Thursday, December 09, 2010

രണ്ട് തിരഞ്ഞെടുപ്പ് അവലോകനങ്ങള്‍

മംഗളം ദിനപത്രത്തില്‍ ഈ ആഴ്ച വന്ന രണ്ട് പഞ്ചായത്ത് തിരഞ്ഞെടുപ്പ് ഫലങ്ങളുടെ അവലോകനങ്ങള്‍ ശ്രദ്ധയില്‍പ്പെടുത്തുകയാണ്‌ ഇവിടെ. തോല്‍പ്പിച്ചതു സാമുദായിക കേന്ദ്രീകരണമോ സൈദ്ധാന്തിക അധിനിവേശമോ എന്ന തലക്കെട്ടില്‍ ഫാ: മാണി പുതിയിടം എഴുതിയ ലേഖനമാണ്‌ ആദ്യത്തേത്. യു.ഡി.എഫ്‌. നേതാക്കളുടെ പുതിയ അസ്വസ്‌ഥതകള്‍ എന്ന തലക്കെട്ടില്‍ കെ.എം റൊയി എഴുതിയതാണ്‌ രണ്ടാമത്തേത്.

മാണി പുതിയിടത്തിന്റെ ലേഖനം കത്തോലിക്ക സഭക്ക് ഈ സര്‍ക്കാരിനോടുള്ള കലിപ്പിന്റെ നിറവില്‍ ഉള്ള ഒന്നാണ്‌. അതുകൊണ്ട് തന്നെ വിവിധ കമ്യൂണിസ്റ്റ് രാജ്യങ്ങളില്‍ നടന്നു എന്ന് അവകാശപ്പെട്ടുകൊണ്ട് പല കാര്യങ്ങളും അദ്ദേഹം വിളമ്പുന്നുണ്ട്.അതിലെ ചില പ്രസ്കത ഭാഗങ്ങള്‍ നോക്കാം

റഷ്യയിലും പൂര്‍വയൂറോപ്പിലും സംഭവിച്ചതും ചൈനയില്‍ സംഭവിച്ചുകൊണ്ടിരിക്കുന്നതും ക്യൂബ വിളിച്ചുകൂവിയതുമായ സൈദ്ധാന്തികത്തകര്‍ച്ച കൊച്ചുകേരളത്തിലും പ്രതിഫലിക്കുന്നുവെന്നതല്ലേ തോല്‍വിക്കു പിന്നിലെ മഹാരഹസ്യം?വികസനത്തിനു കേന്ദ്രം അനുവദിച്ച തുകപോലും സൈദ്ധാന്തികഭ്രാന്തിനായി ചെലവിട്ടത്‌ ആര്‍ക്കാണു മനസിലാവാത്തത്‌?

ഏകീകരിക്കപ്പെട്ട ജര്‍മനിയില്‍ സാമ്പത്തികപ്രശ്‌നങ്ങളെക്കാള്‍ ധാര്‍മികപ്രശ്‌നങ്ങളാണ്‌ ഏറെയും. ദൈവവും മതവുമില്ലാതെ 40 വര്‍ഷം ജീവിച്ച പൂര്‍വജര്‍മന്‍കാര്‍ ജനാധിപത്യ ജര്‍മനിയിലെ വിഭവങ്ങള്‍ കണ്ട്‌ അന്ധാളിച്ചു. പഴയ പശ്‌ചിമ ജര്‍മന്‍കാര്‍ ബര്‍ലിന്‍ മതില്‍ തകര്‍ന്നതില്‍ ചിലപ്പോഴൊക്കെ ദു:ഖാര്‍ത്തരാവാറുണ്ട്‌. തകര്‍ന്നു തരിപ്പണമായ പൂര്‍വജര്‍മനിയെ പടുത്തുയര്‍ത്താന്‍ ഏകീകൃതജര്‍മനി സര്‍വശേഷിയും ഉപയോഗിക്കുമ്പോഴും ഈ ധര്‍മച്യുതി അവരെ അലട്ടുന്നുണ്ട്‌.

ചൈനയില്‍ ഇപ്പോള്‍ നടക്കുന്നതെന്താണ്‌? സ്‌ത്രീ ഒന്നില്‍ കൂടുതല്‍ ഗര്‍ഭിണിയായാല്‍ പാര്‍ട്ടിനേതാക്കള്‍ വീട്ടിലെത്തും. പിടിച്ചുകെട്ടി വയറ്റില്‍ തൊഴിച്ചും മരുന്നു കുത്തിവച്ചും ഗര്‍ഭം കലക്കും. ഒരു കുട്ടിയില്‍ കൂടുതലുള്ളവര്‍ മരണഭീതിയിലാണ്‌.

ഇതിന്റെ പൂര്‍ണ്ണരൂപം ചുവടെ കൊടുക്കുന്നു



തോല്‍പ്പിച്ചതു സാമുദായിക കേന്ദ്രീകരണമോ സൈദ്ധാന്തിക അധിനിവേശമോ
തദ്ദേശ തെരഞ്ഞെടുപ്പില്‍ ഇടതുപക്ഷത്തിനേറ്റ തിരിച്ചടിക്കു കാരണമായി അവലോകന റിപ്പോര്‍ട്ടുകളില്‍ പറയുന്ന ഒരു കാരണം സംഘടനാ ദൗര്‍ബല്യമാണ്‌. മറ്റൊന്നു യു.ഡി.എഫിന്‌ അനുകൂലമായ സാമുദായിക കേന്ദ്രീകരണവും. വിദ്യാഭ്യാസപ്രശ്‌നങ്ങള്‍, റോഡുകളുടെ ശോച്യാവസ്‌ഥ, ഗതാഗതപ്രശ്‌നങ്ങള്‍ തുടങ്ങിയവ മധ്യവര്‍ഗത്തെ ഇടതുമുന്നണിയില്‍നിന്ന്‌ അകറ്റിയത്രേ! മേല്‍പ്പറഞ്ഞതെല്ലാം ശരിയാകാം. എന്നാല്‍, കാലഹരണപ്പെട്ട ഭൗതികസിദ്ധാന്തം എല്ലാ മേഖലയിലും അടിച്ചേല്‍പ്പിക്കാന്‍ ശ്രമിച്ചതിനു ജനത്തിന്റെ മറുപടിയായി തെരഞ്ഞെടുപ്പുഫലം വിലയിരുത്തുന്നവരുമുണ്ട്‌.

റഷ്യയിലും പൂര്‍വയൂറോപ്പിലും സംഭവിച്ചതും ചൈനയില്‍ സംഭവിച്ചുകൊണ്ടിരിക്കുന്നതും ക്യൂബ വിളിച്ചുകൂവിയതുമായ സൈദ്ധാന്തികത്തകര്‍ച്ച കൊച്ചുകേരളത്തിലും പ്രതിഫലിക്കുന്നുവെന്നതല്ലേ തോല്‍വിക്കു പിന്നിലെ മഹാരഹസ്യം?വികസനത്തിനു കേന്ദ്രം അനുവദിച്ച തുകപോലും സൈദ്ധാന്തികഭ്രാന്തിനായി ചെലവിട്ടത്‌ ആര്‍ക്കാണു മനസിലാവാത്തത്‌?

പഴയ പശ്‌ചിമജര്‍മനിക്കു ഹിറ്റ്‌ലര്‍ എന്ന നാമം എത്രമാത്രം നാണക്കേടും കുറ്റബോധവും ഉളവാക്കിയോ അതിനെക്കാള്‍ നാണക്കേടാണ്‌ പൂര്‍വജര്‍മനിക്കാര്‍ക്ക്‌ ഇന്നു കമ്യൂണിസം എന്ന നാമം. റഷ്യയില്‍ 70 വര്‍ഷത്തിലധികവും ഉപഗ്രഹരാജ്യങ്ങളില്‍ നാല്‍പ്പതിലേറെ വര്‍ഷവും തെരഞ്ഞെടുപ്പുകളില്ലാതെ നിലനിന്ന സര്‍വാധിപത്യത്തില്‍നിന്നു രക്ഷപ്പെട്ട ആശ്വാസത്തിലാണ്‌ ആ രാജ്യങ്ങളിലെ ജനത. അരനൂറ്റാണ്ടിലധികമായി ക്യൂബയെ കൈപ്പിടിയിലൊതുക്കിയ ഫിഡല്‍ കാസ്‌ട്രോ ഗതികേടു വന്നപ്പോള്‍ അധികാരം കൈമാറിയതു സഹോദരന്‌! സര്‍വാധിപത്യം വലിച്ചെറിഞ്ഞ രാജ്യങ്ങളിലെ ജനത്തിന്‌ ഇപ്പോള്‍ സ്വതന്ത്രമായി യാത്ര ചെയ്യാം, പണം സമ്പാദിക്കാം, പള്ളിയില്‍ പോകാം, ആരെയും പേടിക്കേണ്ടതില്ല. എണ്‍പതുകളുടെ ആദ്യഘട്ടത്തില്‍ ഞാന്‍ യൂറോപ്പില്‍ വിദ്യാര്‍ഥിയായിരിക്കേ, കിഴക്കന്‍ ജര്‍മനി കാണാന്‍ പോയതോര്‍ക്കുന്നു. റെയില്‍വേ സ്‌റ്റേഷനിലെ അടിച്ചിട്ട മുറിയില്‍ ഉടുതുണിയുരിഞ്ഞു പരിശോധന. കിഴക്കന്‍ ബര്‍ലിനില്‍ അകമ്പടിയായി കരിമ്പൂച്ചകളെപ്പോലെ രണ്ടു രഹസ്യപ്പോലീസുകാര്‍! നിശ്‌ചിത സ്‌ഥലങ്ങളില്‍ മാത്രം സന്ദര്‍ശനാനുമതി. പോലീസ്‌ സാന്നിധ്യത്തില്‍ മാത്രം സംഭാഷണം.

