Thursday, December 09, 2010

രണ്ട് തിരഞ്ഞെടുപ്പ് അവലോകനങ്ങള്‍

മംഗളം ദിനപത്രത്തില്‍ ഈ ആഴ്ച വന്ന രണ്ട് പഞ്ചായത്ത് തിരഞ്ഞെടുപ്പ് ഫലങ്ങളുടെ അവലോകനങ്ങള്‍ ശ്രദ്ധയില്‍പ്പെടുത്തുകയാണ്‌ ഇവിടെ. തോല്‍പ്പിച്ചതു സാമുദായിക കേന്ദ്രീകരണമോ സൈദ്ധാന്തിക അധിനിവേശമോ എന്ന തലക്കെട്ടില്‍ ഫാ: മാണി പുതിയിടം എഴുതിയ ലേഖനമാണ്‌ ആദ്യത്തേത്. യു.ഡി.എഫ്‌. നേതാക്കളുടെ പുതിയ അസ്വസ്‌ഥതകള്‍ എന്ന തലക്കെട്ടില്‍ കെ.എം റൊയി എഴുതിയതാണ്‌ രണ്ടാമത്തേത്.

മാണി പുതിയിടത്തിന്റെ ലേഖനം കത്തോലിക്ക സഭക്ക് ഈ സര്‍ക്കാരിനോടുള്ള കലിപ്പിന്റെ നിറവില്‍ ഉള്ള ഒന്നാണ്‌. അതുകൊണ്ട് തന്നെ വിവിധ കമ്യൂണിസ്റ്റ് രാജ്യങ്ങളില്‍ നടന്നു എന്ന് അവകാശപ്പെട്ടുകൊണ്ട് പല കാര്യങ്ങളും അദ്ദേഹം വിളമ്പുന്നുണ്ട്.അതിലെ ചില പ്രസ്കത ഭാഗങ്ങള്‍ നോക്കാം

റഷ്യയിലും പൂര്‍വയൂറോപ്പിലും സംഭവിച്ചതും ചൈനയില്‍ സംഭവിച്ചുകൊണ്ടിരിക്കുന്നതും ക്യൂബ വിളിച്ചുകൂവിയതുമായ സൈദ്ധാന്തികത്തകര്‍ച്ച കൊച്ചുകേരളത്തിലും പ്രതിഫലിക്കുന്നുവെന്നതല്ലേ തോല്‍വിക്കു പിന്നിലെ മഹാരഹസ്യം?വികസനത്തിനു കേന്ദ്രം അനുവദിച്ച തുകപോലും സൈദ്ധാന്തികഭ്രാന്തിനായി ചെലവിട്ടത്‌ ആര്‍ക്കാണു മനസിലാവാത്തത്‌?

ഏകീകരിക്കപ്പെട്ട ജര്‍മനിയില്‍ സാമ്പത്തികപ്രശ്‌നങ്ങളെക്കാള്‍ ധാര്‍മികപ്രശ്‌നങ്ങളാണ്‌ ഏറെയും. ദൈവവും മതവുമില്ലാതെ 40 വര്‍ഷം ജീവിച്ച പൂര്‍വജര്‍മന്‍കാര്‍ ജനാധിപത്യ ജര്‍മനിയിലെ വിഭവങ്ങള്‍ കണ്ട്‌ അന്ധാളിച്ചു. പഴയ പശ്‌ചിമ ജര്‍മന്‍കാര്‍ ബര്‍ലിന്‍ മതില്‍ തകര്‍ന്നതില്‍ ചിലപ്പോഴൊക്കെ ദു:ഖാര്‍ത്തരാവാറുണ്ട്‌. തകര്‍ന്നു തരിപ്പണമായ പൂര്‍വജര്‍മനിയെ പടുത്തുയര്‍ത്താന്‍ ഏകീകൃതജര്‍മനി സര്‍വശേഷിയും ഉപയോഗിക്കുമ്പോഴും ഈ ധര്‍മച്യുതി അവരെ അലട്ടുന്നുണ്ട്‌.

ചൈനയില്‍ ഇപ്പോള്‍ നടക്കുന്നതെന്താണ്‌? സ്‌ത്രീ ഒന്നില്‍ കൂടുതല്‍ ഗര്‍ഭിണിയായാല്‍ പാര്‍ട്ടിനേതാക്കള്‍ വീട്ടിലെത്തും. പിടിച്ചുകെട്ടി വയറ്റില്‍ തൊഴിച്ചും മരുന്നു കുത്തിവച്ചും ഗര്‍ഭം കലക്കും. ഒരു കുട്ടിയില്‍ കൂടുതലുള്ളവര്‍ മരണഭീതിയിലാണ്‌.

ഇതിന്റെ പൂര്‍ണ്ണരൂപം ചുവടെ കൊടുക്കുന്നു



തോല്‍പ്പിച്ചതു സാമുദായിക കേന്ദ്രീകരണമോ സൈദ്ധാന്തിക അധിനിവേശമോ
തദ്ദേശ തെരഞ്ഞെടുപ്പില്‍ ഇടതുപക്ഷത്തിനേറ്റ തിരിച്ചടിക്കു കാരണമായി അവലോകന റിപ്പോര്‍ട്ടുകളില്‍ പറയുന്ന ഒരു കാരണം സംഘടനാ ദൗര്‍ബല്യമാണ്‌. മറ്റൊന്നു യു.ഡി.എഫിന്‌ അനുകൂലമായ സാമുദായിക കേന്ദ്രീകരണവും. വിദ്യാഭ്യാസപ്രശ്‌നങ്ങള്‍, റോഡുകളുടെ ശോച്യാവസ്‌ഥ, ഗതാഗതപ്രശ്‌നങ്ങള്‍ തുടങ്ങിയവ മധ്യവര്‍ഗത്തെ ഇടതുമുന്നണിയില്‍നിന്ന്‌ അകറ്റിയത്രേ! മേല്‍പ്പറഞ്ഞതെല്ലാം ശരിയാകാം. എന്നാല്‍, കാലഹരണപ്പെട്ട ഭൗതികസിദ്ധാന്തം എല്ലാ മേഖലയിലും അടിച്ചേല്‍പ്പിക്കാന്‍ ശ്രമിച്ചതിനു ജനത്തിന്റെ മറുപടിയായി തെരഞ്ഞെടുപ്പുഫലം വിലയിരുത്തുന്നവരുമുണ്ട്‌.

റഷ്യയിലും പൂര്‍വയൂറോപ്പിലും സംഭവിച്ചതും ചൈനയില്‍ സംഭവിച്ചുകൊണ്ടിരിക്കുന്നതും ക്യൂബ വിളിച്ചുകൂവിയതുമായ സൈദ്ധാന്തികത്തകര്‍ച്ച കൊച്ചുകേരളത്തിലും പ്രതിഫലിക്കുന്നുവെന്നതല്ലേ തോല്‍വിക്കു പിന്നിലെ മഹാരഹസ്യം?വികസനത്തിനു കേന്ദ്രം അനുവദിച്ച തുകപോലും സൈദ്ധാന്തികഭ്രാന്തിനായി ചെലവിട്ടത്‌ ആര്‍ക്കാണു മനസിലാവാത്തത്‌?

പഴയ പശ്‌ചിമജര്‍മനിക്കു ഹിറ്റ്‌ലര്‍ എന്ന നാമം എത്രമാത്രം നാണക്കേടും കുറ്റബോധവും ഉളവാക്കിയോ അതിനെക്കാള്‍ നാണക്കേടാണ്‌ പൂര്‍വജര്‍മനിക്കാര്‍ക്ക്‌ ഇന്നു കമ്യൂണിസം എന്ന നാമം. റഷ്യയില്‍ 70 വര്‍ഷത്തിലധികവും ഉപഗ്രഹരാജ്യങ്ങളില്‍ നാല്‍പ്പതിലേറെ വര്‍ഷവും തെരഞ്ഞെടുപ്പുകളില്ലാതെ നിലനിന്ന സര്‍വാധിപത്യത്തില്‍നിന്നു രക്ഷപ്പെട്ട ആശ്വാസത്തിലാണ്‌ ആ രാജ്യങ്ങളിലെ ജനത. അരനൂറ്റാണ്ടിലധികമായി ക്യൂബയെ കൈപ്പിടിയിലൊതുക്കിയ ഫിഡല്‍ കാസ്‌ട്രോ ഗതികേടു വന്നപ്പോള്‍ അധികാരം കൈമാറിയതു സഹോദരന്‌! സര്‍വാധിപത്യം വലിച്ചെറിഞ്ഞ രാജ്യങ്ങളിലെ ജനത്തിന്‌ ഇപ്പോള്‍ സ്വതന്ത്രമായി യാത്ര ചെയ്യാം, പണം സമ്പാദിക്കാം, പള്ളിയില്‍ പോകാം, ആരെയും പേടിക്കേണ്ടതില്ല. എണ്‍പതുകളുടെ ആദ്യഘട്ടത്തില്‍ ഞാന്‍ യൂറോപ്പില്‍ വിദ്യാര്‍ഥിയായിരിക്കേ, കിഴക്കന്‍ ജര്‍മനി കാണാന്‍ പോയതോര്‍ക്കുന്നു. റെയില്‍വേ സ്‌റ്റേഷനിലെ അടിച്ചിട്ട മുറിയില്‍ ഉടുതുണിയുരിഞ്ഞു പരിശോധന. കിഴക്കന്‍ ബര്‍ലിനില്‍ അകമ്പടിയായി കരിമ്പൂച്ചകളെപ്പോലെ രണ്ടു രഹസ്യപ്പോലീസുകാര്‍! നിശ്‌ചിത സ്‌ഥലങ്ങളില്‍ മാത്രം സന്ദര്‍ശനാനുമതി. പോലീസ്‌ സാന്നിധ്യത്തില്‍ മാത്രം സംഭാഷണം.

ഏകീകരിക്കപ്പെട്ട ജര്‍മനിയില്‍ സാമ്പത്തികപ്രശ്‌നങ്ങളെക്കാള്‍ ധാര്‍മികപ്രശ്‌നങ്ങളാണ്‌ ഏറെയും. ദൈവവും മതവുമില്ലാതെ 40 വര്‍ഷം ജീവിച്ച പൂര്‍വജര്‍മന്‍കാര്‍ ജനാധിപത്യ ജര്‍മനിയിലെ വിഭവങ്ങള്‍ കണ്ട്‌ അന്ധാളിച്ചു. പഴയ പശ്‌ചിമ ജര്‍മന്‍കാര്‍ ബര്‍ലിന്‍ മതില്‍ തകര്‍ന്നതില്‍ ചിലപ്പോഴൊക്കെ ദു:ഖാര്‍ത്തരാവാറുണ്ട്‌. തകര്‍ന്നു തരിപ്പണമായ പൂര്‍വജര്‍മനിയെ പടുത്തുയര്‍ത്താന്‍ ഏകീകൃതജര്‍മനി സര്‍വശേഷിയും ഉപയോഗിക്കുമ്പോഴും ഈ ധര്‍മച്യുതി അവരെ അലട്ടുന്നുണ്ട്‌.

ചൈനയില്‍ ഇപ്പോള്‍ നടക്കുന്നതെന്താണ്‌? സ്‌ത്രീ ഒന്നില്‍ കൂടുതല്‍ ഗര്‍ഭിണിയായാല്‍ പാര്‍ട്ടിനേതാക്കള്‍ വീട്ടിലെത്തും. പിടിച്ചുകെട്ടി വയറ്റില്‍ തൊഴിച്ചും മരുന്നു കുത്തിവച്ചും ഗര്‍ഭം കലക്കും. ഒരു കുട്ടിയില്‍ കൂടുതലുള്ളവര്‍ മരണഭീതിയിലാണ്‌. സ്വാതന്ത്ര്യത്തിനുവേണ്ടി ശബ്‌ദമുയര്‍ത്തിയ ആയിരക്കണക്കിനു യുവാക്കളെ ടിയാനെന്‍മെന്‍ സ്‌ക്വയറില്‍ പാറ്റന്‍ ടാങ്ക്‌ കയറ്റിക്കൊന്നത്‌ ഇന്നും ചൈനക്കാരുടെ മനസിലുണ്ട്‌. ഓടുന്ന വണ്ടിയില്‍ ചാടിക്കയറി പ്രതിയോഗിയെ വെട്ടിക്കൊല്ലുന്നത്‌ അതിന്റെ ചെറിയ പതിപ്പുമാത്രം.

മേല്‍പ്പറഞ്ഞ കപടസിദ്ധാന്തത്തിന്റെ അടിച്ചേല്‍പിക്കല്‍ കഴിഞ്ഞ നാലരവര്‍ഷമായി ജനാധിപത്യകേരളം കാണുന്നു. സര്‍വകലാശാല വിദ്യാഭ്യാസത്തെയും ഉന്നത സാങ്കേതിക വിദ്യാഭ്യാസരംഗത്തെയും പിടിച്ചുലയ്‌ക്കുന്നു. പാഠപുസ്‌തകനിര്‍മിതിയോടും അധ്യാപക പരിശീലനരീതിയോടുമൊക്കെയുള്ള എതിര്‍പ്പ്‌ ന്യൂനപക്ഷത്തിന്റെ മാത്രമാക്കി തൃണവല്‍ഗണിച്ചപ്പോള്‍ കാല്‍ക്കീഴിലെ മണ്ണ്‌ ഒലിച്ചു പോയതറിഞ്ഞില്ല! പഠിക്കാനാഗ്രഹിക്കുന്നവര്‍ അന്യസംസ്‌ഥാനങ്ങളിലേക്കു പലായനം ചെയ്യുന്നതും എതിര്‍ക്കുന്നവരെ കച്ചവടക്കാരാക്കി മുദ്ര കുത്തുന്നതും, കുട്ടിസഖാക്കളെ ഇളക്കിവിട്ട്‌ സ്‌ഥാപനങ്ങള്‍ തല്ലിത്തകര്‍ക്കുന്നതുമൊക്കെ ജനം കണ്ടു. 30 വര്‍ഷം ഭരിച്ചിടത്തുനിന്നു പട്ടിണിക്കോലങ്ങള്‍ കേരളത്തിലേക്ക്‌ ഒഴുകുന്നു.

കമ്യൂണിസം ലോകത്തില്‍ എന്തു ചെയ്‌തോ അതു കേരളത്തില്‍ ആവര്‍ത്തിക്കാനുള്ള കൊണ്ടുപിടിച്ച ശ്രമമാണു നടക്കുന്നത്‌. അതിനു തടസം ഭരണഘടന, കോടതി, പാര്‍ലമെന്ററി ജനാധിപത്യം! ജഡ്‌ജിമാരെ ശുംഭനെന്നും ഉണ്ണാമനെന്നും വിളിച്ചു പദസമ്പത്തു കൂട്ടി.

നേതാക്കള്‍ പണക്കാരും അഹങ്കാരികളുമായതു ജനം കണ്ടു. ഛോട്ടാ നേതാക്കള്‍ പോലീസ്‌ സ്‌റ്റേഷന്‍വരെ ഭരിക്കുന്നു. നോക്കുകൂലിയും കമ്മീഷനുമായി തൊഴില്‍മേഖലയും കര്‍ഷികരംഗവും കൈയടക്കി.ആര്‍ക്കും മണല്‍ വാരാം, ആര്‍ക്കും വയല്‍ നികത്താം. ഛോട്ടാനേതാവിനു കാശു കൊടുത്താല്‍ മതി. ആരെങ്കിലും വിമര്‍ശിച്ചാല്‍ അവര്‍ക്കെതിരേ നികൃഷ്‌ടജീവി തൊട്ട്‌ കീടം വരെയുള്ള ധാര്‍ഷ്‌ട്യപ്രയോഗം. സ്വത്തു സമാഹരിക്കുക, മക്കളെ സാമ്രാജ്യത്വ സര്‍വകലാശാലകളില്‍ വിട്ടു പഠിപ്പിക്കുക, രമ്യഹര്‍മ്യങ്ങള്‍ നിര്‍മിക്കുക, അത്യാധുനിക സൗകര്യങ്ങളുള്ള പാര്‍ട്ടി ഓഫീസുകള്‍, പാര്‍ക്കുകള്‍, തുടങ്ങിയവ പണിതുയര്‍ത്തുക... പാവപ്പെട്ടവന്‍ റേഷന്‍കടയുടെ മുന്നിലെ ക്യൂവിലും.

ഭരണഘടന പ്രതിപാദിക്കുന്ന മതനിരപേക്ഷത കമ്യൂണിസ്‌റ്റുകാരനു മതരാഹിത്യമാണ്‌. മതത്തെ തകര്‍ക്കണമെങ്കില്‍ അതിന്റെ വക്‌താക്കളെ കൊള്ളരുതാത്തവരാക്കണം. പ്രത്യേകിച്ചു കത്തോലിക്കാ വൈദികരെ. അവരെ എങ്ങനെയും താഴ്‌ത്തിക്കെട്ടണം. മാനുഷിക അപഭ്രംശങ്ങള്‍ അവരുടെയിടയിലുണ്ടായാല്‍ അതു സാമാന്യവല്‍ക്കരിക്കും. എവിടെയെങ്കിലും പ്രശ്‌നമുണ്ടായാല്‍ ഒരറ്റത്തു കത്തോലിക്കാ വൈദികനുണ്ടെങ്കില്‍ ഉടന്‍ ചാടിവീഴും. കേസില്ലെങ്കില്‍ ഉണ്ടാക്കും. അതാണു കൈതവനയില്‍ ഒരു കുട്ടി വെള്ളത്തില്‍ വീണു മരിച്ച സംഭവം ഊതിവീര്‍പ്പിച്ചത്‌. സ്വാഭാവികമരണംകൊലപാതകമാക്കണം. അജന്‍ഡ നടപ്പാക്കാന്‍ ഉടന്‍ ലൈംഗികാരോപണമായി. അതേസമയം, സ്‌ത്രീപീഡകരെ കൈയാമം വച്ചു തെരുവിലൂടെ നടത്തുമെന്നു പറഞ്ഞവര്‍ അധികാരത്തിലെത്തിയപ്പോള്‍ എല്ലാം മറന്നു. അതിലൊന്നും ഒരു കത്തോലിക്കാ വൈദികനെ ബന്ധപ്പെടുത്താന്‍ കിട്ടിയില്ലെന്നതാകാം കാരണം. മറിച്ച്‌ സ്വന്തം നേതാക്കള്‍ക്കു ബന്ധമുണ്ടുതാനും.

കിളിരൂരിലെ പെണ്‍കുട്ടി വധിക്കപ്പെട്ടിട്ട്‌ ആറുവര്‍ഷം കഴിഞ്ഞു. കൊട്ടിയം, കവിയൂര്‍, തിരുവല്ല, പൂവരണി എന്നുവേണ്ട അമ്പലപ്പുഴയില്‍ മൂന്നു പെണ്‍കുട്ടികള്‍ ആത്മഹത്യ ചെയ്‌തതുവരെയുള്ള കേസുകളില്‍ എന്തു ചെയ്‌തെന്നു ജനം കണ്ടു. തിരുവല്ലയില്‍ ഒരു പെണ്‍കുട്ടി വിദ്യാഭ്യാസസ്‌ഥാപനത്തില്‍നിന്നു വീട്ടിലെത്തി ആത്മഹത്യ ചെയ്‌തതിനു സ്‌ഥാപനം തല്ലിപ്പൊളിച്ചു. രോഗിയായ വൈദിക പ്രിന്‍സിപ്പലിനെ ആരോപണവിധേയനാക്കി. കാരണമറിയാവുന്ന മാതാപിതാക്കള്‍ പ്രതികരിച്ചില്ല. ആത്മഹത്യചെയ്‌ത കൊച്ചുകന്യാസ്‌ത്രീയുടെ വീട്ടില്‍ച്ചെന്നൊരു മന്ത്രി അപ്പനെയും കൂട്ടി തലസ്‌ഥാനത്തെത്തി രണ്ടുലക്ഷം രൂപ തരപ്പെടുത്തിക്കൊടുത്തു. അതേ മന്ത്രിയോ പാര്‍ട്ടിയോ രണ്ടു കന്യാസ്‌ത്രീകളുടെ തലയില്‍ ഫ്‌ളാറ്റില്‍നിന്നു കട്ട വീണു മരിച്ചപ്പോള്‍ മിണ്ടിയില്ല. കാരണം ഫ്‌ളാറ്റ്‌ പാര്‍ട്ടിക്കാരന്റേതായിരുന്നു.

ഇതൊന്നും പരിഗണിക്കാതെ സാമുദായിക കേന്ദ്രീകരണമാണു തോല്‍വിക്കു കാരണമെന്നൊക്കെപ്പറഞ്ഞു മറ്റുള്ളവര്‍ക്കുനേരേ ചെളി വാരിയെറിയാനുമുള്ള ശ്രമം പാഴ്‌വേലയാണ്‌. ഇടയലേഖനം കൊണ്ടാണു തോല്‍വിയുണ്ടായതെന്നു പറയുന്നത്‌ എത്ര ബാലിശമാണ്‌? ഇടയലേഖനമല്ല, അവയ്‌ക്കു കാരണമാക്കിയ സൈദ്ധാന്തിക അധിനിവേശവും പാര്‍ട്ടിവല്‍ക്കരണവുമാണ്‌ തോല്‍വിക്കു കാരണമെന്നു തിരിച്ചറിയുന്നതു നല്ലതാവും.

* ഫാ. മാണി പുതിയിടം


ഇതൊരു സാമ്പിള്‍ വെടിക്കെട്ടാണ്‌. ഒരു മുഖ്യധാര മാധ്യമത്തില്‍ ഒരു കത്തോലിക്ക പുരോഹിതന്‍ എഴുതിയ ലേഖനമാണ്‌ ഇത്. പരസ്യമായി ഇത്തരം കാര്യങ്ങള്‍ പറയുന്ന കത്തോലിക്ക സഭ നേതൃത്വം കഴിഞ്ഞ തിരഞ്ഞെടുപ്പുകളില്‍ എങ്ങനെ ഒക്കെ ഇടപെട്ടിട്ടുണ്ടാകും എന്നതിന്റെ ടെസ്റ്റ് കേസാണിത്. തിരഞ്ഞെടുപ്പില്‍ ഇടതുപക്ഷത്തെ പരാജയപ്പെടുത്താന്‍ ഏതറ്റം വരയും പോകുന്ന നിലപാടാണ്‌ കത്തോലിക്ക സഭ സ്വീകരിച്ചിരുന്നത്. ഇടത് സ്വതന്ത്രരായി മത്സരിക്കാന്‍ പോയവരെപ്പോലും പിന്‍തിരിപ്പിക്കാന്‍ പൌരോഹത്യ നേതൃത്വം ശ്രമിച്ചിരുന്നു

ഇനി കെ.എം റൊയിയുടെ ലേഖനത്തിലേക്ക് വരാം. ന്യൂനപക്ഷ മേഖലയില്‍ എല്ലാം യുഡി.എഫിന്‌ ഉണ്ടായ വന്‍ മുന്നേറ്റവും അതെ തുടര്‍ന്ന കത്തോലിക്ക സഭ നേതൃത്വം ഇതിന്റെ വിജയത്തിന്റെ ക്രെഡിറ്റ് എടുക്കുകയും ചെയ്തത് ഭൂരിപക്ഷ സമുദായത്തില്‍ ഇടത് അനുകൂല തരംഗം ഉണ്ടാക്കുമോ എന്ന ആശങ്കയാണ്‌ പങ്കു വയ്ക്കുന്നത്. കത്തോലിക്ക സഭയെപ്പോലെ തന്നെ യുഡി.എഫ് വിജയം ആഗ്രഹിക്കുന്ന ആളാണ്‌ റോയീ. യുഡിഎഫ് ശ്രദ്ധിച്ചിലെങ്കില്‍ ഭൂരിപക്ഷ സമുദായം ഇടത്തോട്ട് ഒഴുകും എന്ന ആശങ്ക ഇത്തിരി പൊടിപ്പും തൊങ്ങലും വച്ച് പറയുകയാണ്‌ റോയീ. ഒപ്പം ചില ചരിത്രങ്ങളും. മാണി പുതിയിടത്തിന്റെ ലേഖനത്തിനൊപ്പം വായിക്കാവുന്ന ഒന്നാണ്‌ ഇത്. ഇതിന്റെ പൂര്‍ണ്ണ രൂപം ചുവടെ


യു.ഡി.എഫ്‌. നേതാക്കളുടെ പുതിയ അസ്വസ്‌ഥതകള്‍
കേരളത്തിലെ തദ്ദേശ സ്വയംഭരണ സ്‌ഥാപനങ്ങളിലേക്കുള്ള തെരഞ്ഞെടുപ്പില്‍ കൈവരിച്ച നേട്ടത്തില്‍ ഐക്യജനാധിപത്യമുന്നണി മൊത്തത്തില്‍ ആഹ്‌ളാദിക്കുമ്പോള്‍ ജനവികാരമറിയാവുന്നവരും ജനസമ്പര്‍ക്കമുള്ളവരുമായ പലേ മുന്നണി നേതാക്കളും തെരഞ്ഞെടുപ്പു ഫലത്തിന്റെ കാര്യത്തില്‍ അസ്വസ്‌ഥരാണെന്നതാണു പുതിയ രാഷ്‌ട്രീയ സംഭവവികാസം. യു.ഡി.എഫിനു രാഷ്‌ട്രീയ സ്വത്വം നിലനിര്‍ത്താനാകുമോ എന്ന ആശങ്കയാണ്‌ ഈ അസ്വസ്‌ഥതയ്‌ക്കു കാരണം. കേരളത്തിന്റെ രാഷ്‌ട്രീയ മനസ്‌ വളരെ പെട്ടെന്നു നാടകീയമായാണു മാറ്റങ്ങള്‍ക്കു വിധേയമാവുക എന്നറിയുന്ന തലമൂത്ത ചില നേതാക്കളിലാണ്‌ ഈ അസ്വസ്‌ഥത വളര്‍ന്നിരിക്കുന്നത്‌.

മലപ്പുറവും കോട്ടയവും കേന്ദ്രീകരിച്ചുള്ള മത-ജാതീയ ശക്‌തികളുടെ ഒരു പിന്തിരിപ്പന്‍ സഖ്യമാണു യു.ഡി.എഫ്‌. എന്ന ധാരണ ഭൂരിപക്ഷ ഹൈന്ദവ വോട്ടര്‍മാരില്‍ അതിവേഗം വളരുന്നുണ്ടോ എന്ന സംശയമാണ്‌ ഈ അസ്വസ്‌ഥതയ്‌ക്കു കാരണം. മറ്റെല്ലാ ജില്ലകളിലേയും തെരഞ്ഞെടുപ്പുഫലങ്ങള്‍ പുറത്തുവന്നതിനുശേഷം യു.ഡി.എഫ്‌. നേതൃത്വത്തിന്റെ എല്ലാ കണക്കുകൂട്ടലുകളും തെറ്റിച്ചുകൊണ്ടു കോഴിക്കോട്‌ ജില്ലയില്‍ ഇടതുപക്ഷമുന്നണി മികച്ച വിജയം കരസ്‌ഥമാക്കിയതു നിസാര കാര്യമായല്ല ഈ യു.ഡി.എഫ്‌. നേതാക്കള്‍ കാണുന്നത്‌.

മറ്റു ജില്ലകളിലെ ഫലം പുറത്തുവന്നപ്പോള്‍ സംസ്‌ഥാനത്തുണ്ടായ യു.ഡി.എഫ്‌. വിജയം കത്തോലിക്കാ ബിഷപ്പുമാരുടെ ഇടയലേഖനത്തിന്റെ വിജയമാണെന്നു മെത്രാന്‍ സമിതിയുടെ ഔദ്യോഗിക വക്‌താവ്‌ പരസ്യമായി നടത്തിയ അവകാശവാദം മുന്നണിയുടെ പ്രതിഛായയ്‌ക്കു വലിയ കോട്ടമുണ്ടാക്കിയെന്നതാണ്‌ ഈ നേതാക്കള്‍ കരുതുന്നത്‌. കത്തോലിക്കാ ബിഷപ്പുമാരാണു യു.ഡി.എഫിന്റെ യഥാര്‍ഥ തലതൊട്ടപ്പന്മാര്‍ എന്ന അവകാശം സ്‌ഥാപിക്കാനുള്ള ശ്രമം ഭൂരിപക്ഷ സമുദായങ്ങളില്‍ അമര്‍ഷം വളര്‍ത്തിക്കൊണ്ടിരിക്കുകയാണെന്നാണ്‌ അവരുടെ ഭീതി.

ചില ബിഷപ്പുമാരും അവരുടെ വക്‌താക്കളും രാഷ്‌ട്രീയ കാര്യങ്ങളില്‍ ഉപയോഗിക്കുന്ന ഭാഷയിലെ ധാര്‍ഷ്‌ട്യവും ഔദ്ധത്യവും സഭാവിശ്വാസികളില്‍ത്തന്നെ ഇതിനകം വലിയ നീരസം ഉണ്ടാക്കിയിട്ടുണ്ട്‌. ഇതു കത്തോലിക്കാ ഇതര സമുദായങ്ങളുടെ, പ്രത്യേകിച്ചു ഹൈന്ദവ സമുദായത്തിന്റെ വ്യാപകമായ അമര്‍ഷത്തിന്‌ ഇടവരുത്തുകയാണെന്നത്‌ ഒരു വസ്‌തുതയാണ്‌. കേരളത്തിലെ കത്തോലിക്കാ സഭയുടെ വത്തിക്കാന്‍ എന്നു വിശേഷിപ്പിക്കാവുന്ന ചങ്ങനാശേരിയിലെ നഗരസഭയില്‍ യു.ഡി.എഫിനു ഭൂരിപക്ഷം കിട്ടാതിരുന്നതു ഭൂരിപക്ഷ സമുദായത്തിന്റെ അമര്‍ഷം കൊണ്ടാണെന്നതാണ്‌ ഈ യു.ഡി.എഫ്‌. നേതാക്കളുടെ കണക്കുകൂട്ടല്‍.

