയാറാക്കുമ്പോള്‍ മാനദണ്ഡം വ്യക്തമാക്കണമെന്ന് സര്‍ക്കാര്‍ നിര്‍ദേശിച്ചിരുന്നു. എങ്കിലും അത്തരമൊരു പരിശോധന സര്‍ക്കാര്‍ നടത്തിയില്ല.

തിരുവനന്തപുരം ജില്ലയിലെ 177സര്‍ക്കാര്‍^എയ്ഡഡ് സ്കൂളുകളിലെ 23000ല്‍ പരം സീറ്റുകളിലേക്കാണ് കേന്ദ്രീകൃത പ്രവേശനം നടത്തിയത്. ആദ്യ രണ്ട് അലോട്ട്മെന്റുകള്‍ കഴിഞ്ഞപ്പോള്‍ 80 ശതമാനം സീറ്റുകളും നികത്തപ്പെട്ടിരുന്നു. 'സേ' പരീക്ഷാ വിജയികള്‍ക്ക് അപേക്ഷ സമര്‍പ്പിക്കാന്‍ അവസരം നല്‍കി. ഒഴിഞ്ഞുകിടന്ന പട്ടികജാതി ^വര്‍ഗ സീറ്റുകളിലേക്ക് പ്രത്യേകം അപേക്ഷ ക്ഷണിച്ചു. സ്പോര്‍ട്സ് ക്വാട്ടയില്‍ ഒഴിവുണ്ടായിരുന്ന സീറ്റുകളും പൊതുസീറ്റാക്കിമാറ്റി. അങ്ങനെ അവസാനഘട്ടം അപേക്ഷിച്ച മുഴുവന്‍ പേര്‍ക്കും പ്രവേശനം ലഭിക്കുന്ന സ്ഥിതിവന്നു.

എങ്കിലും ചില തെറ്റുകള്‍ പറയേണ്ടതുണ്ട്. അത് കുട്ടികള്‍ അപേക്ഷ പൂരിപ്പിച്ചപ്പോള്‍ തെറ്റുസംഭവിച്ചതുകൊണ്ടുണ്ടായതാണ്. അപേക്ഷയില്‍ സ്കൂളിലെ പേരിനൊപ്പം കോഡ് നമ്പറും എഴുതണമെന്ന് നിഷ്കര്‍ഷിച്ചിരുന്നു. ശ്രദ്ധക്കുറവുമൂലം കോഡ്നമ്പര്‍ എഴുതിയപ്പോള്‍ തെറ്റുപറ്റി. ഉദാഹരണത്തിന് നെയ്യാറ്റിന്‍കര താലൂക്കിലെ കുളത്തൂര്‍സ്കൂളില്‍ അപേക്ഷകൊടുത്ത കുട്ടിക്ക് തിരുവനന്തപുരം താലൂക്കിലെ അതേപേരുള്ള സ്കൂളിലാണ് പ്രവേശനം കിട്ടിയത്. നമ്പര്‍ എഴുതിയതിലെ തെറ്റാണ്. കൂടുതല്‍ ശ്രദ്ധചെലുത്തിയാല്‍ തെറ്റൊഴിവാക്കാവുന്നതേയുള്ളൂ.

ആക്ഷേപത്തില്‍ കഴമ്പുണ്ടോ?
മറ്റു രംഗങ്ങളിലെന്നപോലെ ഹയര്‍സെക്കന്‍ഡറിയിലും മൂന്നുതരം സ്കൂളുകളാണുള്ളത്^ സര്‍ക്കാര്‍, എയ്ഡഡ്്, അണ്‍എയ്ഡഡ്. അണ്‍എയ്ഡഡ് സ്കൂളുകളിലെ പ്രവേശന കാര്യത്തില്‍ സര്‍ക്കാര്‍ ഇടപെടുന്നേയില്ല. എയ്ഡഡ് സ്കൂളുകളിലെ കമ്യൂണിറ്റി^മാനേജ്മെന്റ് സീറ്റുകളിലെ പ്രവേശനത്തിലും സര്‍ക്കാര്‍ ഇടപെടുകയില്ലെന്ന് അസന്ദിഗ്ധമായി പ്രഖ്യാപിച്ചിട്ടുണ്ട്. എയ്ഡഡ് സ്കൂളുകളിലെ അവശേഷിക്കുന്ന സീറ്റുകളിലേക്കും സര്‍ക്കാര്‍ സ്കൂളുകളിലെ മുഴുവന്‍ സീറ്റുകളിലേക്കും സാമുദായിക സംവരണതത്ത്വങ്ങള്‍ പാലിച്ചുകൊണ്ടുള്ള പ്രവേശനം മാത്രമാണ് സര്‍ക്കാര്‍ നടത്തുന്നത്. അത്തരത്തില്‍ പ്രവേശനം നടത്താന്‍ സര്‍ക്കാറിന് അവകാശമുണ്ടോ എന്നതാണ് പ്രസക്തമായ ചോദ്യം.

എയ്ഡഡ് സ്കൂളുകളിലെ അധ്യാപകര്‍ക്കും ജീവനക്കാര്‍ക്കും ശമ്പളം കൊടുക്കുന്നത് സംസ്ഥാന ഖജനാവില്‍ നിന്നാണ്. അവരെ നിയമിക്കുന്നത് മാനേജര്‍മാരും. ശമ്പളത്തിന് പുറമെ വാര്‍ഷിക അറ്റകുറ്റപ്പണിക്കുള്ള കാശും സര്‍ക്കാറില്‍നിന്ന് മാനേജര്‍മാര്‍ പറ്റുന്നുണ്ട്. ഇക്കാരണങ്ങളാലാണ് വിദ്യാര്‍ഥിപ്രവേശനത്തില്‍ യോഗ്യതയും അര്‍ഹതയും അനുസരിച്ച് പ്രവേശനം നടത്താന്‍ സര്‍ക്കാറിന് അധികാരം സിദ്ധിക്കുന്നത്. അണ്‍ എയ്ഡഡ് സ്കൂളുകളില്‍ സര്‍ക്കാര്‍ ഇടപെടാത്തതിന്റെ കാരണവും അതുതന്നെ.

മാനേജര്‍മാര്‍ക്ക് കുറെ സീറ്റുകള്‍ സംവരണം ചെയ്തുകിട്ടിയതിന് ചരിത്രപരമായ ചില സാഹചര്യങ്ങളുണ്ട്. പിന്നാക്ക^ന്യൂനപക്ഷ സമുദായങ്ങള്‍ നടത്തുന്ന സ്കൂളുകളാണെങ്കില്‍ 20 ശതമാനം കമ്യൂണിറ്റി സീറ്റും 20 ശതമാനം മാനേജ്മെന്റുമാണ്. ആ പദവി ഇല്ലാത്ത മാനേജര്‍മാര്‍ നടത്തുന്ന സ്കൂളുകളില്‍ 10 ശതമാനം കമ്യൂണിറ്റി സീറ്റും 20 ശതമാനം മാനേജ്മെന്റ് സീറ്റുമാണ്.

ഈ അനുപാതത്തിലുള്ള വീതംവെപ്പ് ഉണ്ടായത് 1996ല്‍ പ്രീഡിഗ്രി കോളജുകളില്‍നിന്നു വേര്‍പ്പെടുത്തിയതോടെയാണ്. കോളജുകളില്‍നിന്നു പ്രീഡിഗ്രികോഴ്സ്് സ്കൂള്‍ വിദ്യാഭ്യാസത്തിന്റെ ഭാഗമാക്കി മാറ്റിയത് ദേശീയ വിദ്യാഭ്യാസനയമനുസരിച്ചാണ്. എയ്ഡഡ് കോളജുകളില്‍ നിലനിന്നിരുന്ന പ്രിഡിഗ്രി ബാച്ചുകള്‍ക്ക് തത്തുല്യമായി ഹയര്‍സെക്കന്‍ഡറി ബാച്ചുകള്‍ അതേ മാനേജ്മെന്റുകള്‍ക്ക് സര്‍ക്കാര്‍ അനുവദിച്ചു. അങ്ങനെ ബാച്ചുകള്‍ അനുവദിച്ചശേഷവും കോളജുകളില്‍ അധ്യാപകന്‍ അധികം വന്നെങ്കില്‍ അവരെ സര്‍ക്കാര്‍ ഹയര്‍സെക്കന്‍ഡറി സ്കൂളുകളില്‍ മാറ്റി നിയമിച്ചു. അത്തരത്തിലുള്ള വളരെയധികം അധ്യാപകര്‍ ഇപ്പോഴും സര്‍ക്കാര്‍ സ്കൂളുകളില്‍ തുടരുന്നു.

മാനേജ്മെന്റ്^കമ്യൂണിറ്റി സീറ്റുള്‍പ്പെടെ മുഴുവന്‍ സീറ്റുകളിലേക്കും പ്രവേശനം നടത്തുന്നത് പ്രിന്‍സിപ്പല്‍മാരാണ്. സര്‍ക്കാറിന്റെ പ്രതിനിധിയാണ് പ്രിന്‍സിപ്പല്‍. ഏതുസീറ്റിലേക്കായാലും പ്രവേശനത്തില്‍ ക്രമക്കേടുണ്ടായാല്‍ അച്ചടക്കനടപടിക്ക് വിധേയരാവുന്നത് പ്രിന്‍സിപ്പല്‍മാരാണ്. 2006^07 അധ്യയനവര്‍ഷം തിരുവനന്തപുരം ജില്ലയിലെ ഒരു എയ്ഡഡ് സ്കൂളില്‍ മാനേജ്മെന്റ് സീറ്റില്‍ പ്രവേശനം നേടിയ ഒരു വിദ്യാര്‍ഥി എസ്.എസ്.എല്‍.സി പരീക്ഷയില്‍ തോറ്റയാളാണെന്ന് ഹയര്‍സെക്കന്‍ഡറി വകുപ്പ് അന്വേഷണത്തില്‍ കണ്ടെത്തി. മാനേജറുടെ ശിപാര്‍ശപ്രകാരം പ്രിന്‍സിപ്പലാണ് പ്രവേശനം നല്‍കിയത്. ക്രമക്കേട് കണ്ടെത്തിയതിനാല്‍ പ്രിന്‍സിപ്പലിനെ സസ്പെന്റുചെയ്തു. അഡ്മിഷന്‍ കമ്മിറ്റിയിലെ അധ്യാപകരോട് വിശദീകരണം ചോദിച്ചു. ഇത്തരം നടപടികള്‍ സ്വീകരിക്കാന്‍ സര്‍ക്കാറിന് അധികാരമില്ലെന്നാണോ? മാനേജ്മെന്റ് സീറ്റായാല്‍ തോറ്റ കുട്ടിക്കും പ്രവേശനം കൊടുക്കാമെന്നാണോ? എല്ലാവരും തെറ്റുചെയ്യുന്നുവെന്ന് അര്‍ഥമില്ല. തെറ്റുചെയ്താല്‍ നടപടി എടുക്കാന്‍ സര്‍ക്കാറിന് അധികാരമുണ്ടോ എന്ന് മാത്രമേ ചോദിക്കുന്നുള്ളൂ.

ചില മാനേജര്‍മാര്‍ എയ്ഡഡ് ബാച്ചുകള്‍ക്കൊപ്പം അണ്‍എയ്ഡഡ് ബാച്ചുകള്‍ നടത്തുകയും എയ്ഡഡ് അധ്യാപകരെ കൊണ്ട് പഠിപ്പിക്കുകയും ചെയ്യുന്നു.

മുമ്പൊരിക്കല്‍ എയ്ഡഡ് ബാച്ചുകള്‍ നടത്താന്‍ അനുമതി കിട്ടിയത് അന്ന് തുടങ്ങാതെ നാലഞ്ചുവര്‍ഷത്തിനുശേഷം തുടങ്ങുന്നു. അധ്യാപകരെ നിയമിച്ച് അംഗീകാരത്തിനും ശമ്പളത്തിനുമായി ഡയറക്ടറെ സമീപിച്ചപ്പോഴാണ് കള്ളി വെളിച്ചത്തായത്. അനുവദിച്ച ബാച്ച് ആ വര്‍ഷം തുടങ്ങിയില്ലെങ്കില്‍ പിന്നീട് തുടങ്ങാന്‍ പ്രത്യേകാനുമതി വേണം.

കുട്ടികള്‍ക്ക് ദൂരസ്ഥലത്ത് പ്രവേശനം കിട്ടിപ്പോയി, പഠിച്ച സ്കൂളില്‍ കിട്ടിയില്ല എന്ന ആക്ഷേപത്തിന് അടിസ്ഥാനമില്ല. നിലവിലുള്ള രീതിയിലും പഠിച്ച സ്കൂളില്‍തന്നെ കിട്ടണമെന്നില്ല. ദൂരെയുള്ള സ്ഥലം കുട്ടി തെരഞ്ഞെടുത്തതാണ്. ആരും അടിച്ചേല്‍പിച്ചതല്ല. പ്രവേശനം അനന്തമായി നീണ്ടില്ല. മറ്റു ജില്ലകളില്‍ കഴിഞ്ഞ വര്‍ഷം ക്ലാസ് തുടങ്ങിയത് ജൂലൈ 23ന്. തിരുവനന്തപുരത്ത് ജൂലൈ 29ന്. മറ്റു ജില്ലകളില്‍ പ്രവേശനം അവസാനിപ്പിച്ചത് ആഗസ്റ്റ് 31ന്. തിരുവനന്തപുരത്ത് സെപ്റ്റംബര്‍ ഒമ്പതിന്. മുന്‍ഗണനാക്രമമനുസരിച്ച് കുട്ടികള്‍ക്ക് മാറിപ്പോകാന്‍ അവകാശമുണ്ട്. അത് നിഷേധിക്കുന്നത് ശരിയോ? മാനേജര്‍മാരുടെ അവകാശം ലംഘിക്കാന്‍ പാടില്ല; വിദ്യാര്‍ഥിയുടേത് നിഷേധിക്കാം എന്നാണോ?

എന്താണ് മേന്മകള്‍?
മുമ്പ് അപേക്ഷിക്കുന്ന ഓരോ സ്കൂളിലും പത്തുരൂപ വീതം അപേക്ഷഫോറത്തിന്റെ വിലയായി നല്‍കണം. പല മാനേജര്‍മാരും അതിന്റെ പലമടങ്ങ് വാങ്ങിയതായി ആക്ഷേപമുണ്ട്. ഏകജാലക രീതിയില്‍ പത്തുരൂപയുടെ അപേക്ഷയിന്മേല്‍ അറുപതു സ്കൂളുകളില്‍ അപേക്ഷിക്കാം.

ഒരേദിവസം ഒരേസമയത്ത് പലസ്കൂളുകളില്‍ പ്രവേശനത്തിനായി കാത്തുകെട്ടി കിടക്കേണ്ട അവസ്ഥ, തന്മൂലമുണ്ടാകുന്ന മാനസിക പിരിമുറുക്കം എന്നിവക്ക് അറുതി. എവിടെ പ്രവേശനം കിട്ടുമെന്ന് വീട്ടിലിരുന്ന് അറിയാന്‍ പറ്റും.

യോഗ്യതയും അര്‍ഹതയുമനുസരിച്ച് പ്രവേശനം. സാമ്പത്തികമടക്കമുള്ള മറ്റു പരിഗണനകള്‍ ഇല്ല. സംവരണ തത്ത്വങ്ങള്‍ പൂര്‍ണമായി പാലിക്കപ്പെടുന്നു. മുന്‍ഗണനാക്രമമനുസരിച്ച് ബാച്ചും സ്കൂളും മാറാന്‍ അവസരം. കുട്ടിയുടെ അവകാശം പൂര്‍ണമായി സംരക്ഷിക്കപ്പെടുന്നു.

അവകാശവും കടമയും ഒരേ നാണയത്തിന്റെ രണ്ടു വശങ്ങളാണ്. ഒന്നില്ലാതെ മറ്റൊന്ന് നിലനില്‍ക്കില്ല.

പൌരന്റെ അവകാശം സംരക്ഷിക്കേണ്ടത് ഭരണകൂടത്തിന്റെ കടമയാണ്. അര്‍ഹതയും യോഗ്യതയുമനുസരിച്ച് പ്രവേശനം ലഭിക്കാന്‍ വിദ്യാര്‍ഥിക്ക് അവകാശമുണ്ട്. അത് സംരക്ഷിക്കാന്‍ സര്‍ക്കാറിന് ബാധ്യതയുണ്ട്. ഏകജാലക സംവിധാനത്തിലൂടെ ആ ബാധ്യത സര്‍ക്കാര്‍ നിറവേറ്റുകയാണ്.

(ഹയര്‍സെക്കന്‍ഡറി മുന്‍ഡയറക്ടറാണ് ലേഖകന്‍)
കടപ്പാട്: മാധ്യമം ദിനപത്രം



ഇത്‌ രണ്ടും വായിക്കുമ്പോള്‍ എകജാലക സംവിധാനം വിദ്യാര്‍ത്ഥിയുടെ ഇഷ്ടമുള്ള വിദ്യാലയം തിരഞ്ഞെടുക്കാനുള്ള അവകാശത്തെ ഉറപ്പിക്കുകയും അതുപോലെ മാനേജ്മെന്റ കോട്ടയും ന്യൂനപക്ഷ അവകാശവും നിലനിര്‍ത്തുകയും ചെയ്യുന്നതായാണ്‌ മനസിലകുന്നത്‌. എന്താണ്‌ പിന്നെ സഭയുടെ പ്രശ്നം. സഭ മുന്നോട്ട്‌ വച്ചവയില്‍ ചില വാദങ്ങള്‍ ശരിയെന്ന് തോന്നാം. ഉദാഹരണത്തിന്‌. ഇതില്‍ പ്രധാനം അധ്യാപനം തുടങ്ങാന്‍ കാലതാമസം നേരിടും എന്നതാണ്‌. എന്നാല്‍ അത്‌ ഉണ്ടാകില്ല എന്ന് സര്‍ക്കാര്‍ പറയുന്നു. തിരുവനന്തപുരത്ത്‌ കഴിഞ്ഞവര്‍ഷം വൈകിയിട്ടില്ലാ എന്നാണ്‌ സര്‍ക്കാര്‍ പറയുന്നത്‌. ഇതില്‍ ഒരു വ്യക്തമായ വിശദീകരണം ആവശ്യമാണ്‌ എന്ന് തോന്നുന്നു.

എന്നാല്‍ സഭയുടെ മറ്റ്‌ ആരോപണങ്ങള്‍ കണ്ടാല്‍ ഇതല്ല പ്രശ്നം എന്ന് തോന്നുന്നു. ന്യൂനപക്ഷ അവകാശത്തില്‍ കൈകടത്തുന്നു എന്ന വാദം എങ്ങനെ എന്ന് മനസിലാകുന്നില്ല. സര്‍ക്കാറിനാവകാശപ്പെട്ട സീറ്റുകള്‍ ഏകജാലക സംവിധാന പ്രകാരം നല്‍കുന്നതില്‍ എന്താണ്‌ തെറ്റ്‌ . അതുപോലെ SFI ക്കാരെ വിന്യസിക്കാനുള്ള കുതന്ത്രമാണ്‌ എന്നും ഒക്കെപ്പറയുമ്പോള്‍ അതിന്റെ ലക്ഷ്യം മറ്റു പലതുമാണ്‌ എന്ന് തോന്നും. സഭ മൊത്തത്തില്‍ ഏകജാലക സംവിധാനത്തിന്‌ എതിരാണ്‌ എന്നാണ്‌ പ്രഥമദൃഷ്ടിയാല്‍ മനസിലാകുന്നത്‌. അല്ലാതെ അതിലെ കുറവുകള്‍ പരിഹരിച്ച്‌ നടപ്പിലാക്കണം എന്ന രീതിയിലല്ല സഭയുടെ സമീപനം

ഈ വിഷയത്തില്‍ കേരളത്തിലെ മാധ്യമങ്ങള്‍ പുലര്‍ത്തുന്ന കുറ്റകരമായ നിശബ്ദതയാണ്‌ അവലബിക്കുന്നത്‌. ചര്‍ച്ചകളൊക്കെ തൊലിപ്പുറത്താണ്‌. ഈ വിഷയത്തില്‍ പല ബ്ലോഗുകളിലും ചര്‍ച്ച നടന്നു. പലരും മുന്‍വിധിയോടെ ഇട്ട പോസ്റ്റുകളില്‍ ഒന്നും ഒരു വ്യക്ത ഇല്ലാത്തതിനാല്‍ സുതാര്യമായ ഒരു ചര്‍ച്ചക്ക്‌ ഞാന്‍ എല്ലാവരേയും ക്ഷണിക്കുന്നു. പ്രത്യേകിച്ച്‌ ശ്രീ ജോജുവിനെയും ബ്രദര്‍ റൂബിനേയും

75 comments:

കിരണ്‍ തോമസ് തോമ്പില്‍ said...

ഏകജാലക വിഷയത്തില്‍ മാധ്യമങ്ങള്‍ കുറ്റകരമായ നിശബ്ദതയാണ്‌ അവലബിക്കുന്നത്‌. ചര്‍ച്ചകളൊക്കെ തൊലിപ്പുറത്താണ്‌. ഈ വിഷയത്തില്‍ പല ബ്ലോഗുകളിലും ചര്‍ച്ച നടന്നു. പലരും മുന്‍വിധിയോടെ ഇട്ട പോസ്റ്റുകളില്‍ ഒന്നും ഒരു വ്യക്ത ഇല്ലാത്തതിനാല്‍ സുതാര്യമായ ഒരു ചര്‍ച്ചക്ക്‌ ഞാന്‍ എല്ലാവരേയും ക്ഷണിക്കുന്നു. പ്രത്യേകിച്ച്‌ ശ്രീ ജോജുവിനെയും ബ്രദര്‍ റൂബിനേയും

നന്ദു said...

കിരൺ, ഇതിൽ ഫാദർ ലോറൻസ് തൈക്കാട്ടിലിന്റെ പോസ്റ്റിൽ ഞാനൊരു കമന്റിട്ടിർന്നു. അതു കണ്ടു കാണുമെന്നു കരുതട്ടെ?.

സർക്കാർ നല്ല ഉദ്ദേശത്തോടെ നടപ്പാക്കി പരീക്ഷിച്ച സംവിധാന മാണ് പ്ലസ് ഒൺ ഓൺ ലൈൻ പ്രവേശനം. സർക്കാർ ഉദ്ദേശിക്കുമ്പോലെ തീർച്ചയായും ഏക ജാലക സംവിധാനം തന്നെയായിരിക്കാം. ഞാൻ ഉന്നയിച്ച സംശയം ഒരു ജില്ലയിൽ പ്രാദേശികമായി /അല്ലെങ്കിൽ സ്കൂൾ തിരിച്ച് അലോട്ട് മെന്റ് ഉണ്ടാവുമോ? അല്ലെങ്കിൽ കുട്ടിയ്ക്ക് ഉദ്ദേശിച്ച സ്കൂൾ തന്നെ അലോട്ട് ആകുമോ എന്നതാൺ. ഉദാ. എന്റെ മകൻ പഠിച്ചിരുന്ന സ്കൂളിൽ തന്നെ അവനെ പ്ലസ് ഒൺ നു പഠിക്കണം എന്നു കരുതിയാൽ നിർവ്വാഹമില്ലല്ലോ?. ജില്ലയിലെ തെക്കെ അറ്റത്തുള്ള ഒരു വിദ്യാർത്ഥിക്ക് വടക്കെ അറ്റത്തുള്ള ഒരു സ്കൂളാൺ അലോട്ടായതെങ്കിൽ എങ്ങിനെ അത് പരിഹരിക്കാനാവും?.

മറ്റൊരു കാര്യം, മാനേജ് മെന്റ് ക്വാട്ടയാണ്.
ഒരു വിദ്യാർത്ഥിക്ക് നല്ല ഒരു സ്കൂൾ തെരഞ്ഞെടുക്കണം എന്നിരിക്കട്ടെ. ഓൺ ലൈനിൽ ആ‍ കുട്ടിയ്ക്ക് കിട്ടിയത് വേറൊരു സ്കൂൾ ആണ്. ഇതേ സ്കൂളിൽ അഡ്മിഷൻ ലഭിക്കാൻ മാനേജ് മെന്റ് ക്വട്ടയിൽ അപേക്ഷിക്കം പക്ഷെ എനിക്കറിയാൻ കഴിഞ്ഞത് കഴിഞ്ഞ വർഷം തിരുവനന്തപുരം ജില്ലയിലെ ഒരു സ്കൂളിൽ 30,000 രൂപ വരെ പ്ലസ് ഒൺ അഡ്മിഷനു “സംഭാവന” ആയി വാങ്ങി എന്നാണ്.

വിജയശതമാനം വർദ്ധിച്ചിരിക്കുകയും, ഓൺ ലൈൻ സമ്പ്രദായവും ഒന്നിച്ചു വരുമ്പോൾ ഇത്തരം ‘സംഭാവന” കൾക്ക് ചാൻസ് കൂടുകയല്ലെ?.

N.J ജോജൂ said...

കിരണ്‍ ഈ വിഷയത്തില്‍ വ്യക്തിപരമായ അഭിപ്രായങ്ങള്‍ക്ക് അല്ല പ്രാധാന്യം. ഭരണഘടനയ്ക്കും കോടതിവിധികള്‍ക്കുമാണ്.

ന്യൂനപക്ഷാവകാശങ്ങളില്‍ കൈകടത്താന്‍ ശ്രമിയ്ക്കുന്നു എന്ന നിരീക്ഷണമാണ് സഭയുടെ ഭാഗത്തുനിന്ന് ഉണ്ടായിട്ടൂള്ളത്. ഇതിനു മുന്‍പിലത്തെ സ്വാശ്രയനിയമമടക്കമുള്ള സര്‍ക്കാരിന്റെ ശ്രമങ്ങള്‍ പരിശോധിച്ചാല്‍ അങ്ങനെയൊരു ആശങ്ക തള്ളിക്കളയാനാവില്ല. ഭരണഘടനയില്‍ വളരെ വ്യക്തമായി പറഞ്ഞിട്ടൂള്ള കാര്യങ്ങളെപ്പോലും പരിഗണിക്കാതെ വ്യക്തിപരമോ പാര്‍ട്ടിയുടേയോ ആയ സിദ്ധാന്തങ്ങളെയാണ് മന്ത്രി ബേബി മുറുകെപ്പിടിയ്ക്കുന്നതത് എന്ന് കഴിഞ്ഞ ദിവസം അമൃതാ ടീ.വി യിലെ അഭിമുഖത്തിലെ ചില ഭാഗങ്ങള്‍ കണ്ടപ്പോള്‍ തോന്നിപ്പോയി. അതുകൊണ്ടൂ തന്നെ ഭരണഘടനയ്ക്ക് അനുസരിച്ച് ഭരിച്ചോളാം എന്നുള്ള അദ്ദേഹത്തിന്റെ സത്യപ്രതിജ്ഞയെ അദ്ദേഹം പാലിയ്ക്കുമെന്നു കരുതാന്‍ ബുദ്ധിമുട്ടൂണ്ട്.