ഏകീകരിക്കപ്പെട്ട ജര്‍മനിയില്‍ സാമ്പത്തികപ്രശ്‌നങ്ങളെക്കാള്‍ ധാര്‍മികപ്രശ്‌നങ്ങളാണ്‌ ഏറെയും. ദൈവവും മതവുമില്ലാതെ 40 വര്‍ഷം ജീവിച്ച പൂര്‍വജര്‍മന്‍കാര്‍ ജനാധിപത്യ ജര്‍മനിയിലെ വിഭവങ്ങള്‍ കണ്ട്‌ അന്ധാളിച്ചു. പഴയ പശ്‌ചിമ ജര്‍മന്‍കാര്‍ ബര്‍ലിന്‍ മതില്‍ തകര്‍ന്നതില്‍ ചിലപ്പോഴൊക്കെ ദു:ഖാര്‍ത്തരാവാറുണ്ട്‌. തകര്‍ന്നു തരിപ്പണമായ പൂര്‍വജര്‍മനിയെ പടുത്തുയര്‍ത്താന്‍ ഏകീകൃതജര്‍മനി സര്‍വശേഷിയും ഉപയോഗിക്കുമ്പോഴും ഈ ധര്‍മച്യുതി അവരെ അലട്ടുന്നുണ്ട്‌.

ചൈനയില്‍ ഇപ്പോള്‍ നടക്കുന്നതെന്താണ്‌? സ്‌ത്രീ ഒന്നില്‍ കൂടുതല്‍ ഗര്‍ഭിണിയായാല്‍ പാര്‍ട്ടിനേതാക്കള്‍ വീട്ടിലെത്തും. പിടിച്ചുകെട്ടി വയറ്റില്‍ തൊഴിച്ചും മരുന്നു കുത്തിവച്ചും ഗര്‍ഭം കലക്കും. ഒരു കുട്ടിയില്‍ കൂടുതലുള്ളവര്‍ മരണഭീതിയിലാണ്‌. സ്വാതന്ത്ര്യത്തിനുവേണ്ടി ശബ്‌ദമുയര്‍ത്തിയ ആയിരക്കണക്കിനു യുവാക്കളെ ടിയാനെന്‍മെന്‍ സ്‌ക്വയറില്‍ പാറ്റന്‍ ടാങ്ക്‌ കയറ്റിക്കൊന്നത്‌ ഇന്നും ചൈനക്കാരുടെ മനസിലുണ്ട്‌. ഓടുന്ന വണ്ടിയില്‍ ചാടിക്കയറി പ്രതിയോഗിയെ വെട്ടിക്കൊല്ലുന്നത്‌ അതിന്റെ ചെറിയ പതിപ്പുമാത്രം.

മേല്‍പ്പറഞ്ഞ കപടസിദ്ധാന്തത്തിന്റെ അടിച്ചേല്‍പിക്കല്‍ കഴിഞ്ഞ നാലരവര്‍ഷമായി ജനാധിപത്യകേരളം കാണുന്നു. സര്‍വകലാശാല വിദ്യാഭ്യാസത്തെയും ഉന്നത സാങ്കേതിക വിദ്യാഭ്യാസരംഗത്തെയും പിടിച്ചുലയ്‌ക്കുന്നു. പാഠപുസ്‌തകനിര്‍മിതിയോടും അധ്യാപക പരിശീലനരീതിയോടുമൊക്കെയുള്ള എതിര്‍പ്പ്‌ ന്യൂനപക്ഷത്തിന്റെ മാത്രമാക്കി തൃണവല്‍ഗണിച്ചപ്പോള്‍ കാല്‍ക്കീഴിലെ മണ്ണ്‌ ഒലിച്ചു പോയതറിഞ്ഞില്ല! പഠിക്കാനാഗ്രഹിക്കുന്നവര്‍ അന്യസംസ്‌ഥാനങ്ങളിലേക്കു പലായനം ചെയ്യുന്നതും എതിര്‍ക്കുന്നവരെ കച്ചവടക്കാരാക്കി മുദ്ര കുത്തുന്നതും, കുട്ടിസഖാക്കളെ ഇളക്കിവിട്ട്‌ സ്‌ഥാപനങ്ങള്‍ തല്ലിത്തകര്‍ക്കുന്നതുമൊക്കെ ജനം കണ്ടു. 30 വര്‍ഷം ഭരിച്ചിടത്തുനിന്നു പട്ടിണിക്കോലങ്ങള്‍ കേരളത്തിലേക്ക്‌ ഒഴുകുന്നു.

കമ്യൂണിസം ലോകത്തില്‍ എന്തു ചെയ്‌തോ അതു കേരളത്തില്‍ ആവര്‍ത്തിക്കാനുള്ള കൊണ്ടുപിടിച്ച ശ്രമമാണു നടക്കുന്നത്‌. അതിനു തടസം ഭരണഘടന, കോടതി, പാര്‍ലമെന്ററി ജനാധിപത്യം! ജഡ്‌ജിമാരെ ശുംഭനെന്നും ഉണ്ണാമനെന്നും വിളിച്ചു പദസമ്പത്തു കൂട്ടി.

നേതാക്കള്‍ പണക്കാരും അഹങ്കാരികളുമായതു ജനം കണ്ടു. ഛോട്ടാ നേതാക്കള്‍ പോലീസ്‌ സ്‌റ്റേഷന്‍വരെ ഭരിക്കുന്നു. നോക്കുകൂലിയും കമ്മീഷനുമായി തൊഴില്‍മേഖലയും കര്‍ഷികരംഗവും കൈയടക്കി.ആര്‍ക്കും മണല്‍ വാരാം, ആര്‍ക്കും വയല്‍ നികത്താം. ഛോട്ടാനേതാവിനു കാശു കൊടുത്താല്‍ മതി. ആരെങ്കിലും വിമര്‍ശിച്ചാല്‍ അവര്‍ക്കെതിരേ നികൃഷ്‌ടജീവി തൊട്ട്‌ കീടം വരെയുള്ള ധാര്‍ഷ്‌ട്യപ്രയോഗം. സ്വത്തു സമാഹരിക്കുക, മക്കളെ സാമ്രാജ്യത്വ സര്‍വകലാശാലകളില്‍ വിട്ടു പഠിപ്പിക്കുക, രമ്യഹര്‍മ്യങ്ങള്‍ നിര്‍മിക്കുക, അത്യാധുനിക സൗകര്യങ്ങളുള്ള പാര്‍ട്ടി ഓഫീസുകള്‍, പാര്‍ക്കുകള്‍, തുടങ്ങിയവ പണിതുയര്‍ത്തുക... പാവപ്പെട്ടവന്‍ റേഷന്‍കടയുടെ മുന്നിലെ ക്യൂവിലും.

ഭരണഘടന പ്രതിപാദിക്കുന്ന മതനിരപേക്ഷത കമ്യൂണിസ്‌റ്റുകാരനു മതരാഹിത്യമാണ്‌. മതത്തെ തകര്‍ക്കണമെങ്കില്‍ അതിന്റെ വക്‌താക്കളെ കൊള്ളരുതാത്തവരാക്കണം. പ്രത്യേകിച്ചു കത്തോലിക്കാ വൈദികരെ. അവരെ എങ്ങനെയും താഴ്‌ത്തിക്കെട്ടണം. മാനുഷിക അപഭ്രംശങ്ങള്‍ അവരുടെയിടയിലുണ്ടായാല്‍ അതു സാമാന്യവല്‍ക്കരിക്കും. എവിടെയെങ്കിലും പ്രശ്‌നമുണ്ടായാല്‍ ഒരറ്റത്തു കത്തോലിക്കാ വൈദികനുണ്ടെങ്കില്‍ ഉടന്‍ ചാടിവീഴും. കേസില്ലെങ്കില്‍ ഉണ്ടാക്കും. അതാണു കൈതവനയില്‍ ഒരു കുട്ടി വെള്ളത്തില്‍ വീണു മരിച്ച സംഭവം ഊതിവീര്‍പ്പിച്ചത്‌. സ്വാഭാവികമരണംകൊലപാതകമാക്കണം. അജന്‍ഡ നടപ്പാക്കാന്‍ ഉടന്‍ ലൈംഗികാരോപണമായി. അതേസമയം, സ്‌ത്രീപീഡകരെ കൈയാമം വച്ചു തെരുവിലൂടെ നടത്തുമെന്നു പറഞ്ഞവര്‍ അധികാരത്തിലെത്തിയപ്പോള്‍ എല്ലാം മറന്നു. അതിലൊന്നും ഒരു കത്തോലിക്കാ വൈദികനെ ബന്ധപ്പെടുത്താന്‍ കിട്ടിയില്ലെന്നതാകാം കാരണം. മറിച്ച്‌ സ്വന്തം നേതാക്കള്‍ക്കു ബന്ധമുണ്ടുതാനും.