കഴിഞ്ഞ മുപ്പതുവര്‍ഷമായി കേരള കോണ്‍ഗ്രസ്‌ വലിയ ഭൂരിപക്ഷത്തോടെ ജയിക്കുന്ന യു.ഡി.എഫ്‌. ഉരുക്കുകോട്ടയായ ചങ്ങനാശേരിയിലാണ്‌ ആ മുന്നണിക്ക്‌ ഇപ്പോഴത്തെ അനുകൂലമായ പരിതസ്‌ഥിതിയിലും അപ്രതീക്ഷിത പ്രഹരമേറ്റത്‌. അതുകൊണ്ടുതന്നെ സഭയുടെ രാഷ്‌ട്രീയക്കളിയോടുള്ള ഭൂരിപക്ഷ സമുദായത്തിന്റെ അമര്‍ഷം വളര്‍ന്നാല്‍ അഞ്ചുമാസത്തിനകം നടക്കാനിരിക്കുന്ന നിയമസഭാ തെരഞ്ഞെടുപ്പില്‍ യു.ഡി.എഫിന്റെ വിജയം അനായാസമാകില്ലെന്നാണു ചില നേതാക്കള്‍ ഭയപ്പെടുന്നത്‌. ഹൈന്ദവ വോട്ടര്‍മാരുടെ ഈ വികാരം വളര്‍ത്താന്‍ ഇടതുപക്ഷമുന്നണി പരമാവധി ശ്രമിക്കുമെന്ന ഭീതിയും ഈ നേതാക്കള്‍ക്കുണ്ട്‌.

കത്തോലിക്കാ മെത്രാന്മാരുടെ ശക്‌തനായ പിന്തുണക്കാരന്‍ എന്നു വിശേഷിപ്പിക്കപ്പെടുന്ന കേരള കോണ്‍ഗ്രസ്‌ നേതാവ്‌ കെ.എം. മാണിയെപ്പോലും അസ്വസ്‌ഥനാക്കാന്‍ തുടങ്ങിയിരിക്കുന്ന സംഭവവികാസമാണ്‌ ഇത്‌. മെത്രാന്മാരുടെ ഈ ആധിപത്യ മനോഭാവത്തിനു വഴങ്ങിയാല്‍ കത്തോലിക്കാ മിഷന്‍ ലീഗിന്റേയോ സൊഡാലിറ്റിയുടെയോ നിലയിലേക്കു തന്റെ കേരളാ കോണ്‍ഗ്രസ്‌ താണുപോകുമെന്നു ഭയപ്പെടുന്ന കേരളാ കോണ്‍ഗ്രസ്‌ നേതാക്കളുമുണ്ട്‌. കോണ്‍ഗ്രസില്‍ ചേരാന്‍ ആര്‍. ബാലകൃഷ്‌ണപിള്ള നടത്തുന്ന നീക്കങ്ങളും യു.ഡി.എഫ്‌. വിടാന്‍ കെ.ആര്‍. ഗൗരിയമ്മ നടത്തുന്ന നീക്കങ്ങളും ഇതെല്ലാമായി കൂട്ടിവായിച്ചാല്‍ കാര്യങ്ങള്‍ എങ്ങോട്ടൊക്കെയോ തിരിയുകയാണെന്ന സംശയം കൂടുതല്‍ ബലവത്താക്കുന്നു.

കോണ്‍ഗ്രസിലെ വലിയൊരു വിഭാഗം, പ്രത്യേകിച്ച്‌ എ.കെ. ആന്റണിയേയും അദ്ദേഹത്തിന്റെ നിലപാടുകളേയും പിന്താങ്ങുന്ന പുരോഗമനവാദികളായ നേതാക്കളും അനുയായികളും കത്തോലിക്കാ സഭാ നേതൃത്വത്തോടു യു.ഡി.എഫ്‌. അമിത വിധേയത്വം കാണിക്കുന്നത്‌ ആപല്‍ക്കരമാണെന്നു മാത്രമല്ല വിനാശകരമാണെന്നും കണക്കൂകൂട്ടുന്നവരാണ്‌. മുഖ്യമന്ത്രിയെന്ന നിലയില്‍ എ.കെ. ആന്റണിയോടു സഭാനേതൃത്വം നടത്തിയ വാഗ്‌ദാനലംഘനമാണു സംസ്‌ഥാനത്തെ വിദ്യാഭ്യാസരംഗമാകെ പ്രശ്‌നസങ്കീര്‍ണമാക്കാന്‍ കാരണമായതെന്നാണ്‌ ആ വിഭാഗം നേതാക്കള്‍ കരുതുന്നത്‌.

ഇക്കാര്യം എ.കെ. ആന്റണി പരസ്യമായി പ്രസ്‌താവിച്ചിട്ടുള്ളതാണ്‌. ഇക്കാര്യത്തിലുണ്ടായ ചതി ആന്റണിതന്നെ ഒരിക്കല്‍ എന്നോടു വിശദീകരിക്കുകയുണ്ടായി. സ്വകാര്യ കോളജ്‌ വിദ്യാഭ്യാസ രംഗത്തു നടക്കുന്ന ചൂഷണവും അഴിമതിയും തടയുന്ന കാര്യത്തില്‍ ധീരമായ നിലപാട്‌ കൈക്കൊണ്ട നേതാവാണ്‌ അദ്ദേഹം. അതുകൊണ്ടാണു സ്വകാര്യ കോളജ്‌ അധ്യാപകര്‍ക്കു നേരിട്ടു ശമ്പളം നല്‍കുന്നതിനുള്ള ഡയറക്‌ട് പേയ്‌മെന്റ്‌ സമ്പ്രദായത്തിന്‌ ആന്റണി നേതൃത്വം നല്‍കിയത്‌. കോളജ്‌ അധ്യാപകര്‍ക്കു മൂക്കുകയറിട്ടുകൊണ്ട്‌ അവരെ വരുതിയില്‍ നിര്‍ത്തി ചൂഷണം ചെയ്യാനുള്ള അവസരം നഷ്‌ടപ്പെടുമെന്നതു കാരണം ഡയറക്‌ട് പേയ്‌മെന്റിനെ ശക്‌തിയായി എതിര്‍ത്തുകൊണ്ടു സഭാനേതൃത്വവും മറ്റു സമുദായ നേതൃത്വങ്ങളും ചേര്‍ന്ന്‌ ആന്റണിക്കെതിരായി പ്രക്ഷോഭം തന്നെ നടത്തി നോക്കിയതാണ്‌.

അക്കാലത്തു കത്തോലിക്കാ ബിഷപ്പുമാര്‍ കോഴിക്കോട്ടുവച്ചു പ്രധാനമന്ത്രി ഇന്ദിരാ ഗാന്ധിക്കു നല്‍കിയ വിരുന്നുപോലും ബഹിഷ്‌കരിച്ചുകൊണ്ടാണ്‌ ആന്റണി തന്റെ നിലപാടില്‍ ധീരമായി ഉറച്ചുനിന്നത്‌. ഒടുവില്‍ ആന്റണി വാദിച്ചതുപോലെ കോളജ്‌ അധ്യാപകര്‍ക്കു നേരിട്ടുള്ള ശമ്പളം എന്ന സമ്പ്രദായം കേരളത്തില്‍ നടപ്പാക്കുകതന്നെ ചെയ്‌തു. 1957-ല്‍ ആദ്യത്തെ കമ്യൂണിസ്‌റ്റ് സര്‍ക്കാര്‍ അധികാരത്തില്‍ വന്നപ്പോള്‍ സ്‌കൂള്‍ അധ്യാപകര്‍ക്കു സര്‍ക്കാര്‍ നേരിട്ടു ശമ്പളം നല്‍കി അവരെ മാനേജ്‌മെന്റിന്റെ ചൂഷണത്തില്‍ നിന്നു വിമുക്‌തമാക്കിയ അന്നത്തെ വിദ്യാഭ്യാസമന്ത്രി പ്രഫ. ജോസഫ്‌ മുണ്ടശേരിയുടെ ചുവടുപിടിച്ചുള്ള ആന്റണിയുടെ നീക്കം അന്തിമമായി വിജയിക്കുകതന്നെ ചെയ്‌തു.

അയല്‍ സംസ്‌ഥാനങ്ങളിലെ പ്രൊഫഷണല്‍ കോളജുകളിലേക്കുള്ള കേരളത്തിലെ വിദ്യാര്‍ഥികളുടെ ഒഴുക്കു തടയാനാണു സ്വാശ്രയ എന്‍ജിനീയറിംഗ്‌ കോളജുകള്‍ എന്ന നിര്‍ദേശം മുഖ്യമന്ത്രിയായിരിക്കുമ്പോള്‍ എ.കെ. ആന്റണി മനസില്ലാമനസോടെ സ്വീകരിക്കാന്‍ തയാറായത്‌. വിദ്യാഭ്യാസരംഗത്തു ലജ്‌ജാകരമായ കച്ചവടത്തിന്‌ അതു വഴിതുറക്കുമെന്നു മുഖ്യമന്ത്രി ആന്റണിക്ക്‌ അറിയാമായിരുന്നിട്ടും അതദ്ദേഹം അംഗീകരിച്ചത്‌ അമ്പതു ശതമാനം സീറ്റുകളിലേക്കുള്ള പ്രവേശനം മെറിറ്റിന്റെ അടിസ്‌ഥാനത്തിലായിരിക്കുമെന്നു കത്തോലിക്കാ ബിഷപ്പുമാര്‍ മുഖ്യമന്ത്രിക്കു വ്യക്‌തമായ ഉറപ്പു നല്‍കിയതിന്റെ അടിസ്‌ഥാനത്തിലാണ്‌. രണ്ടു സ്വകാര്യ എന്‍ജിനീയറിംഗ്‌ കോളജുകള്‍ എന്നത്‌ ഒരു സര്‍ക്കാര്‍ എന്‍ജിനീയറിംഗ്‌ കോളജിനു തുല്യമാകുമ്പോള്‍ മിടുക്കന്മാരായ നിര്‍ധന വിദ്യാര്‍ഥികള്‍ക്കു പഠിക്കാന്‍ അവസരം കിട്ടുമെന്നും അതു സ്വകാര്യ പ്രൊഫഷണല്‍ കോളജുകള്‍ എന്ന ആശയത്തോടു ജനങ്ങള്‍ക്കുള്ള എതിര്‍പ്പ്‌ കുറയ്‌ക്കുമെന്നുമായിരുന്നു ആന്റണിയുടെ പ്രത്യാശ. സ്വാശ്രയ മെഡിക്കല്‍ കോളജിന്റെ കാര്യവും അതുതന്നെയായിരുന്നു.

പക്ഷേ, സ്വാശ്രയ കോളജുകള്‍ അനുവദിച്ചുകഴിഞ്ഞപ്പോള്‍ ബിഷപ്പുമാര്‍ നിലപാടു മാറ്റി. പെട്ടെന്നു പ്രവേശനം മുഴുവന്‍ നിയമത്തിന്റെ മുടിനാരിഴകീറി ന്യൂനപക്ഷ സമുദായങ്ങളുടെ അവകാശമാക്കി സ്വന്തമാക്കുകയാണ്‌ ഇവര്‍ ചെയ്‌തത്‌. പിന്നെ കേരളം കണ്ടതു ന്യൂനപക്ഷാവകാശങ്ങളുടെ പേരില്‍ പ്രൊഫഷണല്‍ വിദ്യാഭ്യാസ രംഗത്തെ കഴുത്തറുപ്പന്‍ കച്ചവടമാണ്‌.

കത്തോലിക്കാ മെത്രാന്‍ സമിതിയുടെ വക്‌താവെന്നു പറയുന്ന ഒരു ബിഷപ്പിനോട്‌ ഈ വിശ്വാസവഞ്ചനയെക്കുറിച്ചു ഞാന്‍ ചോദിക്കുകയുണ്ടായി. അപ്പോള്‍ അദ്ദേഹം പറഞ്ഞത്‌ അങ്ങനെ ഒരു ഉറപ്പും ആന്റണിക്കു മെത്രാന്മാര്‍ നല്‍കുകയുണ്ടായിട്ടില്ലെന്നാണ്‌. ശുദ്ധമായ അസത്യമാണു ബിഷപ്‌ പറയുന്നതെന്ന്‌ എനിക്കറിയാമായിരുന്നു. ആന്റണിക്കാണോ ബിഷപ്പുമാര്‍ക്കാണോ സത്യസന്ധത എന്ന കാര്യത്തില്‍ കേരളത്തില്‍ ഒരു അഭിപ്രായ സര്‍വേ നടത്തിയാല്‍ തൊണ്ണൂറ്റിയൊമ്പതു ശതമാനം ജനങ്ങള്‍ ആന്റണിയാണു സത്യസന്ധന്‍ എന്നു വിധിയെഴുതുമെന്നാണു ഞാന്‍ ആ മെത്രാനോടു പറഞ്ഞത്‌. അതെന്തുമാകട്ടെ.

എന്തുപറഞ്ഞാലും മുണ്ടശേരി മാഷിനെയും എ.കെ. ആന്റണിയെയും എതിരാളികളായിത്തന്നെയാണു സഭാനേതൃത്വം ഇന്നും കാണുന്നത്‌. കാരണം ആ നേതൃത്വത്തിന്റെ അപ്രമാദിത്വവും ചൂഷണവും അംഗീകരിക്കാത്തവരാണ്‌ ഈ രണ്ടുപേരും. പക്ഷേ ആന്റണിയെ അംഗീകരിക്കാനും പ്രത്യക്ഷമായി ആദരിക്കാനും സഭാനേതൃത്വം തയാറാകുന്നതിന്‌ ഒരു കാരണം അദ്ദേഹം കേന്ദ്രസര്‍ക്കാരില്‍ വലിയ അധികാരം കൈയാളുന്ന കേന്ദ്രമന്ത്രിയായി ദേശീയപദവിയിലേക്ക്‌ ഉയര്‍ന്നിരിക്കുന്നതുകൊണ്ടാണ്‌. അധികാരത്തിന്റെ മുന്നില്‍ തലകുനിക്കാതിരിക്കാന്‍ പറ്റില്ലല്ലോ? അല്ലെങ്കില്‍ തങ്ങളെ തലതൊട്ടപ്പന്‍മാരായി അംഗീകരിക്കാത്ത കത്തോലിക്കരുടെ പേരുള്ള ഒരു നേതാവിനേയും അംഗീകരിക്കാത്തവരാണു സഭാനേതാക്കള്‍. തങ്ങളുടെ കൈയൊപ്പില്ലാതെ കേരളത്തിലെ ഒരു കോണ്‍ഗ്രസ്‌ നേതാവിനും വളരാനാവില്ലെന്ന മെത്രാന്‍മാരുടെ തെറ്റിദ്ധാരണ ആന്റണി പൊളിച്ചെഴുതിയതു ചരിത്രം.

നമ്മുടെ മുന്‍ തലമുറയില്‍ ദാരിദ്ര്യത്തിന്റെയും കഷ്‌ടപ്പാടുകളുടെയും കാണപ്പെട്ട രൂപങ്ങളായിരുന്നു സ്വകാര്യ സ്‌കൂള്‍ അധ്യാപകര്‍. ശമ്പള രജിസ്‌റ്ററില്‍ ഒപ്പിട്ടുകൊടുത്താല്‍ സര്‍ക്കാരില്‍നിന്നു നല്‍കുന്ന ശമ്പളത്തിന്റെ പകുതി മാത്രമേ അധ്യാപകരുടെ കൈയിലെത്തുമായിരുന്നുള്ളൂ എന്നതാണു കാരണം. ആ ചൂഷണം ഒഴിവാക്കി ഒപ്പിട്ടുകൊടുക്കുന്ന മുഴുവന്‍ ശമ്പളത്തിനും അധ്യാപകരെ അര്‍ഹരാക്കി എന്ന മനുഷ്യത്വം മാത്രമേ വിദ്യാഭ്യാസമന്ത്രി എന്ന നിലയില്‍ പ്രഫ. മുണ്ടശേരി ചെയ്യുകയുണ്ടായുള്ളു. അതിന്റെ പേരിലാണു സഭാവിരോധിയും ദൈവവിരോധിയുമായി സഭാനേതാക്കള്‍ അദ്ദേഹത്തെ കണ്ടത്‌.

എന്തായാലും കേരളത്തിലെ വിദ്യാഭ്യാസരംഗത്ത്‌ ഒരു സാമൂഹ്യവിപ്ലവത്തിനു നേതൃത്വം നല്‍കിയ മുണ്ടശേരി മാസ്‌റ്ററുടെ മകന്‍ ഡോ. ജോസ്‌ മുണ്ടശേരി വിദ്യാഭ്യാസരംഗത്ത്‌ ഒരു സാങ്കേതിക വിപ്ലവത്തിന്‌ ഇപ്പോള്‍ നേതൃത്വം നല്‍കുകയാണ്‌. അമേരിക്കയിലെ ചില പ്രമുഖ സ്‌ഥാപനങ്ങളുടെ മേധാവിയാണ്‌ ഈ ഇലക്‌ട്രിക്കല്‍ എന്‍ജിനീയറിംഗ്‌ ബിരുദധാരി. കൊച്ചിയിലെ സാങ്കേതിക സര്‍വകലാശാല (കുസാറ്റ്‌) കമ്യൂണിക്കേഷന്‍ സ്‌റ്റഡീസിന്റെ ഗവേഷണ പഠനത്തിനായി പിതാവ്‌ പ്രഫ. മുണ്ടശേരിയുടെ പേരില്‍ ഒരു സെന്റര്‍ സ്‌ഥാപിക്കുന്നതിന്‌ അഞ്ചുകോടി രൂപയാണ്‌ ഈ പുത്രന്‍ സംഭാവന ചെയ്‌തിരിക്കുന്നത്‌. സംസ്‌ഥാനത്തിന്റെ ചരിത്രത്തില്‍ ഒരു വലിയ സംഭവമാണ്‌ ഈ സംഭാവന.

കേരളത്തില്‍ ഒരു വ്യക്‌തിക്കുപോയിട്ട്‌ വലിയ സ്‌ഥാപനങ്ങള്‍ക്കുപോലും ചിന്തിക്കാനാവാത്ത സംഭാവനയാണ്‌ ഈ അഞ്ചുകോടി രൂപ. പ്രഫ. മുണ്ടശേരിയെ സഭാ വിരോധിയായി പ്രഖ്യാപിച്ച കേരളത്തിലെ കത്തോലിക്കാ സഭയ്‌ക്കു കോടിക്കണക്കിനു രൂപയുടെ സ്വത്തുണ്ട്‌. ഏതെങ്കിലും സര്‍വകലാശാലയിലെ ഗവേഷണത്തിനായി അഞ്ചുകോടി രൂപ സംഭാവന ചെയ്യുന്നതിനെക്കുറിച്ച്‌ സഭാപിതാക്കന്‍മാര്‍ക്കു ചിന്തിക്കാന്‍ കഴിയുമോ?

ആ അഞ്ചുകോടി രൂപയുണ്ടെങ്കില്‍ പത്തു സ്വാശ്രയ ഇംഗ്ലീഷ്‌ മീഡിയം പബ്ലിക്‌ സ്‌കൂള്‍ തുടങ്ങി സമ്പന്ന സന്തതികള്‍ക്കു പഠിക്കാന്‍ സൗകര്യമുണ്ടാക്കിയാല്‍ എന്തു ലാഭമുണ്ടാക്കാം എന്നു ചിന്തിക്കുന്നവരായി മാറിയിരിക്കുന്നു ക്രിസ്‌ത്യന്‍ മാനേജ്‌മെന്റ്‌. അവിടെ എങ്ങനെ റബര്‍ വെട്ടുകാരും കടത്തുവള്ളക്കാരും മീന്‍പിടിത്തക്കാരുമായ ക്രിസ്‌ത്യാനികളുടെ മക്കള്‍ക്കു പഠിക്കാന്‍ കഴിയുമെന്നു ചോദിച്ചാല്‍ അതിനാണല്ലോ സര്‍ക്കാര്‍ സ്‌കൂളുള്ളതെന്ന മറുചോദ്യമായിരിക്കും ഉയരുക.

കെ.എം. റോയ്‌

Wednesday, December 08, 2010

വിസ്മയ വാട്ടര്‍ തീം പാര്‍ക്കിലെ ജലചൂഷണം


അപ്പോള്‍ ആ കാര്യത്തില്‍ തീരുമാനമായി പറശിനിക്കടവ്‌ വിസ്മയ വാട്ടര്‍ തീം പാര്‍ക്കില്‍ ജലചൂഷണമില്ല. പറഞ്ഞത് മാതൃഭൂമി ആയതിനാല്‍ വിശ്വസിച്ചേ മതിയാകൂ. നിര്‍ഭാഗ്യവശാല്‍ 2010 ജൂലൈയിലെ കണ്ണൂര്‍ എഡീഷനിലാണ്‌ ഈ വാര്‍ത്ത വന്നിട്ടുള്ളൂ. എന്നാലും അവിടെ എങ്കിലും വന്നല്ലോ എന്ന് കരുതി സമാധാനിക്കാം.

ഇനി അല്പം ചരിത്രം. പറശ്ശിനിക്കടവില്‍ സി.പി.എം നേതൃത്വത്തില്‍ ഉണ്ടാക്കിയ ഈ പാര്‍ക്കിനെപ്പറ്റി ആദ്യകാലങ്ങളില്‍ തന്നെ വന്‍ വിവാദങ്ങളായിരുന്നു. ആദ്യമൊക്കെ ഇത്തരത്തിലൊരു സ്ഥാപനം സി.പി.എം ആഭിമുഖ്യത്തില്‍ നടത്താമോ എന്നതായിരുന്നു വിഷയമെങ്കില്‍ പിന്നീടത് ജലചൂഷണം നടക്കുന്ന ഇത്തരം സംരംഭങ്ങള്‍ തുടങ്ങാമോ എന്നതായി. വീഗാലാന്റിനോടോ ആതിരപ്പള്ളിയിലെ വാട്ടര്‍ തീം പാര്‍ക്കുകളോടോ ഇല്ലാത്ത എതിര്‍പ്പായിരുന്നു പിന്നീടങ്ങോട്ട് . എല്ലാ മാധ്യമങ്ങളും ജചൂക്ഷണത്തിന്റെ പേരില്‍ സി.പി.എമിനെ പ്രതിക്കൂട്ടില്‍ നിര്‍ത്തി. എന്നാല്‍ അന്നു മുതല്‍ തന്നെ ഇത് മഴവെള്ള സംഭരണിയിലെ ജലമുപയോഗിച്ചാണ്‌ നടത്തുന്നത് എന്ന് ഈ സ്ഥാപനത്തിന്റെ സംരംഭകര്‍ പറയുന്നുണ്ടായിരുന്നു. ഇത് വെറും കെട്ടുകഥയാണ്‌ എന്നായിരുന്നു എതിര്‍പ്പിന്റെ ആള്‍ക്കാരുടെ വാദം. അന്ന് ഏഷ്യാനെറ്റ് ന്യൂസുലിലായിരുന്ന വേണു ന്യൂസ് ഹവര്‍ ചര്‍ച്ചയില്‍ വളപട്ടണം പുഴയല്ലെ നിങ്ങളുടെ ടാര്‍ഗ്ഗറ്റ് എന്ന് വരെ ചോദിച്ചിരുന്നു. കോണ്‍ഗ്രസും ബി.ജെ.പിയും ഒരേ പോലെ പരിസ്ഥിതി വാദികളാകുന്ന അസുലഭ കാഴ്ചയായിരുന്നു അത്.

എന്നാല്‍ എല്ലാവരെയും ഞെട്ടിച്ചത് സി.പി.എമിന്റെ മുഖ്യമന്ത്രി വി.എസ് അച്യുതാനന്ദന്റെ നിലപാടായിരുന്നു. മാധ്യമ കഥകള്‍ക്കൊപ്പം പതിവ് പോലെ പാര്‍ട്ടിയെ പ്രതിക്കൂട്ടിലാക്കുക എന്നതായിരുന്നു വി.എസിന്റെ തന്ത്രം. ഉല്‍ഘാടകനായി നിര്‍ദ്ദേശിക്കപ്പെട്ടിരുന്ന വി.എസ് ഉല്‍ഘാടനത്തിന്റെ തലേന്ന് ആശുപത്രിയില്‍ അഡ്‌മിറ്റായി. വി.എസിന്റെ അഭാവത്തില്‍ പിണറായി ഇതിന്റെ ഉല്‍ഘാടനം നിര്‍വ്വഹിച്ചു. എന്നാല്‍ വി.എസിന്റെ കളികള്‍ അവിടെയും നിന്നില്ല. ഇടക്കിടെ പത്രലേഖകര്‍ വിസ്മയയില്‍ ജലചൂഷണമുണ്ടോ എന്ന് വി.എസിനോട് ചോദിക്കുമ്പോള്‍ പഠിച്ചുകൊണ്ടിരിക്കുകയാണ്‌ എന്നായിരുന്ന്നു മറുപടി. അങ്ങനെ എല്ലാവരാലും സംശയത്തിന്റെ മുള്‍മുനയില്‍ നിന്ന സ്ഥാപനത്തെപ്പറ്റി മാതൃഭുമിയില്‍ വന്ന വാര്‍ത്ത വായിക്കുക.


മഴക്കൊയ്ത്തില്‍ വിസ്മയമായി വാട്ടര്‍തീം പാര്‍ക്കിന്റെ സംഭരണി
കണ്ണൂര്‍: പറശ്ശിനിക്കടവ് 'വിസ്മയ' വാട്ടര്‍ തീം പാര്‍ക്കിലെ കൂറ്റന്‍ മഴവെള്ളസംഭരണി ജലസംരക്ഷണത്തിന് മാതൃകയാവുന്നു. 7.5 കോടി ലിറ്റര്‍ വെള്ളംകൊള്ളുന്ന സംഭരണിക്ക് ഒപ്പംനില്ക്കുന്ന മഴവെള്ള സംഭരണി കേരളത്തില്‍ വേറെയില്ല. ഇതുവരെ പെയ്ത മഴയില്‍ ജലസംഭരണിനിറഞ്ഞ് തടാകമായിമാറി.

വിസ്മയ പാര്‍ക്കിന്റെ പ്രവര്‍ത്തനത്തിനാവശ്യമായ വെള്ളംമുഴുവന്‍ ശേഖരിക്കുന്നത് മഴവെള്ളസംഭരണിയില്‍നിന്നാണെന്ന് മലബാര്‍ ടൂറിസം ഡെവലപ്‌മെന്റ് കൊ-ഓപ്പറേറ്റീവ് ലിമിറ്റഡ് ചെയര്‍മാന്‍ കെ.കെ.നാരായണന്‍ പറഞ്ഞു. കുടിവെള്ളത്തിനായി വേറെ കിണറുണ്ട്. കഴിഞ്ഞ വേനല്‍ക്കാലത്ത് പാര്‍ക്കിന്റെ പ്രവര്‍ത്തനത്തിനായി വെള്ളമെടുത്തശേഷവും സംഭരണിയില്‍ ജലംബാക്കിയായിരുന്നു. ദിവസംമൂന്ന്-നാല് ലക്ഷം ലിറ്റര്‍ വെള്ളം പാര്‍ക്കിലേക്ക് വേണം. ഇത്തവണ സംഭരണിയുടെ ഉയരം രണ്ടു മീറ്റര്‍കൂടി കൂട്ടിയതോടെയാണ് സംഭരണശേഷി 7.5 കോടി ലിറ്ററായി ഉയര്‍ന്നത്. 2.75 ഏക്കര്‍ സ്ഥലത്ത് പരന്നുകിടക്കുന്ന ജലാശയത്തിന് ചിലഭാഗങ്ങളില്‍ ഒമ്പത് മീറ്ററും മറ്റിടങ്ങളില്‍ ഏഴ് മീറ്ററും ആഴമുണ്ട്.

ഇപ്പോഴുള്ളതിനേക്കാള്‍ രണ്ടടികൂടി ഉയരത്തില്‍ സംഭരണിയില്‍ വെള്ളംനിറയ്ക്കാം. കനത്തമഴയില്‍ നിറഞ്ഞൊഴുകുന്നത് തടയാന്‍ മുന്‍കരുതലെന്ന നിലയില്‍ ഇത് നിറയ്ക്കാതെ വെച്ചിരിക്കുകയാണ്. അധികമായെത്തുന്നജലം പ്രത്യേകചാലിലൂടെ ഒഴുക്കിക്കളയുകയാണ്. അലേയമാലിന്യങ്ങള്‍ അരിച്ചുമാറ്റി ലേയമാലിന്യങ്ങള്‍ സെറ്റിലിങ് ടാങ്കില്‍ അടിയിച്ചശേഷമാണ് വെള്ളം സംഭരണിയിലേക്ക് വിടുന്നത്. പാര്‍ക്ക് ജലചൂഷണം നടത്തുന്നുവെന്ന ആരോപണം മറികടക്കാനാണ് ജലസംഭരണി നിര്‍മിച്ചതെന്ന് എം.ടി.ഡി.സി. മാനേജിങ് ഡയറക്ടര്‍ പി.പി.ചന്ദ്രന്‍ പറഞ്ഞു. സി.പി.എം. സംസ്ഥാന സെക്രട്ടേറിയറ്റംഗം എം.വി.ഗോവിന്ദന്‍േറതാണ് ആശയം.