ഇന്ന് കോടതിയുടെ ഉണ്ടാവാനിരിയ്ക്കെ കോടതിയുടെ നിരീക്ഷണം വരുന്നതുവരെ കാത്തിരിയ്ക്കുകയാണ് ബുദ്ധി. കാ‍ര്യങ്ങള്‍ക്ക് കൂടുതല്‍ വ്യക്തതവരും.

അതേസമയം ന്യൂനപക്ഷാവകാശങ്ങള്‍ ഹനിയ്ക്കുന്നിലെങ്കില്‍ പോലും അനാവശ്യമായ ഒരു പരിഷ്കാരമെന്നേ എനിയ്ക്ക് തോന്നിയിട്ടൂള്ളൂ. എന്തുകൊണ്ട് ഏകജാലകം നടപ്പാക്കുന്നു എന്നതിന് സര്‍ക്കാര്‍ പറയുന്ന കാരണങ്ങള്‍ മതിയാവുന്നതല്ല.

അതേ സമയം സഭയുടെ ആരോപണങ്ങളില്‍ പറയുന്ന അടുത്തുള്ള സ്കൂളില്‍ കുട്ടിയ്ക്ക് പ്രവേശനം ലഭിയ്ക്കില്ല എന്ന കാര്യം ശരിയല്ല. അത് ഈ രീതി മനസിലാവാത്തതുകൊണ്ട് തോന്നുന്നതാവാം.

സമയക്കുറവുണ്ട്. കോടതിവിധി വന്നതിനു ശേഷം കൂടുതല്‍ പറയാം.

മൂര്‍ത്തി said...

നന്ദി കിരണ്‍...അച്ഛന്റെ ലേഖനത്തിലെ പോയിന്റ് 11 നല്ല തമാശയായി തോന്നി.

ന്യൂനപക്ഷ അവകാശം ലംഘിക്കുന്നു എന്ന് ചര്‍ച്ചകളിലൊന്നും തെളിയിക്കാന്‍ കഴിഞ്ഞില്ല എന്ന് തന്നെയാണ് എനിക്ക് തോന്നിയത്. എന്തായാലും കോടതി വിധി വരട്ടെ...എന്നാണ് വിധി എന്നറിയുമോ?

ഡാലി said...

കിരണ്‍,
.ഇത്രയും നാളും വായിച്ച ലേഖനങ്ങളില്‍ വളരെ പ്രകടമായി കണ്ട വ്യതാസം കഴിഞ്ഞ വര്‍ഷം തിരുവനന്തപുരത്തെ പ്ലസ് വണിന്റെ ക്ലാസ്സ് തുടങ്ങിയ തിയതിയാണു്. ഈ പോസ്റ്റിലെ ആദ്യ ലേഖനത്തില്‍ പറയുന്നതും രണ്ടാം ലേഖനത്തില്‍ പറയുന്നതും വളരെ വ്യതസ്തമായ ദിവസങ്ങളല്ലെ.തിരുവനന്തപുരത്തുള്ള ഏതെങ്കിലും ബ്ലോഗര്‍ക്ക് കഴിഞ്ഞവര്‍ഷം പ്ലസ്വണിന്റെ ക്ലാസ്സ് തുടങ്ങിയ ശരിയായ ദിവസം സ്ഥിരികരിക്കാന്‍ പറ്റുമോ?

നന്ദുവിന്റെ സംശയത്തിനു്: ഞാന്‍ മനസ്സിലാക്കിയിടത്തോളം ജില്ലതിരിച്ച് മാത്രമാണു് അലോട്ട്മെന്റ്റ്. ഒരു കുട്ടിയ്ക്കു് 10 വരെ പഠിച്ചസ്കൂളില്‍ തന്നെ പ്ലസ് വണിനു വേണമെങ്കില്‍ ആ കുട്ടിയ്ക്ക് അപേക്ഷാപോമില്‍ ഫസ്റ്റ് പ്രഫറന്‍സ് ആയി ആ സ്കൂളിന്റെ പേരു് കൊടുക്കാം. (60 പ്രിഫറന്‍സ് വരെ എഴുതാന്‍ പറ്റും എന്നല്ലേ) നല്ല ഗ്രേഡ് (ഇന്‍ഡക്സ് മാര്‍ക്ക്)ഉള്ള കുട്ടിയാണെങ്കില്‍ തീര്‍ച്ചയായും ആ സ്കൂളില്‍ കിട്ടും. അതല്ല ഗ്രേഡ് കുറവാണു്, സ്കൂളിനു നല്ല ഡിമാന്റ് ഉണ്ടെങ്കില്‍ ചാന്‍സ് കുറവായിരിക്കും. മെഡിക്കല്‍/എഞിനീയറിംഗ് പ്രവേശനം പോലെ തന്നെ.

നന്ദുവിന്റെ രണ്ടാമത്തെ കാര്യം ശരിയാണു്. ഇതേ കാര്യം ഇപ്പോള്‍ മെഡിക്കല്‍/ എഞ്ചിനീയറിംഗില്‍ നടക്കുന്നുണ്ടല്ലോ. പക്ഷേ അങ്ങനെ കാശുകൊടുക്കാന്‍ ഉള്ളവരല്ലേ പോകൂ. കാശില്ലാത്തവര്‍ മെറിറ്റില്‍ തന്നെയല്ലേ പോകൂ.

ഡാലി said...

മൂര്‍ത്തി മാഷേ, പോയിന്റ് 11 അങ്ങനെ തള്ളിക്കളയണ്ടാ. ഏറ്റവും അവസാനമാണു് അതു് പറഞ്ഞതെങ്കിലും സഭയുടെ യഥാര്‍ത്ഥ പേടി അതാണു് എന്നാണു് എനിക്കു് തോന്നുന്നതു്. പ്രിഡിഗ്രി കാലത്തു് പോലും യാതൊരു വിധ പാര്‍ട്ടിയും ഇല്ലാത്ത കന്യാസ്ത്രീകളുടെ വിമെന്റ്സ് കോളേജില്‍ വരെ പരിഷത്ത് യൂണിറ്റിന്റെ സ്വതന്ത്ര രൂപം ഉണ്ടാക്കാനും അതിലൂടെ കുട്ടികളെ പരിഷത്ത് ക്യാമ്പില്‍ എത്തിക്കാനും ഈ പറഞ്ഞ പാര്‍ട്ടിചായ്‌വുള്ളവര്‍ക്കു് കഴിഞ്ഞീട്ടുണ്ടു്.അപ്പോള്‍ അലോട്ട്മെന്റ് വഴി പാര്‍ട്ടി ചായ്‌വുള്ളവര്‍ കൂടുതലായി എത്തുന്നൊരു സാധ്യത സഭ ചിന്തിക്കും. പഴയ രീതിയിലും പാര്‍ട്ടി ചായ്‌വുള്ളവര്‍ വരാമെന്നുണ്ടെങ്കിലും അതിന്റെ പ്രോബബിലിറ്റി കുറവായിരുന്നു. കേന്ദ്രീകൃതമാകുമ്പോള്‍ പാര്‍ട്ടി മുന്‍‌കൈ എടുത്തു് വരാവുന്നവരുടെ സാധ്യത കൂടുതലാണു്. സഭ അത്തരം സാധ്യതകള്‍ പരിശോധിക്കുകയും അതിന്റെ സാധ്യത പരമാവധി തടയുകയും ചെയ്യും. എന്തൊക്കെ പറഞ്ഞാലും കമ്യൂണിസം വളരാതിരിക്കുന്നതു് തടയാന്‍ സഭ എന്തും ചെയ്യും.

കിനാവ് said...

വ്യക്തിപരമായ അഭിപ്രായങ്ങള്‍ പറയാനുള്ളതും അല്ലാത്തതുമായ വിഷയാങ്ങള്‍ ഏതൊക്കെയെന്നു ലിസ്റ്റു ചെയ്യുന്നതു നന്നായിരിക്കും. സഭയ്ക്കു മാത്രം അഭിപ്രായം പറയാവുന്ന വിഷയം, സര്‍ക്കാരിന്‌ അഭിപ്രായം പറയാവുന്ന വിഷയം, രാഷ്ട്രീയക്കാര്‍ക്ക് അഭിപ്രായം പറയാവുന്ന വിഷയം എന്നിങ്ങനെ.

കിരണിന്റെ പോസ്റ്റില്‍ കൊടുത്തിരിക്കുന്ന ലോറന്‍സ് തൈക്കാട്ടിലിന്റെ അഭിപ്രായവും കാര്‍ത്തികേയന്‍ നായരുടെ അഭിപ്രായവും വായിച്ചു. തൈക്കാട്ടില്‍ ഏതോ തറ തെരുവുരാഷ്ട്രീയ മുതലാളിയെപ്പോലെ എന്തൊക്കെയോ പറഞ്ഞുവെച്ചെന്നെല്ലാതെ എതിര്‍ക്കപ്പെടേണ്ടതെന്തുകൊണ്ടെന്ന് വ്യക്തമായി പറയുന്നില്ല. പറയുന്നതു തന്നെ ബാലിശമായ രാഷ്ട്രീയ വിരോധം മാത്രവും.

ജോജു പറയുന്നു “അതേസമയം ന്യൂനപക്ഷാവകാശങ്ങള്‍ ഹനിയ്ക്കുന്നിലെങ്കില്‍ പോലും അനാവശ്യമായ ഒരു പരിഷ്കാരമെന്നേ എനിയ്ക്ക് തോന്നിയിട്ടൂള്ളൂ. എന്തുകൊണ്ട് ഏകജാലകം നടപ്പാക്കുന്നു എന്നതിന് സര്‍ക്കാര്‍ പറയുന്ന കാരണങ്ങള്‍ മതിയാവുന്നതല്ല”

പരിഷ്കാരത്തിലെ അനാവശ്യകത എന്തൊക്കെയാണെന്ന് വ്യക്തമാക്കിയിരുന്നെങ്കില്‍ നന്നായിരുന്നു. അതു തന്നെയല്ലേ ഈ വിഷയത്തെകുറിച്ചുള്ള ജോജുവിന്റെ വ്യക്തിപര‍മായ അഭിപ്രായം. മതിയാവാത്ത ഏതെലാം കാരണങ്ങള്‍ക്കാണ് സര്‍ക്കാര്‍ മറുപടി പറയേണ്ടതെന്നു കൂടി ജോജു എഴുതിവെച്ചിരുന്നെങ്കില്‍ അറിയാവുന്ന ആരെങ്കിലും ഇവിടെവന്ന് വിശദീകരിക്കുകയാണെങ്കില്‍ കാക്കേടെ വിശപ്പും പശുവിന്റെ കടിയും ഒരേസമയം മാറികിട്ടിയേനെ.

കിനാവ് said...

ഡാല്യേ എന്നിട്ട് പരിഷത്ത് എത്രപേരെ കമ്മ്യൂണിസ്റ്റാക്കി?

ഇപ്പൊ പരിഷത്തും പാര്‍ട്ടീം കണ്ടാല്‍ മിണ്ടുംകൂടിയില്ല :(

മൂര്‍ത്തി said...

ഡാലി,
തിരുവനന്തപുരത്തെ ക്ലാസ് തുടങ്ങിയതിനെ വിവരം കൃത്യമായി അന്വേഷിക്കാന്‍ ശ്രമിക്കുന്നു. വൈകീട്ട് മിക്കവാറും ഇവിടെ പോസ്റ്റാം.

പരിഷത്തിലോ വിദ്യാര്‍ത്ഥി സംഘടനകളിലോ കുട്ടികള്‍ എത്താതിരിക്കാന്‍ എല്ലാ ശ്രമങ്ങളും നടത്തുന്നവര്‍ക്ക് പിള്ളാരെ എത്തിക്കുന്നതിനെ(അങ്ങിനെ ഉണ്ടെങ്കില്‍ തന്നെ) തടയാന്‍ ധാര്‍മ്മികമായ അവകാശം ഉണ്ടോ? :)പോയിന്റ് 11 പോലുള്ള കാരണങ്ങളാണ് മാനേജ്‌മെന്റുകള്‍ പുറത്ത് പറയുന്ന കാരണങ്ങളേക്കാന്‍ അവര്‍ക്ക് പ്രധാനം എന്ന് പല ചര്‍ച്ചകളും കണ്ടപ്പോള്‍ തോന്നിയിരുന്നു.

പോസിന്റെ പ്രത്യേക രചനാ രീതി കൂടി നോക്കുക.

ഡാലി said...

ഓഫ്: കിനാവേ, ഞാന്‍ പറയാന്‍ ശ്രമിക്കുന്നതു് സഭയുടെ യഥാര്‍ത്ഥ പേടി എന്താണെന്നാണു്. പരിഷത്ത് = കമ്യൂണിസ്റ്റ്കാര്‍ എന്നു് തന്നെയാണു് സഭ വിശ്വസിക്കുന്നതു്. (അതൊരു ഉദാഹരണമായി പറഞ്ഞു എന്നേ ഉള്ളൂ. കോണ്വെന്റ് വിമെന്‍സ് കോളേജില്‍ പരിഷത്തിനെ പ്രവര്‍ത്തിക്കാന്‍ അനുവദിക്കാറില്ല.)

മൂര്‍ത്തിമാഷേ, റൂബിന്‍ ഡീക്കന്റെ പോസ്റ്റുകള്‍ വായിക്കാറുണ്ടു്. സഭാവിശ്വാസികള്‍ കമ്യൂണിസ്റ്റ്കള്‍ ആവും എന്നതു് ആണു ഞാന്‍ പ്രധാനമായും കണ്ടപോയന്റ്. അതിന്റെ ധാര്‍മികത സഭ ഒരിക്കലും നോക്കാറില്ല. കമ്യൂണിസ്റ്റുകളില്‍ നിന്നും ഞങ്ങളെ രക്ഷിക്കണെ എന്നു് കുടുംബപ്രാര്‍ത്ഥനയില്‍ പ്രാര്‍ത്ഥിക്കുന്നവരാണു് കത്തോലിക്കര്‍ (കൃത്യമായ വാചകം ഇതല്ല. കുടുംബപ്രാര്‍ത്ഥന തപ്പണം)
(ഇതു മൊത്തം ഓഫാണു് വായിച്ചു കഴിഞ്ഞു ഡിലീറ്റ് ചെയ്യാം)

വെള്ളെഴുത്ത് said...

ഏകജാലകത്തിന്റെ (2007) പ്രോസ്പെക്ടസില്‍ തീയതി വിവരം ഇങ്ങനെ:
അപേക്ഷാഫോം വിതരണം : 6/6/2007
അപേക്ഷകള്‍ സ്വീകരിക്കേണ്ട അവസാന തീയതി : 23/6/2007
പ്രവേശന ലിസ്റ്റ് : 27/6/2007
ഇന്റര്‍വ്യൂ :9/7/2007
ക്ലാസുകള്‍ തുടങ്ങേണ്ട തീയതി: 23/7/2007
പ്രവേശനം അവസാനിപ്പിക്കാനുള്ള തീയതി: 31/7/2007
അഡ്മിഷന്‍ ക്ലോസ് ചെയ്ത തീയതി മുതല്‍ പഠിപ്പിച്ചു തുടങ്ങിയതു കണക്കിലെടുത്താല്‍ ക്ലാസ്സുകള്‍ ശരിക്കും ആരംഭിച്ചത് ഒക്ടോബര്‍ 15 ന്. (2007)

മൂര്‍ത്തി said...

അഡ്മിഷന്‍ ക്ലോസ് ചെയ്ത തീയതി മുതല്‍ പഠിപ്പിച്ചു തുടങ്ങിയതു കണക്കിലെടുത്താല്‍ ക്ലാസ്സുകള്‍ ശരിക്കും ആരംഭിച്ചത് ഒക്ടോബര്‍ 15 ന്. (2007)

ഇതത്ര ക്ലിയര്‍ ആണോ?

വര്‍ക്കേഴ്സ് ഫോറത്തിന്റെ പോസ്റ്റില്‍ മന്ത്രി ബേബി പറയുന്നത് ഇങ്ങിനെ.

ഏകജാലകസമ്പ്രദായം നടപ്പാക്കിയ തിരുവനന്തപുരം ജില്ലയില്‍ ക്ലാസ് തുടങ്ങിയത് 2007 ജൂലൈ 29നാണ്. മറ്റു ജില്ലകളിലാകട്ടെ ജൂലൈ 23നും. അതായത്, ഒരാഴ്ചത്തെ വ്യത്യാസംമാത്രം. ഇത്തവണ ഹയര്‍സെക്കന്‍ഡറിക്ലാസ് ഏകജാലകപ്രവേശനം പൂര്‍ത്തിയാക്കി ജൂണ്‍ മൂന്നാംവാരത്തോടെ ആരംഭിക്കാനാണ് ഉദ്ദേശിക്കുന്നത്. തിരുവനന്തപുരത്ത് ആദ്യബാച്ച് അഡ്‌മിഷന്‍ ജൂലൈ 19നും രണ്ടാമത്തെ അഡ്‌മിഷന്‍ 28നുമായിരുന്നു. ആദ്യത്തെ രണ്ടു ഘട്ടം അഡ്‌മിഷനോടുകൂടി 80 ശതമാനത്തോളം സീറ്റ് നികത്തപ്പെട്ടു. പട്ടികജാതി-വര്‍ഗ സംവരണസീറ്റും സ്പോര്‍ട്സ് ക്വാട്ടാസീറ്റുമാണ് നികത്തപ്പെടാതെ കിടന്നത്. പട്ടികജാതി-വര്‍ഗ സംവരണ സീറ്റില്‍ ആവശ്യത്തിന് കുട്ടികളില്ലെങ്കില്‍ വീണ്ടും അപേക്ഷ ക്ഷണിച്ച് ഈ വിഭാഗത്തിലെ വല്ല കുട്ടികളും അപേക്ഷിക്കാതെ ബാക്കിയുണ്ടോ എന്ന് നോക്കിമാത്രമേ പ്രസ്തുത സീറ്റ് നികത്താന്‍ കഴിയുകയുള്ളൂ. ഈ പ്രക്രിയക്ക് സ്വാഭാവികമായും എടുക്കുന്ന സമയം എടുത്തിട്ടുണ്ട്. കൂടാതെ, കുട്ടികള്‍ക്ക് ഹയര്‍ ഓപ്‌ഷനു വേണ്ട സൌകര്യവും ചെയ്തിട്ടുണ്ട്. ഇതെല്ലാം കുട്ടികള്‍ക്ക് കിട്ടേണ്ട സ്വാഭാവികനീതിയുടെ ഭാഗമാണ്. മെറിറ്റുമാത്രമാണ് ഇതിനെല്ലാമുള്ള മാനദണ്ഡം. മുന്‍കാലങ്ങളില്‍ ഇത്തരം സീറ്റുകളില്‍ തങ്ങളുടെ ഇംഗിതത്തിന് അനുസരിച്ച് പ്രവേശനം നല്‍കിയവര്‍ക്ക് അതിനുള്ള സൌകര്യം ലഭിക്കാത്തതുവഴി അല്‍പ്പം ബുദ്ധിമുട്ട് വന്നിട്ടുണ്ടാകും.'സേ' പരീക്ഷാഫലം വന്നശേഷവും അതില്‍ പാസായ കുട്ടികള്‍ക്കും അവസരം നല്‍കി. ഇതൊക്കെയായിട്ടും സെപ്തംബര്‍ 11ന് ആറുതവണ അവസരം നല്‍കി തിരുവനന്തപുരത്ത് അഡ്‌മിഷന്‍ അവസാനിപ്പിച്ചു. മറ്റു ജില്ലയില്‍ ആഗസ്ത് 31നായിരുന്നു അഡ്‌മിഷന്‍ അവസാനിപ്പിച്ചത്.

എന്നോട് കെ.എസ്.ടി.എയിലെ ഒരു മാഷ് കുറച്ച് മുന്‍പ് പറഞ്ഞത് ഒരു മാസം വൈകി എന്നാണ്.(അന്വേഷണം തുടരുന്നു) അത് ആഗ്സ്റ്റ് 31/സെപ്തംബര്‍ 11 എന്ന തീയതികളുമായി ചേരുന്നില്ലേ? എല്ലാകുട്ടികളും ചേര്‍ന്ന ശേഷമേ ക്ലാസ് തുടങ്ങിയതായി പരിഗണിക്കൂ എന്ന് വിചാരിച്ചാല്‍ കൂടി; ജൂലൈ 31 അവസാന തീയതി ആയി പരിഗണിച്ചാല്‍?

ഒന്നു കൂടി, കഴിഞ്ഞ തവണ ആദ്യമായി നടത്തിയ പരീക്ഷണമായിരുന്നു. ഇത്തവണ മറ്റു തടസ്സങ്ങള്‍ ഉണ്ടായില്ലെങ്കില്‍ കാര്യങ്ങള്‍ കുറച്ച് കൂടി മെച്ചപ്പെടും എന്ന് പ്രതീക്ഷിച്ചുകൂടേ?

മാരീചന്‍‍ said...
This comment has been removed by the author.
മാരീചന്‍‍ said...

ഒരു നിര്‍ദ്ദേശം പറഞ്ഞോട്ടെ,
വസ്തുനിഷ്ഠവും സത്യസന്ധവുമായ ചര്‍ച്ചയാണ് കിരണ്‍ ഉദ്ദേശിക്കുന്നത് എന്നു തോന്നുന്നു. കാടും പടപ്പും അടിച്ച് ശബ്ദമുണ്ടാക്കാതെ വസ്തുതകള്‍ നിരത്തി വിഷയം ചര്‍ച്ച ചെയ്യുന്നതാണ് നല്ലത്. ഓരോരുത്തരുടെയും രാഷ്ട്രീയ മത വിശ്വാസങ്ങള്‍ തമ്മിലുളള ഏറ്റുമുട്ടലായി ചര്‍ച്ച മാറാതിരിക്കണമെങ്കില്‍ പറയുന്ന കാര്യങ്ങളെ സംബന്ധിക്കുന്ന വസ്തുത മുന്നോട്ട് വെയ്കണം.

ഉദാഹരണത്തിന് കഴിഞ്ഞ വര്‍ഷം തിരുവനന്തപുരം ജില്ലയില്‍ ക്ലാസ് തുടങ്ങിയത് ജൂലൈ 29നാണെന്ന് മന്ത്രി അവകാശപ്പെടുന്നു. ഫാദര്‍ ലോറന്‍സിന്റെ വാദം ഇങ്ങനെയാണ്. തിരുവനന്തപുരം ജില്ലയില്‍ പ്ലസ്‌ വണ്‍ പ്രവേശനം പൂര്‍ത്തിയാക്കി ശരിയായ രീതിയില്‍ പ്ലസ്‌ വണ്‍ ക്ലാസുകള്‍ തുടങ്ങിയത്‌ നവംബര്‍മാസത്തിലാണ്‌.

അഞ്ചുമാസത്തെ വ്യത്യാസമാണ് ഈ പ്രസ്താവനകള്‍ തമ്മിലുളളത്. വെള്ളെഴുത്ത് പറയുന്നത് ഒക്ടോബര്‍ 15നാണ് ക്ലാസ് തുടങ്ങിയതെന്നാണ്. എന്താണ് സത്യമെന്ന് എങ്ങനെ തെളിയിക്കാം.

തിരുവനന്തപുരം ജില്ലയിലെ ഹയര്‍ സെക്കന്ററി സ്ക്കൂളുകളിലെ പ്രവേശനം സംബന്ധിച്ച ആധികാരികമായ വിവരങ്ങള്‍ അറിഞ്ഞാലേ ഇതിലെ സത്യമെന്തെന്ന് അറിയാനാകൂ. മൂന്ന് അവകാശ വാദങ്ങളും ഒരുപോലെ സത്യമാകില്ലല്ലോ.

ജൂലൈ 29ന് എത്ര സ്ക്കൂളുകളിലാണ് ക്ലാസുകള്‍ തുടങ്ങിയത്? നവംബറില്‍ മാത്രം ക്ലാസുകള്‍ തുടങ്ങാനായത് ഏതൊക്കെ സ്ക്കൂളുകളിലാണ്. ഇനി ഒക്ടോബര്‍ 15ന് ക്ലാസുകള്‍ തുടങ്ങിയത് ഏതൊക്കെ സ്ക്കൂളുകളിലാണ്. ഈ വിവരങ്ങള്‍ അതാത് വാദങ്ങള്‍ ഉയര്‍ത്തുന്നവര്‍ വ്യക്തമാക്കിയാല്‍ നന്നായിരുന്നു.

മന്ത്രിയുടെ അവകാശ വാദത്തിലേയ്ക്ക് മടങ്ങി വരാം.
ആദ്യത്തെ രണ്ടു ഘട്ടം അഡ്‌മിഷനോടുകൂടി 80 ശതമാനത്തോളം സീറ്റ് നികത്തപ്പെട്ടു. പട്ടികജാതി-വര്‍ഗ സംവരണസീറ്റും സ്പോര്‍ട്സ് ക്വാട്ടാസീറ്റുമാണ് നികത്തപ്പെടാതെ കിടന്നത്. പട്ടികജാതി-വര്‍ഗ സംവരണ സീറ്റില്‍ ആവശ്യത്തിന് കുട്ടികളില്ലെങ്കില്‍ വീണ്ടും അപേക്ഷ ക്ഷണിച്ച് ഈ വിഭാഗത്തിലെ വല്ല കുട്ടികളും അപേക്ഷിക്കാതെ ബാക്കിയുണ്ടോ എന്ന് നോക്കിമാത്രമേ പ്രസ്തുത സീറ്റ് നികത്താന്‍ കഴിയുകയുള്ളൂ. ഈ പ്രക്രിയക്ക് സ്വാഭാവികമായും എടുക്കുന്ന സമയം എടുത്തിട്ടുണ്ട്.

ഇത് വാസ്തവമാണോ? അഡ്മിഷന്‍ പ്രക്രിയ പൂര്‍ത്തിയായത് ഒക്ടോബര്‍ 15നാണെന്ന വെള്ളെഴുത്തിന്റെ വാദം പൂര്‍ണമായും അംഗീകരിച്ച് ചോദിക്കട്ടെ. ഓരോ സ്ക്കൂളിലും ജൂലൈ 29ന് ശേഷം നടന്ന അഡ്മിഷനുകള്‍ മന്ത്രി അവകാശപ്പെടും പ്രകാരമാണോ?

പ്രീഡിഗ്രിയുണ്ടായിരുന്ന കാലത്തു തന്നെ അഡ്മിഷന്‍ പ്രക്രിയയില്‍ ഈ പറയുന്ന പ്രശ്നങ്ങള്‍ ഒക്കെയുണ്ടായിരുന്നു. ഗ്രൂപ്പുമാറലും കോളെജ് മാറലുമായി പ്രവേശനം ട്രാക്കിലാകാന്‍ കുറച്ച് സമയം എടുക്കുമായിരുന്നു. അതിനപ്പുറമുളള സമയമൊന്നും ഏകജാലക പരീക്ഷണത്തിലും എടുത്തിട്ടില്ലെന്നാണ് വിദ്യാഭ്യാസ മന്ത്രി അവകാശപ്പെടുന്നത്. മാത്രമല്ല, ഏകജാലകത്തിന് മുമ്പുളള അവസ്ഥയിലും ഈ പ്രതിഭാസമുണ്ടായിരുന്നു.