കിളിരൂരിലെ പെണ്‍കുട്ടി വധിക്കപ്പെട്ടിട്ട്‌ ആറുവര്‍ഷം കഴിഞ്ഞു. കൊട്ടിയം, കവിയൂര്‍, തിരുവല്ല, പൂവരണി എന്നുവേണ്ട അമ്പലപ്പുഴയില്‍ മൂന്നു പെണ്‍കുട്ടികള്‍ ആത്മഹത്യ ചെയ്‌തതുവരെയുള്ള കേസുകളില്‍ എന്തു ചെയ്‌തെന്നു ജനം കണ്ടു. തിരുവല്ലയില്‍ ഒരു പെണ്‍കുട്ടി വിദ്യാഭ്യാസസ്‌ഥാപനത്തില്‍നിന്നു വീട്ടിലെത്തി ആത്മഹത്യ ചെയ്‌തതിനു സ്‌ഥാപനം തല്ലിപ്പൊളിച്ചു. രോഗിയായ വൈദിക പ്രിന്‍സിപ്പലിനെ ആരോപണവിധേയനാക്കി. കാരണമറിയാവുന്ന മാതാപിതാക്കള്‍ പ്രതികരിച്ചില്ല. ആത്മഹത്യചെയ്‌ത കൊച്ചുകന്യാസ്‌ത്രീയുടെ വീട്ടില്‍ച്ചെന്നൊരു മന്ത്രി അപ്പനെയും കൂട്ടി തലസ്‌ഥാനത്തെത്തി രണ്ടുലക്ഷം രൂപ തരപ്പെടുത്തിക്കൊടുത്തു. അതേ മന്ത്രിയോ പാര്‍ട്ടിയോ രണ്ടു കന്യാസ്‌ത്രീകളുടെ തലയില്‍ ഫ്‌ളാറ്റില്‍നിന്നു കട്ട വീണു മരിച്ചപ്പോള്‍ മിണ്ടിയില്ല. കാരണം ഫ്‌ളാറ്റ്‌ പാര്‍ട്ടിക്കാരന്റേതായിരുന്നു.

ഇതൊന്നും പരിഗണിക്കാതെ സാമുദായിക കേന്ദ്രീകരണമാണു തോല്‍വിക്കു കാരണമെന്നൊക്കെപ്പറഞ്ഞു മറ്റുള്ളവര്‍ക്കുനേരേ ചെളി വാരിയെറിയാനുമുള്ള ശ്രമം പാഴ്‌വേലയാണ്‌. ഇടയലേഖനം കൊണ്ടാണു തോല്‍വിയുണ്ടായതെന്നു പറയുന്നത്‌ എത്ര ബാലിശമാണ്‌? ഇടയലേഖനമല്ല, അവയ്‌ക്കു കാരണമാക്കിയ സൈദ്ധാന്തിക അധിനിവേശവും പാര്‍ട്ടിവല്‍ക്കരണവുമാണ്‌ തോല്‍വിക്കു കാരണമെന്നു തിരിച്ചറിയുന്നതു നല്ലതാവും.

* ഫാ. മാണി പുതിയിടം


ഇതൊരു സാമ്പിള്‍ വെടിക്കെട്ടാണ്‌. ഒരു മുഖ്യധാര മാധ്യമത്തില്‍ ഒരു കത്തോലിക്ക പുരോഹിതന്‍ എഴുതിയ ലേഖനമാണ്‌ ഇത്. പരസ്യമായി ഇത്തരം കാര്യങ്ങള്‍ പറയുന്ന കത്തോലിക്ക സഭ നേതൃത്വം കഴിഞ്ഞ തിരഞ്ഞെടുപ്പുകളില്‍ എങ്ങനെ ഒക്കെ ഇടപെട്ടിട്ടുണ്ടാകും എന്നതിന്റെ ടെസ്റ്റ് കേസാണിത്. തിരഞ്ഞെടുപ്പില്‍ ഇടതുപക്ഷത്തെ പരാജയപ്പെടുത്താന്‍ ഏതറ്റം വരയും പോകുന്ന നിലപാടാണ്‌ കത്തോലിക്ക സഭ സ്വീകരിച്ചിരുന്നത്. ഇടത് സ്വതന്ത്രരായി മത്സരിക്കാന്‍ പോയവരെപ്പോലും പിന്‍തിരിപ്പിക്കാന്‍ പൌരോഹത്യ നേതൃത്വം ശ്രമിച്ചിരുന്നു

ഇനി കെ.എം റൊയിയുടെ ലേഖനത്തിലേക്ക് വരാം. ന്യൂനപക്ഷ മേഖലയില്‍ എല്ലാം യുഡി.എഫിന്‌ ഉണ്ടായ വന്‍ മുന്നേറ്റവും അതെ തുടര്‍ന്ന കത്തോലിക്ക സഭ നേതൃത്വം ഇതിന്റെ വിജയത്തിന്റെ ക്രെഡിറ്റ് എടുക്കുകയും ചെയ്തത് ഭൂരിപക്ഷ സമുദായത്തില്‍ ഇടത് അനുകൂല തരംഗം ഉണ്ടാക്കുമോ എന്ന ആശങ്കയാണ്‌ പങ്കു വയ്ക്കുന്നത്. കത്തോലിക്ക സഭയെപ്പോലെ തന്നെ യുഡി.എഫ് വിജയം ആഗ്രഹിക്കുന്ന ആളാണ്‌ റോയീ. യുഡിഎഫ് ശ്രദ്ധിച്ചിലെങ്കില്‍ ഭൂരിപക്ഷ സമുദായം ഇടത്തോട്ട് ഒഴുകും എന്ന ആശങ്ക ഇത്തിരി പൊടിപ്പും തൊങ്ങലും വച്ച് പറയുകയാണ്‌ റോയീ. ഒപ്പം ചില ചരിത്രങ്ങളും. മാണി പുതിയിടത്തിന്റെ ലേഖനത്തിനൊപ്പം വായിക്കാവുന്ന ഒന്നാണ്‌ ഇത്. ഇതിന്റെ പൂര്‍ണ്ണ രൂപം ചുവടെ


യു.ഡി.എഫ്‌. നേതാക്കളുടെ പുതിയ അസ്വസ്‌ഥതകള്‍
കേരളത്തിലെ തദ്ദേശ സ്വയംഭരണ സ്‌ഥാപനങ്ങളിലേക്കുള്ള തെരഞ്ഞെടുപ്പില്‍ കൈവരിച്ച നേട്ടത്തില്‍ ഐക്യജനാധിപത്യമുന്നണി മൊത്തത്തില്‍ ആഹ്‌ളാദിക്കുമ്പോള്‍ ജനവികാരമറിയാവുന്നവരും ജനസമ്പര്‍ക്കമുള്ളവരുമായ പലേ മുന്നണി നേതാക്കളും തെരഞ്ഞെടുപ്പു ഫലത്തിന്റെ കാര്യത്തില്‍ അസ്വസ്‌ഥരാണെന്നതാണു പുതിയ രാഷ്‌ട്രീയ സംഭവവികാസം. യു.ഡി.എഫിനു രാഷ്‌ട്രീയ സ്വത്വം നിലനിര്‍ത്താനാകുമോ എന്ന ആശങ്കയാണ്‌ ഈ അസ്വസ്‌ഥതയ്‌ക്കു കാരണം. കേരളത്തിന്റെ രാഷ്‌ട്രീയ മനസ്‌ വളരെ പെട്ടെന്നു നാടകീയമായാണു മാറ്റങ്ങള്‍ക്കു വിധേയമാവുക എന്നറിയുന്ന തലമൂത്ത ചില നേതാക്കളിലാണ്‌ ഈ അസ്വസ്‌ഥത വളര്‍ന്നിരിക്കുന്നത്‌.

മലപ്പുറവും കോട്ടയവും കേന്ദ്രീകരിച്ചുള്ള മത-ജാതീയ ശക്‌തികളുടെ ഒരു പിന്തിരിപ്പന്‍ സഖ്യമാണു യു.ഡി.എഫ്‌. എന്ന ധാരണ ഭൂരിപക്ഷ ഹൈന്ദവ വോട്ടര്‍മാരില്‍ അതിവേഗം വളരുന്നുണ്ടോ എന്ന സംശയമാണ്‌ ഈ അസ്വസ്‌ഥതയ്‌ക്കു കാരണം. മറ്റെല്ലാ ജില്ലകളിലേയും തെരഞ്ഞെടുപ്പുഫലങ്ങള്‍ പുറത്തുവന്നതിനുശേഷം യു.ഡി.എഫ്‌. നേതൃത്വത്തിന്റെ എല്ലാ കണക്കുകൂട്ടലുകളും തെറ്റിച്ചുകൊണ്ടു കോഴിക്കോട്‌ ജില്ലയില്‍ ഇടതുപക്ഷമുന്നണി മികച്ച വിജയം കരസ്‌ഥമാക്കിയതു നിസാര കാര്യമായല്ല ഈ യു.ഡി.എഫ്‌. നേതാക്കള്‍ കാണുന്നത്‌.