പാര്‍ക്കില്‍ കുട്ടികള്‍ക്കായി പുതിയ പത്ത് റൈഡുകള്‍ ഉടന്‍ തുടങ്ങുമെന്നും എം.ഡി. പറഞ്ഞു. ഹൈഡ്രോളിക് സ്‌പേസ് ഷട്ടില്‍, സണ്‍ ആന്‍ഡ് മൂണ്‍, കിഡ്ഡി റൈഡ് റോബോട്ട്, മള്‍ട്ടി പ്ലേ സിസ്റ്റം ജംബോ ട്രംബോളിന്‍ തുടങ്ങിയ റൈഡുകള്‍ ഓണത്തിനുമുമ്പ് പ്രവര്‍ത്തനക്ഷമമാകും. പുതിയ മേജര്‍ റൈഡുകളും ചൈനീസ് റൈഡുകളും ഏര്‍പ്പെടുത്താനും നടപടി തുടങ്ങി.

Thursday, December 02, 2010

മനുഷ്യാവകാശവും മാധ്യമസ്വാതന്ത്ര്യവും


ഷാഹിന എന്ന മാധ്യമപ്രവര്‍ത്തക, മദനിക്കെതിരായി കര്‍ണ്ണാടക പോലീസ് ചാര്‍ജ്ജ് ചെയ്ത തീവ്രവാദി കേസുകളിലെ സാക്ഷികളെ കാണുകയും, പ്രസ്തുത കേസില്‍ കര്‍ണ്ണാടക പോലീസിന്റെ കള്ളക്കളികള്‍ പുറത്ത് കൊണ്ടുവരാന്‍ ശ്രമിക്കുകയും ചെയ്തതിന്റെ ഭാഗമായി തീവ്രവാദ സ്വഭാവമുള്ള കേസുകളില്‍ പ്രതിചേര്‍ക്കാന്‍ ശ്രമം നടക്കുന്നതായി അറിയുന്നു. തികച്ചും അപഹാസ്യവും പ്രതിക്ഷേധാര്‍ഹവും മാധ്യമ സ്വാതന്ത്ര്യത്തിന്‌ നേരേയുള്ള വെല്ലുവിളിയുമാണ്‌ ഈ സംഭവം എന്നതില്‍ തര്‍ക്കമില്ല അതുകൊണ്ട് തന്നെ ഷാഹിനക്ക് പിന്‍തുണ പ്രഖ്യാപിച്ചുകൊണ്ടുള്ള മുതിര്‍ന്ന മാധ്യമ പ്രവര്‍ത്തകര്‍ അംഗങ്ങളായുള്ള എ.ഇ.സി എന്ന ഗ്രൂപ്പ് നയിക്കുന്ന പ്രതിക്ഷേധ പരിപാടികള്‍ സ്വാഗതാര്‍ഹവുമാണ്‌

എന്നാല്‍ ഇപ്പോള്‍ ഷാഹിനയുടെ വിഷയത്തില്‍ ഉണ്ടായ ഈ ഉല്‍കണ്ഠകള്‍ നമുക്ക് മദനിയുടെ കാര്യത്തിലും ഇനിയെങ്കിലും ഉണ്ടാകണം. നമ്മളില്‍ പലരും കര്‍ണ്ണാടക പോലീസ് പറഞ്ഞ കഥകളുടെ ഒരു മാധ്യമ പരിപ്രേക്ഷയിലാണ്‌ മദനിക്കെതിരെ ഉള്ള ചാര്‍ജ്ജ് ഷീറ്റിനെ വിലയിരുത്തിയിട്ടുള്ളൂ. അതിന്റെ യുക്തി രാഹിത്യത്തെ ആ കാലഘട്ടത്തില്‍ തന്നെ പ്രമുഖ മാധ്യമ പ്രവര്‍ത്തകന്‍ വിജു വി. നായര്‍ ചോദ്യം ചെയ്തിരുന്നു. എന്നാല്‍ മാധ്യമം പത്രമൊഴികെ മറ്റാരും ഈ വിഷയത്തില്‍ മദനിക്കൊപ്പം ഉണ്ടായിരുന്നില്ല. അന്നൊക്കെ എല്ലാ മാധ്യമങ്ങളും കര്‍ണ്ണാടക പോലീസിന്റെ നിലപാടുകള്‍ക്ക് ഒപ്പമോ അലെങ്കില്‍ മദനി നിരപരാധി ആണോ എന്ന് കോടതി പരിശോധിക്കട്ടേ എന്ന നിലപാടിലോ ആയിരുന്നു.എന്നാല്‍ ഇന്ന് ഷാഹിന കണ്ടെത്താന്‍ ശ്രമിച്ച സംഗതികളും അവയോട് കര്‍ണ്ണാടക പോലീസ് സ്വീകരിച്ച നിലപാടുകളും ഈ വിഷയത്തില്‍ വിജു വി നായര്‍ മുന്നോട്ട് വച്ച ആശങ്കകളോട് യോജിച്ച് പോകുന്നതാണോ എന്ന് പരിശോധിക്കുന്നത് നല്ലതായിരിക്കും

ചെയ്യാത്ത കുറ്റത്തിന്‌ 9 വര്‍ഷത്തിലധികം തടവനുഭവിച്ച വികലാംഗനായ ആ മനുഷ്യനോട് അല്‍പ്പമെങ്കിലും സഹതാപം കാണിക്കാന്‍ മാധ്യമ ലോകത്തിന്‌ ഉത്തരവാദിത്തമുണ്ടായിരുന്നു. ലാവ്‌ലിന്‍ കേസില്‍ ഇന്നലത്തെ മഴക്ക് പൊട്ടിമുളച്ച ദീപക്ക് കുമാറിനെപ്പോലെ ഉള്ളവര്‍ പറയുന്ന പരസ്പര ബന്ധമില്ലാത്ത ആരോപണങ്ങള്‍ വ്യാഖ്യാനിക്കാന്‍ പോലും രണ്ട് റിപ്പോര്‍ട്ടര്‍മാരെ ഒരേ സമയം രംഗത്തിറക്കുന്ന ഏഷ്യാനെറ്റ് പോലെ ഉള്ള മാധ്യമങ്ങള്‍ ഉള്ള ഈ നാട്ടില്‍ മദനി നേരിട്ട മനുഷ്യാവകാശ ലംഘനങ്ങള്‍ അതിന്‌ വേണ്ടി ഉണ്ടാക്കപ്പെട്ട കള്ളത്തെളിവുകള്‍ എന്നിവയെപ്പറ്റി ഷാഹിനയുടെ അനുഭവങ്ങളെ അന്വേഷണ വിധേയമാക്കുന്ന അവസരത്തിലെങ്കിലും പരിഗണിക്കുമെന്ന് പ്രതീക്ഷിക്കുന്നു


Tuesday, November 30, 2010

ചന്ദ്രപ്പന്‍ സഖാവും ചില മദ്ധ്യവര്‍ഗ്ഗ ചിന്തകളും

സി.പി.ഐ സംസ്ഥാന സെക്രട്ടറി സ്ഥാനം ഏറ്റെടുത്ത ശ്രീ സി.കെ ചന്ദ്രപ്പന്‍ വിവിധ മാധ്യമങ്ങളില്‍ നിറഞ്ഞു നില്‍ക്കുകയാണ്‌. സി.പി.എമിനെതിരെയുള്ള ഒളിയമ്പുകളാണ്‌ ചന്ദ്രപ്പനെ മാധ്യമങ്ങള്‍ക്ക് പ്രിയങ്കരനാക്കുന്നത്. വി.എസ് അച്യുതാനന്ദന്‍ നടത്തുന്ന രീതിയിലുള്ള പ്രസ്താവനകളാണ്‌ ചന്ദ്രപ്പന്‍ മാധ്യമങ്ങള്‍ക്ക് നല്‍കി വരുന്നത് എന്നത് പ്രത്യേകം ശ്രദ്ധേയമാണ്‌. മാധ്യമങ്ങളില്‍ വിവാദമാകുന്ന പല പ്രസ്താവനകളും പാര്‍ട്ടി മുന്നണി വേദികളില്‍ ചര്‍ച്ചക്ക് വരുമ്പോള്‍ മറ്റൊരു രീതിയില്‍ വ്യാഖ്യാനിക്കാന്‍ കഴിയും എന്നതാണ്‌ ഇരുവരുടെയും പ്രസ്താവനകളുടെ പ്രത്യെകത

ചന്ദ്രപ്പന്‍ പ്രധാനമായും ഉന്നയിച്ച മൂന്ന് വിഷയങ്ങള്‍ ഒന്നൊന്നായി പരിശോധിക്കാം
1) മദ്ധ്യവര്‍ഗ്ഗത്തെ കൂടെ നിര്‍ത്താന്‍ കഴിഞ്ഞില്ല
2) കത്തോലിക്ക സഭയുമായുള്ള സംവാദത്തില്‍ സി.പി.എമിന്റെ ഭാഷയും രീതിയും മാറണം
3) ലാവ്‌ലിന്‍ കേസ് രാഷ്ട്രീയപരമായും സംഘടനപരമായും നേരിടും എന്ന സി.പി.എമിന്റെ രീതി ജനങ്ങള്‍ അംഗീകരിക്കുമോ എന്ന് പരിശോധിക്കണം


മദ്ധ്യവര്‍ഗ്ഗത്തെ കൂടെ നിര്‍ത്താന്‍ കഴിഞ്ഞില്ല

പഞ്ചായത്ത് തിരഞ്ഞെടുപ്പ് ഫലം പുറത്ത് വന്നതിന്‌ ശേഷം നടന്ന പല മാധ്യമ ചര്‍ച്ചയിലും മുതിര്‍ന്ന മാധ്യമപ്രവര്‍ത്തകരടക്കം പറഞ്ഞ ഒരു പ്രധാന കാര്യം ഒരുപാട് കാര്യങ്ങള്‍ പാവങ്ങള്‍ക്ക് അനുകൂലമായി ചെയ്ത സര്‍ക്കരിന്‌ മദ്ധ്യവര്‍ഗ്ഗത്തെ കൂടെ നിര്‍ത്താന്‍ പറ്റിയ പദ്ധതികളോ പ്രവര്‍ത്തനങ്ങളോ ഇല്ലാതെ പോയീ. ഇത് തന്നെയാണ്‌ ചന്ദ്രപ്പനും പറയുന്നത്. ഈപ്പറയുന്നതില്‍ വലിയൊരു യഥാര്‍ത്ഥ്യം ഉണ്ട് താനും. എന്നാല്‍ ഈ സര്‍ക്കാര്‍ മദ്ധ്യവര്‍ഗ്ഗത്തിന്‌ വേണ്ടി എന്തെങ്കിലുമൊക്കെ ചെയ്യാന്‍ ശ്രമിച്ചിരുന്നോ എന്നതും ഈ അവസരത്തില്‍ പരിശോധിക്കേണ്ടതുണ്ട്

എന്താണ്‌ മദ്ധ്യവര്‍ഗ്ഗം പ്രതീക്ഷിക്കുന്ന കാര്യങ്ങള്‍ ,
  • സഞ്ചാരത്തിന്‌ നല്ല റോഡുകള്‍, പറ്റുമെങ്കില്‍ നാലുവരിപ്പാത തന്നെ ,
  • വിദ്യാഭ്യാസത്തിന്‌ സ്വയാശ്രയ വിദ്യാഭ്യാസ സ്ഥാപനങ്ങള്‍,
  • ഷോപ്പിങ്ങിന്‌ മാളുകള്‍, കുത്തക റീട്ടെയില്‍ ഷോപ്പുകള്‍ ( റിലയന്‍സ്, മോര്‍....)
  • തൊഴിലിന്‌ സ്പെഷ്യല്‍ ഇക്ണോമിക് സോണുകള്‍ (സെസുകള്‍)
  • പിന്നെ കുറഞ്ഞ നിരക്കില്‍ തടസങ്ങളില്ലാതെ വൈദ്യുതി വെള്ളം

മുകളില്‍ പറഞ്ഞ ഒട്ടുമിക്ക വിഷയത്തിലും സി.പി.ഐ എന്ന പാര്‍ട്ടിയുടെ പോഷക സംഘടനകള്‍ക്ക് വലിയ തോതിലുള്ള എതിര്‍പ്പാണ്‌ ഉള്ളത്. അത് നാലുവരിപ്പാത ആയാലും സെസുകളായലും സ്വയാശ്രയ വിദ്യാഭ്യാസമായാലും . കാനം രാജെന്ദ്രനും വി.എസ് സുനില്‍ കുമാര്‍ സുപാലും ജിസ് മോനുമെല്ലാം ഇവക്കൊക്കെ എതിരെ ഈ സര്‍ക്കാരിന്റെ കാലത്തും സമരങ്ങള്‍ നയിച്ചിട്ടുണ്ട്. സെസ് എന്ന് കേട്ടാല്‍ കാനം രാജെന്ദ്രന്‍ ഉറഞ്ഞു തുള്ളും റീട്ടെയില്‍ ചെയിന്‍ എന്ന് കേട്ടാല്‍ സുനില്‍ കുമാറും സുപാലും കല്ലെടുക്കും സ്വയാശ്രയ സ്ഥാപനം എന്ന് കേട്ടാല്‍ ജിസ് മോനും വടിയെടുക്കും.വ്യവസായ വകുപ്പ് കൊണ്ടുവന്ന എല്ലാ സ്വകര്യ പ്രോജക്ടുകളും തടയുന്നതില്‍ സിപിഐ അവരുടെതായ പങ്കുവഹിച്ചിട്ടുണ്ട് എന്നതും ഈ അവസരത്തില്‍ ഓര്‍ക്കെണ്ടതുണ്ട്. ആ പ്രോജക്റ്റുകളെല്ലാം വിവാദങ്ങളിലൂടെ കടന്നു പോയീ പലതും നിയമയുദ്ധത്തിലേക്കും എത്തി നില്‍ക്കുന്നു. മാധ്യമങ്ങളൊന്നടങ്കം തീവ്ര ഇടതുപക്ഷമായ നാലര വര്‍ഷമാണ്‌ കടന്നു പോയത്. ഈ വസ്തുതകള്‍ കാണാതെ മദ്ധ്യവര്‍ഗ്ഗത്തെ ആകര്‍ഷിക്കാന്‍ കഴിഞ്ഞില്ല എന്ന് വ്യാകുലപ്പെട്ടിട്ട് എന്ത് കാര്യം.

കത്തോലിക്ക സഭയുമായുള്ള സംവാദത്തില്‍ സി.പി.എമിന്റെ ഭാഷയും രീതിയും മാറണം

കത്തോലിക്ക സഭയും സി.പി.എമും തമ്മില്‍ എന്തുകൊണ്ടാണ്‌ തര്‍ക്കങ്ങളുണ്ടായതെന്ന വസ്തുത് പോലും പരിഗണിക്കാതെയാണ്‌ ചന്ദ്രപ്പന്‍ ഈ വിഷയത്തില്‍ സി.പി.എമിനെ ഉപദേശിക്കുന്നത്. സ്വയാശ്രയ കോളെജ് വിഷയത്തിലാണ്‌ സഭയും സര്‍ക്കാരും ( ചന്ദ്രപ്പന്റെ കാഴ്ചപ്പാടില്‍ സി.പി.എം) ഉടക്ക് ആരംഭിക്കുന്നത്. സ്വയാശ്രയ നിയമവും തുടര്‍ന്നുണ്ടായ പുകിലുകളുമാണ്‌ സഭ ഇടത് വിരുദ്ധ നിലപാട് സ്വീകരിക്കാന്‍ കാരണമായത്. മത്തായി ചാക്കോയുടെ മരണവുമായി ബന്ധപ്പെട്ട് ഒരു ക്രൈസ്തവ ബിഷപ്പ് അനഭിലഷണീയമായ പരമര്‍ശം നടത്തിയപ്പോഴാണ്‌ പിണറായി വിജയന്‍ അതെ നാണയത്തില്‍ തിരിച്ചടിച്ചത്. തുടര്‍ന്ന് വന്ന തിരുവമ്പാറ്റി ഉപതിരഞ്ഞെടുപ്പില്‍ കൂടരഞ്ഞി പള്ളി വികാരി അടക്കമുള്ളവര്‍ പരസ്യമായി ഇടത് വിരുദ്ധ പ്രചരണം നടത്തി എന്നിട്ടും അവിടെ ഇടതുപക്ഷം വിജയിച്ചു.

പിന്നെ അങ്ങോട്ട് ഇഷ്ടമില്ലാത്ത അച്ചി തൊട്ടതെല്ലാം കുറ്റം എന്ന രീതിയിലായിരുന്നു സഭാ നേതൃത്വം. മുരിങ്ങൂര്‍ ധ്യാന കേന്ദ്രവുമായി ബന്ധപ്പെട്ട് ഉണ്ടായ കോടതി ഇടപെടല്‍ പോലും പാര്‍ട്ടി ഇടപെട്ട് നടത്തിയതാണ്‌ എന്ന് സഭയിലെ പുരോഹിതര്‍ ആരോപിച്ചു. തുടര്‍ന്ന് പാഠപുസ്തക വിവാദം അവസാനം ഇടതു സര്‍ക്കാരിനെ എങ്ങനെയും പാഠം പഠിപ്പിക്കും എന്ന നിലപാടാണ്` സഭ കൈക്കൊണ്ടത്. ലോകസഭ തിരഞ്ഞെടുപ്പിലും പഞ്ചയത്ത് തിരഞ്ഞെടുപ്പിലുമൊക്കെ സഭ ഇടതുപക്ഷത്തിനെതിരെ നിലയുറപ്പിച്ചു. പഞ്ചായത്ത് തിരഞ്ഞെറ്റുപ്പില്‍ സഭാവിശ്വാസികള്‍ ഇടത് സ്വതന്ത്രര്‍ പോലുമാകരുത് എന്ന് ഇടയലെഖനങ്ങളിലൂടെ ഉല്‍ബോധിപ്പിച്ചു.


ഈ സാഹചര്യത്തിലാണ്‌ സഭ രാഷ്ട്രിയത്തില്‍ ഇടപെടരുത് എന്ന് ഇടത് നേതാക്കള്‍ പറഞ്ഞത്. എന്നാല്‍ അതില്‍ തെറ്റില്ല എന്നായിരുന്നു യുഡിഎഫ് നേതാക്കള്‍ പറഞ്ഞത്. പക്ഷെ ചന്ദ്രപ്പന്‍ പറയുന്നത് ഇതിന്റെ ഇടയില്‍ എവിടെ വരും എന്ന് എത്ര ആലോചിച്ചിട്ടും മനസിലാകുന്നില്ല

ഇനി നികൃഷ്ട ജീവി എന്ന താമരശേരി ബിഷപ്പിനെതിരായ പരാമര്‍ശത്തെയാണോ ചന്ദ്രപ്പന്‍ ഇപ്പോഴും ആധാരമാക്കുന്നതെന്ന് അറിയില്ല. എന്നാല്‍ ഒരു കാര്യം ഉറപ്പാണ്‌ പിതാക്കന്മാരെ അപമാനിച്ചത് പിണറായി ആണെങ്കില്‍ മാത്രമെ സഭക്ക് പ്രശ്നമുള്ളൂ എന്നതും ചന്ദ്രപ്പന്‍ ശ്രദ്ധിക്കണം. ഇപ്പോള്‍ മാണിഗ്രുപ്പിന്റെ ഏക വൈസ് ചെയര്‍മാന്‍ പി.സി ജോര്‍ജ്ജ് കാഞ്ഞിരപ്പള്ളിപ്പിതാവിനെപ്പറ്റി ഇന്ത്യാവിഷന്‍ ചാനലില്‍ ഇരുന്ന് പറഞ്ഞത് പുറത്ത് പറയാന്‍ കൊള്ളാത്ത കാര്യങ്ങളാണ്‌ ( ഫാരിസ് അബൂബക്കറുമായി ബന്ധപ്പെട്ട വിഷയത്തില്‍). അറക്കപ്പിതാവ് ഒരു ബിഷപ്പാകാന്‍ മാത്രമല്ല ഒരു കത്തോലിക്കനാകാന്‍ പോലും യോഗ്യത ഇല്ലാത്ത ആളാണ്‌ എന്ന് ജോര്‍ജ്ജ് പറഞ്ഞിട്ടുണ്ട്. അന്നൊന്നും സഭ പ്രകോപിതമായില്ല എന്ന് മാത്രമല്ല ഇന്ന് ജോര്‍ജ്ജ് സഭയുടെ സ്വന്തക്കാരനുമാണ്‌

ലാവ്‌ലിന്‍ കേസ് രാഷ്ട്രീയപരമായും സംഘടനപരമായും നേരിടും എന്ന സി.പി.എമിന്റെ രീതി ജനങ്ങള്‍ അംഗീകരിക്കുമോ എന്ന് പരിശോധിക്കണം

ചന്ദ്രപ്പനെ മാധ്യമങ്ങള്‍ക്ക് പ്രിയങ്കരനാക്കുന്നത് ലാവ്‌ലിന്‍ കേസില്‍ അദ്ദേഹം പരാമര്‍ശം നടത്തുന്നത് കൊണ്ടു കൂടെയാണ്‌.എന്നാല്‍ സി.പി.എം പറയാത്ത നിലപാടാണ്‌ ചന്ദ്രപ്പന്‍ പറയുന്നത് എന്നതാണ്‌ ഇതിലെ തമാശ. രാഷ്ട്രിയപരമായും നിയമപരമായും ലാവ്‌ലിന്‍ കേസ് നേരിടും എന്നാണ്‌ സി.പി.എം പറഞ്ഞിട്ടുള്ളത് എന്നാല്‍ അത് ചന്ദ്രപ്പന്‍ പറയുമ്പോള്‍ രാഷ്ട്രീയപരമായും സംഘടനപരമായും എന്ന് ദുര്‍വ്യാഖ്യാനം ചെയ്ത് പറയുന്നു. ഇത് കേള്‍ക്കുന്ന ആളുകള്‍ ചിന്തിക്കുക സി.പി.എം ഈ കേസ് നിയമപരമായി നേരിടുന്നില്ല എന്നാണ്. ചന്ദ്രപ്പന്റെ ഉദ്യേശവും അങ്ങനെ തന്നെ. എന്നാല്‍ ചന്ദ്രപ്പന്‍ ഈ വിഷയം ആദ്യം പറയേണ്ടത് സി.പി.ഐ മന്ത്രിമാരുടെ അടുത്താണ്‌. പിണറായിയെ പ്രോസ്യുക്ക്യുട്ട് ചെയ്യെണ്ട എന്ന് മന്ത്രിസഭ യോഗത്തില്‍ നിലപാട് സ്വീകരിച്ച സി.പി.ഐ മന്ത്രിമാരും അതിന്‌ അവരെ അനുവദിച്ച് സി.പി.ഐ പാര്‍ട്ടിയും ഈ നിലപാട് എന്തുകൊണ്ട് സ്വീകരിച്ചു എന്നത് വിശദീകരിക്കേണ്ടതുണ്ട്. അന്ന് മൌനം പാലിച്ച ചന്ദ്രപ്പന്‍ ലാവ്‌ലിന്‍ തിരഞ്ഞെടുപ്പ് വിഷമല്ലാതെ ആയ സാഹചര്യത്തില്‍ വീണ്ടും കുത്തിപ്പൊക്കുന്നതിലുള്ള സ്വാര്‍ത്ഥ താല്‍പ്പര്യമെന്ത് എന്നത് ഇനിയും വെളിപ്പെടാനിരിക്കുന്നതെ ഉള്ളൂ.

Friday, November 26, 2010

എം. എന്‍ വിജയനുമായുള്ള ഒരു പഴയ അഭിമുഖം

അസീസ് തരുവണ: ഗുജറാത്തിലെ മുസ്ലിം വംശീയ കൂട്ടക്കൊലക്ക് ശേഷം ഫാസിസത്തെ പ്രതിരോധിക്കാനുള്ള വിശാലമായ ഐക്യത്തെക്കുറിച്ച് വ്യാപകമായ ചര്‍ച്ച നടക്കുകയാണല്ലോ?

എം.എന്‍ വിജയന്‍: നമ്മള്‍ ഗുജറാത്തില്‍ നിന്നല്ല കേരളത്തില്‍ നിന്നാണ്‌ സംസാരിക്കുന്നത് എന്ന് മറക്കരുത്.ഗുജറാത്തില്‍ പണമുള്ള മുസ്ലിമുകളുടെ വീടുകളാണ്‌ കൊള്ളയടിച്ചത്.കൊള്ളയടിക്കുമ്പോള്‍ പണമുള്ള വീടുകള്‍ നോക്കി കൊള്ളയടിക്കും കാരണം വല്ലതും കിട്ടും.പാവപ്പെട്ട മുസ്ലിമ്റ്റെ വീട് കൊള്ളയടിച്ചാല്‍ വല്ലതും കിട്ടുമോ?

അഭിമുഖത്തിന്റെ പൂര്‍ണ്ണരൂപം ഇവിടെ വായിക്കുക

Wednesday, November 17, 2010

ഇരട്ടത്താപ്പിന്റെ കുടിനീര്‍ മാതൃക

പ്ര മുഖ പരി സ്ഥി തി സ്നേ ഹി­യും വനം പരി സ്ഥി തി വകു പ്പ് മന്ത്രി യു മായ ബി നോ യി വി ശ്വ ത്തി­ന്റെ വനം വകു പ്പ് വക ശബ രി കു പ്പി വെ ള്ള പ്ലാ ന്റി നെ ഉല്‍ ഘാ ട നം 16/11/2010 ല്‍ മറ്റൊ രു പരി സ്ഥി തി സ്നേ ഹി­യും പരി സ്ഥി തി പ്ര വര്‍ ത്ത ക രു ടെ ആവേ ശ വു മായ മു ഖ്യ മ ന്ത്രി വി .എ സ് അച്യു താ നാ ന്ദന്‍ നിര്‍ വ ഹി ച്ചു. പര സ്യ­ങ്ങള്‍ എല്ലാ പത്ര ത്തി ലും വന്നു. പക്ഷെ വി വാ ദ ങ്ങള്‍ ഒന്നും ഉണ്ടാ യി ല്ല. വനം വകു പ്പ് കു പ്പി വെ ള്ളം ഇറ ക്കു ന്ന തി ന്റെ ധാര്‍ മ്മി ക ത യെ ചോ ദ്യം ചെ യ്തു കൊ ണ്ട് പ്ര മുഖ കു പ്പി വെ ള്ള വി രു ദ്ധ സമര സേ നാ­നി യും പരി സ്ഥി തി സ്നേ ഹി യും സോ ഷ്യ­ലി സ്റ്റ് ജന താ നേ താ വു മായ വീ രേ ന്ദ്ര കു­മാ റി ന്റെ സ്വ ന്തം മാ തൃ ഭൂ മി യില്‍ ലേ ഖ ന­ങ്ങ ളോ മു ഖ പ്ര സം ഗ മോ ഉണ്ടാ യി ല്ല. പ്ര­മുഖ പരി സ്ഥി തി പ്ര വര്‍ ത്ത കന്‍ സി .ആര്‍ നീ ല ക ണ്ഠ നോ സാ റാ ജോ സ ഫോ ഇവ­രു ടെ സോ ളി ഡാ രി റ്റി സു ഹൃ ത്തു ക്ക ളോ എന്തി ന്‌ മാ ധ്യ മം പത്രം പോ ലും ഇതില്‍ ഒര ക്ഷ രം പോ ലും മി ണ്ടി യി ല്ല.