അന്നൊക്കെ ഉണ്ടായതിലും അധികം സമയം പുതിയ പരീക്ഷണത്തില്‍ എടുത്തു എന്ന് വാദിക്കുന്നവര്‍ അതിനുളള തെളിവുകള്‍ ഹാജരാക്കാന്‍ അപേക്ഷ. വസ്തുതകള്‍ നിരത്തിയുളള ചര്‍ച്ചയാണ് കിരണിന്റെ പോസ്റ്റില്‍ പ്രതീക്ഷിക്കുന്നത്. വെളിപ്പെടുത്തുന്ന വസ്തുതകള്‍ സത്യമാണോ എന്ന് പരിശോധിക്കാനുളള അവകാശം ദയവായി ഹനിക്കാതിരിക്കുക.

മുഖ്യധാരാ മാര്‍ക്സിസത്തിന്റെ പരിഷ്കരണ പരിപാടികള്‍ക്ക് കുട പിടിക്കുന്നു പോലുളള വ്യക്തിഗതമായ നിഗമനങ്ങള്‍ ചര്‍ച്ചയുടെ അവസാന ഭാഗത്തേയ്ക്ക് ബന്ധപ്പെട്ടവര്‍ മാറ്റിവെയ്ക്കുമെന്ന് കരുതാം, അല്ലേ വെള്ളെഴുത്തേ....

Radheyan said...

ഞാന്‍ കഴിഞ്ഞ വര്‍ഷം എന്റെ കസിന്റെ അഡ്മിഷനുമായി ബന്ധപ്പെട്ട് കുറേ ഓടി നടന്നിരുന്നു.പല സ്കൂളുകളിലും ഒരു സമയം തന്നെ ആയിരുന്നു പ്രവേശനം.മൊബൈല്‍ ഫോണില്‍ അടുത്ത സ്കൂളുമായി നിരന്തരം ബന്ധപ്പെടലും ഒന്നു കഴിഞ്ഞാല്‍ പറക്കാനായി സ്റ്റാര്‍ട്ടാക്കിയിട്ട കാറുമൊക്കെ ആയി ഒരു അഭ്യാസമായി തോന്നി അഡ്മിഷന്‍.

ചില ചോദ്യങ്ങളുണ്ട്.
1. മെറിറ്റില്‍ ഈ കണ്‍ഫ്യൂഷനില്‍ മിച്ചം വരുന്ന സീറ്റുകള്‍ മാനേജറുമാര്‍ തൂക്കി വില്‍ക്കാറുണ്ടോ?

2. ഇത് ഒരു നടപടി ക്രമം മാത്രമാണ്.ഇത് മെറിറ്റ് സീറ്റിലേക്ക് മാത്രമെന്ന് സര്‍ക്കാരും ന്യൂനപക്ഷ അവകാശമടക്കം ഒന്നും ഹനിക്കാത്തതാണെന്ന് ജോജോയെ പോലെ സഭയെ പിന്തുണക്കുന്നവരും സമ്മതിക്കുന്നു.ഒരു നടപടി ക്രമം പോലും നിശ്ചയിക്കാന്‍ തിരഞ്ഞെടുക്കപ്പെട്ട ഒരു സര്‍ക്കാറിന് അധികാരമില്ലേ? അതിന് ചങ്ങന്നാശേരിയിലെയും പെരുന്നയിലെയും തിട്ടൂരത്തിനു കാക്കണമോ?

3.പഴയ പ്രസക്തമായ ചോദ്യം ന്യൂനപക്ഷ അവകാശം ന്യൂനപക്ഷത്തിനു വേണ്ടിയോ ന്യൂനപക്ഷക്കാരായ മാനേജറുമാര്‍ക്ക് വേണ്ടിയോ

N.J ജോജൂ said...

"ന്യൂനപക്ഷ അവകാശമടക്കം ഒന്നും ഹനിക്കാത്തതാണെന്ന് ജോജോയെ പോലെ സഭയെ പിന്തുണക്കുന്നവരും സമ്മതിക്കുന്നു."

എന്താണു രാധേയാ ഇങ്ങനെ? ഞാന്‍ പറയാത്തത് എന്റെ വായില്‍ തിരുകുന്നോ?
അതോ വേറേ വല്ല ജോജോയുമാണോ(ഞാന്‍ ജോജൂ.)

ന്യൂനപക്ഷാവകാശത്തെ ഹനിക്കുമോ ഇല്ലയോ എന്ന് എനിക്കറിയില്ല. ഹനിയ്ക്കുമെന്നോ ഇല്ലെന്നോ ഞാന്‍ പറഞ്ഞിട്ടൂമില്ല.

വളരെ അബ്ട്രാക്റ്റ് ആയ ഒരു ക്ലോസ് മാത്രമാ‍ണ് ഭരണഘടനയിലുള്ളത്. അത് ഇപ്രകാരമാണ്.

“വകുപ്പ് 30: വിദ്യാഭ്യാസ സ്ഥാപനങ്ങള്‍ തുടങ്ങുവാനും ഭരിയ്ക്കുവാനുമുള്ള ന്യൂനപക്ഷങ്ങളുടെ അവകാശം.
1)മതന്യൂനപക്ഷങ്ങള്‍ക്കും ഭാഷന്യൂനപക്ഷങ്ങള്‍ക്കും വിദ്യാഭ്യാസസ്ഥാപനങ്ങള്‍ സ്ഥാപിയ്ക്കുവാനും ഭരിയ്ക്കുവാനും അവകാശമുണ്ട്”

ഒരു അണ്‍ എയിഡഡ് സ്ഥാപനമാണെങ്കില്‍ സ്വാശ്രയനിയമത്തില്‍ സംഭവിച്ചതുപോലെ സംഭവിയ്ക്കുമെന്ന് മൂന്നരത്തരം.

അതേ സമയം എയിഡഡ് സ്ഥാപനമാണെങ്കില്‍ സര്‍ക്കാരിന് എത്രമാത്രം അതില്‍ കൈകടത്താം മാനേജുമെന്റുകളുടെ അധികാരപരിധി എവിടം വരെയാണ് എന്നതൊക്കെ കോടതി വിധിയുടെ അടിസ്ഥാനത്തില്‍ വിശകലനം ചെയ്യുന്നതായിരിയ്ക്കും ഉത്തമം.

പഴയ സമാനമായ കേസുകളോ വിധികളോ ചികയുവാന്‍ തത്കാലം സമയമില്ല. വിധിയാവുന്നതുവരെ കാത്തിരിയ്ക്കുകയാണ് എളുപ്പം കാത്തിരിയ്ക്കാം.

കിനാവിനുള്ള മറുപടി പിന്നീടാവാം. സമയമാണു പ്രശ്നം.

മാരീചന്‍‍ said...

കിനാവിനോടും ഒരോഫ്.
ഡാല്യേ എന്നിട്ട് പരിഷത്ത് എത്രപേരെ കമ്മ്യൂണിസ്റ്റാക്കി?

ഇപ്പൊ പരിഷത്തും പാര്‍ട്ടീം കണ്ടാല്‍ മിണ്ടുംകൂടിയില്ല :(


വിദ്യാഭ്യാസ മന്ത്രി എം എ ബേബിയുടെ പേഴ്സണല്‍ സ്റ്റാഫില്‍ പരിഷത്ത് കേന്ദ്ര നിര്‍വാഹക സമിതി അംഗങ്ങള്‍ രണ്ടുപേര്‍. സി രാമകൃഷ്ണനും ഒ എം ശങ്കരനും.

രാമകൃഷ്ണന്‍ പ്രൈവറ്റ് സെക്രട്ടറി, ഒഎംഎസ് എന്നറിയപ്പെടുന്ന ശങ്കരന്‍ സ്പെഷ്യല്‍ പ്രൈവറ്റ് സെക്രട്ടറി

ധനമന്ത്രി തോമസ് ഐസക്കിന്റെ പ്രൈവറ്റ് സെക്രട്ടറി മനോമോഹനും പരിഷത്ത്. ഇനിയുമുണ്ട് പരിഷത്തുകാര്‍ മന്ത്രിമാരുടെ സ്റ്റാഫില്‍.
ലിസ്റ്റ് നീട്ടണോ കിനാവേ.................

റഫീക്ക് കിഴാറ്റൂര്‍ said...

ചര്‍ച്ച ശ്രദ്ധിച്ചുകൊണ്ടിരിക്കുന്നു............

വെള്ളെഴുത്ത് said...

സിറ്റിയിലെ പ്രസ്റ്റീജ് സ്കൂളുകളില്‍, ശരിയാണ്, അഡ്മിഷന്‍ രണ്ടാമത്തെയൊ മൂന്നമത്തെയോ ലിസ്റ്റുകൊണ്ടു തന്നെ അഡ്മിഷനുകള്‍ ഫില്ലായി. മറ്റു സ്കൂളുകളിലെ സ്ഥിതി മറിച്ചാണ്. ഞാനിന്ന് പത്ത് അദ്ധ്യാപകരെയെങ്കിലും ഫോണിലൂടെ ബന്ധപ്പെട്ടു. നെയ്യാറ്റിന്‍‌കരയുള്ള സ്കൂളിലെ അദ്ധ്യാപകനാണ് ക്ലാസ് തുടങ്ങിയ തീയതി ഒക്റ്റോബര്‍ 15 എന്നു പറഞ്ഞത്, അവധിസമയമായതിനാലും വൈകുന്നേരമായതിനാലും സ്കൂളിലെ രജിസ്റ്ററുകള്‍ പരിശോധിക്കാന്‍ അവസരം ലഭിച്ചില്ല. നാളെ ഇക്കാര്യത്തില്‍ തീര്‍പ്പുണ്ടാക്കുന്നതാണ്. എന്തായാലും അഡ്മിഷന്‍ ഒക്ടോബര്‍ വരെ നീണ്ടുപോയ കാര്യം ഉറപ്പാണ്. അതിനു ശേഷം സീറ്റു ഫില്ലാവാത്തിടങ്ങളില്‍ എസ് എസ് എല്‍ സി പാസ്സായ ആര്‍ക്കും അപേക്ഷകൊടുത്ത് അഡ്മിഷന്‍ നേടാമെന്ന് ഡയറക്റ്ററേറ്റിന്റെ അറിയിപ്പുണ്ടായിരുന്നു. അതുകൂടി ചേര്‍ന്ന് അഡ്മിഷന്‍ നവംബര്‍ വരെ നീണ്ടു. അതാണു വാസ്തവം.

N.J ജോജൂ said...

ഇനാംദാര്‍ വിധിയിലെ ചില ഭാഗങ്ങള്‍ ശ്രദ്ധയില്‍ പെടുത്തട്ടെ.

1.മെറിറ്റ് അപ്രസക്തമായതുകൊണ്ട് അണ്‍ എയിഡഡ് മൈനോറിറ്റി സ്കൂളുകളിലെയും അണ്ടര്‍ ഗ്രാജുവേറ്റ് കോളേജുകളിലെയും പ്രവേശനത്തില്‍ ഇടപെടാന്‍ സര്‍ക്കാരിനോ യൂണിവേര്‍സിറ്റിയ്ക്കോ അവകാശമില്ല. അതേ സമയം വിദ്യാഭ്യാസ ഗുണനിലവാരം ഉറപ്പുവരുത്തുന്നതിനുള്ള യോഗ്യതകള്‍ സര്‍ക്കാരിനോ യൂണീവേര്‍സിറ്റിയ്ക്കോ നിശ്ചയിക്കാം.

2. ഭരണഘടനയില്‍ പറയുന്ന ന്യൂനപക്ഷങ്ങളുടെ വിദ്യാഭ്യാസസ്ഥാപനങ്ങള്‍ പ്രവര്‍ത്തിപ്പിയ്ക്കാനുള്ള അവകാശത്തിന്റെ ഒഴിവാക്കാനാവാത്ത ഭാഗമാണ് വിദ്യാര്‍ത്ഥീ പ്രവേശനം.അണ്‍ എയിഡഡ് വിദ്യാഭ്യാസ സ്ഥാപനങ്ങളിലെ പ്രവേശനം സുതാര്യവും മെറിറ്റ് അടിസ്ഥാനപ്പെടുത്തിയും ആയിരിയ്ക്കുന്നിടത്തോളം കാലം സര്‍ക്കാര്‍ അതില്‍ ഇടപെടാന്‍ പാടുള്ളതല്ല.

3.ഗവര്‍മെന്റ് എയിഡ് കിട്ടുന്നതോടെ മൈനോറിറ്റി സ്ഥാപനം മൈനോറിറ്റി സ്ഥാപനമല്ലാതാവുന്നില്ല. അതുകൊണ്ടു തന്നെ എയിഡഡ് മൈനോറിറ്റി വിദ്യാഭ്യാസസ്ഥാപനങ്ങളില്‍ മൈനോറിറ്റി വിഭാഗത്തിലെ കുട്ടികളെ പ്രവേശിപ്പിയ്ക്കന്‍ അവകാശമുണ്ട്. അതോടൊപ്പം നോണ്‍ മൈനോരിറ്റി വിദ്യാര്‍ത്ഥികളെ പ്രവേശിപ്പിയ്ക്കേണ്ടതുണ്ട്
4. മൈനോറിറ്റി സ്ഥാപനത്തിന് വിദ്യാര്‍ത്ഥീ പ്രവേശനത്തിന് സ്വന്തമായ നടപടിക്രമങ്ങള്‍ ഉണ്ടാകാം. അവ സുതാര്യവും നീതിപൂര്‍വ്വവും ആയിരിയ്ക്കണം.
ഉന്നതവിദ്യാഭ്യാസ കലാലയങ്ങളിലേയ്ക്കുള്ള പ്രവേശനം മെറിറ്റ് അടിസ്ഥാനത്തിലായിരിയ്ക്കണം.

ഡാലി said...

ജോജ്ജു, ഇനാംദാര്‍ വിധി അണ്‍-എയ്ഡഡ് വിദ്യാഭ്യാസസ്ഥാപനങ്ങള്‍ക്കാണു്. (Supreme Court judgement delivered on August 12, 2005 abolishing state quotas in private unaided pro college ) ഈ വിധി ബേസ് ചെയ്തിരിക്കുന്നതു് അതിനുമുപുണ്ടായ പൈ ഫൌണ്ടെഷന്‍ വിധിയിലാണു്. അതില്‍ വ്യക്തമായും എയ്ഡഡ് വിദ്യാഭ്യാസസ്ഥാപനങ്ങളുടെ കാര്യം സൂചിപ്പിക്കുന്നുണ്ടു്. ആ വിധി ഇമാംദാര്‍ വിധിയിലും സമ്മറൈസ് ചെയ്തീട്ടുണ്ടു്‌.
അതിങ്ങനെ
ചോദ്യ വിഭാഗം
5.To what extent can the rights of aided private minority institutions to administer be regulated?

ഉത്തര വിഭാഗം
Q.5(b) Whether the minority institutions' right of admission of students and to lay down procedure and method of admission, if any, would be affected in any way by the receipt of State aid?



A. While giving aid to professional institutions, it would be permissible for the authority giving aid to prescribe bye __ rules or regulations, the conditions on the basis of which admission will be granted to different aided colleges by virtue of merit, coupled with the reservation policy of the State qua non-minority students. The merit may be determined either through a common entrance test conducted by the university or the Government concerned followed by counselling, or on the basis of an entrance test conducted by the individual institutions the method to be followed is for the university or the Government to decide. The authority may also devise other means to ensure that admission is granted to an aided professional institution on the basis of merit. In the case of such institutions, it will be permissible for the Government or the university to provide that consideration should be shown to the weaker sections of the society.

ഇനാംദാര്‍വിധി പൂര്‍ണ്ണമായി ഇവിടെ

പ്ലസ് വണ്‍ അഡ്മിഷനു് ഏകജാലകം അണ്-എയ്ഡഡില്‍ ബാധകമല്ല.

റോബി said...

ഒരു സംശയം: A എന്ന സ്കൂളില്‍ പഠിക്കാനാഗ്രഹം. അഡ്മിഷന്‍ കിട്ടുമോ എന്ന് സംശയമായതിനാല്‍ മാനേജ്മെന്റ് ക്വാട്ടയില്‍ ആപ്ലിക്കേഷന്‍ കൊടുക്കുന്നു. ആദ്യം അഡ്മിഷന്‍ കിട്ടിയത് അല്പം ദൂരെയുള്ള B-യിലായതിനാല്‍ അല്പം ‘സംഭാവന’ കൊടുത്ത് A-യില്‍ മാനേജ്മെന്റ് സീറ്റില്‍ കയറുന്നു. പിന്നീട് A-യില്‍ തന്നെ മെറിറ്റില്‍ അഡ്മിഷന്‍ ശരിയാകുന്നു. അപ്പോള്‍ ‘സംഭാവന’ തിരിച്ചു വാങ്ങി മെറിറ്റില്‍ തന്നെ കയറാനാകുമോ? (പണം കൊടുക്കുന്നത് അച്ചന്മാരുടെ കൈയിലേക്കാണെങ്കില്‍ ഇല്ല എന്ന് ന്യായമായും വിചാരിക്കാം)

ഏതെങ്കിലും പള്ളിവക സ്കൂളുകളില്‍ മാനേജ്മെന്റ് സീറ്റുകളിലെ പ്രവേശനം സുതാര്യമാണോ?

വെള്ളെഴുത്ത് പറഞ്ഞ ഡേറ്റിന്റെ തീര്‍പ്പിനായി കാത്തിരിക്കുന്നു.

‘സത്യദീപത്തിലെ എഴുത്തുകാരനായ’ കെ.എസ്.രാധാകൃഷ്ണനെപോലുള്ളവരാണോ ഇപ്പോഴും ഹൈക്കോടതിയില്‍? കോടതിയില്‍ നിന്നും നീതി പ്രതീക്ഷിക്കാമോ?

@ഡാലി (ഓഫ്):
കത്തോലിക്കരുടെ കുടുംബപ്രാര്‍ത്ഥനയില്‍ ‘കമ്യൂണിസ്റ്റുകളില്‍ നിന്ന് രക്ഷിക്കണേ’ എന്നര്‍ത്ഥം വരുന്ന ഒന്നുമില്ല.'deliver us from evil, lead us not into temptation' എന്നൊരു വരിയുണ്ട്. അത് കമ്യൂണിസ്റ്റുകാര്‍ ഉണ്ടാവുന്നതിനും മുന്‍പുള്ള ഒരു വരിയാണ്.

N.J ജോജൂ said...

ഡാലീ,

ഇനാംദാര്‍ വിധിയില്‍ എയിഡഡിനെ പരാമര്‍ശിയ്ക്കുന്നുണ്ട്. ഡാലി പറഞ്ഞിരിയ്ക്കുന്ന ഭാഗം ഉന്നതവിദ്യാഭ്യാസത്തെ സംബന്ധിയ്ക്കുന്നതാണ്. അണ്ടര്‍ഗ്രാജുവേറ്റുവരെ മെറിറ്റ് എന്നത് വലിയ സംഭവമല്ലെന്നാണ് കോടതി നിരീക്ഷിയ്ക്കുന്നത്. അതുകൊണ്ടൂ തന്നെ മെറിറ്റു സംരക്ഷിയ്ക്കാന്‍ എന്ന പേരില്‍ ഒരു കേന്ദ്രീകൃത പ്രവേശനത്തിന് പ്രസക്തിയില്ല എന്നണ് തോന്നുന്നത്.

എയിഡഡ് ആണ് എന്നകാരണത്താല്‍ ന്യൂനപക്ഷസ്ഥാപനമാവാതെയിരിയ്ക്കുന്നില്ല. അതുകൊണ്ടു തന്നെ സ്ഥാപനത്തിന്റെ ഭരണത്തിന്റെ ഒഴിവാക്കാനാവാത്ത ഭാഗമായ വിദ്യാര്‍ത്ഥീ‍ പ്രവേശനം മാനേജുമെന്റിനാണ് എന്ന് പറഞ്ഞിട്ടൂണ്ട്. നോണ്‍ മൈനോറിറ്റി സ്റ്റുഡന്റ്സിന് പ്രവേശനം നല്‍കണമെന്നു മാത്രം. ഈ നോണ്‍ മൈനോറിറ്റി സ്റ്റുഡന്‍സിന്റെ പ്രവേശനത്തില്‍ സര്‍ക്കാരിനാണോ മാനോജുമെന്റിനാനോ അധികാരം എന്നതാണ് സംശയം

മൂര്‍ത്തി said...

"മെറിറ്റു സംരക്ഷിയ്ക്കാന്‍ എന്ന പേരില്‍ ഒരു കേന്ദ്രീകൃത പ്രവേശനത്തിന് പ്രസക്തിയില്ല"

കേന്ദ്രീകൃതസംവിധാനത്തിന്റെ മൊത്തം ഉദ്ദേശം എന്താണെന്നൊക്കെ മന്ത്രിയുടെ പ്രസ്ഥാവനയിലും ലേഖനത്തിലും ഉണ്ടല്ലോ. അതിനെ മെറിറ്റ് സംരക്ഷിക്കാന്‍ ‘എന്ന പേരില്‍’ എന്നാക്കണോ? അഴിമതിയും കൃത്രിമങ്ങളും തടയാന്‍ ഒരു സംവിധാനം കൊണ്ടു വരുന്നതിനെതിരെ ഇത്തരം വാദമുഖങ്ങള്‍ കൊണ്ടു വരുന്നത് ശരിയാണെന്ന് തോന്നുന്നില്ല. തര്‍ക്കിക്കാന്‍ പറയാം എന്ന് മാത്രം.

മാരീചന്‍‍ said...

ഇനാംദാര്‍ കേസുമായൊക്കെ ബന്ധപ്പെട്ട കാര്യങ്ങള്‍ കോടതി തീരുമാനിക്കട്ടെ. ന്യൂനപക്ഷാവകാശം സര്‍ക്കാര്‍ ഹനിക്കുന്നു എന്ന ആരോപണത്തിന്റെ വാസ്തവം കുറേക്കാലമായി നാം കണ്ടുകൊണ്ടിരിക്കുകയാണല്ലോ. ഭരണഘടനയിലെ ഒരു വാചകത്തിന്റെ പേരില്‍ കേരളത്തില്‍ കുറേ ന്യൂനപക്ഷങ്ങളുടെ അഴിഞ്ഞാട്ടം എന്തെന്ത് സാമൂഹിക പ്രത്യാഘാതങ്ങളാണ് ഉണ്ടാക്കുക എന്നും കണ്ടു തന്നെ അറിയണം.

ന്യൂനപക്ഷങ്ങള്‍ക്ക് മാത്രമല്ല കുട്ടികള്‍ക്കുമുണ്ടല്ലോ അവകാശങ്ങള്‍. അതില്‍ പലതും പഴയ പ്രവേശന രീതി തടയുന്നു എന്ന് ബോധ്യപ്പെട്ടതു കൊണ്ടാണ് ഏകജാലകത്തിലേയ്ക്ക് തിരിഞ്ഞതെന്നാണ് അധികൃതരുടെ ഭാഷ്യം. അതിന്റെ സത്യാവസ്ഥ സംബന്ധിച്ചും ചര്‍ച്ചയില്‍ ഒരു തീരുമാനമാകേണ്ടേ ജോജൂ...........

തിരുവനന്തപുരം ജില്ലയിലെ ഉള്‍പ്രദേശങ്ങളിലുളള ചില സ്ക്കൂളുകളില്‍ കഴിഞ്ഞ വര്‍ഷം പ്ലസ് വണ്‍ ക്ലാസുകള്‍ ആരംഭിച്ച തീയതി താഴെ കൊടുക്കുന്നു.

സെന്റ് ജോസഫ് എച്ച് എസ്എസ് അഞ്ചുതെങ്ങ് - ജൂലൈ 25

എംആര്‍എംകെഎം എച്ച്എസ്എസ്, ഇടവ - ജൂലൈ 24

ഗേള്‍സ് ഹയര്‍സെക്കന്ററി സ്ക്കൂള്‍, മിതൃമല, കല്ലറ - ജൂലൈ 25

ബോയ്സ് ഹയര്‍സെക്കന്ററി സ്ക്കൂള്‍, മിതൃമല, കല്ലറ - ജൂലൈ 25

മോഡല്‍ എച്ച്എസ്എസ്, വര്‍ക്കല - ജൂലൈ 21
എസ്എന്‍ എച്ച്എസ്എസ്, ഉഴമലയ്ക്കല്‍ - ജൂലൈ 31

ഈ സ്ക്കൂളുകളില്‍ അഡ്മിഷന്‍ ക്ലോസ് ചെയ്ത തീയതി പിന്നാലെ അറിയിക്കുന്നതാണ്. ക്ലാസ് ആരംഭ വേളയില്‍ എത്ര അഡ്മിഷന്‍ നടന്നു. അതിനു ശേഷം നടന്നത് എത്ര എന്നിങ്ങനെയുളള വിശദാംശങ്ങളും ശേഖരിക്കുന്നുണ്ട്.

കത്തോലിക്കാ സഭയോ, മന്ത്രിയോ ആരാണ് കള്ളം പറയുന്നതെന്ന് ഒന്നറിയണമല്ലോ.

കണ്ണൂസ്‌ said...

ചുരുക്കത്തില്‍, കോടതിയില്‍ എത്തിയാല്‍ ഇതിനും നിലനില്പ്പുണ്ടാവില്ല അല്ലേ? മുപ്പത് വാക്ക് തികച്ചില്ലാത്ത ഭരണഘടനയുടെ മുപ്പതാം വകുപ്പിന്റെ ഒരു കാര്യം!

ബേബി സറിന്‌ ആരാണാവോ നിയമോപദേശം കൊടുക്കുന്നത്?

മാരീചാ, നല്ല ശ്രമം. കോടതിയും സര്‍ക്കാരും സഭയും എന്തൊക്കെ പറഞ്ഞാലും സാധാരണക്കാര്‍ക്ക് കാര്യം മനസ്സിലാവട്ടേ.

കിരണ്‍ തോമസ് തോമ്പില്‍ said...

മൊത്തത്തില്‍ കണ്‍ഫ്യൂഷനായല്ലോ. ജോജൂ പറഞ്ഞ നിയമ വശമാണ്‌ ഇപ്പോള്‍ നിര്‍ണ്ണായകമാകുന്നതെന്ന് തോന്നുന്നു. അങ്ങനെ എങ്കില്‍ ഇതും ഒരു നിയമ യുദ്ധത്തില്‍ കലാശിക്കുമോ എന്നാണ്‌ എന്റ ആശങ്ക. ഇപ്പോള്‍ തന്നെ കോടതി രണ്ടു തവണ കേസ്‌ മാറ്റി വച്ചു. ഇനി അനുകൂല വിധി സര്‍ക്കാരിനോ സഭക്കോ ലഭിക്കാതിരുന്നാല്‍ ഉന്നത നീതി പീഠത്തെ സമീപിക്കുകയും ചെയ്യും. അപ്പോള്‍ വിണ്ടും പ്രതിസന്ധി ഉണ്ടാകുകയും ചെയ്യും.