മറ്റു ജില്ലകളിലെ ഫലം പുറത്തുവന്നപ്പോള്‍ സംസ്‌ഥാനത്തുണ്ടായ യു.ഡി.എഫ്‌. വിജയം കത്തോലിക്കാ ബിഷപ്പുമാരുടെ ഇടയലേഖനത്തിന്റെ വിജയമാണെന്നു മെത്രാന്‍ സമിതിയുടെ ഔദ്യോഗിക വക്‌താവ്‌ പരസ്യമായി നടത്തിയ അവകാശവാദം മുന്നണിയുടെ പ്രതിഛായയ്‌ക്കു വലിയ കോട്ടമുണ്ടാക്കിയെന്നതാണ്‌ ഈ നേതാക്കള്‍ കരുതുന്നത്‌. കത്തോലിക്കാ ബിഷപ്പുമാരാണു യു.ഡി.എഫിന്റെ യഥാര്‍ഥ തലതൊട്ടപ്പന്മാര്‍ എന്ന അവകാശം സ്‌ഥാപിക്കാനുള്ള ശ്രമം ഭൂരിപക്ഷ സമുദായങ്ങളില്‍ അമര്‍ഷം വളര്‍ത്തിക്കൊണ്ടിരിക്കുകയാണെന്നാണ്‌ അവരുടെ ഭീതി.

ചില ബിഷപ്പുമാരും അവരുടെ വക്‌താക്കളും രാഷ്‌ട്രീയ കാര്യങ്ങളില്‍ ഉപയോഗിക്കുന്ന ഭാഷയിലെ ധാര്‍ഷ്‌ട്യവും ഔദ്ധത്യവും സഭാവിശ്വാസികളില്‍ത്തന്നെ ഇതിനകം വലിയ നീരസം ഉണ്ടാക്കിയിട്ടുണ്ട്‌. ഇതു കത്തോലിക്കാ ഇതര സമുദായങ്ങളുടെ, പ്രത്യേകിച്ചു ഹൈന്ദവ സമുദായത്തിന്റെ വ്യാപകമായ അമര്‍ഷത്തിന്‌ ഇടവരുത്തുകയാണെന്നത്‌ ഒരു വസ്‌തുതയാണ്‌. കേരളത്തിലെ കത്തോലിക്കാ സഭയുടെ വത്തിക്കാന്‍ എന്നു വിശേഷിപ്പിക്കാവുന്ന ചങ്ങനാശേരിയിലെ നഗരസഭയില്‍ യു.ഡി.എഫിനു ഭൂരിപക്ഷം കിട്ടാതിരുന്നതു ഭൂരിപക്ഷ സമുദായത്തിന്റെ അമര്‍ഷം കൊണ്ടാണെന്നതാണ്‌ ഈ യു.ഡി.എഫ്‌. നേതാക്കളുടെ കണക്കുകൂട്ടല്‍.

കഴിഞ്ഞ മുപ്പതുവര്‍ഷമായി കേരള കോണ്‍ഗ്രസ്‌ വലിയ ഭൂരിപക്ഷത്തോടെ ജയിക്കുന്ന യു.ഡി.എഫ്‌. ഉരുക്കുകോട്ടയായ ചങ്ങനാശേരിയിലാണ്‌ ആ മുന്നണിക്ക്‌ ഇപ്പോഴത്തെ അനുകൂലമായ പരിതസ്‌ഥിതിയിലും അപ്രതീക്ഷിത പ്രഹരമേറ്റത്‌. അതുകൊണ്ടുതന്നെ സഭയുടെ രാഷ്‌ട്രീയക്കളിയോടുള്ള ഭൂരിപക്ഷ സമുദായത്തിന്റെ അമര്‍ഷം വളര്‍ന്നാല്‍ അഞ്ചുമാസത്തിനകം നടക്കാനിരിക്കുന്ന നിയമസഭാ തെരഞ്ഞെടുപ്പില്‍ യു.ഡി.എഫിന്റെ വിജയം അനായാസമാകില്ലെന്നാണു ചില നേതാക്കള്‍ ഭയപ്പെടുന്നത്‌. ഹൈന്ദവ വോട്ടര്‍മാരുടെ ഈ വികാരം വളര്‍ത്താന്‍ ഇടതുപക്ഷമുന്നണി പരമാവധി ശ്രമിക്കുമെന്ന ഭീതിയും ഈ നേതാക്കള്‍ക്കുണ്ട്‌.

കത്തോലിക്കാ മെത്രാന്മാരുടെ ശക്‌തനായ പിന്തുണക്കാരന്‍ എന്നു വിശേഷിപ്പിക്കപ്പെടുന്ന കേരള കോണ്‍ഗ്രസ്‌ നേതാവ്‌ കെ.എം. മാണിയെപ്പോലും അസ്വസ്‌ഥനാക്കാന്‍ തുടങ്ങിയിരിക്കുന്ന സംഭവവികാസമാണ്‌ ഇത്‌. മെത്രാന്മാരുടെ ഈ ആധിപത്യ മനോഭാവത്തിനു വഴങ്ങിയാല്‍ കത്തോലിക്കാ മിഷന്‍ ലീഗിന്റേയോ സൊഡാലിറ്റിയുടെയോ നിലയിലേക്കു തന്റെ കേരളാ കോണ്‍ഗ്രസ്‌ താണുപോകുമെന്നു ഭയപ്പെടുന്ന കേരളാ കോണ്‍ഗ്രസ്‌ നേതാക്കളുമുണ്ട്‌. കോണ്‍ഗ്രസില്‍ ചേരാന്‍ ആര്‍. ബാലകൃഷ്‌ണപിള്ള നടത്തുന്ന നീക്കങ്ങളും യു.ഡി.എഫ്‌. വിടാന്‍ കെ.ആര്‍. ഗൗരിയമ്മ നടത്തുന്ന നീക്കങ്ങളും ഇതെല്ലാമായി കൂട്ടിവായിച്ചാല്‍ കാര്യങ്ങള്‍ എങ്ങോട്ടൊക്കെയോ തിരിയുകയാണെന്ന സംശയം കൂടുതല്‍ ബലവത്താക്കുന്നു.

കോണ്‍ഗ്രസിലെ വലിയൊരു വിഭാഗം, പ്രത്യേകിച്ച്‌ എ.കെ. ആന്റണിയേയും അദ്ദേഹത്തിന്റെ നിലപാടുകളേയും പിന്താങ്ങുന്ന പുരോഗമനവാദികളായ നേതാക്കളും അനുയായികളും കത്തോലിക്കാ സഭാ നേതൃത്വത്തോടു യു.ഡി.എഫ്‌. അമിത വിധേയത്വം കാണിക്കുന്നത്‌ ആപല്‍ക്കരമാണെന്നു മാത്രമല്ല വിനാശകരമാണെന്നും കണക്കൂകൂട്ടുന്നവരാണ്‌. മുഖ്യമന്ത്രിയെന്ന നിലയില്‍ എ.കെ. ആന്റണിയോടു സഭാനേതൃത്വം നടത്തിയ വാഗ്‌ദാനലംഘനമാണു സംസ്‌ഥാനത്തെ വിദ്യാഭ്യാസരംഗമാകെ പ്രശ്‌നസങ്കീര്‍ണമാക്കാന്‍ കാരണമായതെന്നാണ്‌ ആ വിഭാഗം നേതാക്കള്‍ കരുതുന്നത്‌.

ഇക്കാര്യം എ.കെ. ആന്റണി പരസ്യമായി പ്രസ്‌താവിച്ചിട്ടുള്ളതാണ്‌. ഇക്കാര്യത്തിലുണ്ടായ ചതി ആന്റണിതന്നെ ഒരിക്കല്‍ എന്നോടു വിശദീകരിക്കുകയുണ്ടായി. സ്വകാര്യ കോളജ്‌ വിദ്യാഭ്യാസ രംഗത്തു നടക്കുന്ന ചൂഷണവും അഴിമതിയും തടയുന്ന കാര്യത്തില്‍ ധീരമായ നിലപാട്‌ കൈക്കൊണ്ട നേതാവാണ്‌ അദ്ദേഹം. അതുകൊണ്ടാണു സ്വകാര്യ കോളജ്‌ അധ്യാപകര്‍ക്കു നേരിട്ടു ശമ്പളം നല്‍കുന്നതിനുള്ള ഡയറക്‌ട് പേയ്‌മെന്റ്‌ സമ്പ്രദായത്തിന്‌ ആന്റണി നേതൃത്വം നല്‍കിയത്‌. കോളജ്‌ അധ്യാപകര്‍ക്കു മൂക്കുകയറിട്ടുകൊണ്ട്‌ അവരെ വരുതിയില്‍ നിര്‍ത്തി ചൂഷണം ചെയ്യാനുള്ള അവസരം നഷ്‌ടപ്പെടുമെന്നതു കാരണം ഡയറക്‌ട് പേയ്‌മെന്റിനെ ശക്‌തിയായി എതിര്‍ത്തുകൊണ്ടു സഭാനേതൃത്വവും മറ്റു സമുദായ നേതൃത്വങ്ങളും ചേര്‍ന്ന്‌ ആന്റണിക്കെതിരായി പ്രക്ഷോഭം തന്നെ നടത്തി നോക്കിയതാണ്‌.