വനം വകു പ്പി ന്റെ ഈ പ്രോ ജ ക്റ്റി നെ പ്പ റ്റി മി ണ്ടാ തി രു ന്ന മു ക ളില്‍ പറ ഞ്ഞ വ രൊ ക്കെ ഈ സം രം ഭം വ്യ വ സായ വകു­പ്പി ന്റെ കീ ഴി ലു ള്ള ഏതെ ങ്കി ലും ഒരു സ്ഥാ പ ന മോ സി . പി .എ മി ന്റെ നി യ­ന്ത്ര ണ ത്തി ലു ള്ള സഹ ക രണ സ്ഥാ പ ന ങ്ങ ളോ ആണ്‌ തു ട ങ്ങി യി രു ന്നു എങ്കില്‍ എങ്ങ നെ യാ കും പ്ര തി ക രി ക്കുക എന്ന് ആലോ ചി ക്കു ന്ന ത് രസാ വ­ഹ മാ യി രി ക്കും

malayal.am വേണ്ടി എഴുതിയ ഈ ബ്ലോഗിന്റെ പൂര്‍ണ്ണ രൂപം ഇവിടെ വായിക്കുക

Friday, November 12, 2010

ഒരിക്കലും അവസാനിക്കാത്ത ലാവ്‌ലിന്‍ കേസ്

ലാവ്‌ലിന്‍ കേസിലെ മുഖ്യ സാക്ഷി എന്ന പരിവേഷത്തോടെ മാധ്യമങ്ങള്‍ അവതരിപ്പിച്ചുകൊണ്ടിരിക്കുന്ന ദീപക്ക് കുമാര്‍ ഇന്നലെ ലൈവായി മലയാള ചാനലുകളില്‍ നിറഞ്ഞുനിന്നു. ലാവ്‌ലിന്‍ കേസിലെ അന്വേഷണ ഉദ്യോഗസ്ഥനായ അശോക് കുമാറിനെ മാറ്റിയതിന്‌ പിന്നില്‍ മലയാളിയായ ഒരു കേന്ദ്ര മന്ത്രിയാണെന്നും ഇത് ലാവ്‌ലിന്‍ കേസിലെ സാക്ഷിപ്പട്ടികയില്‍ ഉള്ള ദിലീപ് രാഹുലന്‌ വേണ്ടിയാണെന്നും ആയിരുന്നു ഇദ്ദേഹത്തിന്റെ ആദ്യ വെളിപ്പെടുത്തല്‍. അതോടൊപ്പം ലാവ്‌ലിന്‍ ഇടപാടുമായി ബന്ധപ്പെട്ട് ദിലീപ് രാഹുലന്‍ ഒരു കൊലപാതകവും നടത്തിയിട്ടുണ്ട് എന്നും അതിന്റെ വിവരങ്ങള്‍ താന്‍ ഇപ്പോള്‍ വെളിപ്പെടുത്തുന്നില്ല എന്നും മജിസ്ട്രേറ്റിനടുത്ത് മാത്രമെ ഇതിന്റെ തെളിവുകള്‍ നല്‍കൂ എന്നും പറഞ്ഞു. ഇന്നലെ രാവിലെ മുതല്‍ മണിക്കൂറുകളോളം വിവിധ ചാനലുകളില്‍ ദിപക്ക് മുഖ്യ അതിഥിയായിരുന്നു. എല്ലായിടത്തും ഒരേ കാര്യം തന്നെ ആവര്‍ത്തിക്കുകയും ചെയ്തു

ദീപക്ക് കുമാറിനെ സി.ബി.ഐ ഇതുവരെ സാക്ഷിപ്പട്ടികയില്‍ ഉള്‍പ്പെടുത്തിയതായി നമുക്കാര്‍ക്കും അറിയില്ല. പക്ഷെ അദ്ദേഹത്തെ മാധ്യമങ്ങള്‍ അവതരിപ്പിക്കുന്നത് മുഖ്യ സാക്ഷി എന്നാണ്‌. എന്താണ്‌ ദീപക്ക് കുമാറിന്‌ ഈ കേസുമായുള്ള ബന്ധം? സി.ബി.ഐ സമര്‍പ്പിച്ച കുറ്റപത്രത്തില്‍ പിണറായി വിജയന്‍ കോഴപ്പണം കൈപ്പറ്റി എന്ന പരാമര്‍ശം ഇല്ലാത്തതിനാല്‍ ഇതേപ്പറ്റി വിശദീകരണമാവശ്യപ്പെട്ട് കോഴ ആരോപണങ്ങള്‍ ഉന്നയിച്ച ക്രൈം നന്ദകുമാറിന്റെ ഹര്‍ജിയില്‍ സി.ബി.ഐ നല്‍കിയ മറുപടിയില്‍ സാമ്പത്തിക ഇടപാട് നടത്തിന്‌ തെളിവില്ല എന്ന പറഞ്ഞിരുന്നു. അതിന്റെ അടുത്ത ദിവസമാണ്‌ ദീപക്ക് കുമാര്‍ എന്ന കഥാപാത്രം പ്രത്യക്ഷപ്പെട്ടത് പിണറായി വിജയന്‌ 2 കോടി രൂപ താന്‍ കൊണ്ടുപോയി കൊടുത്തു എന്നതായിരുന്നു അന്ന് ദീപക്ക് നടത്തിയ വെളിപ്പെടുത്തല്‍. അതുവരെ ചിത്രത്തില്‍ ഇല്ലായിരുന്ന ഈ കഥാപാത്രം കാര്‍ത്തികേയന്റെ പങ്കിനെ പറ്റി കൂടുതല്‍ അന്വേഷണം നടത്തുന്ന സി.ബി.ഐ ഉദ്യോഗസ്ഥര്‍ക്ക് 60 പെജുള്ള മൊഴി നല്‍കിയിട്ടുണ്ട് എന്നാണ്‌ മാധ്യമങ്ങളില്‍ നിന്നുള്ള അറിവ്. മാതൃഭൂമി പത്രത്തില്‍ ഇടക്കിടെ ചെന്നൈ ലേഖകന്‍ ജോണി ദീപക്ക് കുമാറിന്റെ വെളിപ്പെടുത്തലുകളുടെ അപ്‌ഡേറ്റ് നല്‍കാറുണ്ടായിരുന്നു. അവസാനമായി അദ്ദേഹം നല്‍കിയ അപ്‌ഡേറ്റ് പഞ്ചായത്ത് തിരഞ്ഞെറ്റുപ്പ് സമയത്തായിരുന്നു
എന്നാല്‍ അന്നുവരെ കോണ്‍ഗ്രസുകാര്‍ക്ക് വരെ പ്രിയങ്കരനായിരുന്ന ദീപക്ക് കുമാര്‍ ഇന്നലെ കേന്ദ്രമന്ത്രിക്കെതിരെ ആരോപണമുന്നയിച്ചതോടെ ഇദ്ദേഹം ഷേഡീ ക്യാരക്ടറാണ്‌ എന്ന് പറഞ്ഞു തുടങ്ങിയിട്ടുണ്ട്

60 പേജുവരുന്ന മൊഴി നല്‍കിയ ദീപക്ക് അതില്‍ പറയാതിരുന്ന കൊലപാത കേസിനെപ്പറ്റിയാണ്‌ ഇപ്പോള്‍ കോടതിയില്‍ പറയാമെന്ന് പറയുന്നതാണ്‌ ഇതിലെ രസകരമായ ഭാഗം. അദ്ദേഹത്തിന്‌ വിശ്വാസമുള്ള അശോക് കുമാറിനോട് പോലും പറയാത്ത കാര്യമാണ്‌ ഇന്നലെ മാധ്യമങ്ങളോട് പറയാതെ പറയുന്നത്. എന്നാല്‍ ആരാണ്‌ കൊല്ലപ്പെട്ടത് എന്ന് മാത്രം ദീപക്ക് പറയുന്നില്ല. അശ്വമേധം സ്റ്റൈലില്‍ മലയാളിയാണ്‌, കരാറിനെ എതിര്‍ത്ത ആളാണ്‌ എന്നൊക്കെപ്പറയുന്നതല്ലാതെ അത് വൈദ്യുത ബോര്‍ഡ് ഉദ്യോഗസ്ഥനാണ്‌ എന്ന് പോലും ദീപക്ക് പറഞ്ഞിട്ടില്ല. ലാവ്‌ലിന്‍ കേസിന്റെ അന്വേഷണം നടക്കുന്ന ഒരു ഘട്ടത്തിലും വരാത്ത ഇയാള്‍ പെട്ടെന്ന് ഈ കേസിലേക്ക് പൊട്ടി വീഴുകയായിരുന്നു. പിണറായിക്കെതിരെ മൊഴി നല്‍കിയ ഇദ്ദേഹം കൊലപാത വിവരം അന്ന് മറച്ചു വച്ചു. ഇപ്പോള്‍ ഇതാ കൊലപാതക വിവരവുമായി പ്രത്യക്ഷപ്പെടുന്നു. പിണറായി വിജയന്റെ പേര്‍ പറയാന്‍ ധൈര്യമുള്ള ദീപക്ക് കേന്ദ്ര മന്ത്രിയുടെ പേര്‍ പറായാന്‍ തയ്യാറല്ല. അതിനും ക്ലൂകള്‍ മാത്രമെ പറയൂ

ലാവ്‌ലിന്‍ കേസ് ഫോളോ ചെയ്യുന്ന ആര്‍ക്കും ഈ കൊലപാതക വാര്‍ത്ത പുതുമ ഉള്ള ഒന്നല്ല. വൈദ്യുത ബോര്‍ഡ് ജീവനക്കാരനായിരുന്ന രാജഗോപാലിന്റെ മരണം കൊലപാതകമാണ്‌ എന്ന് ക്രൈം നന്ദകുമാര്‍ മുതല്‍ പി.റ്റി തോമസ് എംപി വരെ പലപ്പോഴായി ആരോപിച്ചിട്ടുള്ളതാണ്‌. ഇതെപ്പറ്റി ലാവ്‌ലിന്‍ സ്പെഷ്യല്‍ ക്രൈം എഡീഷനുകളില്‍ സവിസ്തരം പ്രതിപാദിച്ചിട്ടുള്ളതുമാണ്‌. ഇന്നലെ ഇന്ത്യാവിഷനില്‍ ചര്‍ച്ചക്ക് വന്ന ക്രൈം നന്ദകുമാര്‍ പറഞ്ഞ എല്ലാ സാമ്പത്തിക ആരോപണങ്ങളും സി.ബി.ഐ പരിശോധിച്ച് തള്ളിയതുമാണ്‌. അങ്ങനെ ഉള്ള സമയത്ത് ദൃക്‌സാക്ഷിയായി അവതരിച്ച ആളാണ്‌ ദീപക്ക് കുമാര്‍. കോഴ നല്‍കുന്നതിന്‌ ഞാന്‍ ദൃക്‌സാക്ഷിയെന്ന് ദീപക്ക് പറഞ്ഞതോട് ക്രൈം നന്ദകുമാര്‍ പറഞ്ഞതും സി.ബി.ഐ തള്ളിയതുമായ ആരോപണങ്ങള്‍ വീണ്ടും ചര്‍ച്ചാവിഷയമായി. അതുപോലെ ക്രൈം നന്ദകുമാര്‍ പറഞ്ഞതും സി.ബി.ഐ തള്ളിയതുമായ കൊലപാതകം ദീപക്ക് കുമാറിലൂടെ വീണ്ടും സജീവമാകുന്നു. ഇനി ക്രൈം നന്ദകുമാര്‍ പറഞ്ഞതൊക്കെ ദീപക്ക് കുമാര്‍ ആവര്‍ത്തിക്കും അപ്പോള്‍ ഒരു ദിവസം മുഴുവന്‍ ആഘോഷിക്കാന്‍ നമുക്ക് ലാവ്‌ലിന്‍ കേസ് വീണ്ടും ചാനലുകളിലെത്തും.

കമല ഇന്റര്‍ നാഷ്‌ണല്‍ പോലുള്ള പിണറായി വിജയന്റെ സ്ഥാപനങ്ങള്‍ സിങ്കപ്പൂരില്‍ ഉണ്ട് എന്ന് അതിന്റെ പിന്നില്‍ താന്‍ പ്രവര്‍ത്തിച്ചിട്ടുണ്ട് എന്ന ദീപക്കിന്റെ മൊഴികള്‍ക്കായി നമുക്കിനി അധികം കാത്തിരിക്കേണ്ടി വരില്ല. എന്നാല്‍ ദീപക്ക് കുമാരിന്റെ ഇന്നലത്തെ പ്രകടനത്തില്‍ പറഞ്ഞ ചില കാര്യങ്ങള്‍ ശ്രദ്ധിച്ചാല്‍ ദീപക്ക് കുമാറും ദിലീപ് രാഹുലനും തമ്മിലുള്ള ശത്രുതയാണ്‌ ദീപക്കിനെ ഈ വിഷയത്തില്‍ ഇടപെടിക്കുന്നത് എന്ന് സംശയിക്കേണ്ടി വരും. കേരളത്തിലെ പല വന്‍കിട പ്രോജക്റ്റിലും ദിപിപ് രാഹുലന്‌ ബന്ധമുണ്ട് എന്നും ഇന്നലെ ദീപക്ക് പറഞ്ഞിരുന്നു. അതില്‍ നമ്മുടെ വിശുദ്ധ സമാര്‍ട്ട് സിറ്റിയുടെ പേരും ദീപക്ക് കുമാര്‍ പറഞ്ഞിരുന്നു

Friday, October 22, 2010

യുഡിഎഫിന്റെ സ്വന്തം വി.എസ്

തദ്ദേശ സ്വയംഭരണ തിരഞ്ഞെടുപ്പിന്‌ വേണ്ടി യുഡി.എഫും മനോരമയും തട്ടിക്കൂട്ടിയ ലോട്ടറി വിവാദം അഭിഷേക് സിഗ്‌വി കെടുത്തിക്കളഞ്ഞിട്ടും അതെടുത്ത് ധനമന്ത്രിയുടെ പള്ളക്ക് കുത്തി വി.എസ് അച്യുതാനന്ദന്‍ . തദ്ദേശ സ്വയംഭരണ തിരഞ്ഞെടുപ്പിന്റെ ഒന്നാം ഘട്ടം വോട്ടെടുപ്പ് തുടങ്ങുന്നതിന്‌ മുന്‍പ് തന്നെ വി.എസ് പാര്‍ട്ടിക്കും മുന്നണിക്കുമെതിരെ ഒളിയുദ്ധം തുടങ്ങി. ഇതിന്റെ വിശകലനം http://malayal.am/ ഇല്‍ വായിക്കുക

Tuesday, October 19, 2010

വി.എസ് എന്ന ട്രോജന്‍ കുതിര

തദ്ദേശ സ്വയംഭരണ തിരഞ്ഞെടുപ്പില്‍ കത്തിച്ച് നിര്‍ത്താന്‍ യുഡിഎഫ് (?) തയ്യാറാക്കിയ ലോട്ടറി വിവാദം അഭിഷേക് സിഗ്‌വിയുടെ വരവോടെയും ഹൈക്കോടതി വിധിയോടെയും കെട്ടടങ്ങി. കോടതി വിധിയുടെ അന്ന് വരെ തങ്ങളാല്‍ ആകും വിധം നുണപ്രചരണം നടത്തിയ മാധ്യമങ്ങളൊക്കെ വിധിക്ക് ശേഷം ലോട്ടറി വിവാദം പരണത്തു വച്ചു. മനോരമ പക്ഷെ ഭൂട്ടാന്‍ സര്‍ക്കാരിനെതിരെ തിരിഞ്ഞ് വിഷയം സജീവമായി നിര്‍ത്തി. ഒരുപാട് നിയമ ലംഘനങ്ങള്‍ അക്കമിട്ട് നിരത്തിയ വിഡി സതീശനും ഉമ്മന്‍ ചാണ്ടിയും കോടതിയില്‍ കേസ് നന്നായി വാദിച്ചില്ല എന്ന് ഒഴുക്കന്‍ മട്ടില്‍ പറഞ്ഞ് മുഖം രക്ഷിക്കാന്‍ ശ്രമിച്ചു.

എന്നാല്‍ അവസാനിച്ച ലോട്ടറി വിവാദം ഇന്നലെ (18.10.2010) വി.എസ് വീണ്ടും കുത്തിപ്പൊക്കി എന്ന് മാത്രമല്ല പതിവ്‌ പോലെ ധനമന്ത്രിയെ സംശയത്തിന്റെ പുകമറിയില്‍ നിര്‍ത്താന്‍ പ്രത്യേകം ശ്രദ്ധിക്കുകയും ചെയ്തു.

malayal.am ഇല്‍ എഴുതിയത് ഇവിടെ വായിക്കു

Tuesday, October 12, 2010

ഒരു ദേശിയപത്രവും വ്യാകുലതകളും

ലോട്ടറി വിവാദം പഞ്ചായത്ത് തിരഞ്ഞെടുപ്പില്‍ സി.പി.എമിനെതിരെ കത്തിച്ച് നിര്‍ത്താന്‍ ഉണ്ടാക്കിയതാണെങ്കിലും അഭിഷേക് സിഗ്‌വി മാര്‍ട്ടിന്റെ വക്കാലത്ത് എടുത്തതോടെ അത് കോണ്‍ഗ്രസിനെ തിരിഞ്ഞുകുത്തി. എല്ലാ വിഷയങ്ങളിലും അമേരിക്കയുടെ കൈകളുണ്ട് എന്ന് ഇടത് നേതാക്കള്‍ പറയുന്നത് പോലെ സിഗ്‌വി വന്നതിന്‌ പിന്നില്‍ തോമസ് ഐസക്കിന്റെ കളികളാണ്‌ എന്ന് സംവാദ വിദഗ്തന്‍ സതീശനും ചെന്നിത്തലയും ഭാവി മുഖ്യന്‍ വയലാര്‍ രവിയും പറയാന്‍ തുടങ്ങി. എന്നാല്‍ സിഗ്‌വി വന്നതോടെ ചിദംബരം പണ്ട് വന്നതും ചര്‍ച്ചാ വിഷയമാക്കേണ്ട അവസ്ഥയും സംജാതമായി.

എന്നാല്‍ ചാനലുകള്‍ക്കും പത്രങ്ങള്‍ക്ക് കോണ്‍ഗ്രസിനേറ്റ തിരിച്ചടി സഹിക്കാനാകുന്നതിനപ്പുറമായിരുന്നു. അവര്‍ പല പല കഥകളും നിയമ വ്യാഖ്യാനങ്ങളും നല്‍കി പന്ത് അപ്പുറത്തെത്തിക്കാന്‍ പരമാവധി ശ്രമിച്ചു. എന്നാല്‍ ഈ കലയില്‍ മികവ് കാട്ടിയത് മാതൃഭൂമിയാണ്‌. യുഡി.എഫില്‍ ഈയിടെ എത്തിയ സോഷ്യലിസ്റ്റ് ജനതയുടെ മുഖ്യ നേതാവും മാതൃഭൂമിയുടെ മുഖ്യ ഡയറക്ടറും ഒരാളായതിനാല്‍ ആ താല്‍പ്പര്യങ്ങള്‍ നന്നായി അവതരിപ്പിക്കാന്‍ മാതൃഭൂമി ജീവനക്കാര്‍ പ്രത്യേകം ശ്രദ്ധിച്ചു. മേഖ ഭൂട്ടാന്റെ പ്രമോട്ടറാണ്‌ എന്ന് അംഗീകരിക്കാന്‍ കഴിയില്ല എന്ന സംസ്ഥാന സര്‍ക്കാരിന്റെ വാദം കോടതിയില്‍ നടക്കുന്നു എന്ന വാര്‍ത്തയില്‍ കേന്ദ്ര ഗവണ്‍മെന്റിന്‌ ക്രഡിറ്റ് നല്‍കി ഒക്‌ടോബര്‍ 10 ന്‌ ഇങ്ങനെ ഒരു വാര്‍ത്ത എഴുതി : മേഘ'യെ കുടുക്കിയത് കേന്ദ്ര ലോട്ടറിച്ചട്ടം

പി. സുരേഷ്ബാബു എഴുതിയ ലേഖനത്തിലെ പ്രധാന ഭാഗം ഇതാണ്‌

പാലക്കാട്: ഭൂട്ടാന്‍ലോട്ടറിയുടെ കേരളത്തിലെ പ്രമോട്ടര്‍ മേഘ ഡിസ്ട്രിബ്യൂട്ടേഴ്‌സ് അല്ലെന്ന സംസ്ഥാനത്തിന്റെ സത്യവാങ്മൂലത്തിനുപിന്നിലെ ബലം കേന്ദ്ര ലോട്ടറിച്ചട്ടം.2010 ഏപ്രില്‍ ഒന്നുമുതല്‍ നിലവില്‍വന്ന ഈ ചട്ടം നടപ്പാക്കാന്‍ പക്ഷേ, സംസ്ഥാനസര്‍ക്കാരും തയ്യാറായില്ല. നിയമംലംഘിച്ച് ഏപ്രില്‍മുതല്‍ ആഗസ്ത്‌വരെ മേഘയില്‍ നിന്ന് മുന്‍കൂര്‍നികുതിവാങ്ങി ലോട്ടറി വില്‍ക്കാന്‍ അനുമതി നല്‍കുകയായിരുന്നു.

കേന്ദ്ര ലോട്ടറി ചട്ടം ലംഘിച്ചത് സംസ്ഥാന സര്‍ക്കാരാണെന്നും കേന്ദ്ര ചട്ടത്തിന്റെ ബലത്തിലാണ്‌ സംസ്ഥാന സര്‍ക്കാരിന്റെ കളി എന്നുമാണ്‌ ഈ വാര്‍ത്തയുടെ വ്യഗ്യം. എന്നാല്‍ കേന്ദ്ര ലോട്ടറി നിയമത്തിന്റെ ആറാം വകുപ്പില്‍ ഇങ്ങനെ ഒരു ക്ലോസുണ്ട്.
6. The Central Government may, by order published in the Official Gazette, Prohibition of
prohibit a lottery organized, conducted or promoted in contravention of the provisions of organization,section 4 or where tickets of such lottery are sold in contravention of the provisions
of section 5

നിയമത്തിലെ ആറാം വകുപ്പനുസരിച്ച് ഏത് ലോട്ടറിക്കെതിരെയും കേന്ദ്രത്തിന് സ്വമേധയാ കേസെടുക്കാം. എന്നാല്‍ ഇതുവരെ അതുണ്ടായില്ല.ലോട്ടറി നിയമത്തിന്റെ നാലാം വകുപ്പ് ലംഘിക്കുന്നതിന്റെ തെളിവുകള്‍ ഉമ്മന്‍ ചാണ്ടിയുടെ കാലം മുതല്‍ കേന്ദ്രത്തിനയക്കുന്നുണ്ട് മാത്രമല്ല വിജിലന്‍സ് റിപ്പോര്‍ട്ടിന്റെ കോപ്പി അടക്കം കേന്ദ്രത്തെ അറിയിച്ചിട്ടുണ്ട്. ഈ വിവാദം മുഴുവന്‍ ഉണ്ടായിട്ടും 6 ആം വകുപ്പ് എന്തെ കേന്ദ്രം പ്രയോഗിക്കുന്നില്ല അലെങ്കില്‍ എന്തുകൊണ്ട് വിവാദം ഉണ്ടാക്കുന്നവര്‍ അതിനെപ്പറ്റി മിണ്ടുന്നില്ല എന്നത് മാതൃഭൂമി കാണാതെ പോകുന്നു. കേന്ദ്ര ചട്ടത്തിന്റെ മിടുക്ക് ചൂണ്ടിക്കാട്ടി വാര്‍ത്ത ചമക്കുന്ന സുരേഷ് ബാബുമാര്‍ എന്തെ ഇതൊക്ക് കാണാതെ പോകുന്നു എന്ന് ചിന്തിച്ച് തീരും മുന്നെ ഇതാ വരുന്നു അടുത്ത അത്ഭുതം.


ഭൂട്ടാന്‍ ലോട്ടറിയുടെ മുന്‍കൂര്‍ നികുതി വാങ്ങാന്‍ കേരള സര്‍ക്കാര്‍ വിസമ്മതിച്ചതിനെതിരെ മേഘാ ഡിസ്ട്രിബ്യൂട്ടഴ്‌സിന്റെ പ്രൊപ്പ്രൈറ്റര്‍ ജോണ്‍ കെന്നഡി നല്‍കിയ കേസില്‍ ജസ്റ്റിസ് ആന്റണി ഡൊമിനിക് പുറപ്പെടുവിച്ച വിധിയെക്കുറിച്ചാണ് ഈ പരാമര്‍ശം. WPC 36645/2007 നമ്പര്‍ കേസില്‍ വിധി വന്നത് 25-2-2008ന്. ഈ കേസിനെതിരെ കേരള സര്‍ക്കാര്‍ സമര്‍പ്പിച്ച അപ്പീല്‍ നമ്പര്‍ WA 528/2008. ഈ അപ്പീല്‍ നിലനില്‍ക്കെയാണ് അപ്പീല്‍ നല്‍കിയില്ലെന്ന് തലക്കെട്ടിലും അപ്പീല്‍ പോകാന്‍ സര്‍ക്കാര്‍ സന്നദ്ധത കാണിച്ചിരുന്നില്ല എന്ന് വാര്‍ത്തയിലും മാതൃഭൂമി ലേഖകന്‍ എഴുതിപ്പിടിപ്പിച്ചത്.

വീരേന്ദ്രകുമാറിന്റെ താല്‍പ്പര്യങ്ങള്‍ക്ക് വേണ്ടി നുണക്കഥകളെഴുതേണ്ടി വരുന്ന പത്രപ്രവര്‍ത്തകരെ ഓര്‍ത്ത് നമുക്ക് വിലപിക്കാം.


Monday, October 04, 2010

വിഎസും ലോട്ടറിയും

ഇട തു­പ ക്ഷ സര്‍ ക്കാ രി നെ­യും വി ശി ഷ്യ സി . പി­.എ മ്മി നെ യും മുള്‍ മു­ന യില്‍ നിര്‍ ത്തിയ ലോ ട്ട റി വി വാ ദം അഭി ഷേ ക് സിം ഗ്‌­വി യു ടെ രം ഗ പ്ര വേ ശ ന ത്തോ ടെ കോണ്‍ ഗ്ര സി ന്റെ തല യി ലോ ട്ട് മാ റ്റ­പ്പെ ട്ടു. പഞ്ചാ യ ത്ത് തി ര ഞ്ഞെ ടു­പ്പില്‍ ആയു ധ മാ യി ഉപ യോ ഗി ക്കും എന്ന് പറ ഞ്ഞ ഉമ്മന്‍ ചാ ണ്ടി ക്കും കൂ ട്ടര്‍ ക്കും കന ത്ത തി രി ച്ച ടി യാ യി സിം ഗ്‌ വി യു ടെ രം ഗ പ്ര വേ ശ നം. ലോ ട്ട റി കാ ര്യ ത്തില്‍ ഓര്‍ ഡി നന്‍ സ് ഇറ ക്കാ നു ള്ള അവ കാ ശം കേ ന്ദ്ര ത്തി­ന്‌ മാ ത്ര മാ ണ്‌ എന്ന് വരെ സിം ഗ്‌ വി കോ ട തി യില്‍ വാ ദി ച്ച ത് തെ ല്ലൊ ന്നു­മ ല്ല കോണ്‍ ഗ്ര സി നെ ചൊ ടി പ്പി ച്ച ത്.

പര സ്യ സം വാ ദ ത്തി ലെ ക്ഷീ ണ ത്തി­ന്‌ ശേ ഷം പ്ര തി രോ ധ ത്തി ലായ ഐസ ക്കി ന്‌ ഇതൊ രു പു നര്‍ ജ ന്മ മാ­യി. ഐസ ക്കി ന്‌ പി ന്തു ണ യു മാ യി എം വി ജയ രാ ജ നും പി ണ റാ യി വി ജ­യ നും കോ ടി യേ രി യു മൊ ക്കെ ഉട നെ എത്തി. അവര്‍ അതി ശ ക്ത മാ യി കോണ്‍ ഗ്ര സി നെ കട ന്നാ ക്ര മി ച്ചു. എന്നാല്‍ മു ഖ്യ മ ന്ത്രി വി എ സ് പതി വ്‌ മൌ നം തു ടര്‍ ന്നു.

ഒരു തി ര ഞ്ഞെ ടു പ്പ് കാ ല ത്ത് പ്ര തി പ ക്ഷ ത്തെ അടി ക്കാന്‍ കി ട്ടിയ വടി കണ്ടി ല്ല എന്ന് നടി ക്കു ന്ന കേ ര ള ത്തി ലെ ആദ്യ ത്തെ മു ഖ്യ മ­ന്ത്രി യാ കും വി .എ സ് അച്യു താ ന ന്ദന്‍. സര്‍ ക്കാ രി നെ വി ല യി രു ത്ത­ലാ കും തി ര ഞ്ഞെ ടു പ്പ് ഫലം എന്നൊ ക്കെ മു ഖാ മു ഖ ത്തില്‍ പറ ഞ്ഞ വി .എ സ് ലോ ട്ട റി വി ഷ യ ത്തില്‍ അവ്യ ക്തത നി ല നിര്‍ ത്തു ന്ന തില്‍ പ്ര ത്യേ കം ശ്ര ദ്ധി ച്ചി രു ന്നു. ലോ ട്ട റി വി ഷ യ ത്തില്‍ വി .എ സി ന്റെപ്ര­തി ക ര ണം ശ്ര ദ്ധി ക്കുക:

അന്യ സം സ്ഥാന ലോ ട്ട റി പ്ര ശ്‌ ന ത്തില്‍ ധന മ ന്ത്രി ക്കെ­തി രെ ഉയര്‍ ന്ന ആരോ പ ണ ങ്ങള്‍ സം ബ ന്ധി ച്ച ചോ ദ്യ­ങ്ങള്‍ ക്ക് ബന്ധ പ്പെ ട്ട വര്‍ വസ്തുത ചൂ ണ്ടി ക്കാ ട്ടി മറു പ ടി നല്‍ കി യ തോ ടെ ആക്ഷേ പം ഉന്ന യി ച്ച വര്‍ നി ഷ്‌ പ്ര ഭ രാ­യി യെ ന്നാ യി രു ന്നു മറു പ ടി. ധന മ ന്ത്രി ഡോ. തോ മ­സ്‌ഐ സ ക്കി ന്റെ വി ശ ദീ ക ര ണം ജന ങ്ങള്‍ ക്ക് ബോ ധ്യ­പ്പെ ട്ടി ട്ടി ല്ലെ ന്ന് ചൂ ണ്ടി ക്കാ ട്ടി യ പ്പോള്‍ എങ്കില്‍ ബോ ധ്യ മാ­കു ന്ന വി ശ ദീ ക ര ണ വു മാ യി ബന്ധ പ്പെ ട്ട വര്‍ ഉടന്‍ രം ഗ­ത്തു വ രു മെ ന്നാ യി രു ന്നു മറു പ ടി.