എന്നാല്‍ കത്തോലിക്ക സഭ മാത്രമേ ഈ വിഷയത്തില്‍ ഒരു പ്രതിരോധ സ്വഭാവം കാട്ടുന്നുള്ളൂ എന്നത്‌ മറ്റൊരു വസ്തുതയായി പരിഗണിക്കേണ്ടതല്ലേ . മുസ്ലിം ലീഗ്‌ അടക്കമുള്ളവര്‍ പരസ്യമായി എകജാലക സംവിധാനത്തെ എതിര്‍ക്കുമ്പോള്‍ MES ന്‌ ഇതില്‍ എതിര്‍പ്പില്ല. SNDP ക്കോ മറ്റ്‌ ക്രൈസ്തവ സഭാ വിഭാഗങ്ങള്‍ക്കോ എതിര്‍പ്പില്ല. എന്നാല്‍ NSS ന്‌ എതിര്‍പ്പുണ്ട്‌ താനും. . മാനേജ്‌മെന്റിന്റ പ്രത്യേകമായ ഒരു അവകാശവും ഈ സംവിധാനം കവരുന്നില്ല എന്നല്ലേ പ്രത്യ്ക്ഷത്തില്‍ മനസിലാകുന്നത്‌. അതിനാല്‍ സഭക്ക്‌ മറ്റ്‌ സംഘടനകളേപ്പോലെ പ്രവേശനം സര്‍ക്കാരിന്‌ വിട്ട്‌ നല്‍കാവുന്നതാണ്‌ എന്നാണ്‌ എനിക്ക്‌ തോന്നുന്നത്‌. മാനേജ്‌മന്റ്‌ കോട്ടയോ ന്യൂനപക്ഷ കോട്ടയോ ഒന്നും സര്‍ക്കാര്‍ കൈവയ്ക്കാത്ത സാഹചര്യത്തില്‍ സര്‍ക്കാരിന്റ സീറ്റിലെ പ്രവേശനാധികരാം സര്‍ക്കാരിന്‌ വിട്ട്‌ നല്‍കുന്നത്‌ ക്രൈസ്തവ മൂല്യങ്ങളെ ഉയര്‍ത്തിപ്പിടിക്കാന്‍ സഹായിക്കും എന്നാണ്‌ എന്റ പക്ഷം.

പിന്നെ റോബി മാനേജ്‌മന്റ്‌ കോട്ടയില്‍ പ്രവേശനം നേടിയ ഒരാള്‍ക്ക്‌ പിന്നെ മെറിറ്റില്‍ പ്രവേശനം ലഭിച്ചാല്‍ കോഴ തിരികേ നല്‍കെണ്ടതില്ല എന്നാണ്‌ എന്റ പക്ഷം. കോഴ കൊടുത്തത്‌ റിസ്ക്ക്‌ ഒഴിവാക്കി മനസമാധാനം നേടാനല്ല്ലേ അപ്പോള്‍ അത്‌ തിരികേ കിട്ടണം എന്ന് പറയുന്നതില്‍ എന്ത്‌ ന്യായം ( കോഴ വാങ്ങരുത്‌ എന്ന് കോടതി പറഞ്ഞിട്റ്റുള്ളത്‌ കോഴ കൊടുക്കരുത്‌ എന്ന രീതിയിലും വ്യഖ്യാനിച്ച്‌ കൂടേ. മൊത്തത്തില്‍ ഇതൊരു കൊടുക്കല്‍ വാങ്ങല്‍ ഇടപാടണല്ലോ).

ജോജൂ എന്തുകൊണ്ടാണ്‌ താങ്കള്‍ ഏകജാലക സംവിധാനം ആവശ്യമില്ല എന്ന അഭിപ്രയാത്തില്‍ എത്തിയത്‌ എന്നത്‌ ഒന്ന് വിശദീകരിക്കുമല്ലോ.

Radheyan said...

N.J ജോജൂ said... ....

"അതേസമയം ന്യൂനപക്ഷാവകാശങ്ങള്‍ ഹനിയ്ക്കുന്നിലെങ്കില്‍ പോലും അനാവശ്യമായ ഒരു പരിഷ്കാരമെന്നേ എനിയ്ക്ക് തോന്നിയിട്ടൂള്ളൂ".

ജോജു (പേരിലെ മിസ്റ്റേക്ക് ക്ഷമിക്കുക)ഈ വരിയാണ് ഞാന്‍ ഉദ്ധരിച്ചത്. അതില്‍ മറ്റൊരു വ്യാഖ്യാനവും (ഹൈപ്പോത്തെറ്റിക്കല്‍ ആയ വാക്യ ഘടന)സാധ്യമാണ് എന്ന് ജോജുവിന്റെ കമന്റിനു ശേഷം വായിച്ചപ്പോഴാണ് തോന്നിയത്.

മൂര്‍ത്തി said...

കണ്ണൂസേ,

ന്യൂനപക്ഷാവകാശം ലംഘിക്കപ്പെടുന്നതായി പ്രത്യക്ഷത്തില്‍ തോന്നാത്ത, പരിഷ്കാരത്തിനെതിരെ വാദിക്കുന്നവര്‍ക്ക് യുക്തിഭദ്രമായി തെളിയിക്കാന്‍ (ഇതുവരെയും) സാധിക്കാത്ത ഒരു പരിഷ്കാരത്തില്‍ ലംഘനം ഉണ്ട് എന്ന് കോടതിക്ക് തോന്നുവാന്‍ സാധ്യത ഉണ്ടോ? കോടതി വേണ്ട എന്നു പറയുകയാണെന്ന് വെക്കുക. അതിന്റെ അര്‍ത്ഥം ഒരു പരിഷ്കാരവും ഇനി സര്‍ക്കാരുകള്‍ക്ക് ഉറപ്പോടെ കൊണ്ടുവരാന്‍ സാധിക്കില്ല എന്നല്ലേ? ആരു നിയമോപദേശം കൊടുക്കുന്നു എന്നതിനു പ്രസക്തി ഇല്ലെന്നു തോന്നുന്നു.

സര്‍ക്കാരുകള്‍ എല്ലാ മേഖലയില്‍ നിന്നും പിന്‍‌വാങ്ങണം എന്ന നയം ഓരോ മേഖലയിലും നടപ്പിലാക്കപ്പെട്ടുകൊണ്ടിരിക്കുന്ന ഈ കാലഘട്ടത്തില്‍ കോടതികള്‍ മറിച്ച് ചിന്തിക്കാന്‍ സാധ്യത ഇല്ല എന്ന് അപ്പോള്‍ നമുക്ക് മനസ്സിലാക്കാം.

കോടതി വിധിയുടെ അടിസ്ഥാനത്തില്‍ ഈ പരിഷ്കാരം നടപ്പിലായാലും ഇല്ലെങ്കിലും മൊത്തത്തില്‍ എല്ലാത്തിനെയും കുറിച്ചുള്ള നമ്മുടെ അറിവ് മെച്ചപ്പെടുകയെങ്കിലും ചെയ്യും. അത്രയും നല്ലത്. ആ രീതിയില്‍ ചര്‍ച്ച തുടരട്ടെ.

sajan jcb said...

ഒരു ഏകജാലക സംവിധാനം എപ്പോഴും നല്ലതു തന്നെ എന്നാണ് എന്റെ വ്യക്തിപരമായ അഭിപ്രായം.

കിരണ്‍, ഈ പോസ്റ്റില്‍ രണ്ടു വിഭാഗത്തിന്റേയും വാദ ഗതികള്‍ കൊണ്ടു വന്നത് നന്നായി.

സര്‍ക്കാര്‍ പറയുന്നു...

ഒരിക്കല്‍ ഫീസടച്ചശേഷം മുന്‍ഗണനാക്രമമനുസരിച്ച് സ്കൂള്‍ മാറുകയാണെങ്കില്‍ പുതിയ സ്കൂളില്‍ ഫീസടക്കേണ്ടതില്ല.

ഇതില്‍ പകുതി ശരിയും പകുതി തെറ്റാണെന്നാണ് എനിക്കു തോന്നുന്നതു്. കാരണം സര്‍ക്കാര്‍ പറയുന്ന ഫീസ് നാമമാത്രമായ അഡ്മിഷന്‍ ഫീസോ മാറ്റോ ആണ്. പക്ഷേ അഡ്മിഷന്‍ കിട്ടണമെങ്കില്‍ ആ സ്കൂള്‍ നിര്‍ദ്ദേശിക്കുന്ന ട്യൂഷന്‍ ഫീസും ലൈബ്രറി ഫീസ് മുതലായവയും പോരാത്തതിനു ഡോണേഷനും കൊടുത്താലേ സീറ്റ് കിട്ടുകയുള്ളൂ... ഇതൊന്നും അടച്ചില്ലെങ്കില്‍ "person is NOT present" എന്നോ മറ്റോ സ്കൂള്‍ അധികൃതര്‍ എഴുതി വിടും. അങ്ങിനെ വന്നാല്‍ ആ വിദ്യാര്‍ത്ഥിക്ക് ഏകജാലകം വഴി വേറെ ഒരിടത്തും സീറ്റ് കിട്ടുകയില്ല.

സര്‍ക്കാര്‍ പറഞ്ഞതു ശരിയാണു താനും higher option കിട്ടി പോകുകയാണെങ്കില്‍ അഡ്മിഷന്‍ ഫീസ് പുതിയ സ്കൂളില്‍ അടയ്ക്കേണ്ടതില്ല.

പിന്നെ സഭ ചൂണ്ടീ കാട്ടിയ 9 നമ്പര്‍ നിസാരമാക്കരുത്. യൂണിഫോമിനൊക്കെ എന്താ വില. പുസ്തകം പിന്നേയും re-use ചെയ്യാം.

സഭയ്ക്ക് ഇഷ്ടം പോലെ സ്ഥാപനങ്ങള്‍ ഉണ്ടായിരിക്കേ, ഓരോ higher option ന്റെ പേരിലും പുതിയ സ്ഥാപനത്തിനു ഡോണേഷനും മറ്റും കിട്ടുമെന്നിരിക്കേ, മറ്റു മനേജ് മെന്റ് സീറ്റുകള്‍ക്കു യാതൊരു കോട്ടവും സംഭവിക്കില്ല എന്നിരിക്കേ, സഭ പറയുന്നതില്‍ എന്തോ കാര്യമില്ലേ?

എഞ്ചിനിയറിങ്ങ്, മെഡിക്കല്‍ പോലുള്ള ബിരുദങ്ങള്‍ക്കേ higher option ഉം നല്ല കോളേജുകളുടെയും ആവശ്യമുള്ളൂ. ഇനി എന്നാണാവോ നേഴ്സറി സ്കൂളുകളുടെ അഡ്മിഷന് ഏക ജാലകം കൊണ്ടു വരാന്‍ പോകുന്നതു എന്നു കാത്തിരുന്നു കാണാം

sajan jcb said...

നമ്പര്‍ 11 നെ പറ്റി എനിക്കു തോന്നുന്നത്... ഇതുതന്നെയാണ് സഭ പേടിക്കുന്നതു് എന്നു തോന്നുന്നു. സ്കൂളുകളാണ് അഡ്മിഷന്‍ നല്‍കിയതെങ്കില്‍ അച്ചടക്ക നടപടി എടുക്കാന്‍ വളരെ എളുപ്പമാണ്. അതേ സമയം സര്‍ക്കാരാണ് അഡ്മിഷന്‍ നല്‍ക്കുന്നതെങ്കില്‍ ആ വിദ്യാര്‍ത്ഥികളുടെ കൂത്തരങ്ങ് കണ്ടു നില്‍ക്കുകയേ നിര്‍വാഹമുള്ളൂ.

ഓ.ടോ... ഇതു തന്നെയാണ് കോളേജ് അധ്യാപകരുടെ നിയമനം PSC വഴിയാക്കുന്നതു തടയാനുള്ള മുഖ്യകാരണം എന്നാണ് എനിക്കു തോന്നുന്നതു്. പഠിപ്പിച്ചില്ലെങ്കിലും ആരു ചോദിക്കാന്‍? ചോദിക്കാന്‍ ആളുണ്ടായിരുന്നെങ്കില്‍ സര്‍ക്കാര്‍ കോളേജുകളുടെ ഗതി ഇപ്പോഴുള്ളതു പോലെ ആകില്ലല്ലോ?

കിരണ്‍ തോമസ് തോമ്പില്‍ said...

സാജന്‍ പറഞ്ഞ പോലെ അഡുമിഷന്‍ കിട്ടാന്‍ സ്ഥാപനം ആവശ്യപ്പെടുന്ന അധിക തുക നല്‍കേണ്ടി വരും എന്ന് പറയുന്നതില്‍ എന്തോ ഒരു പന്തികേടില്ലേ? മെറിറ്റ്‌ സീറ്റില്‍ ഡോണേഷന്‍ നല്‍കിയാലേ മാനേജ്‌മന്റ്‌ പ്രവേശിപ്പിക്കൂ എന്നൊക്കെപ്പറഞ്ഞാല്‍ പിന്നെ എന്ത്‌ നീതിയും ന്യായവും. അതിപ്പോള്‍ എകജാലകമല്ല എങ്കിലും ഇതൊക്കെത്തന്നെ അല്ലേ നടക്കുക. അപ്പോള്‍ അത്‌ ഉള്‍ക്കൊള്ളാന്‍ അല്‍പം പ്രായാസമുണ്ട്‌. പിന്നെ ഹയര്‍ ഓപ്ഷന്‍ കിട്ടി മറ്റ്‌ സ്ഥാപനങ്ങളില്‍ പോകുമ്പോള്‍ ഉള്ള അധിക ചിലവിനെപ്പറ്റി ഇത്രക്ക്‌ വ്യാകുലപ്പെടെണ്ടതുണ്ടോ. ഉദാഹരണമായി ഏകജാലക സംവിധാനം ഇല്ലാത്ത സാഹചര്യത്തില്‍ ഒരേ ദിവസം പലയിടങ്ങളില്‍ അഭിമുഖങ്ങളില്‍ ഒക്കെ പറന്ന് നടന്ന് പങ്കെടുത്ത്‌ ഒരു സീറ്റ്‌ കരസ്ഥമാക്കുന്ന ഒരു വിദ്യാര്‍ത്ഥിക്ക്‌ പിന്നെ ഒരു ഓപ്ഷന്‍ ഇല്ല. എന്നാല്‍ പുതിയ സാഹ്ചര്യത്തില്‍ അങ്ങനെ ഒരു ഓപ്ഷന്‍ ഉണ്ട്‌. ഈ ഓപ്ഷന്‍ ഉപയോഗിക്കാതിരുന്നാല്‍ പുതിയ സ്ക്കൂളില്‍ ചേരുകയോ യൂണിഫോം വാങ്ങുക എന്ന പണച്ചിലവില്‍ നിന്ന് രക്ഷപ്പെടുകയും ചെയ്യാമല്ലോ ? ആവശ്യക്കാര്‍ക്ക്‌ മാത്രം ഹയര്‍ ഓപ്ഷന്‍ ഉപയോഗിക്കാന്‍ അവകാശം ഈ സംവിധാനത്തില്‍ വകുപ്പില്ലേ? ഹയര്‍ ഓപ്ഷന്‍ എന്ന വിദ്യാര്‍ത്ഥിയുടെ അവകാശത്തെ അവന്‌ അത്‌ ലഭിക്കുമ്പോള്‍ പണച്ചിലവുണ്ടാകും എന്ന മുട്ടായുക്തികൊണ്ടെതിര്‍ക്കുന്നത്‌ എത്രത്തോളം ശരിയാണ്‌ ?

ഇനി സാജന്റ 2 ആംത്തെ പോയന്റ്‌. മാനേജ്മെന്റ നിയമിക്കുന്ന കുട്ടികളില്‍ മാനേജ്‌മെന്റിന്‌ കൂടുതല്‍ നിയന്ത്രണമുണ്ടാകും എന്നാല്‍ സര്‍ക്കാര്‍ നിയമിക്കുന്നവരില്‍ അതില്ല എന്നത്‌. സര്‍ക്കാര്‍ രീതി അനുസ്സരിച്ച്‌ പ്രവേശനം ലഭിക്കാന്‍ സാധ്യതയുള്ള വിദ്യാര്‍ത്ഥികള്‍ പ്രസ്തുത വിദ്യാലയത്തില്‍ അപേക്ഷ കൊടുത്താല്‍ സ്വഭാവിക്മായും അവര്‍ക്ക്‌ പ്രവേശനം നല്‍കാന്‍ മാനേജ്മെന്റ ബാധ്യസ്ഥമാണ്‌ കാരണം അവര്‍ സര്‍ക്കാര്‍ ക്വാട്ടയിലാണ്‌ അപേക്ഷിക്കുന്നത്‌. ഒരു വിദ്യാര്‍ത്ഥിയുടെ രാഷ്ട്രീയ മത സാമൂഹിക പശ്ചാത്തലം നോക്കി പ്രവേശനം നിഷേധിക്കാന്‍ മാനേജ്മെന്റിന്‌ കഴിയില്ലല്ലോ. അപ്പോള്‍ അതും ഇതും തമ്മിലെങ്ങനെ യോജിക്കും ?

N.J ജോജൂ said...

മൂര്‍ത്തീ,

“ന്യൂനപക്ഷാവകാശം ലംഘിക്കപ്പെടുന്നതായി പ്രത്യക്ഷത്തില്‍ തോന്നാത്ത, പരിഷ്കാരത്തിനെതിരെ വാദിക്കുന്നവര്‍ക്ക് യുക്തിഭദ്രമായി തെളിയിക്കാന്‍ (ഇതുവരെയും) സാധിക്കാത്ത ഒരു പരിഷ്കാരത്തില്‍ ലംഘനം ഉണ്ട് എന്ന് കോടതിക്ക് തോന്നുവാന്‍ സാധ്യത ഉണ്ടോ?”

സ്വാശ്രയ നിയമം കൊണ്ടു വന്നപ്പോള്‍ താങ്കള്‍ക്ക് ന്യൂനപക്ഷാവകാശം ലംഘിക്കപ്പെടുന്നതായോ അതിനെതിരെ വാദിയ്ക്കുന്നവര്‍ക്ക് യുക്തിഭദ്രമായി തെളിയിക്കാന്‍ കഴിഞ്ഞതായും തോന്നിയിരുന്നോ?
ഇല്ലല്ലോ? കാരണം താങ്കളുള്‍പ്പെടെ ബഹുഭൂരിപക്ഷവും ന്യൂനപക്ഷാവകാശത്തിനു തന്നെ എതിരാണ്(ഭരണഘടനയ്ക്കും). അതുകൊണ്ടൂ തന്നെയാണ് ന്യൂനപക്ഷാവകാശം ഭരണഘടന മൌലീകാ‍വകാശമായി കൊടുത്തിരിയ്ക്കുന്നത്.

“സര്‍ക്കാരുകള്‍ എല്ലാ മേഖലയില്‍ നിന്നും പിന്‍‌വാങ്ങണം ....”
ആഗോളതലത്തിലെ പ്രവണതകള്‍ക്കും ആവശ്യങ്ങള്‍ക്കും ആധുനികവത്കരണത്തിനും അനുകൂലമായി ഒരു ക്രിയാത്മകമായ ചുവടുവയ്പ്പിന് സര്‍ക്കാരുകള്‍ക്ക് പരിമിതിയുണ്ട്. സര്‍ക്കാര്‍ മെഷീനറി എന്നത് കാലഹരണപ്പെട്ട തുരുമ്പിച്ച ഒരു സംവിധാനമാണ്. സാമ്പത്തികം മറ്റൊരുവശം. സ്വതന്ത്രമായി പ്രവര്‍ത്തിയ്ക്കുന്ന സംവിധാനങ്ങള്‍ക്കേ അതിനുകഴിയൂ. ക്രൈസ്തവസഭകള്‍ക്കു പോലും ഏതാണ്ട് സര്‍ക്കാരിനൊപ്പം തന്നെ പരിമിതിയുണ്ട്. അതുകൊണ്ടു തന്നെ വിദ്യാഭ്യാസമുള്‍പ്പെടെയുള്ള രംഗത്ത് സ്വകാര്യപങ്കാളിത്തം കൂടിയേതീരൂ. സര്‍ക്കാര്‍ അതിനു സഹായകമായ സാഹചര്യം ഒരുക്കുകയും ക്വാളിറ്റിയും സുതാര്യതയും ഉറപ്പുവരുത്തുകയും ഒക്കെ ചെയ്താല്‍ മതി. അല്ലാതെ ഞങ്ങള്‍ കല്‍പ്പിയ്ക്കും നിങ്ങള്‍ അനുസരിച്ചാല്‍ മതി എന്ന നിലപാട് ഒരു രംഗത്തുമുള്ള പുരോഗതിയ്ക്ക് നല്ലതല്ല.

അന്‍പത്-അറുപതു ശതാമാനം വോട്ടിംഗ് ശതാമാനം. അതില്‍ മുപ്പതോ മുപ്പത്തഞ്ചോ ശതമാനം കിട്ടുന്നവര്‍ ജയിയ്ക്കും. അതില്‍ ഭൂരിപക്ഷം സീറ്റുകിട്ടുന്നവര്‍ ഭരിയ്ക്കും.ഭരിയ്ക്കുന്നവര്‍ മനസിലാക്കുക തങ്ങള്‍ക്ക് മുപ്പതുശതമാനം പോലും വോട്ടൂകിട്ടിയിട്ടൂണ്ടാവില്ലെന്ന്. ഭരിയ്ക്കുന്നവര്‍ മനസിലാക്കുക തങ്ങളെ ആഗ്രഹിക്കാത്ത എഴുപതു ശതമാനത്തിനും വേണ്ടിക്കൂടെയാണ് ഭരിക്കുന്നതെന്ന്. അവരുടെ താത്പര്യങ്ങള്‍ക്കൂടി സംരക്ഷിയ്ക്കുന്നതാണ് ജനാധിപത്യമെന്ന്.

വിദ്യാഭ്യാസത്തിലെ ഗുണനിലവാരം ഉറപ്പുവരുത്തുന്നതിനാണ് ഈ പെടാപ്പാടെങ്കില്‍ സര്‍ക്കാരിന് എന്തൊക്കെ ചെയ്യാമായിരുന്നു. എന്തൊക്കെയാണ് അവര്‍ ചെയ്യൂന്നത്?

പത്താം ക്ലാസിന്റെ വിജയശതമാനം ഉയര്‍ന്നതെങ്ങനെയെന്ന് എല്ലാവര്‍ക്കും അറിയാമല്ലോ. മനോരമയിലെ ഫീച്ചര്‍ വായിച്ചവര്‍ക്ക് സംഗതികള്‍ പിടികിട്ടാവുന്നതേയുള്ളൂ. മനോരമയല്ലേ അങ്ങനെയോക്കെ പറയൂ എന്നു കരുതുന്നവര്‍ ഉണ്ടാവും. ദേശാഭിമാനി വായികൂ നേരറിയൂ എന്നു പറയുന്നവരും. ദീപിക പോട്ടെ, മാതൃഭൂമിയിലെ പോളില്‍ എഴുപത്തി ആറൂ ശതമാനവും വിദ്യാഭ്യാസത്തിന്റെ ഗുണനിലവാരം ഉയര്‍ന്നിട്ടില്ല എന്നു വിശ്വസിയ്ക്കുന്നവരാണ്.

പരീക്ഷയ്ക്ക് കോപ്പിയടി തടയാന്‍ ചെന്നവരെ തടഞ്ഞ സംഭവമുണ്ടായല്ലോ? തടഞ്ഞതിനു കാരണം പറഞ്ഞതോ “കുട്ടികളെ തടവി”യതിനാണ് തടഞ്ഞതെന്ന്. അവിടെയും ഇവിടെയും ഒളിപ്പിച്ചിരിയ്ക്കുന്ന ‘തുണ്ടൂകള്‍’ തപ്പിനോക്കാതെ കണ്ടു പിടിയ്ക്കുന്ന ഉപകരണമൊന്നും നമ്മള്‍ കണ്ടുപിടിച്ചിട്ടീല്ലല്ലോ!
സര്‍ക്കാര്‍ എന്തു നിലപാടെടുത്തു?

പുസ്തക പരിഷകരണം സംബന്ധിച്ച വിവാദങ്ങള്‍ വേറേ.

ഗുണനിലവാരം ഉയര്‍ത്താനാണെങ്കില്‍ എത്രയോ എത്രയോ കാര്യങ്ങള്‍ സര്‍ക്കാരിനു ചെയ്യാം. ഒരു മാനേജുമെന്റിനും എതിര്‍ക്കാനാവാത്ത എല്ല്ലാവരും സമ്മതിച്ചേക്കാവുന്ന എത്രയോ കാര്യങ്ങള്‍ സര്‍ക്കാരിനു ചെയ്യാം. അതിനൊന്നിനും തുനിയതെ സര്‍ക്കാര്‍ കൈവയ്ക്കുന്ന മേഖലകള്‍ ഏതൊക്കെയാണ്. നിയമനങ്ങളിലും പ്രവേശനത്തിലും ഫീസിലും മാത്രം. അതുകൊണ്ടൂ തന്നെയാണ് വിവാദങ്ങള്‍ അവസാനിയ്ക്കാത്തതും സര്‍ക്കാരിന്റെ ഏതുപരിഷ്കരണത്തെയും സംശയത്തോടെ വീക്ഷിയ്ക്കുന്നതും.

കിനാവ് said...

ഞാന്‍ പ്രീഡിഗ്രിക്കു കോളേജില്‍ പ്രവേശിച്ചത് സെപ്റ്റംബര്‍ ലാസ്റ്റായിരുന്നു. മാര്‍ക്കിന്റെ ഗുണം. അന്ന് ഏകജാലക സംവിധാനമായിരുന്നോ എന്ന് എനിക്ക് ഇപ്പോഴൊരാശങ്ക.

കിരണ്‍ തോമസ് തോമ്പില്‍ said...

ജോജൂ,

വിദ്യാഭ്യാസത്തിന്റ ഗുണനിലവാരം ഉയര്‍ന്നോ എന്നത്‌ വേറോരു വിഷയമാണ്‌ എന്ന് ഞാന്‍ കരുതുന്നു. നമ്മള്‍ ഏകജലക സംവിധാനത്തെപ്പറ്റിയാണ്‌ സംസാരിക്കുന്നത്‌. ദയവായി അതിലേക്ക്‌ ചര്‍ച്ച ഒതുങ്ങട്ടേ. പാഠപുസ്തക പരിഷക്കരണവും ഇതിനോട്‌ ബദ്ധിപ്പിക്കെണ്ടതില്ല എന്നാണ്‌ എന്റ അഭിപ്രായം. എന്താണ്‌ ഏകജാലക സംവിധാനത്തെ എതിര്‍ക്കാന്‍ ജോജുവിനെ പ്രേരിപ്പിക്കുന്നത്‌ എന്നായിരുന്നു എന്റ ചോദ്യം. ന്യൂനപക്ഷ അവകാശങ്ങള്‍ ഹനിക്കുന്നില്ല എങ്കില്‍പ്പോലും ജോജു ഇതിനെ അനുകൂലിക്കുന്നില്ല എന്ന് മുകളില്‍ പറഞ്ഞിട്ടുണ്ടല്ലോ ആ കാരണം പറയുമല്ലോ.?