അക്കാലത്തു കത്തോലിക്കാ ബിഷപ്പുമാര്‍ കോഴിക്കോട്ടുവച്ചു പ്രധാനമന്ത്രി ഇന്ദിരാ ഗാന്ധിക്കു നല്‍കിയ വിരുന്നുപോലും ബഹിഷ്‌കരിച്ചുകൊണ്ടാണ്‌ ആന്റണി തന്റെ നിലപാടില്‍ ധീരമായി ഉറച്ചുനിന്നത്‌. ഒടുവില്‍ ആന്റണി വാദിച്ചതുപോലെ കോളജ്‌ അധ്യാപകര്‍ക്കു നേരിട്ടുള്ള ശമ്പളം എന്ന സമ്പ്രദായം കേരളത്തില്‍ നടപ്പാക്കുകതന്നെ ചെയ്‌തു. 1957-ല്‍ ആദ്യത്തെ കമ്യൂണിസ്‌റ്റ് സര്‍ക്കാര്‍ അധികാരത്തില്‍ വന്നപ്പോള്‍ സ്‌കൂള്‍ അധ്യാപകര്‍ക്കു സര്‍ക്കാര്‍ നേരിട്ടു ശമ്പളം നല്‍കി അവരെ മാനേജ്‌മെന്റിന്റെ ചൂഷണത്തില്‍ നിന്നു വിമുക്‌തമാക്കിയ അന്നത്തെ വിദ്യാഭ്യാസമന്ത്രി പ്രഫ. ജോസഫ്‌ മുണ്ടശേരിയുടെ ചുവടുപിടിച്ചുള്ള ആന്റണിയുടെ നീക്കം അന്തിമമായി വിജയിക്കുകതന്നെ ചെയ്‌തു.

അയല്‍ സംസ്‌ഥാനങ്ങളിലെ പ്രൊഫഷണല്‍ കോളജുകളിലേക്കുള്ള കേരളത്തിലെ വിദ്യാര്‍ഥികളുടെ ഒഴുക്കു തടയാനാണു സ്വാശ്രയ എന്‍ജിനീയറിംഗ്‌ കോളജുകള്‍ എന്ന നിര്‍ദേശം മുഖ്യമന്ത്രിയായിരിക്കുമ്പോള്‍ എ.കെ. ആന്റണി മനസില്ലാമനസോടെ സ്വീകരിക്കാന്‍ തയാറായത്‌. വിദ്യാഭ്യാസരംഗത്തു ലജ്‌ജാകരമായ കച്ചവടത്തിന്‌ അതു വഴിതുറക്കുമെന്നു മുഖ്യമന്ത്രി ആന്റണിക്ക്‌ അറിയാമായിരുന്നിട്ടും അതദ്ദേഹം അംഗീകരിച്ചത്‌ അമ്പതു ശതമാനം സീറ്റുകളിലേക്കുള്ള പ്രവേശനം മെറിറ്റിന്റെ അടിസ്‌ഥാനത്തിലായിരിക്കുമെന്നു കത്തോലിക്കാ ബിഷപ്പുമാര്‍ മുഖ്യമന്ത്രിക്കു വ്യക്‌തമായ ഉറപ്പു നല്‍കിയതിന്റെ അടിസ്‌ഥാനത്തിലാണ്‌. രണ്ടു സ്വകാര്യ എന്‍ജിനീയറിംഗ്‌ കോളജുകള്‍ എന്നത്‌ ഒരു സര്‍ക്കാര്‍ എന്‍ജിനീയറിംഗ്‌ കോളജിനു തുല്യമാകുമ്പോള്‍ മിടുക്കന്മാരായ നിര്‍ധന വിദ്യാര്‍ഥികള്‍ക്കു പഠിക്കാന്‍ അവസരം കിട്ടുമെന്നും അതു സ്വകാര്യ പ്രൊഫഷണല്‍ കോളജുകള്‍ എന്ന ആശയത്തോടു ജനങ്ങള്‍ക്കുള്ള എതിര്‍പ്പ്‌ കുറയ്‌ക്കുമെന്നുമായിരുന്നു ആന്റണിയുടെ പ്രത്യാശ. സ്വാശ്രയ മെഡിക്കല്‍ കോളജിന്റെ കാര്യവും അതുതന്നെയായിരുന്നു.

പക്ഷേ, സ്വാശ്രയ കോളജുകള്‍ അനുവദിച്ചുകഴിഞ്ഞപ്പോള്‍ ബിഷപ്പുമാര്‍ നിലപാടു മാറ്റി. പെട്ടെന്നു പ്രവേശനം മുഴുവന്‍ നിയമത്തിന്റെ മുടിനാരിഴകീറി ന്യൂനപക്ഷ സമുദായങ്ങളുടെ അവകാശമാക്കി സ്വന്തമാക്കുകയാണ്‌ ഇവര്‍ ചെയ്‌തത്‌. പിന്നെ കേരളം കണ്ടതു ന്യൂനപക്ഷാവകാശങ്ങളുടെ പേരില്‍ പ്രൊഫഷണല്‍ വിദ്യാഭ്യാസ രംഗത്തെ കഴുത്തറുപ്പന്‍ കച്ചവടമാണ്‌.

കത്തോലിക്കാ മെത്രാന്‍ സമിതിയുടെ വക്‌താവെന്നു പറയുന്ന ഒരു ബിഷപ്പിനോട്‌ ഈ വിശ്വാസവഞ്ചനയെക്കുറിച്ചു ഞാന്‍ ചോദിക്കുകയുണ്ടായി. അപ്പോള്‍ അദ്ദേഹം പറഞ്ഞത്‌ അങ്ങനെ ഒരു ഉറപ്പും ആന്റണിക്കു മെത്രാന്മാര്‍ നല്‍കുകയുണ്ടായിട്ടില്ലെന്നാണ്‌. ശുദ്ധമായ അസത്യമാണു ബിഷപ്‌ പറയുന്നതെന്ന്‌ എനിക്കറിയാമായിരുന്നു. ആന്റണിക്കാണോ ബിഷപ്പുമാര്‍ക്കാണോ സത്യസന്ധത എന്ന കാര്യത്തില്‍ കേരളത്തില്‍ ഒരു അഭിപ്രായ സര്‍വേ നടത്തിയാല്‍ തൊണ്ണൂറ്റിയൊമ്പതു ശതമാനം ജനങ്ങള്‍ ആന്റണിയാണു സത്യസന്ധന്‍ എന്നു വിധിയെഴുതുമെന്നാണു ഞാന്‍ ആ മെത്രാനോടു പറഞ്ഞത്‌. അതെന്തുമാകട്ടെ.

എന്തുപറഞ്ഞാലും മുണ്ടശേരി മാഷിനെയും എ.കെ. ആന്റണിയെയും എതിരാളികളായിത്തന്നെയാണു സഭാനേതൃത്വം ഇന്നും കാണുന്നത്‌. കാരണം ആ നേതൃത്വത്തിന്റെ അപ്രമാദിത്വവും ചൂഷണവും അംഗീകരിക്കാത്തവരാണ്‌ ഈ രണ്ടുപേരും. പക്ഷേ ആന്റണിയെ അംഗീകരിക്കാനും പ്രത്യക്ഷമായി ആദരിക്കാനും സഭാനേതൃത്വം തയാറാകുന്നതിന്‌ ഒരു കാരണം അദ്ദേഹം കേന്ദ്രസര്‍ക്കാരില്‍ വലിയ അധികാരം കൈയാളുന്ന കേന്ദ്രമന്ത്രിയായി ദേശീയപദവിയിലേക്ക്‌ ഉയര്‍ന്നിരിക്കുന്നതുകൊണ്ടാണ്‌. അധികാരത്തിന്റെ മുന്നില്‍ തലകുനിക്കാതിരിക്കാന്‍ പറ്റില്ലല്ലോ? അല്ലെങ്കില്‍ തങ്ങളെ തലതൊട്ടപ്പന്‍മാരായി അംഗീകരിക്കാത്ത കത്തോലിക്കരുടെ പേരുള്ള ഒരു നേതാവിനേയും അംഗീകരിക്കാത്തവരാണു സഭാനേതാക്കള്‍. തങ്ങളുടെ കൈയൊപ്പില്ലാതെ കേരളത്തിലെ ഒരു കോണ്‍ഗ്രസ്‌ നേതാവിനും വളരാനാവില്ലെന്ന മെത്രാന്‍മാരുടെ തെറ്റിദ്ധാരണ ആന്റണി പൊളിച്ചെഴുതിയതു ചരിത്രം.