ജന ങ്ങള്‍ ക്കു ബോ ധ്യ പ്പെ ട്ടി ട്ടി ല്ല എന്ന കു നു ഷ്ട് ചോ ദ്യ ത്തെ ഒരു തര ത്തി ലും പ്ര തി രോ ധി ക്കാ തെ ആദ്യം പറ ഞ്ഞ തി ന്റെ അന്ത സ ത്ത ചോര്‍ ത്തി ക്ക ള യു ന്ന ഒഴി ഞ്ഞു മാ റല്‍ സം ശ യ ത്തി ന്റെ മുന ഐസ­ക്കി ന്‌ നേ രെ തി രി ച്ച് നിര്‍ ത്താന്‍ തക്ക വി ധം കൃ ത്യ മാ യി രു ന്നു. ലോ­ട്ട റി വി വാ ദം കോണ്‍ ഗ്ര സ് കത്തി ച്ച് നിര്‍ ത്തി യ പ്പോ ഴും ഇപ്പോള്‍ പ്ര തി രോ ധ ത്തി ലാ യ പ്പോ ഴും വി .എ സി നെ ചാ രി യാ ണ്‌ കോണ്‍ ഗ്ര­സ് ആരോ പ ണ മു ന്ന യി ക്കു ന്ന ത്. വി .എ സി ന്‌ കാ ര്യ ങ്ങള്‍ ബോ ധ്യ­പ്പെ ടു ന്നി ല്ല എന്ന് സതീ ശന്‍ കഴി ഞ്ഞ ദി വ സ വും ആരോ പി ക്കു ന്നു­ണ്ടാ യി രു ന്നു. എന്നാല്‍ ഇതി നെ ഒരു തര ത്തി ലും വി .എ സ് നി ഷേ­ധി ക്കു ന്നി ല്ല എന്ന് മാ ത്ര മ ല്ല പൊ തു വേ ദി ക ളി ലും മറ്റും ഇതേ പറ്റി­യു ള്ള ചോ ദ്യ ങ്ങ ളി ലും അപ്പോള്‍ പ്ര ക ടി പ്പി ക്കു ന്ന ശരീ ര ഭ ഷ യി ലു­മൊ ക്കെ ഐസ ക്കി നെ സം ശ യ ത്തി ന്റെ മുള്‍ മു ന യില്‍ നിര്‍ ത്തു ക­യും ചെ യ്യു ന്നു.

വി .എ സി നെ തി രെ മു ക ളില്‍ പറ ഞ്ഞ ആരോ പ ണ ങ്ങ ളൊ ക്കെ വ്യാ­ഖ്യാ ന ങ്ങ ളാ ണ്‌ എന്ന് പറ ഞ്ഞ് തള്ളി ക്ക ള യാ മാ യി രു ന്നു. എന്നാല്‍ അഭി ഷേ ക് സിം ഗ്‌ വി യു ടെ രം ഗ പ്ര വേ ശ ന ത്തെ തു ടര്‍ ന്നു ണ്ടായ പു­തിയ സാ ഹ ച ര്യ ത്തില്‍ കൃ ത്യ മാ യി തു ട രു ന്ന മൌ നം ഈ സം ശ യ­ങ്ങ ളെ ഊട്ടി ഉറ പ്പി ക്കു ന്നു.

കഴി ഞ്ഞ ലോ ക്‌ സഭ തി ര ഞ്ഞെ ടു പ്പ് കാ ല ത്ത് ജന ങ്ങള്‍ അവ രു ടെ മനഃ സാ ക്ഷി ക്ക നു സ്സ രി ച്ച് വോ ട്ട് ചെ യ്യും എന്ന് പറ യു ക യും പാര്‍ ട്ടി തോ റ്റ പ്പോള്‍ പൊ ട്ടി ച്ചി രി ക്കു ക യും ചെ യ്ത വി .എ സ് ഈ പഞ്ചാ യ­ത്ത് തി ര ഞ്ഞെ ടു പ്പില്‍ എന്തൊ ക്കെ ബോം ബു ക ളാ ണ്‌ പൊ ട്ടി ക്കുക എന്ന ത് കാ ത്തി രു ന്നു കാ ണേ ണ്ട താ ണ്‌. വി സ്മയ പാര്‍ ക്കില്‍ ജല ചൂ­ഷ ണം നട ക്കു ന്നു ണ്ടോ എന്ന് കു റെ ക്കാ ല ത്തെ മാ ദ്ധ്യമ പ്ര വര്‍ ത്ത­ക രു ടെ ചോ ദ്യ ത്തി ന്‌ പഠി ച്ചി ട്ട് പറ യാം എന്ന് പു ഛ ത്തോ ടെ പറ­യു ന്ന വി .എ സി നെ ഇവി ടെ ഓര്‍ മ്മ വരു ന്നു. ഇതു പോ ലെ ഒരു പാ ട് മു ന വ ച്ച ആക്ര മ ണ ങ്ങള്‍ പാര്‍ ട്ടി ക്ക് ഇനി യും പ്ര തീ ക്ഷി ക്കാം. ലോ ട്ട­റി വി വാ ദ ത്തി ന്റെ ക്ഷീ ണ ത്തില്‍ നി ന്ന് യു ഡി എ ഫി നെ കര ക യ­റ്റാന്‍ എന്ത് ഗദ യാ ണ്‌ വി .എ സ് പ്ര തി പ ക്ഷ ത്തി ന് നല്‍ കു ന്ന തെ ന്ന് കാ ത്തി രു ന്ന് കാ ണാം

വാല്‍ക്കഷ്ണം: അഭിഷേക് സിഗ്‌വി വിഎസിന്റെ പഴയ മാരാരിക്കുളം തിരഞ്ഞെടുപ്പ് കേസിലെ സുപ്രിം കോടതി അഭിഭാഷകനായിരുന്നു എന്ന് കഴിഞ്ഞ ദിവസം ഇന്ത്യാവിഷന്‍ ന്യൂസ് നൈറ്റ് ചര്‍ച്ചയില്‍ വി.ഡി സതീശന്‍ പറഞ്ഞിരുന്നു. അന്ന് കോണ്‍ഗ്രസിലെ ഫ്രാന്‍സിസിനെതിരെ ആയിരുന്നു വി.എസ് കേസ് നല്‍കിയത്. ഇത് ആരെങ്കിലും ചോദിച്ചാല്‍ പണി കിട്ടുമെന്ന് പേടിച്ചാകാം ചിലപ്പോള്‍ വി.എസിന്റെ ഈ മഹാമൌനം

Tuesday, September 07, 2010

ലോട്ടറി വിവാദത്തില്‍ കേള്‍ക്കാതെ പോയത്

അന്യസംസ്ഥാന ലോട്ടറികള്‍ക്ക് അനുകൂലമായ നിലപാടാണ്‌ മന്ത്രി തോമസ് ഐസക്കിന്റെ നിയന്ത്രണത്തിലുള്ള വാണിജ്യ നികുതി വകുപ്പില്‍ സംഭവിക്കുന്നതെന്ന അതിശക്തമായ ആരോപണങ്ങളാണ്‌ ഏതാണ്ട് ഒരുമാസമായി മനോരമ ദിനപ്പത്രം ആരോപിക്കുന്നത്. അന്യസംസ്ഥാന ലോട്ടറികള്‍ നിയന്ത്രിക്കാനുള്ള പൂര്‍ണ്ണാധികാരം സംസ്ഥാനത്തിനുണ്ട് എന്ന ആരോപണവും ഇതോടൊപ്പം യു.ഡിഎഫ് ഉന്നയിക്കുന്നുണ്ട്. എന്നാല്‍ അങ്ങനെ ഒന്നില്ല എന്നും കേന്ദ്ര നിയമപ്രകാരം അതിനുള്ള അവകാശം സംസ്ഥാന സര്‍ക്കാരിനില്ല എന്ന് ധനമന്ത്രി ആണയിടുന്നു. എന്നാല്‍ അദ്ദേഹത്തെ മുഖവിലക്കെടുക്കാന്‍ ആരോപണമുന്നയിക്കുന്നവര്‍ തയ്യാറാല്ല. അവര്‍ ദിനം പ്രതി പുതിയ ആരോപണങ്ങളുമായി രംഗപ്രവേശനം ചെയ്യുന്നു.

കേന്ദ്രനിയമം ലംഘിച്ച് പ്രവര്‍ത്തിക്കുന്ന ലോട്ടറികളേ തടയാന്‍ സംസ്ഥാന സര്‍ക്കാര്‍ നടപടി എടുക്കുന്നില്ല എന്ന് ആരോപിക്കുന്ന യു.ഡിഎഫ് നേതാക്കള്‍ പക്ഷെ കേന്ദ്ര ആഭ്യന്തര മന്ത്രിയുടെ ശ്രദ്ധയില്‍ ഈ വിഷയം കൊണ്ടുവരാന്‍ ശ്രമിക്കുന്നില്ല എന്നതാണ്‌ ഇതിലെ രസകരമായ വശം. കേന്ദ്ര നിയമം ലംഘിച്ച് പ്രവര്‍ത്തിക്കുന്ന പാപ്പിനശേരി കണ്ടല്‍ പാര്‍ക്കിനെതിരെ ജയറാം രമേശിനെ കണ്ട് നേരിട്ട് പരാതി നല്‍കി പൂട്ടിച്ച കെ.സുധാകരന്‍ എംപിയുടെ മാതൃക ലോട്ടറി വിഷയത്തില്‍ എന്തുകൊണ്ട് യു.ഡിഎഫ് നേതൃത്വവും എംപിമാരും പിന്‍തുടരുന്നില്ല എന്നത് തികച്ചും ദുരൂഹമാണ്‌. കേരളത്തിന്‌ കേന്ദ്രഗവണ്‍മെന്റ് അവാര്‍ഡുകള്‍ നല്‍കുന്നത് നിര്‍ത്തണമെന്ന് പറഞ്ഞ് സോണിയ ഗാന്ധിയെ കാണാന്‍ എംപി മാരെ നയിച്ച കേന്ദ്ര മന്ത്രി വയലാര്‍ രവിക്കോ പ്രതിരോധ മന്ത്രി എ,കെ ആന്റണിക്കോ ആഭ്യന്തര മന്ത്രി ചിദംബരത്തിന്റെ ശ്രദ്ധയില്‍ ലോട്ടറി വിഷയം ഉന്നയിക്കാന്‍ താല്പ്പര്യമില്ല. കേന്ദ്ര നിയമലംഘനം നടത്തിയ സംസ്ഥാന സര്‍ക്കാരിനെ മൊത്തത്തില്‍ പൂട്ടാന്‍ കിട്ടിയ സുവര്‍ണ്ണാവസരം എന്തുകൊണ്ട് കോണ്ഗ്രസ് ഉപയോഗിക്കുന്നില്ല എന്നത് ഇനിയും ദുരൂഹമാണ്‌. എല്ലാ കേസും സി.ബിഐ അന്വേഷിക്കണമെന്ന് പറയുന്ന കോണ്ഗ്രസ് നേതാക്കള്‍ ഇതില്‍ സി.ബിഐ അന്വേഷണം വേണ്ട ജുഡിഷ്യല്‍ അന്വേഷണം മതി എന്ന് വരെ പറയുന്നു. അനേഷണം പ്രഖ്യാപിച്ചാല്‍ തോമസ് ഐസക്കിനെതിരെ തെളിവ് നല്‍കാമെന്ന് ഇന്ന് ആര്യാടന്‍ മുഹമ്മദ് പറഞ്ഞു. അപ്പോള്‍ ഈ തെളിവുകളും മനോരമ റിപ്പോര്‍ട്ടുകളും ചിദമ്പരത്തിന്റെ ശ്രദ്ധയില്‍ പെടുത്തിയാല്‍ തീരാവുന്ന പ്രശ്നമേ ഉള്ളൂ.

ഇനി മറുപക്ഷത്താണെങ്കില്‍ വി.എസ് ഉം കണ്ണൂര്‍ലോബിയും ഐസക്കിനെതിരെ ഒറ്റക്കെട്ടാണത്രെ .ദേശാഭിമാനിക്ക് വേണ്ടി രണ്ട് കോടി ബോണ്ട് വാങ്ങിയ കണ്ണൂര്‍ ലോബി പ്രമുഖന്‍ ഇ പി ജയരാജനെപ്പറ്റി ആരും ഒന്നും മിണ്ടുന്നില്ല. വാര്‍ത്തകളൊക്കെ കണ്ടാല്‍ ഐസക്കാണ്‌ രണ്ട് കോടി വാങ്ങിയതെന്ന് തോന്നും. പിണറായി വിജയന്‍ ചില പ്രസംഗങ്ങളില്‍ നടത്തുന്ന പരാമര്‍ശങ്ങളൊഴിച്ചാല്‍ സി.പി.എം നേതൃത്വത്തില്‍ ഇരുപക്ഷ നേതാക്കളും മൌനത്തിലാണ്‌. മൌനത്തിലുള്ളവരെ മഹത്വീകരിച്ചും ഐസക്കിനെ പുകമറിയില്‍ നിര്‍ത്തിയും തുടരുന്ന ഈ മാധ്യമ വേട്ട തുടരുന്ന സാഹചര്യത്തില്‍ തോമസ് ഐസക്ക് കലാകൌമുദിക്കും http://malayal.am നും നല്‍കിയ ഈ അഭിമുഖം പ്രസക്തമാണ്‌. ലോട്ടറി വിവാദത്തില്‍ ഐസക്കിന്‌ പറയാനുള്ളത് വായ്ക്കുക

Thursday, August 26, 2010

റബ്ബര്‍ റബ്ബര്‍ സര്‍വ്വത്ര!

മലയാള മനോരമയുടെ അന്തരിച്ച ചീഫ് എഡിറ്റര്‍ മത്തുക്കുട്ടിച്ചായന്‍ ജീവിതത്തില്‍ എറ്റവും കൂടുതല്‍ സന്തോഷം നല്‍കിയ കാര്യമായി കരുതുന്നത് ദേശാഭിമാനി കോട്ടയം എഡിഷന്‍ ഉല്‍ഘാടനത്തിന്‌ ഇ.എം.എസിന്‌ നല്‍കിയ മറുപടിയായിരുന്നു എന്ന് മനോരമ എഡിറ്റര്‍ തോമസ് ജേക്കബ് കെ.എം മാത്യു അനുസ്മരണ ലേഖനത്തില്‍ വെളിപ്പെടുത്തുകയുണ്ടായി. ആ മറുപടിയിലെ പ്രധാനപ്പെട്ട ഒന്നായിരുന്നു റബ്ബര്‍ പത്രം എന്ന വിമര്‍ശനത്തിന്‌ മാത്തുക്കുട്ടിച്ചായന്‍ പറഞ്ഞ മറുപടി അതിങ്ങനെ

റബര്‍ പത്രം എന്നു വിളിക്കപ്പെടുന്നതില്‍ ഞങ്ങള്‍ അഭിമാനംകൊള്ളുന്നു. ഇന്നു കേരളത്തിന്റെ സമ്പദ്വ്യവസ്ഥയെ താങ്ങിനിര്‍ത്തുന്ന റബര്‍ കൃഷി ഇവിടെ ആരംഭിക്കാന്‍ മനോരമ എത്രയോ ആയിരം കോളങ്ങളാണു ചെലവാക്കിയിട്ടുള്ളത്. ഭാവിയുടെ മരം ഇതാണെന്നും ഇതു കൃഷിചെയ്യണമെന്നും മനോരമ തുടര്‍ച്ചയായി മുഖപ്രസംഗം എഴുതി.

എന്നല്‍ റബ്ബറിന്റെ ഇറക്കുമതി ചുങ്കം 20% നിന്ന് 7.5 % ആക്കിയത് മനോരമക്ക് വാര്‍ത്തയെ ആയിരുന്നില്ല. അതിനെപ്പറ്റി malayal.am ഇല്‍ എഴുതിയത് ഇവിടെ വായിക്കു

കാളിദാസനെതിരെ സൈബര്‍ ക്വട്ടേഷന്‍

ഇന്ന് രാവിലെ എന്റെ ഒരു പോസ്റ്റില്‍ വന്ന കമന്റില്‍ നിന്നാണ്‌ ബ്ലോഗര്‍ കാളിദാസനെതിരെ ഉണ്ടാക്കിയിരിക്കുന്ന ക്വട്ടേഷന്‍ ബ്ലോഗിന്റെ ലിങ്ക് കിട്ടുന്നത്. കാളിദാസനെ തെറി അഭിഷേകം നടത്താനും വ്യക്തിപരമായി അപമാനിക്കാനുമുള്ള പ്രകടമായ ശ്രമമാണിത്. ആശയങ്ങളേ ആശയങ്ങള്‍ കൊണ്ട് നേരിടാന്‍ കഴിയാത്തവര്‍ ഈ രീതിയില്‍ പ്രവര്‍ത്തിക്കുന്നത് തികച്ചും അപലപനീയമായ ഒരു സംഗതിയാണ്‌. ഇത് ചൂണ്ടിക്കാട്ടി അവിടെ കമന്റിട്ട പ്രചാരകന്‍ എന്ന ബ്ലോഗറോട് പ്രസ്തുത ബ്ലോഗിന്റെ ഉടമ ഇങ്ങനെ ഒരു കമന്റിട്ടു

പ്രചാരകാ
കാളിദാസൻ എന്ന വ്യാജ നാമത്തിൽ മുസ്ലീംകളെ വിമർശിച്ച് കൊണ്ടും നബിയുടെ ഫോട്ടൊയാണെന്ന് പറഞ്ഞ് ഏതോ ഫോട്ടൊ കൊടുത്തും ബ്ലോഗെഴുതുന്നത് ശ്രദ്ധിച്ചുകാണുമെന്ന് കരുതുന്നു അവനുമായി മാന്യമായ സംവാദം നടത്തിയവരെയെല്ലാം അവൻ കളിയാക്കി ഓടിക്കുകയാണ് ചെയ്യുന്നത് അതിനാലാണ് ഇത്തരമൊരു രീതി സ്വീകരിച്ചത് മഹാനായ നെബിയെയും മുസ്ലീകളേയും മോശമായി ചിത്രീകരിക്കുന്നത് ഒരു വിശ്വാസി എങ്ങിനെ കണ്ടു നിൽക്കും ? താങ്കൾ കാളിദാസൻ എന്ന ഈ വ്യാജനെ കാണിച്ചു തന്നാൽ ഈ ബ്ലൊഗ് ഡിലീറ്റ് ചെയ്യുന്നതായിരിക്കും.

ഈ ബ്ലോഗിന്റെ ഉടമ faslifas നോട് എനിക്ക് പറയാനുള്ളത് ഇതാണ്‌. ആശയപരമായി ഉള്ള എതിര്‍പ്പികളേ ആശയപരമായി നേരിടുക. ഇല്ലെങ്കില്‍ മറ്റ് പലരും ചെയ്യുന്നത് പോലെ സ്വന്തമായി ഒരു ബ്ലോഗ് തുടങ്ങി മറുപടി എഴുതുക. പിന്നെ മതവികാരം വൃണപ്പെട്ടെങ്കില്‍ കാളിദാസന്‌ അര്‍ഹമായ ശിക്ഷ ലഭിക്കുവാന്‍ ദൈവത്തോട് പ്രാര്‍ത്ഥിക്കുക. അല്ലാതെ ദൈവത്തെ സംരക്ഷീക്കേണ്ടത് ഒരു വിശ്വാസിയുടെ കടമയല്ല. ദൈവത്തെ അത്രക്ക് ചെറുതായി കാണരുത്

പിന്നെ ഇന്ത്യയിലെ സൈബര്‍ നിയമം എന്നത് എങ്ങനെ ഉള്ളതാണ്‌ എന്ന കാര്യം ഞാന്‍ പ്രത്യേകം ഓര്‍മ്മിപ്പിക്കേണ്ടതില്ലല്ലോ. അത് പ്രകാരം നടപികളുമായി ആരെങ്കിലും ഇറങ്ങിയാല്‍ അത് നിങ്ങള്‍ക്ക് മാത്രമല്ല സമുദായത്തിനും നല്ലതായി ഭവിക്കില്ല എന്ന് ഓര്‍മ്മിപ്പിക്കട്ടെ

ഈ ബ്ലോഗിന്റെ ലിങ്ക് ഞാന്‍ നല്‍കാത്തത് മനപ്പൂര്‍വ്വമാണ്‌. അത് കണ്ടെത്തുക ബ്ലോഗേഷ്സിന്‌ ബുദ്ധിമുട്ടാകില്ല എന്ന് കരുതുന്നു.






Wednesday, August 18, 2010

മദനി റിയാലിറ്റി ഷോ

അബ്ദുള്‍ നാസര്‍ മദനിയെ ബാഗ്ലൂര്‍ സ്പോടനക്കേസില്‍ അറ്സ്റ്റുചെയ്യുമോ ഇല്ലയോ എന്ന ആശങ്ക അവസാനിപ്പിച്ചുകൊണ്ട് ഇന്നലെ അറസ്റ്റ് ഉണ്ടായിരിക്കുന്നു. മൂന്നാലു ദിവസമായി അന്‍വാറശ്ശേരിയിലുംപരിസരങ്ങളിലും കുറ്റി അടിച്ച് കിടന്നിരുന്ന മാധ്യമ സിംഹങ്ങള്‍ക്ക് ഇനി വിശ്രമിക്കാം. കുറെ ദിവസമായി ഇപ്പോള്‍ അറസ്റ്റ് ചെയ്യും ഇല്ല അറസ്റ്റിന്നുണ്ടാകില്ല അല്ല കുറച്ച് സമയത്തിനുള്ളില്‍ അല്ല ആശയക്കുഴപ്പം രൂക്ഷം എന്നിങ്ങനെ റണ്ണിങ്ങ് കമന്ററി നടത്തിപ്പോന്ന മാധ്യമപ്രവര്‍ത്തകര്‍ക്ക് ഇന്നലെ ഒരു ഓപ്പറേഷന്‍ വിജയിച്ചതിലുള്ള ആഹ്ലാദം കാണാമായിരുന്നു. എന്തായാലും മദനി അങ്ങനെ ജയിലിലായി.

കഴിഞ്ഞ ലോക്സഭ തിരഞ്ഞെടുപ്പിന്‌ മുന്‍പ് വരെ മദനി എന്ന ബ്രാന്റ് ഒരു മനുഷ്യാവകാശ ലംഘനത്തിന്റെതായിരുന്നു. 9 വര്‍ഷത്തോളം ചെയ്യാത്ത തെറ്റിന്‌ ജയിലില്‍ കിടന്ന് മരണത്തോട് മല്ലിട്ട മദനി. ഈ മദനിക്കായി കണ്ണീരൊഴുക്കിയ മാധ്യമങ്ങളെല്ലാം ഒറ്റയടിക്ക് മദനിയെ ജയിലില്‍ അടക്കാന്‍ ഒന്നിക്കുന്ന അഭൂതപൂര്‍വ്വമായ കാഴ്ചയാണ്‌ കഴിഞ്ഞ രണ്ടാഴ്ചയയി കേരളം കണ്ടുകൊണ്ടിരിക്കുന്നത്

ഈ കേസ് കെട്ടിച്ചമച്ചതാണെന്നും ബാഗ്ലൂര്‍ പോലീസ് ഉന്നയിച്ചിരിക്കുന്ന പല ആരോപണങ്ങളും അടിസ്ഥാന രഹിതമാണെന്നും പല സാക്ഷിമൊഴികളും വ്യാജമാണെന്നുമൊക്കെയുള്ള മദനിയുടെ വാദങ്ങളെ ഒന്നും മുഖവിലക്കെടുക്കാന്‍ ഒരു അന്വേഷാത്മക മാധ്യമ പ്രവര്‍ത്തകനും ഇതുവരെ തയ്യാറായിട്ടില്ല. ഏതെങ്കിലും ചാനല്‍ ചര്‍ച്ചയില്‍ മദനിയോ അദ്ദേഹത്തിന്റെ മണ്ടന്‍ കൂട്ടാളികളായ സിറാജോ ഗഫൂറോ ഈ വാദങ്ങള്‍ ഉന്നയിച്ചു തുടങ്ങിയാല്‍ ഉടന്‍ അവതാരകന്റെ മില്യ്യണ്‍ ഡോളര്‍ ചോദ്യം വരും നിങ്ങള്‍ പറയുന്നു നിങ്ങള്‍ നിയമ വ്യവസ്ഥയെ ബഹുമാനിക്കുന്നു എന്ന് പിന്നെ എന്തിനാണ്‌ ഇങ്ങനെ നാടകം കളിക്കുന്നത്. നിയമം നിയമത്തിന്റെ വഴിക്ക് പോകട്ടേ അതല്ലെ നിയമ വാഴ്കയെ അംഗീകരിക്കുന്ന ആരും ചെയ്യേണ്ടത് ഉടന്‍ തിരിച്ചെത്താം താങ്കളിലേക്ക്.



പോള്‍ വധക്കേസില്‍ കാരി സതീശന്റെത് എന്നാരോപിച്ച് പോലീസ് കൊടുത്ത എസ് കത്തി പണിത കൊല്ലനെ അന്വേഷിച്ച് കണ്ടെത്തിയ ഏഷ്യാനെറ്റോ ലാവ്‌ലിന്‍ കേസില്‍ സാക്ഷി ആകാന്‍ സാധ്യത ഉണ്ട് എന്ന് സംശയിക്കപ്പെടുന്ന ദീപക്ക് കുമാറിന്റെ മൊഴി പ്രസിദ്ധീകരിക്കുന്ന മാതൃഭൂമിയോ ഒന്നും മദനി ഉന്നയിക്കുന്ന ചോദ്യങ്ങളേ കണ്ടില്ല എന്ന് നടിക്കുന്നു.

ഈ വിഷയത്തില്‍ malayalam.am എഴുതിയ ലേഖനം ഒന്നുനില്‍ക്കണേ, ഈ തെളിവുകള്‍ ഒന്നു പരിശോധിച്ചിട്ടു പോണേ..വായിക്കുക

Tuesday, August 10, 2010

മ്അദനിക്ക് നല്ലകാലം വരുന്നു

അബ്ദുള്‍ നാ സര്‍ മ്അ ദ നി­യെ കര്‍ ണ്ണാ ട ക പ്പോ ലീ സ് ബാം ഗ്ലൂര്‍ സ്ഫോ ട ന വു മാ യി ബന്ധ പ്പെ ടു ത്തി പ്ര തി ചേര്‍­ത്ത ത് ന്യൂ ന പ ക്ഷ പീ ഡ ന­ത്തി ന്റെ വകു പ്പില്‍ വരി ല്ല എന്ന പ്ര­കാ ശ് കാ രാ ട്ടി ന്റെ വെ ളി പ്പെ ടു ത്തല്‍ മ്അ ദ നി യു ടെ ദുര്‍ ദ ശ മേല്‍ വീണ അവ സാ ന ത്തെ ആണി യാ ണെ ന്നാ­ണു പല രും കരു തു ന്ന ത്. എന്നാല്‍ ആഴ ത്തി ലു ള്ള രാ ഷ്ട്രീ യ നി രീ ക്ഷ ണം നട ത്തു ന്ന വര്‍ ക്ക് ഇത് മ്അ ദ നി യു ടെ നല്ല കാ ലം തു ട ങ്ങി യ തി ന്റെ സൂ ച ന­യാ യേ കാ ണാ നാ കൂ. അതേ സമ യം, ഈ അനു കൂല സാ ഹ ച ര്യം മ്അ ദ നി എങ്ങ നെ ഉപ യോ ഗി ക്കു ന്നു എന്ന തി­നെ ആശ്ര യി ച്ചി രി ക്കും അദ്ദേ ഹ ത്തി­ന്റെ ഭാ വി

malayal.am വേണ്ടി എഴുതിയ ഈ ബ്ലോഗിന്റെ പൂര്‍ണ്ണ രൂപം ഇവിടെ വായിക്കുക

Tuesday, August 03, 2010

മാത്തുക്കുട്ടിച്ചായനും മനോരമയും പിന്നെ ലാവ്‌ലിനും

മലയാള മനോരമയുടെ ചീഫ് എഡിറ്റര്‍ കെ.എം മാത്യുവിനെപ്പറ്റിയുള്ള അനുസ്മരണക്കുറിപ്പില്‍ (ഞങ്ങള്‍ പഠിച്ച പാഠപുസ്തകം) പത്രത്തിന്റെ എഡിറ്റര്‍ തോമസ് ജേക്കബ് ഇങ്ങനെ എഴുതി

സംസാരത്തിലും പെരുമാറ്റത്തിലും വിനയം ജീവിതത്തിലെ ഏറ്റവും വിലപ്പെട്ട കൈമുതലാക്കിയ മാത്യുവിന്റെ വശ്യമായ ചിരിപോലെ അക്ഷോഭ്യവും സൌമ്യവുമായിരുന്നു നിലപാടുകളും. ആരെയെങ്കിലും എതിര്‍ക്കേണ്ടിവന്നാല്‍, ആരോടെങ്കിലും വേര്‍പിരിയേണ്ടി വന്നാല്‍ അയാളെ വേട്ടയാടി നശിപ്പിക്കാന്‍ ശ്രമിക്കരുതെന്നു വിശ്വസിച്ച മാത്യു ഞങ്ങളോട് എപ്പോഴും പറഞ്ഞു: ''നമ്മുടെ കയ്യിലുള്ള ആയുധം ഉപയോഗിച്ചു മറ്റുള്ളവരെ തേജോവധം ചെയ്യുകയോ മുറിവേല്‍പ്പിക്കുകയോ ചെയ്യരുത്. അതിനു ശ്രമിവച്ചാല്‍ അസാനം നശിക്കുന്നത് അയാളാവില്ല, നമ്മളായിരിക്കും.