കിനാവ് said...

സാജന്‍ പറഞ്ഞതു പ്രകാരം ഏതു വിദ്യാഭ്യാസ സ്ഥാപനത്തിലാണ് മാനേജ്മെന്റ് ക്വാട്ടയില്‍ പ്രവേശിച്ചവര്‍ക്ക് ഒരുനിയമവും സര്‍ക്കാര്‍ ക്വാട്ടയില്‍ പ്രവേശിച്ചവര്‍ക്ക് മറ്റൊരു നിയമവുമുള്ളത്? കഷ്ടമാണേ അങ്ങിനെയാണ് നിയമമെങ്കില്‍. രണ്ടുതരം വിദ്ദ്യാര്‍ത്ഥികളെയും ഒറ്റനോട്ടത്തില്‍ തിരിച്ചറിയാന്‍ ഐഡന്റിഫിക്കേഷന്‍ മാര്‍ക്കൊക്കെ ധരിപ്പിച്ച് നടത്തുകാന്നൊക്കെ വെച്ചാല്‍...!

ജോജുപറഞ്ഞതുപ്രകാരം നിയമനിര്‍മ്മാണത്തിന് യാതൊരു യോഗ്യതയുമില്ലാത്തവരാണ് അപ്പോള്‍ നിയമസ്സഭക്കകത്തിരിക്കുന്നവര്‍. വോട്ടുചെയ്യാത്ത 40% ത്തിനു വേണ്ടി നിയമം നിര്‍മ്മിക്കാന്‍ അവര്‍ക്കു യോഗ്യതയില്ല. ശരിയാണ്...ശരിയാണ്... വോട്ടുചെയ്യാത്തവന് അപ്പോള്‍ രാജ്യത്തെ നിയമങ്ങള്‍ ബാധകമല്ല എന്ന് പറയുമോ ഇനി.

sajan jcb said...

കിരണ്‍,

ഒരു സ്ഥാപനത്തില്‍ പഠിക്കുമ്പോള്‍ ആ സ്ഥാപനത്തിന്റേതായ facility കള്‍ ഉണ്ടാകും. ഉന്നത നിലവാരമുള്ള (at least പ്രവര്‍ത്ത ക്ഷമമായ ) ലാബുകള്‍, ലൈബ്രറി, ഇന്‍ഫ്രസ്ട്രക്ച്ചര്‍ മുതലായവ. ഇവ ഉപയോഗിക്കുന്നതു് മനേജ്മെന്റ് കോട്ടയില്‍ വന്നവര്‍ മാത്രമല്ല. എല്ലാവരും ഉപയോഗിക്കുന്നുണ്ടെങ്കില്‍ അതിന്റെ പൈസ എല്ലാവരും കൂടി ചേര്‍ന്നു ഷെയര്‍ ചെയ്യണം. വേണ്ടേ?

അതിന് ബുദ്ധിമുട്ടുള്ളവരാണെങ്കില്‍ അവര്‍ സര്‍ക്കാര്‍ സ്കൂളില്‍ ചെന്നു പഠിക്കണം. അധ്യാപകര്‍ക്കുള്ള ശമ്പളം കൊടുക്കുന്നതു സര്‍ക്കരാണെന്നു കരുതി എല്ലാവര്‍ക്കും ഫ്രീ ആയി പഠിപ്പിക്കണം എന്നു പറയാന്‍ +2 എന്നു പറയുന്നത് ഭരണഘടന അനുശാസിക്കുന്ന അടിസ്ഥാന വിദ്യാഭ്യാസമൊന്നുമല്ലല്ലോ?


ഞാന്‍ പലപ്പോഴും ചിന്തിച്ചിട്ടുണ്ട് എന്തിനാണ് സര്‍ക്കാര്‍ ശമ്പളം കൊടുക്കുന്നതെന്ന്. സര്‍ക്കാരിനു അതങ്ങ് പിന്‍വലിച്ചാല്‍ പോരേ . മനേജ് മെന്റ് കൊടുക്കട്ടേ ശമ്പളം. പിന്നെയീ പൊല്ലാപ്പൊന്നും ഉണ്ടാകില്ലല്ലോ.

കൂടുതല്‍ ചിന്തിക്കൊമ്പോള്‍ മനസ്സിലായത്.... വിദ്യാഭ്യാസം എല്ല്ലാവര്‍ക്കു കൊടുക്കുക എന്നത് സര്‍ക്കാരിന്റെ ജോലിയാണ്. അവര്‍ക്ക് അതിനു സാധിക്കാത്ത സാഹചര്യത്തിലാണ് സ്വകാര്യവ്യക്തികള്‍ ഇതിലേക്കു കടന്നു വന്നത്. അവരെ സഹായികാനാണ് ഈ ശമ്പളം കൊടുക്കല്‍.. EMS ന്റെ കാലത്തു തന്നെയാണ് ഈ തീരുമാനം എന്നാണ് എന്റെ അറിവ്. (തെറ്റാണെങ്കില്‍ തിരുത്തുമല്ലോ). ഞാന്‍ പറയുകയാണെങ്കില്‍ എല്ലാ വിദ്യാഭ്യാസവും സര്‍ക്കാര്‍ നടത്തട്ടേ. അപ്പോളൊരു tension free കേരളം കാണാന്‍ സാധിക്കും

sajan jcb said...

ഇപ്പോഴുള്ള സ്വകാര്യവ്യക്തികളുടെ വിദ്യാലയങ്ങള്‍ വല്ല ലോഡ്ജോ മറ്റോ ആക്കാം. അല്ലെങ്കിലും അവരുടെ കാര്യം ആരു നോക്കുന്നു.


കിരണ്‍,

പറയാന്‍ വിട്ടുപോയി.

അതിപ്പോള്‍ എകജാലകമല്ല എങ്കിലും ഇതൊക്കെത്തന്നെ അല്ലേ നടക്കുക.

ശരിയാണ് ഇതു തന്നയേ നടക്കൂ ..പക്ഷേ ഒരു പ്രാവശ്യം മാത്രം ഫീസ് അടച്ചാല്‍ മതിയാകും. higher option ഇല്ലാത്തതു കൊണ്ട് മറ്റു സ്കൂളിന്റെ ഫീസ് കൊടുക്കേണ്ടതില്ല.

sajan jcb said...


ഈ ഓപ്ഷന്‍ ഉപയോഗിക്കാതിരുന്നാല്‍ പുതിയ സ്ക്കൂളില്‍ ചേരുകയോ യൂണിഫോം വാങ്ങുക എന്ന പണച്ചിലവില്‍ നിന്ന് രക്ഷപ്പെടുകയും ചെയ്യാമല്ലോ ?


പിന്നെന്താണ് ഏകജാലകത്തിന്റെ ഗുണം? ഒരു 60 option വരെ കൊടുക്കാം എന്നത് മേന്മയായി പറയുന്നുമുണ്ട് സര്‍ക്കാര്‍

sajan jcb said...

സര്‍ക്കാര്‍ കോട്ടയില്‍ അപേക്ഷിച്ചാല്‍ കൊടുക്കണ്ടേ എന്ന ചോദ്യത്തിനു വിശദമായ ഒരു മറുപടി അയക്കാം...എളുപ്പം പറയാന്‍ ബുദ്ധിമുട്ടുള്ള ഒന്നാണതു്. നന്ദി.

ഡാലി said...

ജോജു, ഏകജാലകം സംവിധാനം മെറിറ്റിനു ഊന്നല്‍ നല്‍കുന്നില്ല. മറിച്ച് ഗുണമേന്മയുള്ള വിദ്യാഭ്യാസം കുട്ടിയുടെ അവകാശം, പ്രവേശനത്തിന്റെ സുതാര്യത എന്നീ വിഷയങ്ങളാണു് വിഷയമാക്കുന്നതു്. എയ്ഡഡ് സ്ഥാപനങ്ങളില്‍ പ്രവേശനം സുതാര്യമാക്കാന്‍ എയ്ഡ് ചെയ്യുന്ന സ്ഥാപനത്തിനു അവകാശമുണ്ട്. ഈ സുതാര്യത ആണു് കോടതിയില്‍ ചോദ്യം ചെയ്യപ്പെടുന്നതെങ്കില്‍ ഗവണ്മെന്റ് ഭാഗത്തിനു നല്ല ജയസാധ്യതയുണ്ട്. അതേ സമയം മെറിറ്റില്‍ ഊന്നി മൈനോരിറ്റി മൌലീകവകാശം ഹനിക്കപ്പെടുന്നുവെന്നു് സഭ വാദിച്ചാല്‍ “നോണ്‍ മൈനോറിറ്റി സ്റ്റുഡന്‍സിന്റെ പ്രവേശനത്തില്‍ സര്‍ക്കാരിനാണോ മാനോജുമെന്റിനാനോ അധികാരം“ എന്നതു് ഇനാംദാര്‍ വിധിയില്‍ ഇല്ലാത്തതിനാല്‍ എയ്ഡഡ് പ്രൊഫെഷണല്‍ കോളേജിന്റെ അഡ്മിഷന്‍ അധികാരം പിന്‍പറ്റി സെക്കണ്ടറിയ്ക്കും നോണ്‍ മൈനോരിറ്റി അഡ്മിഷനു എയ്ഡ് ചെയ്യുന്ന സ്ഥാപനത്തിനിടപ്പെടാം അതൂ മൌലീകവകാശം ഹനിക്കലല്ല എന്ന് വാദിക്കാം. അതു നേടിയെടുക്കാന്‍ സര്‍ക്കാറീനു ശ്രമിക്കാവുന്നതാണു്. കാരണം മൈനോരിറ്റി അഡ്മിഷനില്‍ സര്‍ക്കാര്‍ ഇടപ്പെടുന്നില്ല. അപ്പോഴും നല്ല വക്കീല്‍ ആണെങ്കില്‍ സര്‍ക്കാര്‍ ഭാഗത്തിനാണു് ജയ സാധ്യത.

അതുകൊണ്ടാണു് മൌലികവകാശം എങ്ങനെ ഹനിക്കപ്പെടുന്നു എന്നു് ചര്‍ച്ചകളില്‍ ചോദിക്കുന്നതു്. സഭ അതിനൊരു വ്യക്തമായ ഉത്തരം പറയാതെ വിദ്യാര്‍ത്ഥിയ്ക്കു് ഇഷ്ടമുള്ള സ്കൂള്‍ തിരഞ്ഞെടുക്കുന്ന മൌലീകവകാശം ഹനിക്കപ്പെടും എന്ന മുട്ടാപ്പോക്കു് ഉത്തരം പറയുന്നതു് മനപൂര്‍വ്വം വഴിമാറ്റാനാണു് എന്നാണു് തോന്നുന്നതു്. കോടതിയില്‍ മെറിറ്റില്‍ തൂങ്ങാനായിരിക്കും സഭ ശ്രമിക്കുന്നതു്.

മൂര്‍ത്തിമാഷേ, ഇനാംദാര്‍ വിധിയില്‍ തന്നെ എല്‍.പി.ജി കുഴക്കിയ ചില പ്രശ്നങ്ങള്‍ക്കുള്ള റെസ്പോണ്‍സ് ആയിരുന്നു പൈ ഫൌണ്ടേഷന്‍ വിധി എന്നു പറയുന്നുണ്ടു്. അതിനെയൊക്കെ അംഗീകരിക്കാതിരുന്നീട്ടു് കാര്യമുണ്ടെന്നു് തോന്നുന്നില്ല. കോടതി മാത്രം മറിച്ചു് ചിന്തിക്കില്ല. സര്‍ക്കാര്‍ ഉയര്‍ത്തിന്ന വാദങ്ങള്‍ എത്രമാത്രം ശക്തമാണെന്നനുസരിച്ചു് തന്നെയാവും വിധി.

കിരണ്‍, സാജന്റെ രണ്ടാം പോയന്റ് കിരണ്‍ കണ്ട രീതിയില്‍ അല്ല കാണേണ്ടതു്. മാനേജ്മെന്റിനു നടത്തുന്ന അഡ്മിഷനില്‍ ആവശ്യമാണെങ്കില്‍ കാര്‍ക്കശ്യമായ അച്ചടക്ക നടപടി മാനേജ്മെന്റിനു തന്നെ എടുക്കാം. എന്നാല്‍ സര്‍ക്കാന്‍ വഴി അഡ്മിഷന്‍ കിട്ടുന്ന കുട്ടിയിന്മേല്‍ അതു് പറ്റുമോ?(ഉത്തരം എനിക്കറിയില്ല). പക്ഷേ സര്‍ക്കാന്‍ അഡ്മിഷന്‍ കൊടുത്താല്‍ അച്ചടക്ക നടപടിയ്ക്കു സര്‍ക്കാ‍ര്‍ വഴി പോകേണ്ടി വരും അതു മാനേജ്മെന്റിനെ അധികാരം കുറയ്ക്കും എന്നാണു് ഈ വാദം കൊണ്ടു് എനിക്കു് മനസ്സിലായതു്. ഞാന്‍ ചിന്തിക്കുമ്പോള്‍ മാനേജ്മെന്റിന്റെ അധികാരത്തില്‍ കൈയിടുന്നു എന്ന രീതിയില്‍ മറ്റൊരു മൈനോരിറ്റി മൌലീകാവകാശ ലംഘനമാണിതു്. അതിനുള്ള ഉത്തരം സര്‍ക്കാര്‍ കണ്ടെത്തിയേ പറ്റൂ.

‍മുട്ടന്‍ ഓഫ്
റോബി, ദാ ഏറ്റവും പുതിയ ആന്റി കമ്യൂണിസ്റ്റ് പ്രാര്‍ത്ഥന പിടിച്ചോ. ഇതില്‍ കമ്യൂണിസം എന്ന വാക്കില്ല എന്നു് പറഞ്ഞാല്‍ ഞാന്‍ തോറ്റു. പഴയതു് ഞാന്‍ പറഞ്ഞതു് ഇംഗ്ലീഷ് പ്രാര്‍ത്ഥനയില്‍ അല്ല. കേരളത്തിലെ കത്തോലിക്ക സഭ അച്ചടിച്ച അമ്പത്തിമൂന്നുമണി ജപത്തിന്റെ അവസാനം അവസാനപേക്ഷ എന്ന പ്രാര്‍ത്ഥനയില്‍ ആണു്. റഷ്യയുടെ മാനസാന്തരം എന്നോ മറ്റോ ആണു്. പിന്നെ മെയ്മാസത്തില്‍ ചൊല്ലുന്ന മാതാവിനോടുള്ള വണക്കമാസത്തിലും കാണണം. ജോണ്‍പോള്‍ രണ്ടാമന്‍ മരിയന്‍ ഭക്തി വളര്‍ത്തിയതു് തന്നെ കമ്യൂണസത്തിനെതിരെയാണു്. ലൂര്‍ദ്ദ്/ഫാത്തിമ രഹസ്യത്തില്‍ ഒന്നു റഷ്യന്‍ മാനസാന്തരം ആണെന്നു ഇന്നാള് വായിച്ചില്ലേ.

N.J ജോജൂ said...

ഏകജാലകം എന്റെ കാഴ്ചപ്പാട്

(ഭരണഘടനയ്ക്ക് അനുസരിച്ച് നല്ലതോ ചീത്തയോ പ്രയോജന രഹിതമോ ഗുണപ്രദമോ ആയ എന്തു പരിഷ്കാരങ്ങളും വരുത്താന്‍ നിയമനിര്‍മ്മാണസഭയ്ക്ക് അവകാശമുണ്ട് എന്നത് ഞാന്‍ അംഗീകരിയ്ക്കുന്നു. ഞാന്‍ ഇവിടെപ്പറയുന്നത് എന്റെ അഭിപ്രായം മാത്രമാണ്. ഏതെങ്കിലും രാഷ്ട്രീയപാര്‍ട്ടിയുടെയോ കത്തോലിയ്ക്കാ സഭയുടെയോ കാഴ്ചപ്പാട് ആകണമെന്നില്ല.)

1. ഏകജാലകം സംവിധാനം ആദ്യം വന്നത് പ്രൊഫഷണല്‍ വിദ്യാഭ്യാസരംഗത്തായിരുന്നു. അന്‍പതിനായിരത്തോളം ആള്‍ക്കാര്‍ പ്രവേശനം ആഗ്രഹിയ്ക്കുന്നവരില്‍ നിന്നും പതിനായിരത്തില്‍ താഴെമാത്രം (സ്വകാര്യ സ്വാശ്രയങ്ങള്‍ വരുന്നതിനു മുന്‍പേ) സീറ്റുകള്‍ ഉണ്ടായിരുന്ന ഒരു അവസരത്തില്‍ കേന്ദ്രീകൃത സീറ്റ് അലോട്ട് മെന്റ് ആവശ്യമായിരുന്നു.

2.കലാലയങ്ങളിലെ സൌകര്യങ്ങള്‍, ക്യാമ്പസ് റിക്രൂട്ട്മെന്റ്, കോഴ്സുകള്‍ ഇവയുടെ അടിസ്ഥാനത്തില്‍ കേരളത്തിലെ കോളേജുകള്‍ക്കിടയില്‍ ഒരു അലിഖിത മുന്‍ഗണനാക്രമം നിലവിലിരുന്നു.
ഉദാഹരണത്തിന് CET(Thiruvananthapuram), Model(Kochi), TKM(kollam), MAC(Kothamangalam), Chengannoor,NSS...

3. കോഴ്സ് കോളേജ് തമ്മില്‍ ചില ഒത്തു തീര്‍പ്പുകള്‍ക്ക് പ്രസക്തിയുണ്ടായിരുന്നു. ഉദാഹരണത്തിന് തിരുവനന്തപുരത്ത് ഇലക്ട്രിക്കലോ, മോഡലില്‍ ബയോമെഡിക്കലോ കിട്ടുന്നത് കോട്ടയത്തോമറ്റോ കമ്പ്യൂട്ടര്‍ സയന്‍സോ ഇലക്ട്രോണിക്സോ കിട്ടുന്നതിനേക്കാള്‍ മെച്ചമെന്നു കരുതുന്നവരുണ്ടായിരുന്നു.

4. ഐ.ഐ.ടി, ആര്‍.ഇ.സി, ആള്‍ ഇന്ത്യാ മെഡിക്കല്‍, സംസ്ഥാനമെഡിക്കല്‍, കൊച്ചിന്‍ യൂണിവേരിസ്റ്റിയിലെ ചില കോഴ്സുകള്‍ തുടങ്ങിയവയിലേയ്ക്ക് വ്യത്യസ്ത പ്രവേശനവും അവയിലേയ്ക്കുള്ള കൊഴിഞ്ഞുപോക്കും കാരണം ഉയര്‍ന്ന റാങ്കുള്ള കോളേജുകളില്‍ സീറ്റ് ഒഴിവു വരാറുണ്ടായിരുന്നു.

5. 2,3,4 കാരണങ്ങളാല്‍ ഹയര്‍ ഓപ്ഷന്‍ എന്നതിനു പ്രസക്തിയുണ്ടായിരുന്നു.

6. പ്ലസ് ടു വിന് ജില്ലാതലത്തിലാണ് ഏകജാലകം നിശ്ചയിച്ചിരിയ്ക്കുന്നത്. ചില പ്രദേശങ്ങളില് രണ്ടോ ചിലപ്പോള്‍ മൂന്നോ ജില്ലകളില്‍ പ്രവേശനം തേടേണ്ടീ വന്നേക്കാം. അത് ഏകജാലകത്തിന്റെ പ്രസക്തിയെ ചോദ്യം ചെയ്യൂന്നതാണ്. എങ്കിലും അത് അത്ര ഗൌരവമുള്ള സംഗതിയല്ല.

7. പ്രാദേശികമായ മുന്‍‌ഗണനകളാണ് പ്ലസ് റ്റു വിനു കൊടുത്തു കണ്ടിട്ടൂള്ളത്. ഒരു ചെറിയ ന്യൂനപക്ഷം മാത്രമേ മികവിന്റെ പേരില്‍ ദൂരെയുള്ള സ്ഥാപനങ്ങളില്‍ പോകാറുള്ളൂ. അതുതന്നെ സാമ്പത്തികമായി മുന്‍പന്തിയിലുള്ളവരും. അവരാകട്ടെ സി.ബി.എസ്.ഇ സിലബസും. അതുകൊണ്ടൂ തന്നെ ജില്ലാതലത്തില്‍ ഒരു കേന്ദ്രീകൃത പ്രവേശനത്തിന്റെ പ്രസക്തി എനിയ്ക്ക് മനസിലായിട്ടീല്ല.

8. എന്‍‌‌ജിനീയറിംഗ് കോളെജിന്റെ കാര്യത്തില്‍ പറഞ്ഞതുപോലെയുള്ള മുന്‍‌ഗണനാ ക്രമങ്ങള്‍, ഗുണനിലവാരത്തിലെ അന്തരം, കൊഴിഞ്ഞു പോകല്‍ എന്നിവയ്ക്കുള്ള സാധ്യത ഞാന്‍ കാണുന്നില്ല. അതുകൊണ്ടൂ തന്നെ ഹയര്‍ ഓപ്ഷന്‍ എന്നതിനു പ്രസക്തിയില്ല.

9. ഉന്നതവിദ്യാഭ്യാസത്തെക്കുറിച്ച് വ്യക്തമായ ധാരണകളുള്ളവര്‍ ഗ്രൂപ്പ്-സ്കൂള്‍ എന്നിവയില്‍ പോയിന്റ് 3 പറഞ്ഞതുപോലെയുള്ള ഒരു ഒത്തുതീര്‍പ്പിന് മുതിരില്ല.

10. കോടതിയുടെ കാഴ്ചപ്പാടുകളുമായി ചേര്‍‌‌ന്നു ചിന്തിയ്ക്കുകയാണെങ്കില്‍ അണ്ടര്‍‌ഗ്രാജുവേറ്റ് വരെ പഠിയ്ക്കുവാനുള്ള കോഴ്സുകളിലെ വൈവിധ്യം കുറവാണ്, അതുകൊണ്ടൂ തന്നെ മെറിറ്റ് എന്നത് അത്ര പ്രസക്തമായ കാര്യമാണെന്നു തോന്നിയിട്ടില്ല.

11. സര്‍ക്കാരിന്റെ കണക്കുകള്‍ വച്ച് ആവശ്യത്തിന് ഹയര്‍ സെക്കണ്ടറികളുണ്ട്. അതുകൊണ്ടൂ തന്നെ അഴിമതിയ്കുള്ള സാധ്യത കുറവാണ്. ആവശ്യക്കാരും ആവശ്യമുള്ള സീറ്റും ബാലന്‍സ്‌ഡ് ആണ്. കേന്ദ്രീകൃത അല്ലോട്ട്മെന്റിന് പ്രസക്തിയും കുറവാണ്.

നചികേതസ്സ് said...

):-

ഡാലി said...

പോയന്റ് 7 - ജോജു എണ്ട്രന്‍സ് കോച്ചിംഗ് സെന്ററുകളെ മറന്നു എന്ന് തോന്നുന്നു. തൃശ്ശൂരെ കോച്ചിംഗ് സെന്ററുകള്‍ മൂലമുള്ള തള്ള് കാരണം തൃശ്ശൂര്‍ ടൌണിലെ സ്കൂളുകളില്‍ പ്രവേശനം കിട്ടാത്ത ധാരാളം കുട്ടികള്‍ ഉണ്ട്. കേരളത്തിന്റെ സകലജില്ലകളില്‍ നിന്നും വരുന്ന കുട്ടികള്‍ മൂലം 500 മാര്‍ക്ക് ഉള്ള കുട്ടിയ്ക്ക് പോലും 90 കളില്‍ പ്രവേശനം കിട്ടാതിരുന്ന കോളേജുകളാണ് തൃശ്ശൂര്‍ ഉള്ളത്.ഇപ്പോള്‍ ആ കോളേജുകളുടെ ഹയര്‍സെക്കണ്ട്രിക്കാണു തള്ള്. പ്രാദേശികര്‍ക്ക് ഇത്തരം സ്കൂളുകളില്‍ അഡ്മിഷന്‍ കിട്ടാന്‍ കൊടുതല്‍ സാധ്യത ഏകജാലകം ഉണ്ടാക്കും എന്നാണു് ഞാന്‍ കരുതുന്നതു. കാരണം പ്രാദേശികാടിസ്ഥാനത്തിലും, പഠിച്ച സ്കൂളിനും വെയിറ്റേജ് ഉണ്ട്.

പോറ്റിന്റ് 8. ഗുണവാരത്തിലെ അന്തരം തീര്ച്ചയായും ഉണ്ടു്. തൃശ്ശൂര്‍ സെന്തോമാസില്‍ കിട്ടിയാല്‍ സെന്റ് അലോഷ്യസ്യസില്‍ നിന്നും സെന്റ്. അലോസ്യസില്‍ കിട്ടിയാല്‍ കാലടിയന്‍ സിറിയനില്‍ നിന്നും കുട്ടികള്‍ മാറും.

Ramachandran said...

ഈ ജേസീബീന്നു പറയുന്ന സാധനം എല്ലാം കൂടി ഇട്ടു കുഴച്ച് മറിയ്ക്കാനുള്ള ഒരു സാധനമാ അല്ലേ?


ചര്‍ച്ച തുടരട്ടെ

ഒരു കമന്റ് ട്രാക്കിംഗിനാണേ..
:)

Ramachandran said...

ഈ ജേസീബീന്നു പറയുന്ന സാധനം എല്ലാം കൂടി ഇട്ടു കുഴച്ച് മറിയ്ക്കാനുള്ള ഒരു സാധനമാ അല്ലേ?


ചര്‍ച്ച തുടരട്ടെ

ഒരു കമന്റ് ട്രാക്കിംഗിനാണേ..
:)

jinsbond007 said...

ഒരു സംശയം മാത്രമുന്നയിക്കുന്നു. ജോജു പറയുന്നു സര്‍ക്കാര്‍ കണക്കില്‍ വിദ്യാര്‍ത്ഥികളും സീറ്റുകളും ബാലന്‍സ്ഡ് ആണെന്ന്. അങ്ങനെയെങ്കില്‍ എന്തിന് മാതാപിതാക്കള്‍ പല പല സ്കൂളുകളില്‍ ഒരേ സമയം ഇന്റര്‍വ്യൂവിന് ചെല്ലണം? പിന്നെ, ഇവിടെയുള്ള സംവിധാനം എഞ്ചിനീറീങ്ങ്/മെഡിക്കല്‍ അലോട്ട്മെന്റ് പോലെ അല്ലാ എന്നാണെനിക്കു തോന്നിയത്.കൂടുതലും പ്രാദേശിക പരിഗണനകളും, നല്ല മാര്‍ക്കുള്ളവന് നല്ല സ്കൂള്‍ തത്വവുമാണെന്നു തോന്നുന്നു. പിന്നെ യൂണിഫോമിന്റെ കാര്യം, അത് കുറച്ച് കുഴഞ്ഞ പ്രശ്നം തന്നെയാണെന്നു തോന്നുന്നു. പ്രത്യേകിച്ചും പാവപ്പെട്ട കുട്ടികള്‍ക്ക്.