നമ്മുടെ മുന്‍ തലമുറയില്‍ ദാരിദ്ര്യത്തിന്റെയും കഷ്‌ടപ്പാടുകളുടെയും കാണപ്പെട്ട രൂപങ്ങളായിരുന്നു സ്വകാര്യ സ്‌കൂള്‍ അധ്യാപകര്‍. ശമ്പള രജിസ്‌റ്ററില്‍ ഒപ്പിട്ടുകൊടുത്താല്‍ സര്‍ക്കാരില്‍നിന്നു നല്‍കുന്ന ശമ്പളത്തിന്റെ പകുതി മാത്രമേ അധ്യാപകരുടെ കൈയിലെത്തുമായിരുന്നുള്ളൂ എന്നതാണു കാരണം. ആ ചൂഷണം ഒഴിവാക്കി ഒപ്പിട്ടുകൊടുക്കുന്ന മുഴുവന്‍ ശമ്പളത്തിനും അധ്യാപകരെ അര്‍ഹരാക്കി എന്ന മനുഷ്യത്വം മാത്രമേ വിദ്യാഭ്യാസമന്ത്രി എന്ന നിലയില്‍ പ്രഫ. മുണ്ടശേരി ചെയ്യുകയുണ്ടായുള്ളു. അതിന്റെ പേരിലാണു സഭാവിരോധിയും ദൈവവിരോധിയുമായി സഭാനേതാക്കള്‍ അദ്ദേഹത്തെ കണ്ടത്‌.

എന്തായാലും കേരളത്തിലെ വിദ്യാഭ്യാസരംഗത്ത്‌ ഒരു സാമൂഹ്യവിപ്ലവത്തിനു നേതൃത്വം നല്‍കിയ മുണ്ടശേരി മാസ്‌റ്ററുടെ മകന്‍ ഡോ. ജോസ്‌ മുണ്ടശേരി വിദ്യാഭ്യാസരംഗത്ത്‌ ഒരു സാങ്കേതിക വിപ്ലവത്തിന്‌ ഇപ്പോള്‍ നേതൃത്വം നല്‍കുകയാണ്‌. അമേരിക്കയിലെ ചില പ്രമുഖ സ്‌ഥാപനങ്ങളുടെ മേധാവിയാണ്‌ ഈ ഇലക്‌ട്രിക്കല്‍ എന്‍ജിനീയറിംഗ്‌ ബിരുദധാരി. കൊച്ചിയിലെ സാങ്കേതിക സര്‍വകലാശാല (കുസാറ്റ്‌) കമ്യൂണിക്കേഷന്‍ സ്‌റ്റഡീസിന്റെ ഗവേഷണ പഠനത്തിനായി പിതാവ്‌ പ്രഫ. മുണ്ടശേരിയുടെ പേരില്‍ ഒരു സെന്റര്‍ സ്‌ഥാപിക്കുന്നതിന്‌ അഞ്ചുകോടി രൂപയാണ്‌ ഈ പുത്രന്‍ സംഭാവന ചെയ്‌തിരിക്കുന്നത്‌. സംസ്‌ഥാനത്തിന്റെ ചരിത്രത്തില്‍ ഒരു വലിയ സംഭവമാണ്‌ ഈ സംഭാവന.

കേരളത്തില്‍ ഒരു വ്യക്‌തിക്കുപോയിട്ട്‌ വലിയ സ്‌ഥാപനങ്ങള്‍ക്കുപോലും ചിന്തിക്കാനാവാത്ത സംഭാവനയാണ്‌ ഈ അഞ്ചുകോടി രൂപ. പ്രഫ. മുണ്ടശേരിയെ സഭാ വിരോധിയായി പ്രഖ്യാപിച്ച കേരളത്തിലെ കത്തോലിക്കാ സഭയ്‌ക്കു കോടിക്കണക്കിനു രൂപയുടെ സ്വത്തുണ്ട്‌. ഏതെങ്കിലും സര്‍വകലാശാലയിലെ ഗവേഷണത്തിനായി അഞ്ചുകോടി രൂപ സംഭാവന ചെയ്യുന്നതിനെക്കുറിച്ച്‌ സഭാപിതാക്കന്‍മാര്‍ക്കു ചിന്തിക്കാന്‍ കഴിയുമോ?

ആ അഞ്ചുകോടി രൂപയുണ്ടെങ്കില്‍ പത്തു സ്വാശ്രയ ഇംഗ്ലീഷ്‌ മീഡിയം പബ്ലിക്‌ സ്‌കൂള്‍ തുടങ്ങി സമ്പന്ന സന്തതികള്‍ക്കു പഠിക്കാന്‍ സൗകര്യമുണ്ടാക്കിയാല്‍ എന്തു ലാഭമുണ്ടാക്കാം എന്നു ചിന്തിക്കുന്നവരായി മാറിയിരിക്കുന്നു ക്രിസ്‌ത്യന്‍ മാനേജ്‌മെന്റ്‌. അവിടെ എങ്ങനെ റബര്‍ വെട്ടുകാരും കടത്തുവള്ളക്കാരും മീന്‍പിടിത്തക്കാരുമായ ക്രിസ്‌ത്യാനികളുടെ മക്കള്‍ക്കു പഠിക്കാന്‍ കഴിയുമെന്നു ചോദിച്ചാല്‍ അതിനാണല്ലോ സര്‍ക്കാര്‍ സ്‌കൂളുള്ളതെന്ന മറുചോദ്യമായിരിക്കും ഉയരുക.

കെ.എം. റോയ്‌

44 comments:

suraj::സൂരജ് said...

"ചൈനയില്‍ ഇപ്പോള്‍ നടക്കുന്നതെന്താണ്‌? സ്‌ത്രീ ഒന്നില്‍ കൂടുതല്‍ ഗര്‍ഭിണിയായാല്‍ പാര്‍ട്ടിനേതാക്കള്‍ വീട്ടിലെത്തും. പിടിച്ചുകെട്ടി വയറ്റില്‍ തൊഴിച്ചും മരുന്നു കുത്തിവച്ചും ഗര്‍ഭം കലക്കും. ഒരു കുട്ടിയില്‍ കൂടുതലുള്ളവര്‍ മരണഭീതിയിലാണ്‌ "

അച്ചന്റെ ഗർഭം ആരാണ്ടും കലക്കിയപോലാണല്ലോ കീച്ച് !

ജിവി/JiVi said...

അച്ചന്‍ ഉറപ്പായിട്ടും ചൈനയില്‍ പോയിട്ടുണ്ട്.

കാക്കര kaakkara said...

"അരനൂറ്റാണ്ടിലധികമായി ക്യൂബയെ കൈപ്പിടിയിലൊതുക്കിയ ഫിഡല്‍ കാസ്‌ട്രോ ഗതികേടു വന്നപ്പോള്‍ അധികാരം കൈമാറിയതു സഹോദരന്‌!"

ഏയ്‌, ആയിരിക്കില്ല, അതൊക്കെ കോൺഗ്രസ്സിലല്ലെ...

Mickle said...

ആരെങ്കിലും വിമര്‍ശിച്ചാല്‍ അവര്‍ക്കെതിരേ നികൃഷ്‌ടജീവി തൊട്ട്‌ കീടം വരെയുള്ള ധാര്‍ഷ്‌ട്യപ്രയോഗം. സ്വത്തു സമാഹരിക്കുക, മക്കളെ സാമ്രാജ്യത്വ സര്‍വകലാശാലകളില്‍ വിട്ടു പഠിപ്പിക്കുക , രമ്യഹര്‍മ്യങ്ങള്‍ നിര്‍മിക്കുക, അത്യാധുനിക സൗകര്യങ്ങളുള്ള പാര്‍ട്ടി ഓഫീസുകള്‍, പാര്‍ക്കുകള്‍, തുടങ്ങിയവ പണിതുയര്‍ത്തുക... പാവപ്പെട്ടവന്‍ റേഷന്‍കടയുടെ മുന്നിലെ ക്യൂവിലും.


Chumma athum ithum parayaathe acho.... ithu muzhuvan pinaraayiye maathram udhaesichalle.... anghaeru paavam Laaavlin chettan...

Murali said...

എന്റെ ഒരു ബന്ധുവും ഒരു ‘കാര്‍ഡ് ക്യാരിയിങ്’ കമ്മ്യൂണിസ്റ്റുമായ ഒരു വ്യക്തി പറഞ്ഞത് ഓര്‍മ്മവരുന്നു: സി.പി.എം ഹിന്ദുക്കളുടെ കേരളാ കോണ്‍‌ഗ്രസ്സാണ് എന്ന്. അതെങ്ങാനും പാര്‍ട്ടി apparatchik-കളുടെ തലയില്‍ക്കയറിയാല്‍ റോയി ഭയന്നതുപോലെ സംഭവിച്ചേക്കും - യു.ഡി.എഫിന് സിംഹാസനം കാണാനുള്ള യോഗം അതോടെ തീരും. കയറുകയില്ല എന്നത് ചെന്നിത്തലയുടെ യോഗം.

കിരണ്‍ തോമസ് തോമ്പില്‍ said...

രാമയണം മുഴുവന്‍ വായിച്ചിട്ട് കാക്കര കണ്ടെത്തിയത് കൊള്ളാം

antony said...

പൊതുവേ മറ്റ് സംസ്ഥാനങ്ങളെ അപേക്ഷിച്ച് നമ്മുടെ നാട് ശാന്തമാണ്. കേരളത്തില്‍ ഒരു വര്‍ഗ്ഗീയ ധൃവീകരണം നടന്നിട്ടില്ലാത്തതുകൊണ്ടാണിത്. എന്നാല്‍ സമാധാനത്തിന്റെ പരിശുദ്ധാത്മാക്കള്‍ എന്ന് സ്വയം വിശേഷിപ്പിക്കുന്ന ഒരു ന്യൂന പക്ഷം കഴിഞ്ഞ കുറേ വര്‍ഷങ്ങളായി പൈശാചികമായ കുടില തന്ത്രങ്ങള്‍ കേരളത്തില്‍ പയറ്റുകയാണ്. പലപ്പോഴും നിഷ്കളങ്കമെന്ന് തോന്നാവുന്ന തരത്തിലുള്ള അഭിപ്രായ പ്രകടനങ്ങള്‍ കേരള സമൂഹത്തിലേക്ക് അവര്‍ കടത്തി വിടുന്നു. ക്രിസ്തു മത സഭകളാണവര്‍.