ഇതെഴുതുന്നതിന്റെ തലേദിവസം മനോരമ പത്രത്തില്‍ സി.ബി.ഐ ലാവ്‌ലിന്‍ കേസിലെ ദിലീപ് രാഹുലന്റെ മൊഴി അടിസ്ഥാനമാക്കി പല വാര്‍ത്തകള്‍ പ്രസിദ്ധീകരിച്ചു. അതിലെ മുഖ്യവാര്‍ത്തയുടെ തലക്കെട്ട് ഇങ്ങനെയായിരുന്നു.

ലാവ്‌ലിന്‍ കോഴപ്പണം കൈമാറിയ കണ്‍സള്‍റ്റന്‍സിക്ക് കരാര്‍ നല്‍കിയത് പിണറായിയുടെ അറിവോടെ : സി.ബി.ഐ

എന്നാല്‍ അതേ പത്രത്തില്‍ മറ്റൊരു വാര്‍ത്തയില്‍ ഇങ്ങനെയും എഴുതി

വൈദ്യുതി മന്ത്രി എന്നര്‍ഥം വരുന്ന 'വസീര്‍ തോക്കത്ത് എന്ന അറബി വാക്കാണ് ഈ റിപ്പോര്‍ട്ടില്‍ ദുബായ് പൊലീസ് ഉപയോഗിച്ചട്ടുള്ളത്. എന്നാല്‍ അറബിയിലുള്ള റിപ്പോര്‍ട്ട് സിബിഐ ഇംഗീഷിലേക്കു തര്‍ജമ ചെയ്തപ്പോള്‍ ഒരിടത്ത് 'ഊര്‍ജ സെക്രട്ടറിയെന്നും മറ്റൊരിടത്ത് 'ഊര്‍ജ മന്ത്രി യെന്നും ഉപയോഗിച്ചതിന്റെ ആശയക്കുഴപ്പം സിബിഐ പ്രത്യേക കോടതിയില്‍ സമര്‍പ്പിച്ച റിപ്പോര്‍ട്ടില്‍ നിലനില്‍ക്കുന്നുണ്ട്. സിബിഐ ചെന്നൈ യൂണിറ്റിലെ ഡപ്യൂട്ടി സൂപ്രണ്ട് വി. അശോക് കുമാറാണു പ്രത്യേക കോടതി ജഡ്ജി കെ.പി. ജ്യോതീന്ദ്രനാഥ് മുന്‍പാകെ റിപ്പോര്‍ട്ട് സമര്‍പ്പിച്ചത്. കേസ് നവംബര്‍ 10 നു പരിഗണിക്കും.

അപ്പോള്‍ വാര്‍ത്തയില്‍ തന്നെ അതിനുള്ള ആശയക്കുഴപ്പം ഉണ്ട്. എന്നാല്‍ ഒന്നാം പെജിലെ തലക്കെട്ടിലൂടെ മനോരമ പറയാന്‍ ശ്രമിച്ചത് എന്താണ്‌? ടെക്നിക്കാലിയ എന്നത് കോഴപ്പണം കടത്താനുള്ള സ്ഥാപനമായിരുന്നു. ഇത് പിണറായിക്ക് അറിയാമായിരുന്നു. അപ്പോള്‍ ടെക്നിക്കാലിയ ലാവ്‌ലിന്‍ കേസിലെ ഗ്രാന്റ് വെട്ടിക്കാന്‍ കൂട്ട് നിന്ന ഒരു സ്ഥാപനമാണ്‌. ഇത് സിബിഐക്ക് നേരത്തെ അറിയാം. ടെക്നിക്കാലിയായെ പണി ഏല്‍പ്പിച്ചത് ഉദ്യോഗസ്ഥന്‍മാരാണ്‌ എന്നാണ്‌ പിണറായി സി.ബി.ഐയോട് പറഞ്ഞിരിക്കുന്നത്. ഇത് കളവാണ്‌

പക്ഷെ അത്ഭുതകരമായ ഒരു സംഭവം സി.ബി.ഐ സമര്‍പ്പിച്ച കുറ്റപത്രത്തില്‍ ടെക്നിക്കാലിയ എന്ന സ്ഥാപനമോ അതിന്റെ പ്രതിനിധികളോ ആരും പ്രതിയായില്ല. മാത്രവുമല്ല പിണറായി വിജയന്റെ കാലത്തും ശര്‍മ്മയുടെ കാലത്തും എന്തിന്‌ കടവൂര്‍ ശിവദാസന്റെ കാലത്തും ടെക്നിക്കാലിയ വഴി ലാവ്‌ലിന്‍ ക്യാന്‍സര്‍ സെന്ററിന്റെ പണികള്‍ നടത്തിയിട്ടുണ്ട്. ടെക്നിക്കാലിയ എന്ന സ്ഥാപനത്തെ കോഴപ്പണം കടത്തനുള്ള കണ്‍സല്‍റ്റസിയാണ്‌ എന്ന് മനോരമ യാതോരു തെളിവുമില്ലാതെ പ്രഖ്യാപിച്ചു കഴിഞ്ഞു. കോഴപ്പണം കടത്താനുള്ള കമ്പനിയെ തിരഞ്ഞെടുത്തതിനെപ്പറ്റി അറിവുള്ള പിണറായി വിജയന്‍ ഉറപ്പായും കോഴപ്പണം പറ്റിയിട്ടുണ്ടാകാം എന്ന് വായനക്കാരെ തെറ്റിദ്ധരിപ്പിക്കുക്കുകയും ചെയ്യുന്നു.പിണറായി വിജയന്‍ പണം പറ്റിയതിന്‌ തെളിവുകളില്ല എന്ന് കഴിഞ്ഞ തവണത്തെ അന്വേഷണ പുരോഗതി റിപ്പോര്‍ട്ട് പിണറായി വിജയനും കൂട്ടരും നന്നായി ഉപയോഗിച്ചിരുന്നു. എന്നാല്‍ ആ മൈലേജ് തകര്‍ത്ത് വീണ്ടും സംശത്തിന്റെ മുള്‍മുന വീണ്ടും നിലനിര്‍ത്താനും പറ്റിയ പുതിയ ഒരു സംഞ്ജ മനോരമ സൃഷിട്ടിച്ചു. അതാണ്‌ ലാവ്ലിന്‍ ഇടപാടില്‍ കോഴപ്പണം കൈമാറിയ കണ്‍സള്‍റ്റന്‍സി

ഈ വാര്‍ത്തയെപ്പറ്റിയുള്ള പിണറായി വിജയന്റെ പ്രതികരണം മനോരമ ഇന്നലെ പ്രസിദ്ധീകരിച്ചത് ഇങ്ങനെ

ആലുവ: ലാവ്ലിന്‍ കേസുമായി ബന്ധപ്പെട്ട കാര്യങ്ങള്‍ മാധ്യമങ്ങളുമായി ചര്‍ച്ച ചെയ്യാന്‍ ആഗ്രഹിക്കുന്നില്ലെന്നു സിപിഎം സംസ്ഥാന സെക്രട്ടറി പിണറായി വിജയന്‍. ലാവ്ലിന്‍ ഇടപാടില്‍ കോഴപ്പണം കൈമാറിയ കണ്‍സള്‍റ്റന്‍സിക്കു കരാര്‍ നല്‍കിയതു സംബന്ധിച്ചു മാധ്യമ പ്രവര്‍ത്തകരുടെ ചോദ്യങ്ങളോടു പ്രതികരിക്കുകയായിരുന്നു അദ്ദേഹം.


എത്രപെട്ടെന്നാണ്‌ ടെക്നിക്കാലിയ കോഴപ്പണം കൈമാറിയ കമ്പനിയായി രൂപപ്പെട്ടത്? അപ്പോള്‍ മലബാര്‍ ക്യാന്‍സര്‍ സെന്റര്‍ പണികഴിപ്പിച്ച തുക കോഴപ്പണമാണ്‌ എന്നാണ്‌ മനോരമ പ്രഖ്യാപിക്കുന്നത്.ഇത് ആദ്യമല്ല മനോരമ ലാവ്‌ലിന്‍ കേസില്‍ നുണ പ്രസിദ്ധീകരിക്കുന്നത്.
വരദാചാരിയുടെ തല പരിശോധിക്കണമെന്ന് ലാവ്‌ലിന്‍ ഫയലില്‍ പിണറായി വിജയന്‍ എഴുതി എന്ന നുണക്കഥ സൃഷ്ടിച്ചതും ഇതേ മനോരമയാണ്‌.ഇതുപോലെ മറ്റൊരു നുണയും മനോരമ കുറ്റപത്രം സമര്‍പ്പിക്കപ്പെട്ട വേളയില്‍ ഇറക്കിയിരുന്നു.ലാവ്‌ലിന്‍ കേസില്‍ കുറ്റപത്രം സമര്‍പ്പിക്കപ്പെട്ട കാലത്ത് ക്രിത്യമായി പറഞ്ഞാല്‍ ജൂണ്‍ 10 2009 ഇല്‍ മനോരമ ഇങ്ങനെ ഒരു വാര്‍ത്ത എഴുതി

സിംഗപ്പൂര്‍ ഗൂഢാലോചനയില്‍ പിണറായി പങ്കെടുത്തെന്ന്

കൊച്ചി: സംസ്ഥാന സര്‍ക്കാരിന് 86 കോടി രൂപ നഷ്ടപ്പെടുത്തിയ ലാവ്ലിന്‍ ഇടപാടിനു മുന്നോടിയായി സിംഗപ്പൂരില്‍ നടന്ന ഗൂഢാലോചനയിലും അന്നു സംസ്ഥാന മന്ത്രിയായിരുന്ന പിണറായി വിജയന്‍ പങ്കെടുത്തതിന്റെ തെളിവുകള്‍ സിബിഐ ശേഖരിച്ചതായി അറിയുന്നു. പാര്‍ട്ടിയില്‍ ഏറെ കോളിളക്കമുണ്ടാക്കിയ ഇ.ബാലാനന്ദന്‍ റിപ്പോര്‍ട്ടില്‍ 159 കോടി രൂപയുടെ ക്രമക്കേടു നടന്നതായി ചൂണ്ടിക്കാട്ടിയ ലാവ്ലിന്‍ ഇടപാടിന്റെ യഥാര്‍ഥ ഗൂഢാലോചന നടന്നതു സിംഗപ്പൂരിലാണെന്നാണു സിബിഐയുടെ നിഗമനം. വൈദ്യുതി വകുപ്പിലെ ഉന്നത ഉദ്യോഗസ്ഥരോ മറ്റു സിപിഎം നേതാക്കളോ അന്നു പിണറായി വിജയനോടൊപ്പം സിംഗപ്പൂരില്‍ എത്തിയിരുന്നില്ല. സംസ്ഥാന മന്ത്രിയായിരിക്കെ 1996 അവസാനം പിണറായി വിജയന്‍ നടത്തിയ സിംഗപ്പൂര്‍ യാത്രയുടെ ചെലവു വഹിച്ചത് ആരാണെന്നു കണ്ടെത്താന്‍ സിബിഐ ശ്രമം നടത്തുന്നുണ്ട്. സംസ്ഥാന സര്‍ക്കാരോ, പാര്‍ട്ടിയോ അല്ല ഈ യാത്രയുടെ ചെലവു വഹിച്ചതെന്നാണ് അറിയാന്‍ കഴിയുന്നത്. സിബിഐയുടെ ചോദ്യം ചെയ്യലില്‍ സിംഗപ്പൂര്‍ യാത്രയെക്കുറിച്ചുള്ള ചോദ്യങ്ങള്‍ക്കു പരസ്പര വിരുദ്ധമായ മൊഴികളാണു പിണറായി വിജയന്‍ നല്‍കിയത്. സിംഗപ്പൂരില്‍ പിണറായിയോടൊപ്പം ചര്‍ച്ചയില്‍ പങ്കെടുത്തത് ആരെല്ലാമാണെന്ന നിര്‍ണായക വിവരം വിചാരണയ്ക്കിടയില്‍ പുറത്തുവരുമെന്നാണു സിബിഐയുടെ പ്രതീക്ഷ. മലബാര്‍ കാന്‍സര്‍ സെന്ററിനു നല്‍കാമെന്നേറ്റ 98 കോടി രൂപയില്‍ എസ്എന്‍സി ലാവ്ലിന്‍ നല്‍കിയ 12 കോടി രൂപ കാന്‍സര്‍ സെന്ററിന്റെ അക്കൌണ്ടില്‍ എത്തിയിട്ടില്ല. ഈ തുക കൈമാറാന്‍ കാന്‍സര്‍ സെന്റര്‍ തുറന്ന അക്കൌണ്ടില്‍ 300 രൂപമാത്രമാണു നിക്ഷേപിക്കപ്പെട്ടത്. ലാവ്ലിന്‍ കമ്പനി നല്‍കിയ 12 കോടി രൂപയ്ക്ക് എന്താണു സംഭവിച്ചതെന്ന സിബിഐയുടെ ചോദ്യത്തിനും വ്യക്തമായ ഉത്തരം നല്‍കാന്‍ പിണറായി വിജയനു കഴിഞ്ഞിട്ടില്ല. എന്നാല്‍ ഉത്തരേന്ത്യയിലെ ബാങ്കിലേക്ക് ഈ തുകമാറ്റിയതായി സൂചനയുണ്ട്. ആര്‍ക്കുവേണ്ടി, എന്തിനു വേണ്ടി ഈ തുക വിനിയോഗിച്ചുവെന്ന കാതലായ ചോദ്യം കേസിന്റെ വിചാരണയില്‍ ഉയരും. 1997 ഫെബ്രുവരി 10 നു കാനഡയില്‍ പിണറായി വിജയന്‍ ലാവ്ലിന്‍ കമ്പനിയുമായി കരാറില്‍ ഒപ്പിടുമ്പോള്‍ സിപിഎമ്മിലെ സമുന്നതനായ ഒരു നേതാവിന്റെ മക്കള്‍ കാനഡയിലുണ്ടായിരുന്നതായും സിബിഐക്കു സൂചന കിട്ടിയിട്ടുണ്ട്.


വാര്‍ത്ത തെറ്റായി റിപ്പോര്‍ട്ട് ചെയ്യപ്പെടാം എന്നാല്‍ ക്രിത്യമായി പ്ലാന്‍ ചെയ്ത് നുണ ഉല്‍പ്പാദിപ്പിക്കാന്‍ മനോരമയുടെ വൈഭവം ലാവ്‌ലിന്‍ കേസില്‍ ദിനംപ്രതി പുറത്തുവരുന്നു. വീണ്ടും തോമസ് ജേക്കബിന്റെ ലേഖനത്തിലേക്ക് വന്നാല്‍.

മനോരമയുടെ മുഖപ്രസംഗങ്ങള്‍ പലപ്പോഴും മൃദുവും സൌമ്യവുമായി മാറിയത് പത്രാധിപരുടെ ഈ കടുത്ത സംയമനം മൂലമായിരുന്നു.വിദേശത്തു പോലും ബ്രാഞ്ചുകളുണ്ടായിരുന്ന ട്രാവന്‍കൂര്‍ നാഷനല്‍ ക്വയിലോണ്‍ ബാങ്ക് തകര്‍ത്ത്, മനോരമ പൂട്ടി മുദ്രവയ്ക്കുകയും പത്രാധിപര്‍ മാമ്മന്‍ മാപ്പിളയെ തടവിലിടുകയും ചെയ്ത ദിവാന്‍ സി. പി. രാമസ്വാമി അയ്യര്‍ 1966 ല്‍ നിര്യാതനായപ്പോള്‍ അദ്ദേഹത്തെക്കുറിച്ചുള്ള ഏറ്റവും നല്ല മുഖപ്രസംഗം മനോരമയുടേതായിരുന്നുവെന്നത് മാത്യുവിന്റെ ഈ നിലപാടിന് അടിവരയിടുന്നു. അതിനു മാത്യുവിനു പ്രചോദനമായത് അന്നു മനോരമയുടെ മുഖ്യപത്രാധിപരായിരുന്ന കെ.എം.ചെറിയാന്റെ നല്ല മനസ്സും. തങ്ങളുടെ കുടുംബത്തെ പകയോടെ മണ്ണോടുചേര്‍ത്തു കഷ്ടങ്ങളിലേക്കമര്‍ത്തിയ സിപിയോടു കുലീനമായ ആദരം പ്രകടിപ്പിച്ചു മധുരപ്രതികാരം തീര്‍ത്തതുപോലെ...

ഇത് തോമസ് ജേക്കബിനെപ്പോലെ മാത്യു പിണറായി വിജയനോടും പറഞ്ഞിട്ടുണ്ടാകണം അല്ലെങ്കില്‍ സമാനമായ രീതിയില്‍ മാത്യു മരിച്ച് കിടക്കുമ്പോള്‍ പിണറായി വിജയന്‍ ദേശാഭിമാനിയുടെ എഡിറ്റ് പേജില്‍ ഇങ്ങനെ ഒന്ന് എഴുതുമായിരുന്നില്ല.

Monday, August 02, 2010

വി.എസ് അങ്ങനെ പറയില്ല പക്ഷെ പിണറായി പറയും ഉറപ്പ്

വി.എസ് അച്ചുതാനന്ദന്‍ പോപ്പുലര്‍ ഫ്രണ്ടിന്റെ അജണ്ടയായി അവതരിപ്പിക്കപ്പെട്ട 20 വര്‍ഷം കൊണ്ട് ഇസ്ലാമിക രാഷ്ട്ര നിര്‍മ്മാണത്തെപ്പറ്റി പല കോണുകളില്‍ നിന്നും പലതരത്തിലുള്ള അഭിപ്രായങ്ങള്‍ വന്നു. യു.ഡി.എഫ് ഒന്നടങ്കം വി.എസിണ്‌ എതിരെ എത്തി ഒപ്പം മുസ്ലിം സംഘടനകളും . സംഘപരിവാരുകാര്‍ക്കും മറ്റും ഈ പ്രസ്താവന ആവേശം പകരുകയും ചെയ്തു. സി.പി.എമില്‍ നിന്ന് പതിവിന്‌ വ്യത്യസ്ഥമായി വി.എസിന്‌ ഈ വിഷയത്തില്‍ പിന്‍തുണ കിട്ടുകയും ചെയ്തു. പിണറായി വിജയന്‍ പോലും ശക്തമായ പിന്‍തുണയാണ്‌ വി.എസിന്‌ കിട്ടിയത്. അതോടെ സി.പി.എമിന്റെ മൃദു ഹിന്ദുത്വ അജണ്ടയാണ്‌ ഇതെന്ന് പൊതുവില്‍ വ്യാഖ്യാനിക്കപ്പെട്ടു.

വി.എസിന്റെ ഈ പ്രസ്താവന അദ്ദേഹത്തിന്റെ കടുത്ത ഫാന്‍സില്‍ ആശങ്കയുണ്ടാക്കി. പണ്ട് വി.എസ് മലപ്പുറത്തെ കുട്ടികളുടെ വിജയ ശതമാനത്തില്‍ ആക്ഷേപം ഉന്നയിച്ചത് ഈ അവസരത്തില്‍ കൂട്ടി വായിക്കപ്പെട്ടതും അവരെ അങ്കലാപ്പിലാക്കി. ജമായത്ത് ഇസ്ലാമിയുടെ പ്രയങ്കരനായ വി.എസ് പക്ഷ സാംസ്ക്കാരിക പരിസ്ഥിതി പ്രവര്‍ത്തകന്‍ സി.ആര്‍ നീലകണ്ഠനെ അത് പ്രകോപിപ്പിച്ചു. അദ്ദേഹം എന്തായാലും മംഗളം പത്രത്തില്‍ വി.എസിന്റെ പ്രതാവനയെ മയപ്പെടുത്താന്‍ അവതരിച്ചു. പ്രസ്താവന ചുമ്മാ മയപ്പെടുത്താന്‍ കഴിയില്ല അപ്പോള്‍ എങ്ങനെയെങ്കിലും അത് പിണറായി വിജയന്റെ തലയില്‍ കെട്ടി വയ്ക്കണം അങ്ങനെ വി,എസിന്റെ നിഷ്കളങ്കത മാലോകരെ അറിയിക്കണം. അതിവിടെ വായിച്ച് ആഹ്ലാദിക്കാന്‍ ചുവടെ ചേര്‍ക്കുന്നു
കടപ്പാട് മംഗളം ദിനപ്പത്രം

നേര്‍വാക്ക്‌: 'ഹൃദയങ്ങള്‍ ആയുധപ്പുരകളാക്കരുത്‌ '
ഇക്കഴിഞ്ഞ ഒരുദിവസം പതിവുപോലെ മൊബൈല്‍ ഫോണില്‍ ഉറക്കെ സംസാരിച്ചുകൊണ്ട്‌ (അല്‍പം തര്‍ക്കിച്ചുകൊണ്ട്‌) വീട്ടിലേക്കു കയറുകയായിരുന്നു. മൂവാറ്റുപുഴയില്‍ അധ്യാപകനു നേരെയുണ്ടായ ഹീനമായ ആക്രമണത്തെ മതത്തിന്റേയോ ന്യൂനപക്ഷാവകാശങ്ങളുടേയോ മറപിടിച്ചു ന്യായീകരിക്കുന്നതു തെറ്റാണെന്നും അതിനു പിന്നില്‍ സമൂഹത്തെ നെടുകെ വിഭജിക്കാനുള്ള വലിയൊരു ഗൂഢാലോചനയുണ്ടെന്നും ഇതിനുത്തരവാദികളായ മുഴുവന്‍ പേരെയും കണ്ടെത്തി കര്‍ശനമായി ശിക്ഷിക്കണമെന്നും ആവേശത്തോടെ സംസാരിച്ചു നിര്‍ത്തിയപ്പോള്‍ തൊട്ടയല്‍വീട്ടിലെ ഒരു 14 വയസുകാരന്‍ കുട്ടി ഏറെ വ്യാകുലതയോടെ എന്നെ നോക്കുന്നുണ്ടായിരുന്നു. അവന്‍ ഇസ്ലാം മതവിശ്വാസിയാണ്‌. നന്നായി പഠിക്കുന്ന, കളിക്കുന്ന കുട്ടിയാണ്‌. ഞങ്ങളുടെ കുടുംബത്തിലെ ഒരംഗം പോലെതന്നെയാണ്‌. ആരും അടുത്തില്ലെന്നുറപ്പു വരുത്തി അവന്‍ എന്നോടു ചോദിച്ചു ''റസൂലിനെപ്പറ്റി മോശമായി എഴുതിയ ഒരാളുടെ കൈ വെട്ടിയതില്‍ തെറ്റുണ്ടോ ചേട്ടാ?'' എന്ന്‌. ഞാന്‍ ആകെ തളര്‍ന്നുപോയി. ഈ കുട്ടിയില്‍നിന്ന്‌ ഇത്തരമൊരു ചോദ്യം വരണമെങ്കില്‍ അവന്റെ വീട്ടില്‍ ഇതുസംബന്ധിച്ച ചര്‍ച്ച നടന്നിരിക്കണമെന്നതാണ്‌ എന്നെ ഭയപ്പെടുത്തിയത്‌. എനിക്കറിയാവുന്ന ഇസ്ലാം മതവിജ്‌ഞാനം വച്ചുകൊണ്ട്‌ ഇതു തെറ്റാണെന്നു ഞാന്‍ അവനു പറഞ്ഞുകൊടുത്തു. തന്നെ വിമര്‍ശിക്കുക മാത്രമല്ല കൊല്ലാന്‍ വന്നവരോടു പോലും ഹിംസ പ്രയോഗിക്കാത്ത പ്രവാചകനായിരുന്നു റസൂലെന്നും മറ്റും ഞാന്‍ വിവരിച്ചു. ''ഒരു രാഷ്‌ട്രീയ നേതാവിനെതിരായും പാര്‍ട്ടിക്കെതിരായും എഴുതുകയും പറയുകയും ചെയ്‌തതിനല്ലേ ഞാന്‍ അടികൊണ്ടത്‌? അതു ശരിയാണെന്നു നീ കരുതുന്നുവോ?'' എന്ന ചോദ്യം അവനെ തോല്‍പിച്ചു. കാരണം എന്നെ വളരെയധികം സ്‌നേഹിച്ചിരുന്ന അവന്‌, എനിക്കു മര്‍ദനമേറ്റെന്നറിഞ്ഞ രാത്രി ഉറങ്ങാനായില്ലെന്നു ഞാനറിഞ്ഞിരുന്നു. പക്ഷേ, ഈ കുട്ടിയെ ആശ്വസിപ്പിച്ചതുകൊണ്ടായില്ല. കേരളത്തിലെ നിരവധി കുട്ടികളുടെയും വലിയവരുടെയും മനസുകളെ (വയലാര്‍ രാമവര്‍മയുടെ ഗാനത്തില്‍ പറയുന്നതുപോലെ) ആയുധപ്പുരകളാക്കുകയാണ്‌ ഏതുതരം വര്‍ഗീയ പ്രവര്‍ത്തനങ്ങളും ചെയ്യുന്ന ദ്രോഹം. വെട്ടിമുറിച്ച കൈപ്പത്തി ഒരുപക്ഷേ കുറെ ഡോക്‌ടര്‍മാര്‍ക്കു തുന്നിച്ചേര്‍ക്കാനായേക്കാം. പക്ഷേ, മുറിവേറ്റ (ആയുധങ്ങള്‍ നിറച്ച) മനസുകളെ എങ്ങനെ തുന്നിച്ചേര്‍ക്കാനാകും?മതം, വര്‍ഗീയത, സ്വത്വം തുടങ്ങിയവ ഏറെ ചര്‍ച്ച ചെയ്യപ്പെടുന്ന ഇക്കാലത്തു വളരെ സൂക്ഷ്‌മതയോടെ മാത്രമേ ഇതു കൈകാര്യം ചെയ്യാനാകൂ. കേവല പാശ്‌ചാത്യ മതേതരത്വം (മതവും രാഷ്‌ട്രീയവും വെള്ളം ചേര്‍ക്കാത്ത അറകളിലാക്കുന്ന രീതി) ഇന്ത്യ പോലൊരു ബഹുമത സമൂഹത്തില്‍ സാധ്യമല്ലെന്നു കണ്ടെത്തിയതു നമ്മുടെ രാഷ്‌ട്രപിതാവായ മഹാത്മജി തന്നെയായിരുന്നു. ഇന്നു മതേതരത്വം പ്രസംഗിക്കുന്നവര്‍, സ്വത്വ രാഷ്‌ട്രീയം വര്‍ഗീയതയും ജാതീയതയുമാണെന്നു വാദിക്കുന്നവര്‍, ഒരു തെരഞ്ഞെടുപ്പില്‍ ജയിക്കാന്‍ ജാതിയും ഉപജാതിയും മതവും അതിലെ അവാന്തരവിഭാഗങ്ങളും കുടുംബമഹിമയും (ചിലപ്പോഴെല്ലാം) തൊലിയുടെ വെളുപ്പും വരെ ഉപയോഗിക്കുമ്പോള്‍ ഇവരുടെ കാപട്യം വ്യക്‌തമാകുന്നു. ഇവിടെ മതത്തെ അതിന്റെ സത്തയില്‍നിന്നും അടര്‍ത്തിമാറ്റി പ്രയോഗിക്കുകയാണ്‌.

ഈ പശ്‌ചാത്തലത്തില്‍ വേണം മുഖ്യമന്ത്രി നടത്തിയ (പോപ്പുലര്‍ ഫ്രണ്ട്‌ സംബന്ധിച്ച) വിവാദ പ്രസ്‌താവനയെ വിലയിരുത്താന്‍. ഇന്ത്യയില്‍ 80 ശതമാനം ജനങ്ങളും ഹിന്ദുക്കളാണെന്നും (ഏതു ഹിന്ദുവെന്ന ചോദ്യം തല്‍ക്കാലം വിടുന്നു) അതുകൊണ്ടിതൊരു ഹിന്ദു രാഷ്‌ട്രമാക്കണമെന്നും വാദിക്കുന്നവര്‍ ഇവിടെയുണ്ടല്ലോ. എന്നാല്‍, ഇവര്‍ പറയുന്ന ഹിന്ദുക്കളില്‍ ഒരു ശതമാനം പോലും ഇത്തരമൊരു ലക്ഷ്യം സ്വപ്‌നത്തില്‍ പോലും ഇല്ലാത്തവരാണ്‌ എന്നും നമുക്കറിയാം. കാരണം ഇവരുടെ നിത്യജീവിതത്തില്‍ ഇത്‌ ഒട്ടുംതന്നെ പ്രധാനമായ ഒന്നല്ലെന്നവര്‍ക്കറിയാം. ഇതുപോലെ തന്നെയാണു കേരളത്തെ ഇസ്ലാമിക ഭൂരിപക്ഷ സംസ്‌ഥാനമാക്കാമെന്നും മറ്റുമുള്ള ചില 'മലര്‍പ്പൊടിക്കാരന്റെ സ്വപ്‌ന'ങ്ങളും. സാമാന്യബോധമുള്ള ഒരു ഇസ്ലാം മതവിശ്വാസിയും ഇതാഗ്രഹിക്കുമെന്നു തോന്നുന്നില്ല. എന്നാല്‍, ഇതങ്ങനെ അവഗണിക്കാനാവുന്ന ഒന്നല്ല. അതിന്യൂനപക്ഷമായ സവര്‍ണ ഫാസിസ്‌റ്റുകളാണല്ലോ ഇന്ത്യയില്‍ പലയിടത്തും വര്‍ഗീയ കലാപങ്ങള്‍ക്കു കാരണമായത്‌. ഗുജറാത്തിലും ഒറീസയിലും കൂട്ടനരഹത്യയ്‌ക്കു വഴിവച്ചതും. ഇവരുടെ ലക്ഷ്യം രാമരാജ്യം സ്‌ഥാപിക്കലൊന്നുമല്ല, മറിച്ച്‌ സമൂഹമനസില്‍ ആയുധപ്പുരകള്‍ നിര്‍മിച്ച്‌ അതുപയോഗിച്ചു രാഷ്‌ട്രീയ സാമ്പത്തിക ലക്ഷ്യങ്ങള്‍ നേടലാണ്‌. ആഗോളീകരണ നയങ്ങള്‍ ആരംഭിച്ച കാലത്തുതന്നെയാണല്ലോ ഇവര്‍ ബാബറി മസ്‌ജിദ്‌ പൊളിച്ചതും. അതോടെ ഇന്ത്യന്‍ രാഷ്‌ട്രീയത്തിലെ പ്രധാന പ്രശ്‌നം സാമ്പത്തിക നയങ്ങളല്ലാതായി, മറിച്ച്‌ പള്ളിയും അമ്പലവുമായി.