ന്യൂനപക്ഷാവകാശം ലംഘിച്ചു എന്നു പറഞ്ഞാല്‍ അതു തെറ്റാവില്ല എന്നാണ് വായിച്ചപ്പോള്‍ തോന്നിയത്. പക്ഷെ കേരളത്തില്‍ ഇന്നും എന്നും ന്യൂനപക്ഷം കാത്തോലിക്കരു മാത്രമല്ലല്ലോ? പിന്നെ സര്‍ക്കാരല്ല അഡ്മിഷന്‍ നല്‍കുന്നതെന്നും, മാനേജുമെന്റാണെന്നും, സര്‍ക്കാര്‍ അതിനുള്ള സംവിധാനം ഒരുക്കുന്നതു മാത്രമേ ഉള്ളൂ എന്നും വരികയാണെങ്കിലും, ഒരു പ്രാവശ്യം അഡ്മിഷനെടുത്ത കുട്ടി ഹൈയര്‍ ഓപ്ഷന്‍ വഴി വിട്ടു പോകുമ്പോള്‍ ആരാണുത്തരവാദി എന്നത് ചോദ്യമല്ലെ? പിന്നെ എനിക്കറിയാവുന്നിടത്തോളം പ്ലസ് ടുവിന്‍ ഏകീകൃത ഫീസ്ഘടനയൊന്നുമില്ല(തെറ്റെങ്കില്‍ തിരുത്തുക). അപ്പൊപ്പിന്നെ അവിടെങ്ങനെ സുതാര്യത വരുത്തും?

പല പ്രശ്നങ്ങളുമുണ്ട്. നമ്മള്‍ ചര്‍ച്ച നടത്തിയാല്‍ കാര്യങ്ങള്‍ കുറച്ചു കൂടി വ്യക്തമാവും. പക്ഷേ അതിന് സമൂഹത്തെ എത്രകണ്ട് സ്വാധീനിക്കാന്‍ കഴിയും എന്നാണെനിക്കറിയാത്തത്. അതിനും വഴി കണ്ടെത്തേണ്ടിയിരിക്കുന്നു.

കിരണ്‍ തോമസ് തോമ്പില്‍ said...

സാജാ,

കേരളത്തിലെ ഒട്ടുമിക്ക +2 എയ്‌ഡഡ്‌ വിദ്യാഭ്യാസ സ്ഥാപനങ്ങളിലും ഒരു പരിധിയില്‍ കവിഞ്ഞ്‌ ഫീസ്‌ നല്‍കെണ്ടതില്ല എന്നാണ്‌ ഞാന്‍ മനസിലാക്കുന്നത്‌. പണ്ട്‌ നമ്മള്‍ PDC ക്ക്‌ പഠിക്കുമ്പോഴുള്ള അവസ്ഥയാണ്‌. ഏതെങ്കിലും എയ്‌ഡഡ്‌ കോളെജില്‍ ഒരു പരിധിയില്‍ കവിഞ്ഞ ഫീസ്‌ ഈടാക്കിയിട്ടില്ലല്ലോ. അപ്പോള്‍ വളരെ കൂടുതല്‍ ആണ്‌ എന്ന വാദം വലിയ പ്രസക്തമല്ല. അത്‌ നല്‍കാന്‍ ഒട്ടുമിക്ക ആളുകളും തയ്യാറുമാണ്‌. അവര്‍ക്ക്‌ താല്‍പര്യമുള്ള വിദ്യാലയത്തില്‍ പ്രവേശനം ലഭിക്കുക എന്നതാണ്‌ ഇതില്‍ മുഖ്യമായത്‌. ഇനി ഹയര്‍ ഓപ്ഷന്‍ വേണ്ടാത്തവര്‍ക്ക്‌ ആദ്യം ലഭിച്ച വിദ്യാലയത്തിലെ മാത്രം കോഷന്‍ ഡിപ്പോസിറ്റ്‌ അടച്ച്‌ തുടരാം. കൂടതല്‍ നല്ല കോഴ്സ്‌ വേണ്ടവര്‍ക്ക്‌ ഹയര്‍ ഓപ്ഷന്‍ തേടാം. കിട്ടിയാല്‍ പണം നല്‍കെന്റി വരും എന്നതുകൊണ്ട്‌ കിട്ടാനേ പാടില്ല എന്ന് ചിന്തിക്കുന്നത്‌ എത്രത്തോളം ശരിയാണ്‌. പിന്നെ ഒരു എയ്ഡഡ്‌ +2 വില്‍ എത്ര ഫീസ്‌ ഉണ്ട്‌ എന്നത്‌ ഉടന്‍ അന്വേഷിച്ച്‌ അറിയിക്കുന്നതാണ്‌.

ഇനി ജോജുവിന്റ വാദഗതികളിലെക്ക്‌ വരാം.

+2 വിന്‌ ഒരുപാട്‌ സീറ്റുള്ളതിനാല്‍ കേന്ദ്രീകൃത അലോട്ട്‌മെന്റിന്‌ പ്രസക്തി എന്ത്‌ എന്ന ചോദ്യമാണ്‌ കാതലായത്‌ എന്ന് എനിക്ക്‌ തോന്നുന്നു. എന്നാല്‍ എനിക്ക്‌ ഇഷ്ടമുള്ള വിഷയം എന്റിക്ക്‌ താല്‍പര്യമുള്ള സ്ഥപനത്തില്‍ ലഭിക്കുക എന്നതാണ്‌ എനിക്ക്‌ മുഖ്യം. പണ്ട്‌ നമ്മള്‍ പ്രീഡിഗ്രി കാലത്ത്‌ മികച്ച കോളെജ്‌ തേടിപ്പോയതു പോലെ. അലെങ്കില്‍ എനിക്ക്‌ ഏറ്റവും അടുത്ത്‌ ഇഷ്ടപ്പെട്ട വിഷയം പഠിക്കനുള്ള അവസരം. ഏകജാലകം ഇല്ലെങ്കില്‍ സയന്‍സ്‌ പഠിക്കാന്‍ താല്‍പര്യമുള്ള ഒരാള്‍ക്ക്‌ ഹ്യമാനിറ്റിക്സ്‌ കൊണ്ട്‌ തൃപ്തിപ്പെടേണ്ടി വരാനുള്ള സാധ്യതയുണ്ട്‌. എന്നാല്‍ ഹയര്‍ ഓപ്ഷന്‍ ഉള്ള ഏകജലക സംവിധാനത്തില്‍ എനിക്ക്‌ ഏറ്റവും നല്ല സ്ഥാപനം ലഭിക്കാന്‍ ഇടയാക്കും. ഒരേ ദിവസം പല സ്ഥലങ്ങളില്‍ ഇന്റര്‍വ്യൂ നടക്കും എന്നതിനാല്‍ വിദ്യാര്‍ത്ഥികള്‍ക്ക്‌ പ്രവേശനത്തില്‍ പല comprimise നടത്തേന്റി വരുന്നു. അത്‌ ഈ രീതി പൂര്‍ണ്ണമായും ഒഴിവാക്കുന്നു.

ഈ സിസ്റ്റത്തിന്റ ഒരു പോരായ്മയായി എനിക്ക്‌ തോന്നിയിട്ടുള്ളത്‌ ഹയര്‍ ഓപ്ഷന്‍ വഴി കുട്ടികള്‍ സാധ്യതകള്‍ മുതലെടുത്താല്‍ ചില വിദ്യാലയങ്ങളിലെങ്കിലും വിദ്യാര്‍ത്ഥികളെ കിട്ടാതെ വരാന്‍ ഉള്ള സാധ്യത ഉണ്ട്‌. ഇത്‌ തുടര്‍ന്നാല്‍ ആ വിദ്യാലയങ്ങള്‍ അണ്‍ എക്ണോമിക്കലാകാന്‍ സാധ്യതയുണ്ട്‌.

sajan jcb said...

കിരണ്‍,

higher option വേണ്ടാത്തവര്‍ക്കു എന്നു വളരെ എളുപ്പം പറഞ്ഞു. ആര്‍ക്കൊക്കെയാണ് ഇതു വേണ്ടാത്തത്? അവരവര്‍ ഉദ്ദേശിച്ച സ്കൂളില്‍ അഡ്മിഷന്‍ കിട്ടിയവര്‍ക്ക്. അങ്ങിനെ കിട്ടണമെങ്കില്‍ നല്ല മാര്‍ക്കു വേണം. അവര്‍ക്ക് പഴയ സിസ്റ്റത്തിലും അവര്‍ വിചാരിച്ച സ്കൂളില്‍ സീറ്റ് കിട്ടും.

കിരണിന്റെ വാദ ഗതിയില്‍ നിന്നു മനസ്സിലായതു് ഏക ജാലകത്തിനു ഒരേയൊരു ഗുണം മാത്രം. ഒരേ സമയം പല സ്ഥലങ്ങളില്‍ നല്ല സ്ക്കൂളുകളുടെ ഇന്റര്‍വ്യൂ നു വേണ്ടി ഓടി നടക്കേണ്ടി വരില്ല. അതിനു പരിഹാരം ഏക ജാലകം തന്നെ വേണോ എന്നതു ചിന്തിക്കേണ്ടേ? ഒരു സ്കൂള്‍ co-ordination കമ്മിറ്റി പോരേ?

sajan jcb said...

ഇനി നമ്പര്‍ 11 നെ കുറിച്ചു എന്റെ വീക്ഷണം.

ഡാലിയുടെ മുന്നിലെ കമന്റ് അതിന്റെ ഒരു വശം മാത്രമേ കണ്ടിട്ടുള്ളൂ... അതു വളരെ ലളിതമായി വിവരിച്ചതിനു നന്ദി.

മറ്റൊരു വശം... സങ്കല്‍പ്പിക്കൂ... ആഡ്മിഷന്‍ തുടങ്ങി രണ്ടാം മാസം. ഏകജാലകത്തിലെ higher option കിട്ടി കുട്ടികള്‍ കൂടുതല്‍ മികച്ച സ്കൂളുകള്‍ തേടി പോകുന്നു. അപ്പോള്‍ രണ്ടാം ലെയര്‍ മികച്ച സ്കൂളുകളില്‍ ഒഴിവുകള്‍ പ്രത്യക്ഷപ്പെടുന്നു. ക്ലാസു തുടങ്ങി കുറച്ചു നാളായതിനാലോ പിന്നേയും മറ്റൊരു സ്കൂളില്‍ ഫീസു കൊടുക്കുന്നതു ഒഴിവാക്കാനായി *അര്‍ഹതയുള്ള* കുട്ടികള്‍ ആ option കാന്‍സല്‍ ചെയ്യുന്നു. അവരുടെയും മാതാപിതാക്കളുടേയും ഉദ്ദേശം ഒരു പക്ഷേ കുട്ടിയുടെ പഠനം ഇടയ്ക്കു വച്ചു disturbed ആവരുത് എന്നു കൂടിയാകണം.

---tail in the middle----
*** ഇവിടെ അര്‍ഹതയുള്ള എന്നു ഉദ്ദേശ്ശിച്ചതു് two-way ആണ്. കുട്ടികള്‍ക്കുള്ള അര്‍ഹത മാത്രമല്ല. സ്കൂളിനും ഒരു അര്‍ഹതയൊക്കെയില്ലേ? അവരുടെ നിലവാരത്തിനനുസരിച്ച കുട്ടികള്‍ ലഭിക്കണം എന്ന അര്‍ഹത?
------continuing-----

അങ്ങിന്റെ മുന്‍ഗണനാ പ്രകാരം കുട്ടികള്‍ option കാന്‍സെല്‍ ചെയ്ത് വളരെ dangerous ആയ ഒരു സിറ്റുവേഷന്‍ വന്നു കൂടായ്കയില്ല. അതെന്തെന്നാല്‍... വളരെ നിലവാരം കുറഞ്ഞ അഞ്ചാം ലെയര്‍ സ്കൂളില്‍ പഠിക്കാന്‍ യോഗ്യതയുള്ളവന്‍ വന്നു പെടുന്നതു് രണ്ടാം ലെയര്‍ മികച്ച സ്കൂളില്‍. ഒരു പക്ഷേ അതിലും യോഗ്യതയില്ലാത്തവര്‍ മികച്ച സ്കൂളുകളില്‍ എത്തിപ്പെടാം.


തിരുവനന്തപുരം ജില്ലയില്‍ 2007-2008-ല്‍ 20 ശതമാനം വരെ ഹയര്‍ സെക്കന്‍ഡറി സീറ്റുകള്‍ ഒഴിഞ്ഞുകിടന്നു. ആര്‌ ഇതിന്‌ ഉത്തരവാദിത്വം പറയും? (സര്‍ക്കാര്‍ സ്കൂളുകളിലെ സ്ഥിതി ഇതിനേക്കാള്‍ മോശമാണെന്ന കാര്യം വിസ്മരിക്കുന്നില്ല.)


ഈ ഇരുപതു ശതമാനം ഇനി ഒഴിഞ്ഞു കിടക്കില്ല. കാരണം 92% പേരാണ് ഇത്തവണ SSLC കടമ്പ കടന്നത്. 70% ത്തില്‍ നിന്ന് 92% എന്നു പറയുമ്പോള്‍ പണ്ടു ജയിച്ചിരുന്നതിന്റെ 22% അല്ല കൂടുതല്‍..പിന്നയോ 33% കൂടുതല്‍!!! അങ്ങിനെ ഒന്നു പഠിക്കാതെ കൊടി പിടിച്ചു നടന്നവന്‍ 60 higher option വരെ ഉപയോഗിച്ചു എത്തിപ്പെടാന്‍ പോകുന്നത് കേരളത്തിലെ മികച്ച സ്കൂളുകളില്‍... അവന്റെ പഠനത്തില്‍ എന്തു disturbance? മുകളിലെ order അനുസ്സരിച്ച് അവന്‍ എവിടെ എത്തണം എന്നു "അവര്‍" ആഗ്രഹിക്കുന്ന പൊയ്ന്റില്‍ അവന്‍ higher option വേണ്ടെന്നു വെയ്ക്കുന്നു.

ഇനി നമ്പര്‍ 11 സൂക്ഷിച്ചു വായിക്കൂ...

11. സ്വന്തം വിദ്യാര്‍ഥി സംഘടനാ പ്രവര്‍ത്തകരെ നന്നായി പ്രവര്‍ത്തിക്കുന്ന വിദ്യാലയങ്ങളിലേക്കു വിന്യസിച്ച്‌ അവിടെ തങ്ങളുടെ പിണിയാളുകളെ കുത്തിനിറയ്ക്കാനുള്ള സംവിധാനമാണ്‌ ഏകജാലക സംവിധാനമെന്നു സംശയിക്കുന്നു.

got it?

കിരണ്‍ തോമസ് തോമ്പില്‍ said...

സാജാ

പഴയ രീതി അനുസരിച്ച്‌ എല്ലാവര്‍ക്കും ഇഷ്ടമുള്ള സീറ്റോ കോഴ്സോ ലഭിക്കണമെന്നില്ല . മറിച്ച്‌ മിക്ച്ച മാര്‍ക്കുള്ളവര്‍ക്ക്‌ ലഭിക്കാം എങ്കിലും അത്‌ ഒരു ന്യൂനപക്ഷം മാത്രമേ ആകൂ. അതിന്‌ താഴേ ഉള്ളവരുടെ കാര്യത്തില്‍ ഒരു ഉറപ്പുമില്ല. മാത്രവുമല്ല ഒരേ സമയം ഇന്റര്‍വ്യൂ നടക്കുന്നതിനാല്‍ അവന്‍ പല സ്ഥലങ്ങളില്‍ ഒരേ സമയം ആളേ നിര്‍ത്തേണ്ടി വരുന്നു. പിന്നേ ഓരോ വിദ്യാലയത്തിലും പ്രത്യേകം അപേക്ഷ ഫോം നല്‍കുകയും അവിടുത്തെ റാങ്ക്‌ ലിസ്റ്റ്‌ പരിശോധിക്കുകയും ഒക്കെ വേണം. പഴയ രീതി അനുസരിച്ചും ചിലപ്പോള്‍ ചുറ്റുവട്ടത്ത്‌ തന്നെ സീറ്റ്‌ ലഭിക്കണമെന്നും ഇല്ല. ഒരു വിദ്യാര്‍ത്ഥിയേ സംബന്ധിച്ച്‌ ഈ പ്രവേശനം ഒരു നൂലമാലയാണ്‌. അതാണ്‌ ഈ സ്റ്റിസ്റ്റം പരിഹരിക്കുന്നത്‌. ഇവിടെ 60 സ്കൂളുകളില്‍ ഒരേ സമയം അപേഷിക്കാം എന്ന് മാത്രമല്ല ഇന്റര്‍നെറ്റിലൂടെ വിവിധ സ്കൂളിലെ സ്ഥാനവും അറിയാം. പിന്നെ മാനേജ്‌മെന്റിന്റ അവകാശം എന്നത്‌ സ്റ്റോക്ക്‌ എക്സ്ചേഞ്ചിലെ ചൂതാട്ടം പോലെ വിദ്യാര്‍ത്ഥികളുടെ അവസരം പരിമിതപ്പെടുത്തി ആകരുത്‌.

ഇനി ഹയര്‍ ഓപ്ഷന്‍ വേണ്ടത്തവര്‍ എന്ന് ഞാന്‍ ഉദ്ദേശിച്ചത്‌ എന്ത്‌ എന്ന് ഒരു ഉദാഹരണത്തിലൂടെ പറയാ. എനിക്ക്‌ എന്റ വീടിനടുത്തുള്ള സ്കൂളില്‍ ഹുമനിസ്റ്റിക്സ്‌ കോഴ്സിന്‌ അഡ്മിഷന്‍ ലഭിക്കുന്നു എന്നിരിക്കട്ടേ. ഞാന്‍ ഈ കോഴ്സ്‌ പഠിക്കാന്‍ തയ്യാറെങ്കില്‍ എനിക്ക്‌ ഹയര്‍ ഓപ്ഷന്‍ ആവശ്യമില്ല. മറിച്ച്‌ എനിക്ക്‌ സയന്‍സ്‌ ഗ്രൂപ്പ്‌ വേണമെങ്കില്‍ ഞാന്‍ ഹയര്‍ ഓപ്ഷന്‍ സ്വീകരിക്കും അപ്പോള്‍ യൂണിഫോമിന്റയും ഫീസിന്റയും കാര്യത്തില്‍ എനിക്ക്‌ നഷ്ടമുണ്ടാകാം. പക്ഷെ അത്‌ എനിക്ക്‌ ഇഷ്ടമുള്ള കോഴ്സ്‌ ലഭിക്കാനാണ്‌. വേറോരു ഉദാഹരണം പറഞ്ഞാല്‍ എനിക്ക്‌ എന്റ വീട്ടില്‍ നിന്നും 10 കിലോമീറ്റര്‍ അകലെ ഒരു സ്കൂളിലാണ്‌ ആദ്യം പ്രവേശനം ലഭിച്ചതെന്ന് കരുതുക. ഹയര്‍ ഓപ്ഷന്‍ വഴി എനിക്ക്‌ വേണമെനില്‍ എന്റ വീടിനടുത്തുള്ള സ്ക്കൂളിക്ക്‌ മാറാന്‍ ഓപ്ഷന്‍ ഉണ്ട്‌ എന്ന് കരുതുക എന്നാല്‍ ഈ സ്കൂളില്‍ ചേരുകയും അതുമായി പൊരുത്തപ്പെടുകയും ചെയ്താല്‍ എനിക്ക്‌ ഹയര്‍ ഓപ്ഷന്‍ സ്വീകരിക്കാതിരിക്കാം. ഹയര്‍ ഓപ്ഷന്‍ എന്നത്‌ ഒരു അവകാശമായി ലഭിക്കും എന്നതാണ്‌ ഏകജാലകത്തിന്റ മേന്മ.

ഇനി സാജന്‍ പറഞ്ഞ രണ്ടാമത്തെ പോയന്റ് സംഭവിക്കാവുന്നതാണ്‌. എന്നാല്‍ സ്കൂളില്‍ ഇപ്പോള്‍ രാഷ്ട്രീയ പ്രവര്‍ത്തനം നിരോധിച്ചിരിക്കുകയല്ലെ സാജ. പിന്നെ എങ്ങനെയാണ്‌ 11 ആം പോയന്റിന്റ വ്യാകുലതക്ക്‌ പ്രസക്തി. മാത്രവുമല്ല് 10 ക്ലസ്സു വരെ പഠിച്ച്‌ ഒരു കുട്ടിക്ക്‌ ഒരു വിദ്യാര്‍ത്ഥി സംഘടനയുമായും ബന്ധമുണ്ടാകില്ല +2 വിലും സംഘടന സ്വാതന്ത്ര്യമില്ല. എന്റ ആറിവില്‍ +2 ഒരു സ്കൂള്‍ സെറ്റപ്പിലാണ്‌ നടക്കുന്നത്‌. അപ്പോള്‍ അത്തരത്തിലുള്ള ആശങ്കക്ക്‌ യാതോരു അടിസ്ഥാനവുമില്ല. പിന്നെ വ്യഖ്യാനിക്കാന്‍ വേണ്ടി വ്യാഖ്യാനിക്കാം എന്ന് മാത്രം.

N.J ജോജൂ said...

കിരണ്‍,

ഈ പറയുന്നതുപോലെയുള്ള ഒരു ഹയര്‍ ഓപ്‌ഷന്റെ സാധ്യത ഞാന്‍ കാണുന്നില്ല. കാരണം ഞാന്‍ നേരത്തേ പറഞ്ഞിട്ടൂണ്ട്. കുറച്ചു കൂടി വിശദമാക്കാം.

ഒരു ജില്ലയിലെ ഏറ്റവും മികച്ച(??) വിദ്യാലയത്തിലേയ്ക്ക് ഏറ്റവും സമര്‍ത്ഥരായ വിദ്യാര്‍ത്ഥികള്‍ അപേക്ഷിയ്ക്കുന്നു എന്നു കരുതുക. അവരുടെ ഹയര്‍ ഓപ്‌ഷന്‍ പ്രകാരം അവര്‍ക്ക് അവിടെ ഇഷ്ടമുള്ള വിഷയം കിട്ടി. അതു സയന്‍സ് ആണെന്നു കരുതുക. ഹുമാനിറ്റീസ് വിഷയങ്ങളില്‍ സീറ്റ് ഒഴിഞ്ഞു കിടക്കുന്നു. ഇവിടെ സയന്‍സ് ഗ്രൂപ്പില്‍ പ്രവേശനം കിട്ടാത്ത സമര്‍ത്ഥരായ കുട്ടികള്‍ രണ്ടാം സ്ഥാനത്തുള്ള സ്കൂളില്‍ സയന്‍സ് ഗ്രൂപ്പില്‍ പ്രവേശനം നേടുന്നു. ഇപ്പൊ രണ്ടു സ്കൂളിലെയും സയന്‍സ് ഗ്രൂപ്പു തീര്‍ന്നു. ഇതുപോലെ തന്നെ ഹുമാനിറ്റീസിനും ആവശ്യക്കാരിലെ സമര്‍ത്ഥരായ കുട്ടികളില്‍ നിന്ന് അലോട്ട് മെന്റ് നടക്കും.സീറ്റ് ഫില്ലു ചെയ്യും. ഇത് ആദ്യ അലോട്ട്മെന്റ്.

ഇനി ഒന്നാം സ്ഥാനത്തുള്ള സ്കൂളില്‍ രണ്ടാം സ്ഥാനത്തുള്ള സ്കൂളില്‍ നിന്നും ഹയര്‍ ഓപ്ക്ഷന്‍ വഴി ഒരു കുട്ടി വരണമെങ്കില്‍ ഒന്നാമത്തെ സ്കൂളിലെ ഫില്‍ഡായ സീറ്റില്‍ നിന്നും ഒന്നു വേക്കന്റ് ആവണം. അതിനുള്ള സാധ്യത എന്താണ്? എന്റെ ഇപ്പോഴുള്ള അഭിപ്രായത്തില്‍ അതിനുള്ള സാധ്യത പൂജ്യമാണ്. ഇനി ഹയര്‍ ഓപ്ഷന്‍ വഴി ഹ്യുമാനിറ്റീസുകാരന്‍ സയന്‍സ് ഗ്രൂപ്പ് എടുക്കണമെങ്കിലും ഇതേ സാധ്യതയേ ഞാന്‍ കാണുന്നുള്ളൂ. അതായത് ഏതെങ്കിലും കാരണത്താല്‍ കൊഴിഞ്ഞു പോയാലല്ലാതെ ഹയര്‍ ഓപ്ക്ഷന്‍ എന്ന പ്രശ്നം ഉദിയ്ക്കുന്നേയില്ല. പ്ലസ് റ്റു വിന്റെ കാര്യത്തില്‍ അങ്ങനെ അഥവാ കൊഴിഞ്ഞു പോക്ക് ഉണ്ടായാല്‍ തന്നെ അത് വിരളമായിരിയ്ക്കും എന്നാണ് തോന്നുന്നത്.

എന്നാല്‍ പ്രൊഫഷണല്‍ കോഴ്സുകളുടെ കാര്യത്തില്‍ സ്ഥിതി തികച്ചും വ്യത്യസ്തമാണ്. മെറിറ്റിന് വ്യത്യസ്ത പ്രവേശന പരീക്ഷകളാണ് മാ‍നദണ്ഢം. വ്യത്യസ്ത പരീക്ഷകളില്‍ വ്യക്ത്യസ്ത റാങ്ക് വ്യത്യാസപ്പെട്ടിരിയ്ക്കും. അതായത് ഒരേ വ്യക്തിയ്ക്ക് വ്യത്യസ്ഥ പരീക്ഷകളനുസരിച്ച് വ്യത്യസ്ഥ മെറിറ്റ് ആയിരിയ്ക്കും. അതുകൊണ്ടൂ തന്നെ കൊഴിഞ്ഞു പോകലിനു പ്രസക്തിയുണ്ട്. പ്ലസ്റ്റു വിന്റെ കാര്യത്തില്‍ അതു സംഭവിയ്ക്കുമെന്നു തോന്നുന്നില്ല. SSLC എന്ന ഒരേ മാനദണ്ഢമനുസരിച്ച് വ്യത്യസ്ത് മെറിറ്റ് ഉണ്ടാകുന്നുമില്ല.

N.J ജോജൂ said...