ചില ഉദാഹരണങ്ങള്‍:

ക്രിസ്ത്യാനികള്‍ അവരുടെ കുട്ടികളെ ക്രിസ്തു മത സഭ നടത്തുന്ന സ്കൂളുകളിലേ പഠിപ്പിക്കാവൂ.
ക്രിസ്ത്യാനികള്‍ ജനസംഖ്യയില്‍ വളരെ കുറവാണ്. അതുകൊണ്ട് സാമ്പത്തിക സ്ഥിതി നല്ലതായ ക്രിസ്ത്യാനികള്‍ കൂടുതല്‍ കുട്ടികള്‍ക്ക് ജന്മം നല്‍കണം.
കേരളത്തില്‍ സര്‍ക്കാര്‍ അവരേയും അവരുടെ സ്ഥാപനങ്ങളേയും അടിച്ചമര്‍ത്തുന്നു എന്ന് നിരന്തരം പ്രചരിപ്പിക്കുന്നു.
ദൈവ വിശ്വാസമുള്ളവര്‍ക്ക് മാത്രം വോട്ടുകൊടുക്കുക.
കേരളത്തില്‍ ഒരു മതക്കാരേയും സര്‍ക്കാരോ മറ്റാരെങ്കിലുമോ പീഡിപ്പിക്കുന്നില്ല. ഒറീസ പോലുള്ള സംസ്ഥാനങ്ങളില്‍ ക്രിസ്ത്യാനികളെ ചുട്ടെരിക്കുമ്പോള്‍ അത് കാണാതെ ഇവിടെ അവരെ അക്രമിക്കുന്നു എന്ന് പ്രചരിപ്പിക്കുന്നതെന്തിന്? തെരഞ്ഞെടുപ്പിനെ ബാധിക്കുന്ന ഭരണഘടനാ വിരുദ്ധ പ്രസ്ഥാവനകള്‍ എന്തിന് നടത്തുന്നു?

ഇത്തരം പ്രസ്ഥാവനകള്‍ സമൂഹത്തിലും വ്യക്തികളിലും എന്ത് ചലമാണ് ഉണ്ടാക്കുക?

ഇത് ശരിക്കും പ്രീണിപ്പുന്നത് ഭൂരിപക്ഷ വര്‍ഗ്ഗീയതയെയാണ്. പൊതു ചര്‍ച്ചയിലൊക്കെ മത ബിംബങ്ങളെ എപ്പോഴും ഉയര്‍ത്തിക്കാട്ടുന്നതും അതിനാണ്. ആളുകള്‍ മതപരമായി വര്‍ഗ്ഗീകരിക്കപ്പെടണം എന്നതാണ് ഇവര്‍ അടിസ്ഥാനപരമായി ഉദ്ദേശിക്കുന്നത്.

ക്രിസ്ത്യാനികള്‍ കേരത്തിലെ ഒരു ന്യൂനപക്ഷമാണ്. ഭൂരിപക്ഷ വര്‍ഗ്ഗീയത വളര്‍ന്നാല്‍ അത് ക്രിസ്ത്യാനികള്‍ക്കും ദോഷമാണ്. എന്നിട്ടും എന്തുകൊണ്ട് അവര്‍ ഇങ്ങനെ ചെയ്യുന്നു?
http://mljagadees.wordpress.com/2010/12/07/christianity-dangerous-games/

antony said...

പൊതുവേ മറ്റ് സംസ്ഥാനങ്ങളെ അപേക്ഷിച്ച് നമ്മുടെ നാട് ശാന്തമാണ്. കേരളത്തില്‍ ഒരു വര്‍ഗ്ഗീയ ധൃവീകരണം നടന്നിട്ടില്ലാത്തതുകൊണ്ടാണിത്. എന്നാല്‍ സമാധാനത്തിന്റെ പരിശുദ്ധാത്മാക്കള്‍ എന്ന് സ്വയം വിശേഷിപ്പിക്കുന്ന ഒരു ന്യൂന പക്ഷം കഴിഞ്ഞ കുറേ വര്‍ഷങ്ങളായി പൈശാചികമായ കുടില തന്ത്രങ്ങള്‍ കേരളത്തില്‍ പയറ്റുകയാണ്. പലപ്പോഴും നിഷ്കളങ്കമെന്ന് തോന്നാവുന്ന തരത്തിലുള്ള അഭിപ്രായ പ്രകടനങ്ങള്‍ കേരള സമൂഹത്തിലേക്ക് അവര്‍ കടത്തി വിടുന്നു. ക്രിസ്തു മത സഭകളാണവര്‍.

ചില ഉദാഹരണങ്ങള്‍:

1.ക്രിസ്ത്യാനികള്‍ അവരുടെ കുട്ടികളെ ക്രിസ്തു മത സഭ നടത്തുന്ന സ്കൂളുകളിലേ പഠിപ്പിക്കാവൂ.
2.ക്രിസ്ത്യാനികള്‍ ജനസംഖ്യയില്‍ വളരെ കുറവാണ്. അതുകൊണ്ട് സാമ്പത്തിക സ്ഥിതി നല്ലതായ ക്രിസ്ത്യാനികള്‍ കൂടുതല്‍ കുട്ടികള്‍ക്ക് ജന്മം നല്‍കണം.
3.കേരളത്തില്‍ സര്‍ക്കാര്‍ അവരേയും അവരുടെ സ്ഥാപനങ്ങളേയും അടിച്ചമര്‍ത്തുന്നു എന്ന് നിരന്തരം പ്രചരിപ്പിക്കുന്നു.
4.ദൈവ വിശ്വാസമുള്ളവര്‍ക്ക് മാത്രം വോട്ടുകൊടുക്കുക.
കേരളത്തില്‍ ഒരു മതക്കാരേയും സര്‍ക്കാരോ മറ്റാരെങ്കിലുമോ പീഡിപ്പിക്കുന്നില്ല. ഒറീസ പോലുള്ള സംസ്ഥാനങ്ങളില്‍ ക്രിസ്ത്യാനികളെ ചുട്ടെരിക്കുമ്പോള്‍ അത് കാണാതെ ഇവിടെ അവരെ അക്രമിക്കുന്നു എന്ന് പ്രചരിപ്പിക്കുന്നതെന്തിന്? തെരഞ്ഞെടുപ്പിനെ ബാധിക്കുന്ന ഭരണഘടനാ വിരുദ്ധ പ്രസ്ഥാവനകള്‍ എന്തിന് നടത്തുന്നു?

ഇത്തരം പ്രസ്ഥാവനകള്‍ സമൂഹത്തിലും വ്യക്തികളിലും എന്ത് ചലമാണ് ഉണ്ടാക്കുക?

ഇത് ശരിക്കും പ്രീണിപ്പുന്നത് ഭൂരിപക്ഷ വര്‍ഗ്ഗീയതയെയാണ്. പൊതു ചര്‍ച്ചയിലൊക്കെ മത ബിംബങ്ങളെ എപ്പോഴും ഉയര്‍ത്തിക്കാട്ടുന്നതും അതിനാണ്. ആളുകള്‍ മതപരമായി വര്‍ഗ്ഗീകരിക്കപ്പെടണം എന്നതാണ് ഇവര്‍ അടിസ്ഥാനപരമായി ഉദ്ദേശിക്കുന്നത്.

ക്രിസ്ത്യാനികള്‍ കേരത്തിലെ ഒരു ന്യൂനപക്ഷമാണ്. ഭൂരിപക്ഷ വര്‍ഗ്ഗീയത വളര്‍ന്നാല്‍ അത് ക്രിസ്ത്യാനികള്‍ക്കും ദോഷമാണ്. എന്നിട്ടും എന്തുകൊണ്ട് അവര്‍ ഇങ്ങനെ ചെയ്യുന്നു?
http://mljagadees.wordpress.com/2010/12/07/christianity-dangerous-games/

antony said...

പൊതുവേ മറ്റ് സംസ്ഥാനങ്ങളെ അപേക്ഷിച്ച് നമ്മുടെ നാട് ശാന്തമാണ്. കേരളത്തില്‍ ഒരു വര്‍ഗ്ഗീയ ധൃവീകരണം നടന്നിട്ടില്ലാത്തതുകൊണ്ടാണിത്. എന്നാല്‍ സമാധാനത്തിന്റെ പരിശുദ്ധാത്മാക്കള്‍ എന്ന് സ്വയം വിശേഷിപ്പിക്കുന്ന ഒരു ന്യൂന പക്ഷം കഴിഞ്ഞ കുറേ വര്‍ഷങ്ങളായി പൈശാചികമായ കുടില തന്ത്രങ്ങള്‍ കേരളത്തില്‍ പയറ്റുകയാണ്. പലപ്പോഴും നിഷ്കളങ്കമെന്ന് തോന്നാവുന്ന തരത്തിലുള്ള അഭിപ്രായ പ്രകടനങ്ങള്‍ കേരള സമൂഹത്തിലേക്ക് അവര്‍ കടത്തി വിടുന്നു. ക്രിസ്തു മത സഭകളാണവര്‍.