ഈ സാഹചര്യത്തില്‍ ഇത്തരമൊരു പ്രസ്‌താവന നടത്തുകവഴി കേരളീയ സമൂഹത്തില്‍ എന്തു മാറ്റമാണുണ്ടാകുക എന്നു മുഖ്യമന്ത്രി അല്‍പം ആലോചിക്കേണ്ടതായിരുന്നു. സമൂഹത്തിന്റെ ഘടന തകര്‍ക്കാന്‍ വിദേശ പണം പോലും കൈപ്പറ്റി ഇവിടെ പ്രവര്‍ത്തിക്കുന്ന ചിലരുടെ ലഘുലേഖലയിലെ ജല്‍പനങ്ങള്‍ക്ക്‌ ഇത്ര പ്രചാരണം നല്‍കേണ്ടിയിരുന്നോ എന്നതുതന്നെയാണു പ്രധാന ചോദ്യം. മുഖ്യമന്ത്രി പറഞ്ഞതു വസ്‌തുതയാണ്‌. ഇത്തരം ഹിംസാത്മക പ്രചാരണക്കാരെ ഒറ്റപ്പെടുത്തി തോല്‍പിക്കണം. പൊതുസമൂഹത്തില്‍നിന്നു യാതൊരു പിന്തുണയും ഇവര്‍ക്കു കിട്ടില്ലെന്നുറപ്പു വരുത്തണം. പക്ഷേ, അതിനു സഹായകമാകുന്ന പ്രസ്‌താവനയാണോ ഇത്‌? കാര്യമറിയാത്ത കുറെ മനസുകളിലെങ്കിലും തെറ്റിദ്ധാരണയുടെ വിത്തുവിതയ്‌ക്കപ്പെടാന്‍ ഇതു വഴിവക്കില്ലേ? ഒരിക്കലും മുഖ്യമന്ത്രി ഇതുദ്ദേശിച്ചിരിക്കില്ലെന്നു ഉറച്ചുവിശ്വസിക്കുന്ന ഒരാളാണ്‌ ഈ ലേഖകന്‍.

എന്നാല്‍, എല്ലാത്തിലും മുഖ്യമന്ത്രിയുമായി വൈരുദ്ധ്യമുള്ള പാര്‍ട്ടി സെക്രട്ടറി പിണറായി വിജയന്‍ മുഖ്യമന്ത്രിയുടെ ഈ പ്രസ്‌താവനയ്‌ക്കു പിന്തുണയുമായി വന്നതോടെ പ്രശ്‌നം ഗുരുതരമാകുകയാണ്‌. പ്രകടമായ സങ്കുചിത താല്‍പര്യങ്ങള്‍ വച്ചുകൊണ്ടുതന്നെ മുഖ്യമന്ത്രിയുടെ പ്രസ്‌താവനയുടെ അലയൊലികള്‍ സമൂഹത്തില്‍ സജീവമായി നിര്‍ത്താനുള്ള ഇടപെടലാണിത്‌. പത്തുമാസത്തിനകം രണ്ടു തെരഞ്ഞെടുപ്പുകളെ (തദ്ദേശഭരണം, നിയമസഭ) നേരിടാന്‍ പാര്‍ട്ടിയും മുന്നണിയും തയാറെടുക്കുകയാണ്‌.

ഈ സര്‍ക്കാരിന്റെ ഭരണനേട്ടങ്ങളോ ദേശീയ സംസ്‌ഥാന രാഷ്‌ട്രീയ സാഹചര്യങ്ങളോ ഒന്നും ഇടതുപക്ഷത്തിനു ജനപ്രീതി കിട്ടാന്‍ സഹായകമാകില്ലെന്നു മറ്റാരേക്കാളും നന്നായറിയാവുന്ന വ്യക്‌തിയാണു പിണറായി വിജയന്‍. അതുകൊണ്ടുതന്നെ ജനങ്ങളെ ബാധിക്കുന്ന സാമൂഹികപ്രശ്‌നങ്ങളില്‍നിന്നു ശ്രദ്ധതിരിച്ചുവിടുകയും മതം പോലുള്ള ചില വൈകാരിക പ്രശ്‌നങ്ങള്‍ ചര്‍ച്ചയ്‌ക്കു വിടുകയും ചെയ്യുകയെന്ന ഹീനമാര്‍ഗമാണ്‌ ഇതുവഴി ഇവര്‍ തേടുന്നത്‌ എന്നു കരുതേണ്ടിയിരിക്കുന്നു. 2009-ലെ തെരഞ്ഞെടുപ്പു വരെ ഇടതുപക്ഷം യാതൊരു മടിയും കൂടാതെ ജമാ അത്തെ ഇസ്ലാമിയുടെ പിന്തുണ സ്വീകരിച്ചിരുന്നതാണ്‌. 2009-ല്‍ ഏറെ വിവാദമായ പി.ഡി.പിയും മഅ്‌ദനിയുമായുള്ള ബന്ധം പൂര്‍ണമായി ഉപേക്ഷിച്ചുവെന്ന്‌ ഇടതുപക്ഷം ഇതുവരെ ജനങ്ങളോടു പറഞ്ഞിട്ടില്ല. അതു തെറ്റായിരുന്നുവെന്നും സമ്മതിച്ചിട്ടില്ല. എന്നാല്‍, അത്തരം അടവുനയങ്ങള്‍ കൊണ്ടൊന്നും കേരളീയരുടെ പിന്തുണ നേടാനായിട്ടില്ലെന്നു ഇവര്‍ക്കു ബോധ്യമായി, തെരഞ്ഞെടുപ്പു ഫലത്തിലൂടെ.

ഓരോ തെരഞ്ഞെടുപ്പിലും മാറി മാറി മുന്നണികളെ പിന്തുണയ്‌ക്കുന്ന 'നിഷ്‌പക്ഷ' വോട്ടുകളല്ല, ഇടതുപക്ഷത്തിന്റെ ഉറച്ച അടിത്തറയായി പ്രവര്‍ത്തിച്ചിരുന്ന വോട്ടുകളിലാണ്‌ ഇടിവുണ്ടായത്‌ എന്നവര്‍ക്കറിയാം (കണ്ണൂര്‍, വടകര, കോഴിക്കോട്‌ തുടങ്ങിയ മണ്ഡലങ്ങള്‍ ഉദാഹരണം). ഇതെല്ലാമൊന്നു മാറ്റിയെടുക്കാന്‍ ചില പുതിയ അടവുനയങ്ങള്‍ക്കു രൂപം നല്‍കലാണു പാര്‍ട്ടി നേതൃത്വത്തിന്റെ ലക്ഷ്യം. പക്ഷേ, കാലാകാലങ്ങളായി വലതുപക്ഷം സ്വീകരിച്ചുപോന്ന ഒരടവാണിത്‌, ജനങ്ങളെ അവരുടെ ജീവിതപ്രശ്‌നങ്ങള്‍ ചര്‍ച്ചയ്‌ക്കെടുക്കാന്‍ അനുവദിക്കാതിരിക്കല്‍ എന്നത്‌. ഇവിടെ ഇടതുപക്ഷമെന്ന്‌ അവകാശപ്പെടുന്നവരാണ്‌ ഈയടവ്‌ സ്വീകരിക്കുന്നത്‌. പക്ഷേ, ഈ തെരഞ്ഞെടുപ്പില്‍ എന്തു സംഭവിക്കുമെന്നതിനപ്പുറമുള്ള പ്രത്യാഘാതങ്ങള്‍ സൃഷ്‌ടിച്ചേക്കാവുന്ന ഒരു അടവാണിത്‌. ഇത്തരം വര്‍ഗീയ ധ്രുവീകരണങ്ങള്‍ സൃഷ്‌ടിക്കുന്ന ആയുധപ്പുരകള്‍ നിറഞ്ഞ മനസുകള്‍ ഇവിടെ വര്‍ധിപ്പിക്കാന്‍ ഇതു വഴിവക്കുമെന്നതിനാല്‍ തന്നെ ഇതു ഭീതിജനകമാണ്‌. ''മാനവഹൃദയങ്ങളെ ആയുധപ്പുരകളാക്കരുതേ'' എന്നേ നമുക്കു പറയാനുള്ളൂ.

-സി.ആര്‍.നീലകണ്‌ഠന്‍

Friday, June 25, 2010

റോഡിലെ പൊതുയോഗം മാത്രം നിയന്ത്രിച്ചാല്‍ മതിയോ?

പാതയോരങ്ങളില്‍ പൊതുയോഗങ്ങള്‍ വിലക്കിക്കൊണ്ട് ഹൈക്കോടതിയുടെ ഉത്തരവ് ഇറങ്ങി. ഇതുമായു ബന്ധപ്പെട്ട വിധിയിലെ പ്രധാന സംഗതികള്‍ ഇവയാണ്‌

അനുമതിയില്ലാതെ പൊതുനിരത്തിലും പാതയോരത്തും യോഗങ്ങള്‍ നടത്തിയാല്‍ പൊലീസ് നടപടി എടുക്കണം. ഗതാഗത തടസ്സത്തിന് കാരണമാകുന്ന സ്‌റ്റേജും മറ്റും നീക്കണം. ഗതാഗത തടസ്സം ഒഴിവാക്കാന്‍ മാത്രമല്ല, ഇത്തരം യോഗങ്ങളില്‍ പങ്കെടുക്കുന്ന പൊതുജനങ്ങളുടെ സുരക്ഷിതത്വം കൂടി കണക്കിലെടുത്താണ് നിരോധ ഉത്തരവെന്ന് ഡിവിഷന്‍ ബെഞ്ച് വ്യക്തമാക്കി.

അലക്ഷ്യമായി ഓടിക്കുന്ന വാഹനങ്ങള്‍ പാഞ്ഞുകയറി അപകടമുണ്ടാകാന്‍ സാധ്യതയുണ്ട്. ഇത്തരം ദുരന്തങ്ങള്‍ ഉണ്ടായിട്ടുണ്ടെന്നും കോടതി ഓര്‍മിപ്പിച്ചു. ചീഫ് സെക്രട്ടറിയെ കോടതി സ്വമേധയാ ഹരജിയില്‍ കക്ഷിചേര്‍ത്തു. അവധി ദിനങ്ങളില്‍ സര്‍ക്കാര്‍ നിയന്ത്രണത്തിലെ സ്‌കൂളുകള്‍, മറ്റ് വിദ്യാഭ്യാസ സ്ഥാപനങ്ങള്‍ എന്നിവിടങ്ങളിലെ മൈതാനങ്ങള്‍ സമ്മേളനങ്ങള്‍ നടത്താന്‍ നല്‍കണമെന്ന് കോടതി വ്യക്തമാക്കി. പാതയോരത്തുനിന്ന് മാറിയുള്ള തുറന്ന മൈതാനങ്ങളും സമ്മേളനങ്ങള്‍ക്കായി നല്‍കണം.

കോടതിവിധിക്ക് എതിരെ സി.പി.എമിനെപ്പോലെ ഉള്ള ഇടതു സംഘടനകള്‍ മാത്രമാണ്‌ പ്രതികരിച്ചിരിക്കുന്നത്. മാധ്യമങ്ങളെല്ലാം കോടതി വിധിയെ സ്വാഗതം ചെയ്തുകഴിഞ്ഞു. ഇങ്ങനെ ഒരു മുഖപ്രസംഗം മാധ്യമം പത്രം വരെ എഴുതി.

ഇനി ആരെങ്കെലും ഈ വിധിയുടെ ചുവടുപിടിച്ച് മതപരമായ ആഘോഷങ്ങളേ ഇതെ പോലെ റോഡില്‍ നിന്ന് തുടച്ച് നീക്കണം എന്ന് ആവശ്യപ്പെട്ട് ഹര്‍ജി നല്‍കിയാലും സമാന വിധി കിട്ടുമോ. അങ്ങനെ കിട്ടിയാല്‍ പൊങ്കാല പള്ളിപ്പെരുന്നാള്‍ നബിദിന റാലി തുടങ്ങിയവയും നിരോധിക്കപ്പെടുന്നത് മാധ്യമ സമൂഹം ഇതേ ആവേശത്തില്‍ സ്വാഗതം ചെയ്യുമോ.അങ്ങനെ എങ്കില്‍ ഈ വിധിക്ക് അര്‍ത്ഥമുണ്ടാകും. ഇലെങ്കില്‍ ക്യാമ്പസ് രാഷ്ട്രീയം നിരോധിച്ചിടത്ത് മത സംഘടനകള്‍ പിടിമുറിക്കയത് പോലെയാകും ഇത്.

ഈ വിഷയത്തില്‍ വന്ന് മറ്റ് പോസ്റ്റുകള്‍


Thursday, June 24, 2010

ടി ബാലകൃഷ്ണന്റെ വിവാദമായ കൊക്കക്കോള പ്രസംഗം

വ്യവസായ വകുപ്പ് സെക്രട്ടറി ടി ബാലകൃഷ്ണന്റെ വിവാദമായ കൊക്കോക്കോള പ്രസംഗത്തിന്റെ ഏതാണ്ട് പൂര്‍ണ്ണ രൂപം ധനം മാഗസിന്‍ പ്രസിദ്ധീകരിച്ചു. മുന്‍വിധി ഇല്ലാതെ വായിച്ചിരിക്കേണ്ട ഒന്നാണ്‌ എന്ന് തോന്നുന്നതിനാല്‍ ഇവിടെ പങ്കുവയ്ക്കുന്നു.


പണ്ട് ബാലകൃഷ്ണന്‍ ഭൂപരിഷ്ക്കരണത്തെപ്പറ്റിപ്പറഞ്ഞത് ഇവിടെ നിന്നും വായിക്കുക

Wednesday, June 23, 2010

പാവം മ്അദനി

നീതി നിഷേധിക്കപ്പെട്ട ഒരാളുടെ ഉദാഹരണം പറയാന്‍ പറഞ്ഞാല്‍ ആര്‍ക്കും എളുപ്പം ചൂണ്ടിക്കാണിക്കാവുന്ന പേരാണ്‌ അബ്ദുള്‍ നാസര്‍ മ്അദനി. ഇന്ത്യന്‍ ഉപപ്രധാനമന്ത്രി അടക്കമുള്ളവരെ കൊല്ലുക എന്ന ലക്ഷ്യത്തോടെ കോയമ്പത്തൂരില്‍ ബോബ് സ്പോടനം നടത്തി എന്ന കേസില്‍ വിചാരണത്തടവുകാരനായി 7 വര്‍ഷത്തോളം ജയിലില്‍. അവിടെ നിന്ന് ഉണ്ടായ മനം മടുപ്പിക്കുന്ന ദുരനുഭവങ്ങള്‍ക്ക് ശേഷം കുറ്റവിമുക്തനായി പുറത്തേക്ക്. ഇപ്പോഴിതാ വീണ്ടും സമാനമായ മറ്റൊരു കേസിലും മ്അദനി അകപ്പെടാന്‍ പോകുന്നു. ബാംഗ്ലൂര്‍ സ്പോടനക്കേസില്‍ മദനി 31 ആം പ്രതിയാണത്രെ. ഇത്തവണ സ്പോടനം നടത്തിയവര്‍ക്ക് പ്രേരണ നല്‍കി എന്നതാണ്‌ കുറ്റം

malayal.am വേണ്ടി എഴുതിയ ഈ ബ്ലോഗിന്റെ പൂര്‍ണ്ണ രൂപം ഇവിടെ വായിക്കുക

ഇതോടൊപ്പം രാജിവ് കൌപ്പിന്റെ ഈ പോസ്റ്റും വായിക്കുക. (ഇത് മാത്രം വായിച്ചാലും മതി)

Tuesday, June 22, 2010

നീലകണ്ഠന്റെ ഇരട്ടത്താപ്പുകള്‍

സി.ആര്‍ നീലകണ്ഠന്റെ malayal.am ലെ അഭിമുഖം കണ്ടപ്പോള്‍ എഴുതിയ കുറിപ്പ് ഇവിടെ പുന:പ്രസിദ്ധീകരിക്കുന്നു

സി ആര്‍ നീലകണ്ഠന്‍ കേരളത്തിലെ മുഖ്യധാരാ മാദ്ധ്യമങ്ങള്‍ക്ക് പ്രിയപ്പെട്ട ഒരാളാണ്‌. ചാനല്‍ ചര്‍ച്ചകളിലും ടോക്‌ഷോകളിലും പ്രതിവാര കോളങ്ങളിലും കവര്‍സ്റ്റോറികളിലുമൊക്കെ നിറഞ്ഞു നിന്ന ഒരാള്‍. പരിസ്ഥിതി പ്രവര്‍ത്തകന്‍ എന്ന ലേബലില്‍ മാത്രമല്ല ലാവ്‌ലിന്‍ വിദഗ്ദ്ധന്‍, സിപിഎമ്മിലെ വിഭാഗീയതാ സ്പെഷ്യലിസ്റ്റ്, സാംസ്ക്കാരിക നായകന്‍, അധിനിവേശ വിരുദ്ധ പോരാട്ടക്കാരന്‍ എന്നുവേണ്ട ഐടി മുതല്‍ ബസ് വ്യവസായം വരെ സി ആര്‍ നീലകണ്ഠന്‍ കൈകാര്യം ചെയ്യുന്ന വിഷയമായി വരും. അങ്ങനെ ഉള്ള ഒരാള്‍ സി.പി.എം പ്രവര്‍ത്തകരാല്‍ ആക്രമിക്കപ്പെട്ടിട്ടും അത് കേരളത്തിലെ മുഖ്യധാരാ മാദ്ധ്യമങ്ങളില്‍ വലിയ തോതില്‍ ആഘോഷിക്കപ്പെട്ടില്ല എന്നത് അത്ഭുതകരമായ സംഗതിയാണ്‌.

നവ ലിബറല്‍ മുതലാളിത്ത ആശയങ്ങളോട് അനുഭാവം പുലര്‍ത്തുന്ന സക്കറിയയെപ്പോലെ മാദ്ധ്യമ പ്രവര്‍ത്തകര്‍ക്ക് താല്‍പ്പര്യമില്ലാത്ത ഒരാള്‍ ആക്രമിക്കപ്പെട്ടത് എത്ര ആഴ്ചയാണ്‌ മാദ്ധ്യമങ്ങള്‍ ആഘോഷിച്ചത്. എന്നാല്‍ ടാം റേറ്റിങ്ങുകള്‍ ഉണ്ടാക്കാന്‍ സഹായിയായി ചാനലുകളില്‍ നിറഞ്ഞു നിന്ന നീലകണ്ഠന്‍ ആക്രമിക്കപ്പെട്ടിട്ടും ആരും നീലകണ്ഠന്‌ അനുകൂലമായി കരയുന്നില്ല എന്നത് അത്ഭുതത്തോടെയെ നോക്കിക്കാണാനാകൂ.

നീലകണ്ഠന്‌ തല്ല്‌ കിട്ടിയതിന്‌ ശേഷം മാസം ഒന്ന് തികഞ്ഞിട്ടും സിപിഎമ്മിന്റെ തല്ലു വാങ്ങിയ ഒരാള്‍ക്ക് ഇവിടുത്തെ മാദ്ധ്യമ ലോകം കനിഞ്ഞനുവദിക്കുന്ന പരിഗണനകള്‍ എന്തുകൊണ്ട് ലഭിക്കാതെ പോയി എന്നതിന്റെ പൊരുള്‍ അന്വേഷിച്ച് പോകുമ്പോള്‍ പലവിഷയങ്ങളിലും സിആറിന്‌ ഇരട്ടത്താപ്പുകള്‍ ഉണ്ടെന്ന് വ്യക്തമാകും. സിപിഎമ്മിന്റെ പല നേതാക്കള്‍ക്കുമെതിരെ സി ആര്‍ ഉന്നയിക്കുന്ന പ്രധാന ആരോപണം അവരുടെ നിലപാടുകളിലെ ഇരട്ടത്താപ്പാണ്‌. എന്നാല്‍ ഇതെ ഇരട്ടത്താപ്പുകള്‍ തന്നെയാണ്‌ സി ആറിനും ഉള്ളതെന്ന് മാദ്ധ്യമ ലോകത്തെ പലരും രഹസ്യമായി സമ്മതിക്കുന്നുണ്ട്. അതുകൊണ്ട് തന്നെ സി ആര്‍ നിലകണ്ഠനെ ന്യായീകരിക്കാനിറങ്ങിയാല്‍ അത് പുലിവാലാകുമെന്ന് അവര്‍ പലരും തിരിച്ചറിഞ്ഞു തുടങ്ങിയിരിക്കുന്നു.

2010 മെയ് 20 ലെ മാതൃഭൂമി പത്രത്തില്‍ സി ആര്‍ നീലകണ്ഠന്‍ കേരള സര്‍ക്കാരിന്റെ നാലു വര്‍ഷം വിലയിരുത്തിക്കൊണ്ട് കേരള ധനമന്ത്രി തോമസ് ഐസക്കിനെപ്പറ്റി ഇങ്ങനെ എഴുതി:

ധനകാര്യം: എല്ലാ വകുപ്പുകളുടെയും മേല്‍ കടിഞ്ഞാണിടുന്ന സൂപ്പര്‍ മുഖ്യമന്ത്രിയാണിദ്ദേഹം. ആഗോളമൂലധന താത്പര്യസംരക്ഷണത്തിന്റെ ഉത്തരവാദിത്വം പാര്‍ട്ടി ഇദ്ദേഹത്തെ ഏല്പിച്ചിരിക്കുന്നു. എ.ഡി.ബി. വായ്പ മുതല്‍ കിനാലൂര്‍ പാത വരെ നീണ്ടുകിടക്കുന്നു അതിന്റെ ചരിത്രരേഖകള്‍. അഴിമതി രഹിത വാളയാര്‍ പോലുള്ള പ്രഖ്യാപനങ്ങളുടെ കാപട്യം ആ വഴി ഒരിക്കല്‍ കടന്നുപോയവര്‍ക്ക് ബോധ്യപ്പെടും. അതിസമ്പന്നര്‍ക്കുവേണ്ടി എന്തും ചെയ്യും. ദരിദ്രരോട് അകമേ പുച്ഛം. എന്നാല്‍ അവര്‍ക്കു വേണ്ടി വാചകമടിക്കും. ഗ്രീന്‍ ബജറ്റെന്നു പ്രഖ്യാപിക്കും. നെല്‍പ്പാടം നികത്തുന്നതിന്റെ പിഴയും ഡാമിലെ മണല്‍ വാരിയതിന്റെ വിലയും ബജറ്റിലെ പ്രധാന വരുമാനമാര്‍ഗമായിക്കാണും. നെല്‍പ്പാടം നികത്തി ചെരുപ്പുകമ്പനിക്കു നാലുവരിപ്പാതയുണ്ടാക്കുന്നതിനെ ശക്തമായി ന്യായീകരിക്കും.

രണ്ട് രൂപക്ക് അരി നല്‍കുന്നതും പൊതുമേഖലാ സ്ഥാപനങ്ങളെ പുനരുദ്ധരിക്കുന്നതും സര്‍ക്കാര്‍ ജീവനക്കാര്‍ക്ക് കൃത്യമായി ശമ്പളവും ആനുകൂല്യങ്ങളും നല്‍കുന്നതും ക്ഷേമ പദ്ധതികള്‍ അമാന്തം കൂടാതെ നടപ്പിലാക്കുന്നതും മത്സ്യത്തൊഴിലാളി മേഖലയിലും കുടുബശ്രീയിലുമൊക്കെ പണലഭ്യത ഉറപ്പുവരുത്തുന്നതും ട്രഷറി പൂട്ടാതെ ഇരുന്നതുമൊക്കെയാണോ ആഗോള മൂലധന താല്‍പ്പര്യമായി നീലകണ്ഠനെപ്പോലെ ഉള്ളവര്‍ കരുതുന്നത്? ഇത്തരം ക്ഷേമ പ്രവര്‍ത്തനങ്ങള്‍ക്ക് മാന്ദ്യകാലത്ത് പോലും ഒരു കുറവുണ്ടാകാതെ നോക്കാന്‍ കഴിയും വിധം കേരളത്തിന്റെ ധനകാര്യ മാനേജ്‌മെന്റ് നടത്തിയ ഒരു ധനമന്ത്രിയാണ്‌ നീലകണ്ഠന്റെ പുലയാട്ടിന്‌ വിധേയനാകുന്നത് എന്നത് പരിശോധിക്കേണ്ട സംഗതിയാണ്‌. വിഎസ് പക്ഷത്തുള്ള ശര്‍മ്മയേയും ഗുരുദാസനെയും വിലയിരുത്താതെയുള്ള നീലകണ്ഠന്റെ സര്‍ക്കാര്‍ വിമര്‍ശനം അദ്ദേഹത്തിന്റെ പക്ഷപാതം തുറന്നുകാട്ടുകയും ചെയ്തു. തനിക്ക് ഇഷ്ടമില്ലാത്തവരെ മുച്ചൂടും വിമര്‍ശിക്കുക എന്നതാണ്‌ നീലകണ്ഠന്റെ രീതി. അതില്‍ നീലകണ്ഠന്‌ കൃത്യമായ രാഷ്ട്രീയ താല്‍പ്പര്യമുണ്ട്. ഈ താല്‍പ്പര്യത്തിന്‌ അനുയോജ്യമായ നിലപാടുകളാണ്‌ സി.ആറിനുള്ളത്. അതുകൊണ്ട് തന്നെ അത് പലപ്പോഴും ഇരട്ടത്താപ്പായി മാറുന്നു.

ഈ ഇരട്ടത്താപ്പിന്‌ ഉത്തമോദാഹരണമാണ്‌ അദ്ദേഹത്തിന്റെ സ്മാര്‍ട്ട് സിറ്റി പദ്ധതിയെപ്പറ്റിയുള്ള നിലപാടുകള്‍.ഉമ്മന്‍ ചാണ്ടിയുടെ കാലത്ത് അദ്ദേഹം കടുത്ത സ്മാര്‍ട്ട് സിറ്റി വിരുദ്ധനായിരുന്നു. കരാറിലെ വ്യവസ്ഥകളല്ല മറിച്ച് സ്മാര്‍ട്ട് സിറ്റി എന്ന സങ്കല്‍പ്പത്തെ തന്നെ അദ്ദേഹത്തിന്‌ പുഛമായിരുന്നു. അതായത്‌ സ്മാര്‍ട്ട്‌ സിറ്റി ഉയര്‍ത്തുന്ന സാമൂഹിക പ്രശ്നങ്ങള്‍, സ്മാര്‍ട്ട്‌ സിറ്റിക്ക്‌ ലഭിക്കുന്ന അധിക പ്രാധാന്യം, ഒപ്പം ആദിവാസികളും പരമ്പരാഗത മേഖലകളും നേരിടുന്ന അവഗണന, പ്രത്യേക സാമ്പത്തിക മേഖലകള്‍ സൃഷ്ടിക്കുന്ന പ്രശ്നങ്ങള്‍, അവിടെ ബാധകമല്ലാത്ത തൊഴില്‍ നിയമം, ഇങ്ങനെ പോകുന്നു സാമൂഹിക ആശങ്കകള്‍ എങ്കില്‍ ഒരു ലക്ഷത്തോളം പേര്‍ താമസിക്കാന്‍ വരുമ്പോള്‍ ഉണ്ടാകുന്ന പരിസ്ഥിതിക പ്രശ്നത്തെപ്പറ്റിയും സി ആര്‍ ആശങ്കകള്‍ പങ്കു വയ്ക്കുന്നുണ്ട്‌. കുടിവെള്ള ക്ഷാമം, വായു മലിനീകരണം, ഭൂഗര്‍ഭ ജലചൂഷണം ഇങ്ങനെ പോകുന്നു ആശങ്കകള്‍. ചുരുക്കം പറഞ്ഞാല്‍ സ്മാര്‍ട്ട്‌ സിറ്റി ഒരു അനാവശ്യം തന്നെ. ഒപ്പം ഈ വരികള്‍ കൂടി കൂട്ടിവായിച്ചാല്‍ സ്മാര്‍ട്ട്‌ സിറ്റി ഒരിക്കലും വരാന്‍ പാടില്ല

സമരക്കാര്‍ക്കും യാചകര്‍ക്കും ദരിദ്രര്‍ക്കും പ്രവേശനമില്ലാത്ത്‌ ഇത്തരം അതിസമ്പന്ന മേഖല തുരുത്തുകള്‍ ചുറ്റുപാടുണ്ടാക്കുന്ന സാമൂഹിക പ്രശ്നനഗള്‍ പരിഗണിച്ചിട്ടുണ്ടോ? ചുറ്റുപാടുമുള്ള സാധാരണക്കാരില്‍ കടുത്ത ഉപഭോഗാസക്തിയും അസംതൃപ്തിയും കടക്കെണിയും ആത്മഹത്യയും ഗുണ്ടാ മാഫിയയും വളരാന്‍ ഇത്‌ വഴിവയ്ക്കില്ലെ?