ഡാലി പറഞ്ഞ എന്‍ട്രന്‍സ് കോച്ചിംഗിന്റെ കാര്യം ഒരു സ്പെഷ്യല്‍ കേസായേ എനിക്കു തോന്നുന്നുള്ളൂ. ജനറലൈസു ചെയ്യാന്‍ ബുദ്ധിമുട്ടൂണ്ട്. അഥവാ അങ്ങനെയൊരു പ്രശ്നം ഉണ്ടെങ്കില്‍ തന്നെ 500 കാരനു പ്രവേശനം കിട്ടാത്ത സ്ഥിതിയ്ക്ക് പ്രാദേശികമെന്നോ, പഠിച്ച സ്കൂളെന്നോ പറഞ്ഞ് എപ്രകാരം 550 കാരനെ ഒഴിവാക്കാനാവുമെന്ന സംശയമുണ്ട്. അങ്ങനെ ഒഴിവാക്കി എന്നു തന്നെയിരിയ്ക്കട്ടെ. എത്രനാളത്തേയ്ക്ക്? അടുത്തവര്‍ഷം പ്രാദേശിക-പഠിച്ച സ്കൂള്‍ ആനുകൂല്യങ്ങള്‍ കിട്ടത്തക്കവിധത്തില്‍ ഒരു റീ അറേഞ്ചുമെന്റിനു സാധ്യതയില്ലേ?

നിലവാരത്തില്‍ അന്തരം ഇല്ല എന്നു ഞാന്‍ കരുതുന്നില്ല, പക്ഷേ അത് ഫ്രൊഫഷണല്‍ കോഴ്സിന്റെ കാര്യത്തിലേതുപോലെ പ്രകടമോ സിഗ്‌നിഫിക്കന്റോ അല്ല. ഒരേ നിലവാരത്തില്‍ ഒന്നിലധികം സ്ഥാപനങ്ങളുണ്ട്. പ്രൊഫഷണല്‍ കോഴ്സിന്റെ കാര്യത്തിലുള്ള നിലവാരവ്യത്യാസമെന്നത് ജോലിസാധ്യതയുമായി ബന്ധപ്പെട്ടതായതുകൊണ്ടാണ് സിഗ്നിഫിക്കന്റ് ആവുന്നത്. ഗുണനിലവാരവും പ്രാദേശികതയും തമ്മില്‍ ഒരു കോം‌പ്രമൈസിനു സാധ്യതയുമുണ്ട്.

കുഞ്ഞന്‍ said...

ഒരു ഓ.ടോ..

ഇത്തവണത്തെ cbsc റിസല്‍റ്റ് പ്രഖ്യാപിച്ചൂ ഏതാണ്ട് 91% വിജയം.. ഇതും സര്‍ക്കാര്‍ മോഡറേഷന്‍ ആയിരിക്കും അതൊ കാശുള്ളവന്റെ മക്കളായതുകൊണ്ടൊ ഈ വിജയം?

ഓഫിന് മാപ്പ്..

N.J ജോജൂ said...

കോമണ്‍സെന്‍സ് ഉള്ളവര്‍ക്കായി ഒരു ഓഫ്

Saturday, May 26, 2007
For the fifth successive year, the Chennai region, with a whopping 91.39 pass percentage, has retained its top position in the Central Board of Secondary Education's Class XII examinations.

Tuesday, May 23, 2006
The overall pass percentage is 91.45. The pass percentage for boys is 90.37 and for girls 92.85.

Friday, May 27, 2005
Chennai region was way ahead in the race to emerge at the top with 90.74 per cent of its students clearing the test.

May 26, 2004 12:57 IST
Chennai region, which includes all southern states, was the most successful region with a pass percentage of 90.51, followed by Ajmer, Chandigarh and Delhi at 75.75 per cent, Ganguly said.

Saturday, May 24, 2003
Chennai grabbed the top spot with the highest pass percentage of 88.18വ്

കുഞ്ഞന്‍ said...

അതു ശരി..മോഹന്‍ലാലൊ മമ്മൂട്ടിയൊ ഒരു കീറിയ ഷര്‍ട്ടുമിട്ടു നടന്നാല്‍ ആരും പറയില്ല അവന്‍ ദരിദ്രവാസിയായതുകൊണ്ടാണെന്ന്...!

കൊള്ളാം..കപ്പയും കഞ്ഞിയും കഴിക്കുന്നവന്‍ പളപളാ ഷര്‍ട്ടിട്ടാല്‍ ..ഹും..

വീണ്ടും ഓഫിനു മാപ്പ്

കിരണ്‍ തോമസ് തോമ്പില്‍ said...

കുഞ്ഞാ ജോജൂ. SSLC റിസല്‍റ്റ്‌ നമുക്കിവിടെ ചര്‍ച്ചയാക്കണോ.?

ജോജൂ എന്റ പോയന്റ്‌ വേറെയാണ്‌. ഉദാഹരണത്തിന്‌ എന്റ വീടിന്റ അടുത്ത്‌ 4 സ്കൂളുകള്‍ ഉണ്ട്‌ എന്ന് കരുതുക. എനിക്ക്‌ എറ്റവും അടുത്തുള്ള സ്കൂളില്‍ സ്കൂളില്‍ ചേരണമെന്നാണ്‌ ആഗ്രഹം. എന്നാല്‍ വയിറ്റിഗ്‌ ലിസ്റ്റ്‌ നോക്കി നിന്നാല്‍ പഴയ സാഹചര്യത്തില്‍ കിട്ടുമോ എന്നുറപ്പില്ല. അപ്പോള്‍ ഞാന്‍ എനിക്കിഷ്ടമില്ലാത്ത ഒരു ഗ്രുപ്പ്‌ എടുക്കുകയേ നിവിര്‍ത്തിയുള്ളൂ അലെങ്കില്‍ ഞാന്‍ മറ്റ്‌ സ്കൂളുകളില്‍ ആളെ നിര്‍ത്തി ഒരേ സമയം ഇന്റര്‍വ്യൂ അറ്റെന്റ്‌ ചെയ്യണം. എന്നാല്‍ ഏകജലയ സംവിധാന പ്രകാരം എനിക്ക്‌ ഏറ്റവും അടുത്തുള്ള സ്കൂള്‍ 60 സ്കൂളുകളില്‍ നിന്ന് ത്രിരെഞ്ഞെടുക്കാം. പിന്നെ ഹയര്‍ ഓപ്ഷന്‍ വഴി ഏറ്റവും അടുത്ത സ്കൂളിലേക്ക്‌ വരികയും ചെയ്യാം. എല്ലാവര്‍കും ഏറ്റവും മികച്ച സ്കൂള്‍ തേടി പോകാം എന്നല്ല ഇതിന്റ ലക്ഷ്യം ഏറ്റവും അടുത്ത്‌ ഇഷ്ടമുള്ള കോഴ്സ്‌ ടെന്‍ഷനില്ലാതെ തിരഞ്ഞെടുക്കാം എന്നതാണ്‌ ഇതിന്റ മെച്ചം. വിദ്യാര്‍ത്ഥികള്‍ ഇപ്പോള്‍ അനുഭവിക്കുന്ന വിഷമം ഒഴിവാക്കി കിട്ടും എന്നതാണ്‌ എന്റ പോയന്റ്‌. വേണമെങ്കില്‍ ഏറ്റവും നല്ല വിദ്യാലയം തിരഞ്ഞെടുക്കാം എന്നത്‌ മറ്റൊരു ഗുണവും

കണ്ണൂസ്‌ said...

ജോജു,

പ്ലസ് വണ്ണിന്‌ അര്‍ഹത നേടിയ വിദ്യാര്‍ത്ഥികളുടെ എണ്ണവും, ലഭ്യമായ സീറ്റുകളുടെ എണ്ണവും ബാലന്‍സ്‌ഡ് ആണെന്ന് ഉറപ്പുണ്ടോ? ഹിന്ദുവിന്റെ ഈ റിപ്പോര്‍ട്ട് നോക്കൂ.

ഇത് ശരിയാണെങ്കില്‍ ചുരുങ്ങിയത് ഒരു ലക്ഷം സീറ്റെങ്കിലും കുറവായിരിക്കണം സംസ്ഥാനം മൊത്തമായി നോക്കിയാല്‍.

പ്ലസ് വണ്ണിന്‌ ഇരുപത് ശതമാനം സീറ്റ് വര്‍ദ്ധന സര്‍ക്കാര്‍ അനുവദിച്ചതും ചേര്‍ത്താണ്‌ ആവശ്യത്തിന്‌ സീറ്റുണ്ടെന്ന് സര്‍ക്കാര്‍ പറയുന്നതെന്ന് തോന്നുന്നു. എന്തായാലും ഈ സീറ്റ് വര്‍ദ്ധന നടപ്പാക്കാന്‍ സാമ്പത്തിക ബാധ്യത മൂലം സ്വകാര്യ സ്കൂളുകള്‍ മടിച്ചേക്കുമെന്ന് ദീപികയില്‍ വായിച്ചിരുന്നു. (ലിങ്ക് തെരഞ്ഞിട്ട് കാണുന്നില്ല).

N.J ജോജൂ said...

SSLC റിസള്‍ട്ടിനെ സംബംന്ധിച്ച് ഈ പോസ്റ്റില്‍ ഇനിയൊരു കമന്റ് എന്റ് ഭാഗത്തുന്നിന്നുണ്ടാവില്ല.

“ഏറ്റവും അടുത്ത്‌ ഇഷ്ടമുള്ള കോഴ്സ്‌ ടെന്‍ഷനില്ലാതെ തിരഞ്ഞെടുക്കാം എന്നതാണ്‌ ഇതിന്റ മെച്ചം.”

ഈ ഹയര്‍ ഓപ്‌ഷന്‍ പ്രായോഗികമായി എത്രമാത്രം നടപ്പാകും എന്നതിലെ സംശയം ഞാന്‍ നേരത്തേ തന്നെ അവതരിപ്പിച്ചിരുന്നു. മെറിറ്റുള്ള കുട്ടിയ്ക്ക് ഏറ്റവും അടുത്ത് ഇഷ്ടമുള്ള കോഴ്സ് തിരഞ്ഞെടുക്കാനുള്ള സാഹചര്യം മുന്‍പും ഉണ്ടായിരുന്നു. പിന്നെ ടെന്‍ഷന്‍ ഇല്ലാതെ എന്നതിനോടു മാത്രം ഞാന്‍ യോജിക്കുന്നു. ടെന്‍ഷന്‍ ഒഴിവാക്കാന്‍ മാത്രമായിരുന്നെങ്കില്‍ മാനേജുമെന്റുകളുടെ താ‍ത്പര്യം സംരക്ഷിച്ചുകൊണ്ട് സര്‍ക്കാരിനു ഇന്റര്‍വ്യൂ ക്രമീകരിയ്ക്കാമായിരുന്നു.

പഴയ സം‌‌വിധാനം വച്ച് ഓടി നടന്ന് ഇന്‍‌റ്റര്‍‌വ്യൂവിനു പോയിരുന്നു എന്നത് എത്രമാത്രം ശരിയാണെന്ന് അറിയില്ല. തന്റെ മാര്‍ക്കിനനുസരിച്ച കിട്ടാവുന്ന സ്കൂളുകളെക്കുറിച്ച് ഒരു ഏകദേശ ധാരണ കുട്ടികള്‍ക്കും മാതാപിതാക്കള്‍ക്കും ഉണ്ടാവും.


കണ്ണൂസ്,

സീറ്റുകള്‍ ബാലന്‍സ്‌ഡ് ആണ് എന്ന് എനിക്ക് ഉറപ്പില്ല. മന്ത്രി അങ്ങനെ പറഞ്ഞതായി കണ്ടിരുന്നു.

ഡാലി said...
This comment has been removed by the author.
ഡാലി said...

<>ഇനി ഒന്നാം സ്ഥാനത്തുള്ള സ്കൂളില്‍ രണ്ടാം സ്ഥാനത്തുള്ള സ്കൂളില്‍ നിന്നും ഹയര്‍ ഓപ്ക്ഷന്‍ വഴി ഒരു കുട്ടി വരണമെങ്കില്‍ ഒന്നാമത്തെ സ്കൂളിലെ ഫില്‍ഡായ സീറ്റില്‍ നിന്നും ഒന്നു വേക്കന്റ് ആവണം. അതിനുള്ള സാധ്യത എന്താണ്? എന്റെ ഇപ്പോഴുള്ള അഭിപ്രായത്തില്‍ അതിനുള്ള സാധ്യത പൂജ്യമാണ്.<>

ഏറ്റവും അധികം ഡിമാന്റുള്ള വിദ്യാലയങ്ങളില്‍ ഒഴിച്ചു് മറ്റു് വിദ്യാലയങ്ങളിലൊന്നും തന്നെ ഫസ്റ്റ് അലോറ്റ്മെന്റ് കഴിഞ്ഞാല്‍ സിസ്റ്റം സ്റ്റഗ്നന്റ് അല്ല. അതുകൊണ്ടാണല്ലോ ഈ ചര്‍ച്ചയിലെ ഏറ്റവും വലിയ വിരുദ്ധ സ്റ്റേറ്റ്മെന്റ്സ് ആയ അലോട്ട്മെന്റ് കഴിഞ്ഞു ക്ലാസ്സ് തുടങ്ങിയ ദിവസം ഇപ്പോഴും സോള്‍വ് ചെയ്യതെ കിടക്കുന്നതു്. കുട്ടികള്‍ തീര്‍ച്ചയായും അഡ്മിഷന്‍ കിട്ടിയ ഒന്നില്‍ നിന്നും ഹയര്‍ ഓപ്ഷനിലുള്ള മറ്റൊന്നിലേയ്ക്ക് മാറുന്നുണ്ടു്. ( അതിന്റെ (കൊഴിഞ്ഞു പോക്കിന്റെ)കാരണം എനിക്കോര്‍ക്കാന്‍ പറ്റുന്നില്ല. എന്തുകൊണ്ടാണു് അങ്ങനെ വേക്കന്‍സി വരുന്നതു് എന്നു് കിരണോ മറ്റോ അറിയാമായിരിക്കും.) പക്ഷേ ഒന്നു സമ്മതിക്കാം പ്രൊഫഷണല്‍ കോളേജുകളിലെ കൊഴിഞ്ഞു പോക്കു പോലെ പ്ലസ്റ്റുവിനു പോകുന്നില്ല. അതുകൊണ്ടു് ഒരുപാടൊന്നും കുട്ടികള്‍ ഹയര്‍ ഓപ്ഷനും പോ‍ാകുന്നില്ല. അങ്ങനെ വരുമ്പൊള്‍ അത് മന്ത്രിയുടെ വാദം ശരി വയ്ക്കുകയാണു്.( മറ്റു ജില്ലകളിലെ അഡ്മിഷന്‍ കഴിഞ്ഞീട്ടും കഴിഞ്ഞ വര്‍ഷം തിരുവന്തപുരം ജില്ലയില്‍ നടന്നതു് വളരെ കുറച്ചു കുട്ടികള്‍ക്ക് അതും എസ്.എസി / എസ്.എസ്റ്റി...).

ഇനി ഒരു വാദത്തിനു ജോജുവിന്റെ വാദം പൂര്‍ണമായും ശരി എന്നു വയ്ക്കുക.
അപ്പോള്‍ ഇവിടെ സാജന്‍ പറഞ്ഞ വാദവും സഭ ഇപ്പോള്‍ ശക്തമായി വാദിക്കുന്ന കാര്യങ്ങളും പൊളിയില്ലേ.
1. ഹയര്‍ ഓപ്ഷന്‍ കിട്ടി പോകുന്നവരുടെ സാബത്തിക പരാധീനത, യൂണിഫോം... (അങ്ങനൊന്നു വളരെ കുറച്ച് പേര്‍ക്കെ അല്ലെങ്കില്‍ ആര്‍ക്കും ഫേസ് ചെയ്യേണ്ടി വരുന്നില്ലെങ്കില്‍ എന്തു സാമ്പത്തീക ബാധയ്തയാണു് പറയുന്നതു)
2. ഹയര്‍ ഓപ്ഷന്‍ വഴി പാര്‍ട്ടി കുട്ടികളെ കുത്തി തിരുകാനുള്ള വഴി. ഇവിടെ പോസ്റ്റില്‍ അച്ചന്റെ ലേഖനത്തില്‍ 11 ആം പോയിന്റ് ആയും സാജന്‍ സമര്‍ത്ഥിച്ചതും റൂബിന്‍ ഡീക്കന്റെ ഏറ്റവും പുതിയ പോസ്റ്റും (ഏകജാലകം. കൊള്ളാം. കുട്ടികള്‍ക്ക്‌ 60 ഓപ്ഷനുകള്‍. അതിരമ്പുഴക്കാരന്‌ ആദ്യപ്രവേശനം മണിമലയില്‍! അവിടെ ചേരണം. യൂണിഫോം വാങ്ങണം. അപ്പോഴും നെടുങ്കുന്നത്തു പ്രവേശനമായിരിക്കും. അവിടെയും ചേരണം, യൂണിഫോം വാങ്ങണം. പിന്നീട്‌ ചങ്ങനാശേരിയില്‍. ഒടുവില്‍ എട്ടു / പത്ത്‌ ഓപ്ഷന്‍ കഴിയുമ്പോഴേയ്ക്കും അതിരമ്പുഴയില്‍. ജൂലൈയില്‍ ആരംഭിച്ച ക്ലാസ്‌ അപ്പോഴേയ്ക്കും ഡിസംബറില്‍ എത്തിയിരിക്കും. എങ്ങിനെയുണ്ട്‌ ഏകജാലകം?അധ്യാപകര്‍ക്കും സുഖം. ആദ്യം വരുന്ന കുട്ടികളില്‍ മൂന്നിലൊന്നുപോലും ഓപ്ഷന്‍ അവസാനിക്കുമ്പോഴും കാണില്ല.) ഈ ആശങ്ക പങ്കു പറയുന്നു. ചെറിയൊരു ശതമാനം കുട്ടികള്‍ / അല്ലെങ്കില്‍ ആരും ഹയര്‍ ഓപ്ഷന്‍ പറ്റി പോകുന്നില്ലെങ്കില്‍ പിന്നെ എങ്ങനെയാണു ഹയര്‍ ഓപ്ഷനിലൂടെ പാര്‍ട്ടി കുട്ടികളെ മന:പൂര്‍വ്വമായി സഭാസ്കൂളുകളില്‍ കുത്തിതിരുകാന്‍ പറ്റുക? (സോഫ്റ്റ് വെയറില്‍ കള്ളക്കളി കളിച്ച ഗവണ്മെന്റിനു കയറ്റാം. പക്ഷേ സോഫ്റ്റ് വെയറിന്റെ സുതാര്യത സഭയ്ക്ക് ആവശ്യപ്പെടാവുന്നതേ ഉള്ളൂ. അതു ഏകജാലകം എതിര്‍ക്കാന്‍ ഒരു കാരണമല്ല)

3. ഹയര്‍ ഓപ്ഷന്‍ കുട്ടികള്‍ സ്വീകരിക്കുക വഴി ഒരുപാട് സീറ്റുകള്‍ ബാക്കി വരുന്നു. അതുകൊണ്ടു് ഡിവിഷന്‍ ഫാള്‍ വരുന്നു. അതിനാരു സമാധാനം പറയും.

എന്നുവച്ചാല്‍ സഭ പറയുന്ന പ്രാധാന വാദങ്ങളൊക്കെ ഇതുകൊണ്ടു് പൊളിയുന്നു എന്നു് സാരം.

ഇനി ആകെ ഒരു വാദമെ സഭയ്ക്കുള്ളൂ. അതു നേരത്തെ ഞാന്‍ പറഞ്ഞതാണു് (റൂബിന്‍ ഡീക്കന്റെ പോസ്റ്റില്‍ നിന്നും. <>വിദ്യാര്‍ഥികള്‍ക്ക്‌ എന്തു പ്രതിബദ്ധത? മാനേജ്മെന്റിനോ പ്രിന്‍സിപ്പലിനോ തങ്ങളുടെമേല്‍ എന്തവകാശം? തങ്ങള്‍ ഗവണ്‍മെന്റിന്റേതാണ്‌. തങ്ങള്‍ ഇഷ്ടംപോലെ പ്രവര്‍ത്തിക്കും<>) അതിനു ആവശ്യമായ ഉറപ്പു് ഗവണ്മെന്റ് കൊടുക്കേണ്ടതാണു്. അല്ലെങ്കില്‍ അതു മൌലീകാവകാശലംഘനത്തില്‍ വരും.

മന്ത്രിയുടേയോ, ഏകജാലകത്തെ അനുകൂലിക്കുന്ന മറ്റാറുടെയോ ലേഖനത്തില്‍ ഹയര്‍ ഓപ്ഷന്‍ ഇവിടത്തെ ചര്‍ച്ചയില്‍ പറഞ്ഞ മാതിരി ഒരു ഏകജാലകത്തിന്റെ പോസ്റ്റിവ് ഗുണമായി ആരും കാണുന്നില്ല. കിരണിന്റെ അവസാന കമന്റില്‍ പറഞ്ഞ പോലെയാണു 60 ഓപ്ഷനെ ഏകജാലക സപ്പോര്‍ട്ടേഴ്സ് കാണുന്നതു്. അതേ സമയം അനാവശ്യമായ അലച്ചില്‍ ഒഴിവാക്കല്‍, കിട്ടാന്‍ സാധ്യതയുള്ള ഒരു ചാന്‍സ് മിസ്സ്വതിരിക്കല്‍, അഡ്മിഷന്റെ സുതാര്യത .. ഇതെല്ലാമാണു പ്ലസ് പോയിന്‍ ആയി ഉയര്‍ത്തി പിടിക്കുന്നതു്. ഞാന്‍ ഒന്നൂടെ കാണുന്നുണ്ട്. ഈ കേന്ദ്രീകൃത അഡ്മിഷന്‍ വഴി കിട്ടാന്‍ സാധ്യതയുള്ള കുട്ടീകളുടെ ഒരു വലിയ ഡാറ്റബേസ്. പിന്നീട് ഒരുപാട് കാര്യങ്ങള്‍ക്ക് ഉപകരിച്ചേക്കാവുന്ന ഒരു ഓപ്പണ്‍ ഡാറ്റബേസ് ആണു അതു്‌.

എണ്ട്രന്‍സ് എന്ന പ്രശ്നം അത്ര നിസ്സാര പ്രശ്നമായി തോന്നുന്നില്ല ജോജു. മിക്ക ജില്ലാ ആസ്ഥാനത്തും ഈ പ്രശ്നം ഉണ്ട്. വീടിനടുത്തു പഠിക്കാനാവാതെ കുട്ടികളുടെ ട്രാന്‍സ്പോര്‍ട്ടേഷന്‍ ഒരു പ്രശ്നമാകുന്നതു അപ്പോഴാണു. അതിനെ കുറിച്ചു് കുറേ പറയാനുണ്ടു്. അതീ ചര്‍ച്ചയുടെ സ്കോപ്പില്‍ വരുന്നില്ല. പക്ഷേ കുട്ടികളുടെ ട്രാന്‍സ്പോട്ടേഷന്‍ ഒഴിവാക്കുന്നതിന്റെ ഒരു പ്രോ ആക്റ്റിവിറ്റി ആയാണു ഞാന്‍ ഏകജാലകത്തെ കാണുന്നതു്.

sajan jcb said...

ഇതിപ്പോള്‍ വാദിക്കാന്‍ വേണ്ടി വാദിക്കലും എതിര്‍ക്കാന്‍ വേണ്ടി എതിര്‍ക്കലും ആയി എന്നു തോന്നുന്നു.

എന്തായാലും ഫീ ഘടനയും, യൂണിഫോം വിലയും, എത്ര നാളുകൊണ്ടാണ് ഏകജാലക നടപടി ക്രമങ്ങള്‍ പൂര്‍ത്തിയായത്, എന്നൊക്കെ അറിഞ്ഞാലേ ഇനി ഇവിടെയുള്ള കമന്റുകള്‍ക്ക് പ്രസക്തിയുള്ളൂ എന്നു തോന്നുന്നു. ഇനി ചിലര്‍ക്ക് പൈസയല്ല; ടെന്‍ഷന്‍ ഫ്രീ ലൈഫ് ആയിരിക്കും മുഖ്യം. മറ്റു ചിലര്‍ക്കു മറിച്ചും :-( ഇനി അതിന്റെ പോളിങ്ങും ശതമാന കണക്കും എങ്ങിനെ കിട്ടും?

മറ്റൊരു ചോദ്യം ചോദിക്കട്ടേ ? ഏകജാലകം സര്‍ക്കാര്‍ ധൃതി പിടിച്ചു കൊണ്ടു വരാനുള്ള ചേതോ വികാരം എന്താണ്? ജനങ്ങളുടെ പക്കല്‍ നിന്ന് വല്ല പരാതിയും കിട്ടിയിട്ടാണോ ഈ നടപടി?
----
ഒരു quick അന്വേഷണത്തില്‍ മനസ്സിലായതു് തൃശ്ശൂരിലെ കാള്‍ഡിയന്‍ സിറിയന്‍ സ്കൂളില്‍ മെരിറ്റ് അടിസ്ഥാനത്തിലെ ഫീസ് 3500+ വന്നിട്ടുണ്ട്. തിരിച്ച് തിരിച്ച് എത്ര എന്ന് ആ പയ്യനും അറിയില്ല. ഇതു രണ്ടു കൊല്ലം മുമ്പത്തെ കണക്കാണ്. റസീറ്റുകള്‍ കിട്ടുകയാണെങ്കില്‍ അറിയിക്കാം എന്നു പറഞ്ഞിട്ടുണ്ട്.

N.J ജോജൂ said...

സാജന്‍,
പറയാനുള്ള കാര്യങ്ങള്‍ പറഞ്ഞു കഴിഞ്ഞാല്‍ പിന്നെയുള്ളത് വാദിയ്ക്കാന്‍ വേണ്ടീയുള്ള വാദങ്ങളും എതിര്‍ക്കാന്‍ വേണ്ടിയുള്ള എതിര്‍പ്പുമേ ബാക്കിയുണ്ടാവൂ.

ഹയര്‍ഓപ്ഷന്‍ , അടുത്തുള്ള സ്കൂളില്‍ കിട്ടാതിരിയ്ക്കുക തുടങ്ങിയവയെക്കുറീച്ച് സഭ ഉന്നയിയ്ക്കുന്ന വാദങ്ങളോട് യോജിപ്പുണ്ടായിരുന്നില്ല. എന്റെ ആദ്യത്തെ കമന്റില്‍ തന്നെ അതുപറഞ്ഞിട്ടൂമുണ്ട്.
ഏകജാലകം കൊണ്ടുള്ള പ്രയോജനങ്ങള്‍ പോലെ തന്നെ സാങ്കല്പികം മാത്രമാണ് അവ. തിയററ്റിക്കലി സാധ്യതയുള്ളവ, എന്നാല്‍ പ്രായോഗികമായി എന്റെ അഭിപ്രായത്തില്‍ സാധ്യത പൂജ്യം. ക്ലാസുതുടങ്ങാനുണ്ടായ കാലതാമസം തുടങ്ങിയവയെക്കുറിച്ച് കഴിഞ്ഞ വര്‍ഷത്തെ അനുഭവത്തിന്റെ വെളിച്ചത്തില്‍ പറഞ്ഞതാവാം.

പിന്നെ വരുന്ന പ്രശ്നങ്ങള്‍ ന്യൂനപക്ഷാവകാശ ലംഘനവും മാനേജുമെന്റിന്റെ അവകാശങ്ങളിലുള്ള കൈകടത്തലും. ഈ വാദങ്ങള്‍ അത്ര എളുപ്പം തള്ളിക്കളയാവുന്നതല്ല. കോടതി തീരുമാനിയ്ക്കട്ടെ. കൂടുതലായി എന്റെങ്കിലും കിട്ടിയാല്‍ ഞാന്‍ എഴുതാം.

വിദ്യാര്‍ത്ഥീ സംഘടകളുടെ പ്രവര്‍ത്തന വിപുലീകരണം എന്നത് ന്യായമായ സംശയമാണ്. മാനേജുമെന്റിനോട് വിധേയത്വമില്ലാത്ത ഒരു വിദ്യാര്‍ത്ഥീ സമൂഹത്തെ സൃഷ്ടിക്കാനായാല്‍ പിന്നെ എന്തുമാവാമല്ലോ?

വിദ്യാഭ്യാസരംഗത്ത് സര്‍ക്കാര്‍ തുടരുന്നത് ഏകാധിപത്യ പ്രവണതയാണ്. ഒരു ജനാധിപത്യ സര്‍ക്കാരില്‍ നിന്ന് ഇതല്ല സമൂഹം പ്രതീക്ഷിയ്ക്കുന്നത്. തുടരെത്തുടരെ വിവാദങ്ങളായ വിദ്യാഭ്യാസപരിഷ്കാരങ്ങള്‍ ഓരോന്നും വിരല്‍ ചൂണ്ടുന്നത് സി.പി.എം. എന്റെ രാഷ്ട്രീയ ലക്ഷ്യങ്ങളിലേയ്ക്കാണ്.

എനിക്കു പറയാനുള്ളത് പറഞ്ഞു കഴിഞ്ഞെന്നു തോന്നുന്നതിനാല്‍ നിര്‍ത്തുന്നു.

മൂര്‍ത്തി said...

ഡാലിയുടെ അവസാന കമന്റിനോട് യോജിപ്പുണ്ട്. ഒരു കാര്യം മാത്രം അത്ര വ്യക്തമല്ല. ഏകജാലകം വഴി പ്രവേശനം ലഭിച്ച കുട്ടികള്‍ക്ക് എന്തെങ്കിലും പ്രത്യേക അവകാശം ഉണ്ടെന്ന് കുട്ടികള്‍ അവകാശപ്പെടുമെന്ന് പറയുന്നത് അസ്ഥാനത്തല്ലേ? ഒരു സ്കൂളില്‍ പഠിക്കുമ്പോള്‍ ആ സ്കൂളിലെ നിയമം അനുസരിക്കാന്‍ കുട്ടികള്‍ ബാധ്യസ്ഥരാണ്. ഇതുവരെ അങ്ങിനെ ആണല്ലോ.

ഉദാ‍ഹരണമായി കേരളവര്‍മ്മ കോളെജ്/സെന്റ്.തോമസ് കോളേജ് എടുക്കാം. മെറിറ്റിലും കുട്ടികള്‍ക്ക് പ്രവേശനം ഉണ്ട്. മാനേജെമെന്റ് കോട്ടയിലും പ്രവേശനം ഉണ്ട്.(ഞാന്‍ പഠിക്കുമ്പോള്‍)മാനേജ്മെന്റ് കോട്ടയില്‍ കയറുന്ന കുട്ടികള്‍ മാനേജ്‌മെന്റിന്റെ ആള്‍ക്കാരും മെറിറ്റുകാര്‍ അങ്ങിനെ അല്ലാത്തവരും ആയ ഒരു തരം തിരിവ് ഇല്ലായിരുന്നു. തിരിച്ചും അതെ. എല്ലാവര്‍ക്കും ഒരേ നിയമം തന്നെ. അത് അച്ചടക്കമായാലും, സംഘടനാ പ്രവര്‍ത്തനമായാലും. എന്തായാ‍ലും. ഇപ്പോള്‍ ഏകജാലകത്തെ എതിര്‍ക്കുന്നവര്‍ ഇങ്ങിനെ ഒരു വാദം ഉന്നയിക്കുന്നത് വെറുതെ ഒരു പോയിന്റ് കൂടി കിടക്കട്ടെ എന്ന മട്ടിലല്ലേ? എനിക്ക് പിള്ളാര്‍ എന്തെങ്കിലും പ്രത്യേക പദവി ഉള്ള മട്ടില്‍ പെരുമാറുമെന്ന് തോന്നുന്നില്ല.

കിനാവ് said...
This comment has been removed by the author.
കിനാവ് said...

അതിന് മൂര്‍ത്തിച്ചേട്ടാ ഏകജാലകത്തിനു പിന്നില്‍ വലിയൊരു ഗൂഡാലോചനയാണെന്ന് തിരിച്ചും മറിച്ചും പറഞ്ഞതല്ലാതെ എന്താണ് ഗൂഢാലോചന എന്ന് ഇതുവരെ ചര്‍ച്ചിച്ചവരാരും ഉരിയാടിയിട്ടില്ല.

“വിദ്യാഭ്യാസരംഗത്ത് സര്‍ക്കാര്‍ തുടരുന്നത് ഏകാധിപത്യ പ്രവണതയാണ്. ഒരു ജനാധിപത്യ സര്‍ക്കാരില്‍ നിന്ന് ഇതല്ല സമൂഹം പ്രതീക്ഷിയ്ക്കുന്നത്. തുടരെത്തുടരെ വിവാദങ്ങളായ വിദ്യാഭ്യാസപരിഷ്കാരങ്ങള്‍ ഓരോന്നും വിരല്‍ ചൂണ്ടുന്നത് സി.പി.എം. എന്റെ രാഷ്ട്രീയ ലക്ഷ്യങ്ങളിലേയ്ക്കാണ്.” എന്നൊരു പ്രസ്താവന നടത്തിപോകാനായിരുന്നോ ഇത്ര നേരം കളം നിറഞ്ഞാടിക്കൊണ്ടിരുന്നത് എന്ന സന്ദേഹം മാത്രം ബാക്കി.

ആ പ്രസ്താവനയിലെ ചിലസംശയങ്ങള്‍

1. എതൊക്കെയാണ് ഏകജാലക സംവിധാനത്തില്‍ സൂചിപ്പിക്കപ്പെട്ട ഏകാധിപത്യപ്രവണതകള്‍.

2. ഒരു ജനാധിപത്യ സര്‍ക്കാറിന് സമൂഹത്തിന്റെ വിദ്യഭ്യാസകാര്യങ്ങളില്‍ ഇടപെടുന്നതിന് ആരുടെയൊക്കെ അനുവാദമാണ് മുങ്കൂട്ടി വാങ്ങിക്കേണ്ടത്.

3. മൂലധനമിറക്കുന്ന വിദ്യഭാസക്കച്ചവടക്കാര്‍ ലാഭ ലഭ്യതയ്ക്ക് കോട്ടമുണ്ടാകുമോ എന്ന ആശങ്കയാല്‍ പടച്ചു വിടുന്ന വിവാദ കോലാഹലങ്ങളെ പേടിച്ച് പരിഷ്കാരങ്ങള്‍ പാടില്ല എന്ന നിലപാടിലെത്തിച്ചേരേണ്ടതുണ്ടോ?

4. സഭ പറഞ്ഞ ബാലിശമായ 11-ആം പോയന്റല്ലാതെ മറ്റെന്ത് രാഷ്ട്രീയ ലക്ഷ്യമാണ്‌ ഏകജാലക സംവിധാനത്തിനുണ്ടെന്ന് ആരോപിക്കപ്പെടുന്നത്.

ഈ ചര്‍ച്ച മുഴുവന്‍ നിരീക്ഷിച്ചിട്ടും സംശയങ്ങള്‍ സംശയങ്ങളായി തന്നെ കിടക്കുന്നു. അതു തന്നെയാണ് ജോജുവിന്റെ അവസാന പ്രസ്താവനയുടേയും കാതല്‍ എന്ന് സംശയിക്കുന്നതില്‍ തെറ്റില്ലെന്നും തോന്നുന്നു.

Ramachandran said...

ഹൈയര്‍ ഓപ്ഷന്‍ എടുക്കാന്‍ ഉദ്ദേശിക്കുന്ന കുട്ടികള്‍ യൂണിഫോം അവസാനം വാങ്ങിയാല്‍ മതി എന്ന് സ്കൂള്‍ മാനേജ്മെന്റുകള്‍ക്ക് മാനുഷികതയുടെ പേരില്‍ സമ്മതിച്ചാല്‍ എന്തെങ്കിലും കുഴപ്പമുണ്ടോ? മിക്കവാറും സാമ്പത്തികപ്രശ്നങ്ങള്‍ ആ ഒറ്റ തീരുമാനത്തില്‍ അവസാനിക്കില്ലേ?

അങ്ങിനെ ഒരു തീരുമാനം മാനേജ്‌മെന്റുകള്‍ എടുക്കണം എന്ന് വിദ്യാര്‍ത്ഥിസ്നേഹികളായവര്‍ എന്ത് കൊണ്ട് വാദിക്കുന്നില്ല? അത്തരമൊരു ആവശ്യം നമുക്ക് ഉന്നയിച്ചുകൂടേ? അതനുവദിച്ചാ‍ല്‍ ആകാശം ഇടിഞ്ഞു വീഴുമോ?

ഈ കേന്ദ്രീകൃത അലോട്ട്മെന്റിന്റെ കാര്യത്തില്‍ മാത്രമല്ല, മിക്കവാറും എല്ലായിടത്തും ഒരു സ്ടീം‌ലൈനിങ്ങ് കൊണ്ടുവരുമ്പോള്‍ ഏറ്റവും കൂടുതല്‍ എതിര്‍പ്പ് പ്രകടിപ്പിക്കുക അത്ര സുതാര്യമല്ലാത്ത പഴയ അവസ്ഥയില്‍ മാക്സിമം മുതലെടുപ്പ് നടത്തിയിരുന്നവരായിരിക്കും.

നോക്കിക്കേ ആരൊക്കെയാ തലയില്‍ പൂടയുണ്ടോ എന്നു തപ്പുന്നത്..:)

ഡാലി said...

മൂര്‍ത്തിമാഷേ,

സാജന്‍ മുകളില്‍ പറഞ്ഞ കമന്റു നോക്കൂ. എന്തുകൊണ്ടാണ് പി.എസി വഴി നിയമനം സഭ അംഗീകരിക്കാത്തതു് എന്നു്. കോഴ കാശിന്റെ കാര്യം എല്ലാവര്‍ക്കും അറിയാം. പക്ഷേ വാദിക്കുന്ന കാര്യം പി. എസി വഴി വരുന്നവര്‍ മാനേജ്മെന്റിനോട് കീഴ്പ്പെട്ട് നില്‍ക്കില്ല പകരം സര്‍ക്കാരിനോടാവും. അതുകൊണ്ട് മാനേജ്മെന്റിന്റെ അധികാരത്തില്‍ സര്‍ക്കാര്‍ കൈക്കടത്തും എന്നാണു്. ഇതാകട്ടെ മൈനോരിറ്റി അവകാശത്തില്‍ വരുന്നതും. ഇതു തന്നെ കുട്ടികളുടെ കാര്യത്തിലും പറയുന്നു. മൈനോരിറ്റി അവകാശം പറഞ്ഞ് കേസു ജയിക്കാനല്ലേ സഭ നോക്കൂ. സര്‍ക്കാരിനു ബുദ്ധിയുണ്ടെങ്കില്‍ അതിനെ എതിര്‍ക്കുന്ന ഒരു കാര്യം ആദ്യമേ കൊണ്ടുവരണം.

ഏകജാലകം വഴി വരുന്ന കുട്ടിയെ പിരിച്ചു വിടാന്‍ (എന്തുകാരണം കൊണ്ടായാലും ) മാനേജ്മെന്റാണോ സര്‍ക്കാരിനാണോ അധികാരം? ഇതിനുത്തരം പറഞ്ഞാല്‍ ആ മൈനോരിറ്റി പ്രശ്നം തിര്‍ന്നു. (ഉത്തരം എനിക്കറിയില്ല എന്ന് മുകളില്‍ പറഞ്ഞീട്ടുണ്ടു്)

(ക്രിസ്തീയ സഭ = ക്രിസ്തു എന്നിനിയും ആള്‍ക്കാരു ചിന്തിക്കുന്നുണ്ടോ!!)

മൂര്‍ത്തി said...

THE KERALA EDUCATION ACT, 1958 ന്റെ ലിങ്ക്

അതില്‍ ഐഡഡ് സ്കൂള്‍ വിദ്യാര്‍ത്ഥികളെ പുറത്താക്കാന്‍ ആര്‍ക്ക് അധികാരം എന്നത് കാണുന്നില്ല. അദ്ധ്യാപകരുടെ കാര്യം പറയുന്നുണ്ട്.

കോമണ്‍സെന്‍സ് വെച്ച് ആലോചിച്ചാല്‍, പഴയ രീതി മാറും എന്ന് സര്‍ക്കാര്‍ പറഞ്ഞിട്ടില്ലാത്ത സ്ഥിതിക്ക് നിലവിലുള്ള രീതി തുടരും എന്ന് കരുതിക്കൂടെ? പ്രവേശനത്തിന്റെ കാര്യത്തില്‍ മാത്രമല്ലെ ഒരു പുതിയ സംവിധാനം വരുന്നുള്ളൂ.

ലിങ്ക് കൂടി നോക്കുക.അതില്‍ വ്യക്തമായി പറയുന്നു.
Discipline

The students shall abide by the rules and regulations framed by the individual institution as well as those prescribed by the Director, Higher Secondary Education.

Any other matter not specifically covered by these clauses will be decided by the Director Higher Secondary Education, and his decision will be final.

ഇപ്പോള്‍ തന്നെ അത്ര ഫ്രീ ഹാന്‍ഡ് ഇല്ലായിരിക്കെ, എന്നാല്‍ ആവശ്യത്തിനു അധികാരം ഉണ്ടായിരിക്കെ, അച്ചടക്ക പ്രശ്നം ഒരു പ്രശ്നമാണോ?

മൂര്‍ത്തി said...

ഫീസിന്റെ വിവരങ്ങള്‍

Particulars of Fees
(Rupees)
Application Fee - 5.00
Admission Fee - 25.00(For entire course of study)
Library Fee - 10.00
Calendar Fee - 5.00
Medical Inspection Fee - 5.00
Lab Fee - 25.00 per subject (For Physics, Chemistry, Botany &Zoology separately)
Audio Visual Unit fee - 10.00
Sports and games - 25.00
Stationery - 10.00
Association Fee - 10.00
Youth Festival - 20.00
Magazine - 10.00

Caution Deposit: (at the time of admission)
Science Group: Rs.50
Humanities/Commerce Group: Rs.30/-

Caution Deposit is refundable after adjusting dues, if any on account of
(i) Loss of Library Books
(ii) Recovery of fine for break of laboratory equipments and
(iii) Any other loss caused to properties of the Higher Secondary School.

SC/ST students are exempted from paying the Caution Deposit.

ഡാലി said...

മൂര്‍ത്തിമാഷേ,

ടീച്ചര്‍മാരുടെ കാര്യത്തില്‍ ഇപ്പോള്‍ (പി.എസി ഇല്ലാതെ) വ്യക്തമായി പറയുന്നുണ്ടു് മാനേജര്‍ക്ക് ഡീസിപ്ലിനറി ആക്ഷന്‍ എടുക്കാന്‍ അവസരം കൊടുത്തതിനു ശേഷം മാത്രമെ ഗവന്മെന്റ് ഇടപ്പെടൂ എന്നു്. പക്ഷേ കുട്ടികളുടെ കാര്യത്തില്‍ മാഷ് തന്ന ലിങ്കിലും പറയുന്നതു് രണ്ടു പേരെയും അനുസരിക്കണം എന്നാണു്. എന്നാന്‍ ഏകജാലകം വഴി ‘സര്‍ക്കാര്‍’ അഡ്മിഷന്‍ കൊടുക്കുന്ന കുട്ടികള്‍ വന്നാല്‍ അവര്‍ക്കെതിരെ ഡിസിപ്ലിനറി ആക്ഷന്‍ എടുക്കാന്‍ മാനേജ്മെന്റിനു അധികാരം ഉണ്ടാകുമോ എന്നാണു ഡീക്കനും മറ്റും ചോദിക്കുന്നത് എന്നാണു് മനസ്സിലയതു്.ഇങ്ങനൊരു ചോദ്യം മാനേജ്മെന്റിനു ആക്ഷന്‍ എടുക്കാം എന്നു സര്‍ക്കാര്‍ പറഞ്ഞാല്‍ ഈ പ്രശ്നം തീരും എന്നു് തോന്നുന്നു. അച്ചടക്കം ഒരു പ്രശ്നമാണോ എന്നതല്ല, അതെങ്ങനെ മൈനോ‍ാരിറ്റി പ്രശ്നം ആകുന്നു/ആക്കുന്നു എന്നതല്ലേ പോയിന്റ്.

രണ്ടമത്തെ മൈനോരിറ്റി പ്രശ്നം ജോജു ഈ കമന്റില്‍ പറഞ്ഞതാണു്‌. അതിനും സര്‍ക്കറിനു എങ്ങനെ ജയിക്കാം എന്ന് എന്റെ ഊഹം ഇവിടെ പറഞ്ഞീ‍ീട്ടുണ്ടു്. ഈ കേസില്‍ നന്നായി വാദിച്ചാല്‍ സര്‍ക്കാറിനു ജയസാധ്യത ഉണ്ടെന്ന ശുഭാപ്തി വിശ്വാസമാണു് എനിക്കു്.

ഫീസിന്റെ കാര്യത്തില്‍ ഈഫീസു കൂടാതെ ഒരോ സ്കൂളും ചുമത്തുന്ന സ്പെഷല്‍ ഫീസും വരും എന്നു തോന്നുന്നു. ഹയര്‍ ഓപ്ഷന്‍ ഒരു പ്രധാന പോയിന്റ് അല്ലാ‍ത്ത സ്ഥിതിയ്ക്ക് ഫീ‍സും , യൂണിഫോം സാബത്തികബാധ്യതകള്‍ എന്ന വാദം പ്രസക്തമല്ല എന്ന് ജോജുവും സമ്മതിച്ചീട്ടുണ്ടു്.

ഇനി വിധി വരുന്നവരെ കാത്തിരിക്കണതാണു്‌ ബുദ്ധി.

കിരണ്‍ തോമസ് തോമ്പില്‍ said...

ചില അത്യാവശ്യ പണിത്തിരക്കില്‍പ്പെട്ടതിനാല്‍ 2 ദിവസമായീ ചര്‍ച്ചയില്‍ ഇടപെടാന്‍ എനിക്ക്‌ കഴിഞ്ഞില്ല. എങ്കിലും ഈ ചര്‍ച്ച നല്ല രീതിയില്‍ മുന്നോട്ട്‌ പോയി എന്നതില്‍ എലാവരോടും ഞാന്‍ എന്റ നന്ദി അറിയിക്കുന്നു. ഡാലി അവസാനം പറഞ്ഞതു പോലെ കോടതി വിധി വരുന്നത്‌ വരെ കാത്തിരിക്കുക മാത്രമാണ്‌ ഇനിയുള്ള ഏക പോം വഴി. കോടതി ആകട്ടേ ഈ കേസ്‌ നീട്ടിക്കൊന്റ്‌ പോകുകയും ചെയ്യുന്നു. മിക്കവാറും ഈ വര്‍ഷം ഏകജലകം വേണ്ട നിലവില്‍ ഉള്ള സ്ഥിതി തുടരുക എന്നാകും മിക്കവാരും കോടതി പറയുക. ഇത്‌ താല്‍ക്കാലികമായെങ്കിലും ഇതിനെ എതിര്‍ക്കുന്നവര്‍ക്ക്‌ ആശ്വാസം പകരുന്നതാകും

മൂര്‍ത്തി said...

Deshbabhimani news...29/05/08

പ്ളസ് വണ്‍ പ്രവേശനത്തിന് ഏകജാലക സംവിധാനം ഏര്‍പ്പെടുത്താനുള്ള സര്‍ക്കാര്‍ തീരുമാനം സ്റ്റേ ചെയ്യണമെന്ന ആവശ്യം ഹൈക്കോടതി തള്ളി. ചങ്ങനാശേരിരൂപത കോര്‍പ്പറേറ്റ് മാനേജ്മെന്റും മറ്റും സമര്‍പ്പിച്ച ഹര്‍ജിയിലാണ് ഉത്തരവ്. ഹര്‍ജി ജസ്റ്റിസ് കെ പി ശങ്കരന്‍ ഫയലില്‍ സ്വീകരിച്ചു. എതിര്‍ സത്യവാങ്മൂലം സമര്‍പ്പിക്കാന്‍ സര്‍ക്കാരിന് നോട്ടീസ് അയച്ചു. പ്രവേശനത്തിന് പഴയരീതി തുടരണമെന്ന മാനേജ്മെന്റിന്റെ ആവശ്യവും അനുവദിക്കാനാവില്ലെന്ന് കോടതി പറഞ്ഞു. കേരള വിദ്യാഭ്യാസ ചട്ടത്തില്‍ പ്ളസ് വ പ്രവേശനത്തിന് പ്രത്യേക നിബന്ധനകളൊന്നും ഇല്ലെന്നും അതുകൊണ്ട് ഏകജാലക സംവിധാനം ചട്ട വിരുദ്ധമല്ലെന്നും സര്‍ക്കാര്‍ വാദിച്ചു. ഇത് ന്യൂനപക്ഷ അവകാശങ്ങളുടെ ലംഘനവുമല്ല. പ്രത്യേക ചട്ടങ്ങള്‍ നിലവിലില്ലാത്തതിനാല്‍ ചട്ടങ്ങള്‍ സര്‍ക്കാര്‍ ഉണ്ടാക്കേണ്ടതാണെന്ന് കോടതി വാക്കാല്‍ അഭിപ്രായപ്പെട്ടു.

മൂര്‍ത്തി said...

ഇന്നത്തെ ദേശാഭിമാനിയില്‍ കണ്ട ഒരു വാര്‍ത്ത കൂടി ഇവിടെ ഇടുന്നു...

വിദ്യാര്‍ഥി പഠിച്ച അതേ സ്കൂളില്‍ പ്ളസ്ടുവിന് പ്രവേശനം ലഭിക്കാന്‍ ഏകജാലകത്തില്‍ ബോണസ് മാര്‍ക്ക് ലഭിക്കും. വിഷയങ്ങളുടെ ആകെ മാര്‍ക്ക് കണക്കാക്കി കിട്ടുന്ന ഗ്രേഡ് പോയിന്റ് ശരാശരിക്ക് ഒപ്പം ഒരു പോയിന്റ് കൂടി ഈ വിഭാഗത്തില്‍ കുട്ടിക്ക് കിട്ടും. അതേ പഞ്ചായത്ത്, മുനിസിപ്പാലിറ്റി, കോര്‍പറേഷന്‍ എന്നിവിടങ്ങളിലെ വിദ്യാര്‍ഥിയാണെങ്കില്‍ രണ്ട് പോയിന്റ്, അതേ താലൂക്കിലെ വിദ്യാര്‍ഥിയെങ്കില്‍ ഒന്ന്, ഗവമെന്റ്, എയ്ഡഡ് സ്കൂള്‍ നിലവിലില്ലാത്ത പഞ്ചായത്തിലെ വിദ്യാര്‍ഥികള്‍ക്ക് രണ്ട് എന്നിങ്ങനെയാണ് ബോണസ് മാര്‍ക്ക്. ജോലിക്കിടെ മരിച്ച ജവാന്മാരുടെ മക്കള്‍ക്കും അവര്‍ നിയമപരമായി ദത്തെടുത്തവര്‍ക്കും അഞ്ച് പോയിന്റ് ബോണസ് മാര്‍ക്ക് ലഭിക്കും. ജവാന്മാരുടെയും എക്സ് സര്‍വീസുകാരുടെയും മക്കള്‍ക്കും ദത്തെടുത്ത കുട്ടികള്‍ക്കും മൂന്ന് പോയിന്റും ലഭിക്കും. എന്‍സിസി, സ്കൌട്ട് ആന്‍ഡ് ഗൈഡ് എന്നിവയ്ക്ക് രണ്ട് പോയിന്റുണ്ട്. എന്നാല്‍, 75 ശതമാനം ഹാജര്‍ ഉണ്ടെന്ന സര്‍ട്ടിഫിക്കറ്റ് ഹാജരാക്കണം. ആദ്യതവണ പത്താംക്ളാസ് ജയിക്കാത്ത അപേക്ഷകരുടെ ഗ്രേഡ് പോയിന്റ് ശരാശരിയില്‍നിന്ന് ചാന്‍സ് ഒന്നിന് ഒരു പോയിന്റ് സ്കോര്‍ വീതം കുറവ് ചെയ്യും. സേ പരീക്ഷ എഴുതി വിജയിക്കുന്നവര്‍ക്ക് മൈനസ് മാര്‍ക്ക് ബാധകമല്ല.

മൂര്‍ത്തി said...

ഇന്നത്തെ വാര്‍ത്ത

കൊച്ചി: പ്ളസ് വണ്‍ പ്രവേശനത്തിന് ഏകജാലകസംവിധാനം ഉറപ്പാക്കാനുള്ള സര്‍ക്കാര്‍ തീരുമാനം സ്റ്റേ ചെയ്യണമെന്ന ആവശ്യം ഹൈക്കോടതി ഡിവിഷന്‍ബഞ്ച് അനുവദിച്ചില്ല. നേരത്തെ സിംഗിള്‍ ബഞ്ച് ഇതുസംബന്ധിച്ച ഹര്‍ജി തള്ളിയിരുന്നു. ഏകജാലക സംവിധാനം നടപ്പാക്കിയത് സംബന്ധിച്ച വിശദമായ പത്രിക ജൂണ്‍ അഞ്ചിനുള്ളില്‍ നല്‍കണമെന്ന് അഡ്വക്കറ്റ് ജനറലിനോട് കോടതി നിര്‍ദേശിച്ചു. ഇതില്‍ മാനേജ്മെന്റ് തര്‍ക്കമുണ്ടെങ്കില്‍ പിറ്റേന്ന് നല്‍കണം. ഹര്‍ജിയില്‍ ജൂണ്‍ ഒമ്പതിന് പ്രാഥമിക വാദം കേള്‍ക്കും. ജസ്റ്റിസുമാരായ ജെ ബി കോശി പി എന്‍ രവീന്ദ്രന്‍ എന്നിവരടങ്ങിയ ബഞ്ചിലാണ് കേസ്.