എന്നാല്‍ വി.എസ്‌ സര്‍ക്കാര്‍ അധികാരത്തില്‍ വരികയും തങ്ങളുടെ പ്രിയ നായകന്‍ വി.എസ്‌ പുതുക്കിയ സ്മാര്‍ട്ട്‌ സിറ്റി കരാര്‍ ഒപ്പുവയ്ക്കുകയും ചെയ്തതോടെ സി.ആര്‍ കളം മാറി. പരിസ്ഥിതി സാമൂഹിക പ്രശ്നങ്ങളൊക്കെ കാറ്റില്‍പ്പറന്നു. അന്താരാഷ്ട്ര കരാറുകള്‍ എങ്ങനെ എഴുതണം എന്നതിന്റെ ഉത്തമോദാഹരണമായി സി ആര്‍ സ്മാര്‍ട് സിറ്റി കരാറിനെ മാദ്ധ്യമങ്ങളില്‍ ഉയര്‍ത്തിക്കാട്ടി. 33,000 തൊഴില്‍ അവസരങ്ങള്‍ 90,000 ആയതില്‍ അഭിമാനം കൊണ്ടു. അപ്പോള്‍ മുന്‍പ്‌ പറഞ്ഞ പരിസ്ഥിതി നമ്പരുകള്‍ മറന്നേ പോയി. 33,000 പേര്‍ക്ക്‌ തൊഴില്‍ ലഭിക്കുമ്പോള്‍ ഉണ്ടാകുന്ന പരിസ്ഥിതി പ്രശ്നങ്ങള്‍ 90,000 പേര്‍ക്ക്‌ തൊഴില്‍ ലഭിക്കുമ്പോള്‍ ഉണ്ടാകുമോ എന്നൊന്നും സി ആര്‍ ആശങ്കപ്പെടുന്നേ ഇല്ല. എന്നു മാത്രമല്ല അനര്‍ഹമായ ആവശ്യങ്ങളാണ്‌ സ്മാര്‍ട്ട് സിറ്റിക്കാര്‍ ഇപ്പോള്‍ ആവശ്യപ്പെടുന്നതെന്ന് ശര്‍മ്മയും വി.എസും ഒരേ പോലെ ആണയിടുമ്പോള്‍ സി ആര്‍ നീലകണ്ഠന്‍ തന്റെ സര്‍ക്കാര്‍ വിശകലന ലേഖനത്തില്‍ ഇങ്ങനെ എഴുതുന്നു:

എന്നാല്‍ പാര്‍ട്ടിയുടെ സര്‍വാധിപത്യമാണിവിടത്തെ ജനാധിപത്യം. മുഖ്യമന്ത്രിയെ പാര്‍ട്ടി സംഘടനയില്‍ തരംതാഴ്‌ത്തി 'ശിക്ഷിച്ചു'. 'മുഖ്യമന്ത്രിയുടെ പദ്ധതി' ആയതിനാല്‍ സ്മാര്‍ട്ട് സിറ്റി പരമാവധി തകര്‍ക്കാന്‍ ശ്രമിക്കുന്നു.

അതായത് ഒരിക്കല്‍ മോശക്കാര്‍ എന്ന് സി ആര്‍ പറഞ്ഞ സ്മാര്‍ട്ട് സിറ്റിക്കാരെ വെള്ളയടിക്കാന്‍ സി.ആറിന്‌ ഇപ്പോള്‍ ഒരു യുക്തിയും ബാധകമല്ല.സ്മാര്‍ട്ട് സിറ്റിക്കാരന്‍ സാമ്പത്തിക പ്രതിസന്ധിയിലാണ്‌ എന്ന് വി.എസ് ആണയിടുമ്പോഴും സി ആര്‍ പറയുന്നത് സി.പി.എമ്മാണ്‌ സ്മാര്‍ട്ട് സിറ്റി തകര്‍ക്കാന്‍ ശ്രമിക്കുന്നതെന്നാണ്‌. ഇന്ന് പരിസ്ഥിതി പ്രശ്നങ്ങളും അന്താരാഷ്ട്ര മൂലധന താല്‍പ്പര്യങ്ങളും പറഞ്ഞ് മറ്റ് വന്‍കിട പദ്ധതികളെ എതിര്‍ക്കുന്ന അതേശക്തിയോടെ ഒരിക്കല്‍ സി ആര്‍ എതിര്‍ത്ത സ്മാര്‍ട്ട് സിറ്റി പദ്ധതി ഇന്ന് അദ്ദേഹത്തിന്‌ പ്രിയങ്കരമാകുന്നത് ഇരട്ടത്താപ്പല്ലാതെ എന്താണ്‌? നീലകണ്ഠന്‍ മറ്റുള്ളവരെ അളക്കുന്ന കോല്‍ അദ്ദേഹത്തിന്‌ തന്നെ ബാധകമാക്കിയാല്‍ അവരും ഇദ്ദേഹവും ഒരു നാണയത്തിന്റെ രണ്ട് വശങ്ങളാകും.

സ്മാര്‍ട്ട് സിറ്റി വിഷയത്തില്‍ മാത്രമല്ല ഭൂസമരത്തിലും കുടിയൊഴിപ്പിക്കലിലുമൊക്കെ നീലകണ്ഠന്റെ ഇരട്ടത്താപ്പ് നമുക്ക് കാണാന്‍ കഴിയും ചെങ്ങറ സമരത്തിലും വയനാട്ടിലെ സമരത്തിലും സമരക്കാരെ ഇറക്കി വിടണം എന്നതാണ്‌ കോടതി വിധി. എന്നാല്‍ ചെങ്ങറയില്‍ ഹാരിസണ്‍ കമ്പനിയോടുള്ള നിലപാടല്ല വയനാട്ടില്‍ വീരേന്ദ്രകുമാര്‍ ജോര്‍ജ്ജ് പോത്തന്‍ തുടങ്ങിയവരുടെ കൈയേറ്റ ഭൂമിയുമായി ബന്ധപ്പെട്ട് നീലകണ്ഠനുള്ളത്.

വയനാട് സമരവുമായി ബന്ധപ്പെട്ട് നടന്ന മനോരമ ന്യൂസ് ചാനല്‍ ചര്‍ച്ചയില്‍ വീരേന്ദ്രകുമാറിനെ നോവിക്കാതെ സി ആര്‍ നീലകണ്ഠന്‍ നടത്തുന്ന മെയ്‌വഴക്കം കണ്ടിരിക്കുന്നവരില്‍ അത്ഭുതം ജനിപ്പിക്കുന്നതായിരുന്നു. വീരേന്ദ്രകുമാറിനെ വെറുപ്പിച്ചാല്‍ മാതൃഭൂമി പത്രവും വീക്കിലിയിലും ലഭിക്കുന്ന സ്പേസ് നഷ്ടപ്പെടും എന്നത് നീലകണ്ഠന്‌ നന്നായി അറിയാം. അത് കൊണ്ട് തന്നെയാണ്‌ ഭൂവിവാദവുമായി ബന്ധപ്പെട്ട് പി.രാജന്‍ എന്ന മുതിര്‍ന്ന മാദ്ധ്യമ പ്രവര്‍ത്തകന്‍ പ്രകൃതി സ്നേഹിയായ വീരേന്ദ്രകുമാര്‍ നടത്തിയ മരം വെട്ട് കഥകളെ വെളിച്ചത്തുകൊണ്ടുവന്നത് സിആര്‍ നീലകണ്ഠന്‍ തന്ത്രപൂര്‍വ്വം വിസ്മരിക്കുന്നതും. സി.പി.ഐക്കാരുടെ മൂന്നാറിലെ ഭൂമിക്ക് ചെമ്പ് പട്ടയമുണ്ട് എന്നതിനെ പുഛിക്കുന്ന നീലകണ്ഠന്‍ വീരേന്ദ്രകുമാറിന്റെ പുഞ്ചച്ചീട്ട് പട്ടയത്തെപ്പറ്റി മൌനം പാലിക്കുന്നത് കൌതുകകരമായ സംഗതിയാണ്‌.

സ്മാര്‍ട്ട് സിറ്റി പ്രദേശത്തെ കുടിയൊഴിപ്പിക്കലുമായി ബന്ധപ്പെട്ട സമരത്തില്‍ ആദ്യ ഘട്ടത്തില്‍ സജീവമായി ഇടപെട്ട സി ആര്‍ പദ്ധതിയുമായി വി.എസ് മുന്നോട്ട് വന്നതോടെ പതുക്കെ പിന്‍വലിഞ്ഞു. സ്മാര്‍ട്ട് സിറ്റി ഉല്‍ഘാടനം നടക്കുമ്പോള്‍ പോലും തുഛമായ തുകക്ക് ഭൂമി കൊടുക്കേണ്ടി വന്ന പാവങ്ങള്‍ സമരപ്പന്തലില്‍ ഉണ്ടായിരുന്നു. എന്നാല്‍ അന്ന് പ്രഖ്യാപിച്ച പുനരധിവാസ പാക്കേജ് ലഭിച്ചവരെ ചൂണ്ടിക്കാണിച്ച് സ്മാര്‍ട്ട് സിറ്റി മോഡല്‍ പുനരധിവാസത്തിന്റെ വക്താവാകുകയായിരുന്നു നീലകണ്ഠന്‍.

മൂലമ്പള്ളി സമരത്തിന്റെ മുന്‍നിരയില്‍ ഉണ്ടായിരുന്ന സി ആര്‍ നീലകണ്ഠന്‌ എന്തുകൊണ്ട് അവര്‍ക്ക് ഇപ്പോഴും പുനരധിവാസം നേടിക്കൊടുക്കാന്‍ കഴിഞ്ഞില്ല എന്നത് ഒരു ചോദ്യമായി അവശേഷിക്കുന്നു. ലാവലില്‍ വിവാദത്തില്‍ മുഖ്യമന്ത്രിക്കെതിരായ പാര്‍ട്ടി നടപടിയെ പ്രതിരോധിക്കാന്‍ പുസ്തകം ഇറക്കുകയും അതിന്റെ ഇംഗ്ലീഷ് പരിഭാഷ ഡല്‍ഹിയില്‍ വിമാനത്തില്‍ പറന്നെത്തി കേന്ദ്രകമ്മിറ്റി അംഗങ്ങള്‍ക്ക് വിതരണം ചെയ്യുകയും ചെയ്ത സി ആര്‍ അതേ ആവേശം ഉള്‍ക്കൊണ്ട് തന്റെ മുഖ്യമന്ത്രിയിലുള്ള സ്വാധീനം കുടിയിറക്കപ്പെട്ടിട്ടുള്ളവര്‍ക്ക് അനുകൂലമായി സര്‍ക്കാര്‍ മിഷനറി തിരിക്കാന്‍ ഉപയോഗിച്ചിട്ടുണ്ടോ എന്ന ചോദ്യം ആരെങ്കിലും ചോദിച്ചാല്‍ അവരെ കുറ്റം പറയാന്‍ കഴിയില്ല. വി.എസിലാണ്‌ അവസാന പ്രതീക്ഷ എന്ന് നിരന്തരം ലേഖനങ്ങള്‍ എഴുതി വിടുന്ന സി ആര്‍ ചെങ്ങറ മൂലമ്പള്ളി സ്മാര്‍ട്ട് സിറ്റി കുടിയിറക്ക് വിഷയങ്ങളില്‍ വി.എസിനെ ഇടപെടുവിക്കാന്‍ എന്തുകൊണ്ട് ശ്രമിക്കുന്നില്ല എന്നത് മറ്റൊരു രസകരമായ സംഗതിയായി അവശേഷിക്കുന്നു. വി.എസിന്റെ ഇമേജിന്‌ കേട് പറ്റുന്നതൊന്നും സി ആര്‍ ചെയ്യാതിരിക്കുന്നത് എന്ത് നിലപാടുകളുടെ അടിസ്ഥാനത്തിലാണ്‌ എന്നത് ഉത്തരം കിട്ടേണ്ട ചോദ്യമാണ്‌.

പരിസ്ഥിതി പ്രവര്‍ത്തകന്‍ എന്ന ബ്രാന്‍ഡിലാണ്‌ നീലകണ്ഠന്‍ മാര്‍ക്കറ്റ് ചെയ്യപ്പെട്ടിട്ടുള്ളതെങ്കിലും കൃത്യമായി വി.എസ് പക്ഷ വിഭാഗീയരാഷ്ട്രീയം തന്നെയാണ്‌ നീലകണ്ഠന്‍ തുടരുന്നത്. അതില്‍ തന്നെ തോമസ് ഐസക്ക് അദ്ദേഹത്തിന്റെ പ്രത്യേക ടാര്‍ഗ്ഗറ്റുമാണ്‌. ഐസക്ക് നാലാംലോകവാദിയാണ്‌ എന്നതടക്കമുള്ള ആരോപണങ്ങള്‍ നിരന്തരമുപയോഗിച്ച് ഐസക്കിനെ മുതലാളിത്ത ഏജന്റാക്കി അവതരിപ്പിക്കുന്നതില്‍ പ്രത്യേകം ശ്രദ്ധിക്കുന്ന ഒരാളുമാണ്‌ ഇദ്ദേഹം.

സിപിഎമ്മിലെ വിഭാഗീയതയില്‍ കൃത്യമായി പക്ഷം ചേരുകയും അതിനനുസരിച്ചുള്ള പ്രവര്‍ത്തനങ്ങളില്‍ പങ്കാളി ആകുകയും ചെയ്ത ഇദ്ദേഹം മലപ്പുറം സമ്മേളനത്തില്‍ വി.എസ് വിജയിച്ചിരുന്നു എങ്കില്‍ ഇന്ന് പ്ലാനിങ്ങ് ബോര്‍ഡ് പോലുള്ള സ്ഥാപനങ്ങളില്‍ എത്തിയേനെ.നിര്‍ഭാഗ്യവശാല്‍ മലപ്പുറം സമ്മേളനത്തില്‍ വി.എസിന്‌ അടിതെറ്റുകയും അതോടൊപ്പം ഈ ചെറുമരങ്ങളുടെ സാധ്യത അടയുകയും ചെയ്തതോടെ വി.എസ് പക്ഷത്ത് നിന്ന് ഔദ്യോഗിക പക്ഷത്തെ ആക്രമിക്കുക എന്ന പ്രക്രിയ ആരംഭിച്ചു. അതിന്റെ അവസാനത്തെ ശ്രമമാണ്‌ മാതൃഭൂമിയിലെ ലേഖനത്തിലൂടെ പുറത്തുവന്നത്.

പരിസ്ഥിതി പ്രവര്‍ത്തകന്‍ എന്ന ലേബലിനേക്കാലും രാഷ്ട്രീയ ഉപചാപകന്‍ എന്ന ലേബലാണ് ഇദ്ദേഹത്തിന്‌ ചേരുക. പരിസ്ഥിതി വിഷയങ്ങളില്‍ ആളു നോക്കി നിലപാട് മാറുന്ന ഇദ്ദേഹം എങ്ങനെ പരിസ്ഥിതി വാദിയാകുന്നു എന്നതാണ്‌ ഏറ്റവും വലിയ ചോദ്യം

Monday, June 14, 2010

വിദ്യാഭ്യാസ ഇരട്ടത്താപ്പുകള്‍

പതിവ്‌ പോലെ ഒന്നാം ക്ലാസിലെ 6 ആം പ്രവര്‍ത്തി ദിനത്തെ കണക്കുകള്‍ വന്നു.വിദ്യാര്‍ത്ഥികളുടെ കുറവും സര്‍ക്കാര്‍ വിദ്യാലയങ്ങളില്‍ നിന്ന് അണ്‍ഏയ്‌ഡഡ് രംഗത്തെക്കേള്ള മാറ്റത്തെ പറ്റിയും തൊഴില്‍ ഭീക്ഷിണിയിലായ 2500 അധികം അധ്യാപകരെ പറ്റിയും മാധ്യമങ്ങള്‍ വാചാലരായി. നിലവാരമില്ലാത്ത സിലബസാണ്‌ വിദ്യാര്‍ത്ഥികള്‍ സര്‍ക്കാര്‍ വിദ്യാലയങ്ങള്‍ ഒഴിവാക്കാനുള്ള കാരണമെന്നും വിലയിരുത്തലുകള്‍ ഉണ്ടായി.

ഇതോടൊപ്പം മറ്റൊരു വാര്‍ത്തയും പുറത്ത് വന്നു. പത്താം തരത്തിലെ സി.ബി.എസ്.സി റിസല്‍റ്റ് വൈകിയതിനാലും സംസ്ഥാനത്തെ +2 അലോക്കേഷന്‍ നേരത്തെ ആരംഭിച്ചതിനാലും സി.ബി.എസ്.സി വിദ്യാര്‍ത്ഥികള്‍ക്ക് +2 വിലെ ആദ്യ അലോട്ട്മെന്റില്‍ പ്രവേശിക്കാന്‍ സാധിച്ചിട്ടില്ല. രണ്ടാം അലോട്ട്മെന്റില്‍ ഇവരെ പരിഗണിക്കാം എന്ന് വിദ്യാഭ്യാസ വകുപ്പ് പറഞ്ഞിട്ടുണ്ടെങ്കിലും രക്ഷിതാക്കള്‍ അങ്കലാപ്പിലാണത്രെ. . കേരളത്തിലെ ഒരു പ്രമുഖ ദൃശ്യമാധ്യമ പ്രവര്‍ത്തകനെ ഈ അവസ്ഥയിലുള്ള രക്ഷിതാവ്‌ വിളിക്കുകയും ഈ വിഷയത്തില്‍ മാധ്യമങ്ങള്‍ ഉടനടി ഇടപെടണം എന്ന്
ആവശ്യപ്പെടുക ഉണ്ടായി. സംസ്ഥാന സര്‍ക്കാരിന്റെ 10 ക്ലാസ് റിസല്‍റ്റ് നേരത്തെ വന്നതിനാല്‍ അവര്‍ കേരള സിലബസിലുള്ള +2 പ്രവേശനവുമായി മുന്നോട്ട് പോയതില്‍ തെറ്റെന്താണ്‌ എന്ന് ചോദിച്ചപ്പോള്‍ വലിയൊരു വിഭാഗം വിദ്യാര്‍ത്ഥികള്‍ സി.ബി.എസ്.സിയില്‍ പഠിക്കുന്നുണ്ടെന്നും അവരുടെ അവകാശങ്ങളെ നിഷേധിക്കലാണ്‌ ഈ നടപടി എന്നായി രക്ഷിതാവ്‌. അത്രക്ക് വിഷമം ഉണ്ടെങ്കില്‍ എന്തെ സര്‍ക്കാര്‍ സ്കൂളില്‍ ചേര്‍ന്നില്ല എന്നായി മാധ്യമ പ്രവര്‍ത്തകന്‍. അവിടെ പഠിച്ചാല്‍ എന്റെ കുട്ടി ക്രിമിനലായി പോകുമെന്ന് രക്ഷിതാവ്. പിന്നെ എന്തെ +2 വിന്‌ സര്‍ക്കാര്‍ സ്കൂളിലെക്ക് എന്നായി അടുത്ത ചോദ്യം. സി.ബി.എസ്.സി +2 കോസ്റ്റിലിയാണത്രെ. പിന്നെ കേരള
സിലബസില്‍ പഠിച്ചാല്‍ നല്ല മാര്‍ക്ക് സ്കോര്‍ ചെയ്യാന്‍ കഴിയും എന്ന് മാത്രമല്ല ഉന്നത് വിദ്യാഭ്യാസത്തിന്‌ മാര്‍ക്ക് മുതല്‍ക്കൂട്ടാകുകയും ചെയ്യുമത്രെ

കേരള സര്‍ക്കാരിന്റെ പത്താം തരത്തില്‍ മാര്‍ക്ക് ദാനമാണെന്നും അവിടെ നിന്ന് ജയിക്കുന്നവര്‍ക്ക് നിലവാരമില്ല എന്നും ഉള്ളത് ഒരു മദ്ധ്യവര്‍ഗ്ഗ പൊതുബോധമാണ്‌. എന്നാല്‍ ഇങ്ങനെ ജയിക്കുന്ന നിലവാരമില്ലാത്ത കുട്ടികള്‍ 80% ഓളം സംസ്ഥാന സര്‍ക്കാരിന്റെ +2 വിന്‌ വിജയിക്കുന്നുമുണ്ട്. അങ്ങനെ മണ്ടന്‍മാര്‍ പഠിക്കുന്ന +2 സിലബസ് മാര്‍ക്ക് കിട്ടുമെന്നും ഓസില്‍ പഠിക്കാമെന്നും ഉള്ളതുകൊണ്ട് സി.ബി.എസ്.സി കുട്ടികള്‍ക്കും ഹരമാണ്‌. ഉന്നത വിദ്യാഭ്യാസത്തിന്റെ അടിസ്ഥാനം എന്ന് കരുതപ്പെടുന്ന +2 വിന്‌ മികച്ച സി.ബി.എസ്.സി സിലബസ് ആവശ്യമില്ല മറിച്ച് കൂടുതല്‍ മാര്‍ക്ക്
കിട്ടി ഭാവി സുരക്ഷിതമായാല്‍ മതി. വിദ്യാഭ്യാസം എന്നാല്‍ ഒരു അഭ്യാസമാണല്ലോ?

Thursday, June 03, 2010

ഇങ്ങനെയും ചില കുടിയിറക്കല്‍ വാര്‍ത്തകള്‍

കണ്ണൂര്‍ വിമാനത്താവളം: കുടിയൊഴിയുന്നവര്‍ വീടു നിര്‍മാണം തുടങ്ങി

മട്ടന്നൂര്‍: നിര്‍ദിഷ്ട കണ്ണൂര്‍ വിമാനത്താവളത്തിനുവേണ്ടി വീടും സ്ഥലവും വിട്ടുകൊടുക്കുന്നവര്‍ സര്‍ക്കാര്‍ നല്‍കിയ പത്ത് സെന്റ് ഭൂമിയില്‍ വീട് നിര്‍മിക്കാനുള്ള തിരക്കിലാണ്. വീടു നിര്‍മാണത്തിന്റെ ആദ്യഘട്ടം ഏതാനും പേര്‍ ആരംഭിച്ചു കഴിഞ്ഞു. കീഴല്ലൂര്‍ പഞ്ചായത്ത്, മട്ടന്നൂര്‍ നഗരസഭ എന്നിവിടങ്ങളിലെ 139 കുടുംബങ്ങളാണ് വിമാനത്താവളം നിര്‍മിക്കാന്‍ കിടപ്പാടം വിട്ടുകൊടുത്തത്.

കുടിയൊഴിയുന്ന ഓരോ കുടുംബത്തിനും സര്‍ക്കാരിന്റെ പ്രത്യേക പാക്കേജില്‍ ഉള്‍പ്പെടുത്തി നിലവിലുള്ള വീടിനു സമീപത്ത് തന്നെ പത്ത് സെന്റ് ഭൂമി സൌജന്യമായി നല്‍കുകയായിരുന്നു. കുന്നിന്‍ പ്രദേശത്തും മറ്റുമായി താമസിച്ചിരുന്നവര്‍ക്ക് റോഡരികില്‍ നല്ല ഭൂമി കിട്ടിയത് ആശ്വാസവുമായിട്ടുണ്ട്. കല്ലേരിക്കര, കുമ്മാനം, ആനക്കുഴി, കാര പേരാവൂര്‍, കുറ്റിക്കര, കീഴല്ലൂര്‍ തുടങ്ങിയ സ്ഥലങ്ങളിലാണ് ഇവര്‍ക്കു ഭൂമി നല്‍കിയത്. പുതിയ വീടിനു വൈദ്യുതി, കുടിവെള്ളം, റോഡ് തുടങ്ങിയവ സര്‍ക്കാര്‍ നല്‍കുന്നുണ്ട്

ദേശാഭിമാനിയില്‍ ഇങ്ങനെ പല വാര്‍ത്തകളും വരും അതൊക്കെ വിശ്വസിക്കാന്‍ ഞങ്ങളെന്താ മാവിലായിക്കാരാണോ എന്ന് ചോദിക്കാന്‍ വരുന്നുണ്ടെങ്കില്‍ ഇവിടെ ക്ലിക്ക് ചെയ്യുക

Saturday, May 29, 2010

കേരളവികസനം, ബദലുകള്‍ക്ക് സമയമായി

ആതിരപ്പള്ളി പദ്ധതി, ദേശീയപാതാ വികസനം, വ്യവസായ ആവശ്യങ്ങള്‍ക്ക് ഭൂമി ഏറ്റെടുക്കല്‍, വിദേശ കമ്പനികളെ ആകര്‍ഷിക്കല്‍ എന്നിങ്ങനെ കേരളത്തിന്റെ പുരോഗതിക്ക് മുതല്‍ക്കൂട്ടാകേണ്ട എല്ല ശ്രമങ്ങളും വിവാദങ്ങളില്‍ നിന്ന് വിവാദങ്ങളിലേക്ക് നിങ്ങിക്കൊണ്ടിരിക്കുമ്പോള്‍ ഇനി എന്ത് എന്ന കാര്യത്തില്‍ ശക്തമായ ആശയക്കുഴപ്പം പൊതുവില്‍ നിലനില്‍ക്കുന്നുണ്ട്. ഉദാഹരണമായി പറഞ്ഞാല്‍ ദേശീയപാതയുടെ വികസനം 60 മീറ്ററില്‍ വേണമെന്ന പൊതു നയം തിരുത്തി കേരളത്തിനായി അത് 45 മീറ്ററാക്കി. എന്നാല്‍ 45 മീറ്റര്‍ പ്രായോഗികമല്ല 30 മീറ്റര്‍ മതി എന്നായി കേരളം. എന്നാല്‍ അത് പറ്റില്ല 45 മീറ്ററില്ലെങ്കില്‍ വേറേ വഴി നോക്കൂ എന്ന് കേന്ദ്രം. ഇങ്ങനെ അങ്ങോട്ടുമിങ്ങോട്ടും തട്ടിക്കളിച്ച് നമ്മള്‍ കാലം തള്ളി നീക്കുന്നു.

ഒന്നും ചെയ്യാന്‍ കഴിഞ്ഞില്ലെങ്കിലെന്താ അഴിമതി ആരോപണമോ പദ്ധതി പ്രദേശത്തെ ജനരോഷമോ ഉണ്ടാകില്ലല്ലോ എന്നാണ്‌ മിക്ക രാഷ്ട്രീയാക്കാരുടെയും തഞ്ചം. മാദ്ധ്യമങ്ങള്‍ രാഷ്ട്രീയക്കാര്‍ക്കെതിരെ തിരിയും എന്നുറപ്പുള്ളതിനാല്‍ അവര്‍ തന്ത്രപൂര്‍വ്വം സേഫ് മോഡിലെക്ക് നീങ്ങുന്നു. ഇത്തരം പ്രശ്നങ്ങളില്‍ എന്ത് ബദല്‍ നിര്‍ദ്ദേശിക്കാന്‍ കഴിയുമെന്ന് ആലോചിക്കാന്‍ സമയം അതിക്രമിച്ചിരിക്കുന്നു.

ഇപ്പോഴുള്ള പ്രധാന പ്രശ്നം കുടിയൊഴിപ്പിക്കുന്നവര്‍ക്ക് മാന്യമായ നഷ്ടപരിഹാരം നല്‍കാന്‍ സര്‍ക്കാരിന്‌ പണമില്ലെന്നതാണ്. എന്തുകൊണ്ട് ആ പണം നമ്മള്‍ ജനങ്ങള്‍ക്ക് സമാഹരിച്ച് നല്‍കിക്കൂട? മുഖ്യമന്ത്രിയുടെ ദുരിതാശ്വാസ നിധിയിലേക്ക് സുനാമി ബാധിതരെ സഹായിക്കാന്‍ നമ്മള്‍ പണം സമാഹരിച്ച് നല്‍കി. അതുപോലെ നമ്മുടെ എല്ലാവരുടെയും ഭാവി തലമുറയുടെയും അത്യാവശ്യമായ ഈ പാത വികസനത്തിന്‌ വീടും സ്ഥലവും കൈമാറുന്നവരെ നമുക്കൊരു കൈ നല്‍കി സഹായിക്കാന്‍ കഴിയില്ലെ?
malayal.am വേണ്ടി എഴുതിയ ഈ ബ്ലോഗിന്റെ പൂര്‍ണ്ണ രൂപം ഇവിടെ വായിക്കുക