ചില ഉദാഹരണങ്ങള്‍:

1.ക്രിസ്ത്യാനികള്‍ അവരുടെ കുട്ടികളെ ക്രിസ്തു മത സഭ നടത്തുന്ന സ്കൂളുകളിലേ പഠിപ്പിക്കാവൂ.
2.ക്രിസ്ത്യാനികള്‍ ജനസംഖ്യയില്‍ വളരെ കുറവാണ്. അതുകൊണ്ട് സാമ്പത്തിക സ്ഥിതി നല്ലതായ ക്രിസ്ത്യാനികള്‍ കൂടുതല്‍ കുട്ടികള്‍ക്ക് ജന്മം നല്‍കണം.
3.കേരളത്തില്‍ സര്‍ക്കാര്‍ അവരേയും അവരുടെ സ്ഥാപനങ്ങളേയും അടിച്ചമര്‍ത്തുന്നു എന്ന് നിരന്തരം പ്രചരിപ്പിക്കുന്നു.
4.ദൈവ വിശ്വാസമുള്ളവര്‍ക്ക് മാത്രം വോട്ടുകൊടുക്കുക.
കേരളത്തില്‍ ഒരു മതക്കാരേയും സര്‍ക്കാരോ മറ്റാരെങ്കിലുമോ പീഡിപ്പിക്കുന്നില്ല. ഒറീസ പോലുള്ള സംസ്ഥാനങ്ങളില്‍ ക്രിസ്ത്യാനികളെ ചുട്ടെരിക്കുമ്പോള്‍ അത് കാണാതെ ഇവിടെ അവരെ അക്രമിക്കുന്നു എന്ന് പ്രചരിപ്പിക്കുന്നതെന്തിന്? തെരഞ്ഞെടുപ്പിനെ ബാധിക്കുന്ന ഭരണഘടനാ വിരുദ്ധ പ്രസ്ഥാവനകള്‍ എന്തിന് നടത്തുന്നു?

ഇത്തരം പ്രസ്ഥാവനകള്‍ സമൂഹത്തിലും വ്യക്തികളിലും എന്ത് ചലമാണ് ഉണ്ടാക്കുക?

ഇത് ശരിക്കും പ്രീണിപ്പുന്നത് ഭൂരിപക്ഷ വര്‍ഗ്ഗീയതയെയാണ്. പൊതു ചര്‍ച്ചയിലൊക്കെ മത ബിംബങ്ങളെ എപ്പോഴും ഉയര്‍ത്തിക്കാട്ടുന്നതും അതിനാണ്. ആളുകള്‍ മതപരമായി വര്‍ഗ്ഗീകരിക്കപ്പെടണം എന്നതാണ് ഇവര്‍ അടിസ്ഥാനപരമായി ഉദ്ദേശിക്കുന്നത്.

ക്രിസ്ത്യാനികള്‍ കേരത്തിലെ ഒരു ന്യൂനപക്ഷമാണ്. ഭൂരിപക്ഷ വര്‍ഗ്ഗീയത വളര്‍ന്നാല്‍ അത് ക്രിസ്ത്യാനികള്‍ക്കും ദോഷമാണ്. എന്നിട്ടും എന്തുകൊണ്ട് അവര്‍ ഇങ്ങനെ ചെയ്യുന്നു?
http://mljagadees.wordpress.com/2010/12/07/christianity-dangerous-games/

antony said...

പൊതുവേ മറ്റ് സംസ്ഥാനങ്ങളെ അപേക്ഷിച്ച് നമ്മുടെ നാട് ശാന്തമാണ്. കേരളത്തില്‍ ഒരു വര്‍ഗ്ഗീയ ധൃവീകരണം നടന്നിട്ടില്ലാത്തതുകൊണ്ടാണിത്. എന്നാല്‍ സമാധാനത്തിന്റെ പരിശുദ്ധാത്മാക്കള്‍ എന്ന് സ്വയം വിശേഷിപ്പിക്കുന്ന ഒരു ന്യൂന പക്ഷം കഴിഞ്ഞ കുറേ വര്‍ഷങ്ങളായി പൈശാചികമായ കുടില തന്ത്രങ്ങള്‍ കേരളത്തില്‍ പയറ്റുകയാണ്. പലപ്പോഴും നിഷ്കളങ്കമെന്ന് തോന്നാവുന്ന തരത്തിലുള്ള അഭിപ്രായ പ്രകടനങ്ങള്‍ കേരള സമൂഹത്തിലേക്ക് അവര്‍ കടത്തി വിടുന്നു. ക്രിസ്തു മത സഭകളാണവര്‍.

ചില ഉദാഹരണങ്ങള്‍:

1.ക്രിസ്ത്യാനികള്‍ അവരുടെ കുട്ടികളെ ക്രിസ്തു മത സഭ നടത്തുന്ന സ്കൂളുകളിലേ പഠിപ്പിക്കാവൂ.
2.ക്രിസ്ത്യാനികള്‍ ജനസംഖ്യയില്‍ വളരെ കുറവാണ്. അതുകൊണ്ട് സാമ്പത്തിക സ്ഥിതി നല്ലതായ ക്രിസ്ത്യാനികള്‍ കൂടുതല്‍ കുട്ടികള്‍ക്ക് ജന്മം നല്‍കണം.
3.കേരളത്തില്‍ സര്‍ക്കാര്‍ അവരേയും അവരുടെ സ്ഥാപനങ്ങളേയും അടിച്ചമര്‍ത്തുന്നു എന്ന് നിരന്തരം പ്രചരിപ്പിക്കുന്നു.
4.ദൈവ വിശ്വാസമുള്ളവര്‍ക്ക് മാത്രം വോട്ടുകൊടുക്കുക.
കേരളത്തില്‍ ഒരു മതക്കാരേയും സര്‍ക്കാരോ മറ്റാരെങ്കിലുമോ പീഡിപ്പിക്കുന്നില്ല. ഒറീസ പോലുള്ള സംസ്ഥാനങ്ങളില്‍ ക്രിസ്ത്യാനികളെ ചുട്ടെരിക്കുമ്പോള്‍ അത് കാണാതെ ഇവിടെ അവരെ അക്രമിക്കുന്നു എന്ന് പ്രചരിപ്പിക്കുന്നതെന്തിന്? തെരഞ്ഞെടുപ്പിനെ ബാധിക്കുന്ന ഭരണഘടനാ വിരുദ്ധ പ്രസ്ഥാവനകള്‍ എന്തിന് നടത്തുന്നു?

ഇത്തരം പ്രസ്ഥാവനകള്‍ സമൂഹത്തിലും വ്യക്തികളിലും എന്ത് ചലമാണ് ഉണ്ടാക്കുക?

ഇത് ശരിക്കും പ്രീണിപ്പുന്നത് ഭൂരിപക്ഷ വര്‍ഗ്ഗീയതയെയാണ്. പൊതു ചര്‍ച്ചയിലൊക്കെ മത ബിംബങ്ങളെ എപ്പോഴും ഉയര്‍ത്തിക്കാട്ടുന്നതും അതിനാണ്. ആളുകള്‍ മതപരമായി വര്‍ഗ്ഗീകരിക്കപ്പെടണം എന്നതാണ് ഇവര്‍ അടിസ്ഥാനപരമായി ഉദ്ദേശിക്കുന്നത്.

ക്രിസ്ത്യാനികള്‍ കേരത്തിലെ ഒരു ന്യൂനപക്ഷമാണ്. ഭൂരിപക്ഷ വര്‍ഗ്ഗീയത വളര്‍ന്നാല്‍ അത് ക്രിസ്ത്യാനികള്‍ക്കും ദോഷമാണ്. എന്നിട്ടും എന്തുകൊണ്ട് അവര്‍ ഇങ്ങനെ ചെയ്യുന്നു?
http://mljagadees.wordpress.com/2010/12/07/christianity-dangerous-games/

antony said...

പൊതുവേ മറ്റ് സംസ്ഥാനങ്ങളെ അപേക്ഷിച്ച് നമ്മുടെ നാട് ശാന്തമാണ്. കേരളത്തില്‍ ഒരു വര്‍ഗ്ഗീയ ധൃവീകരണം നടന്നിട്ടില്ലാത്തതുകൊണ്ടാണിത്. എന്നാല്‍ സമാധാനത്തിന്റെ പരിശുദ്ധാത്മാക്കള്‍ എന്ന് സ്വയം വിശേഷിപ്പിക്കുന്ന ഒരു ന്യൂന പക്ഷം കഴിഞ്ഞ കുറേ വര്‍ഷങ്ങളായി പൈശാചികമായ കുടില തന്ത്രങ്ങള്‍ കേരളത്തില്‍ പയറ്റുകയാണ്. പലപ്പോഴും നിഷ്കളങ്കമെന്ന് തോന്നാവുന്ന തരത്തിലുള്ള അഭിപ്രായ പ്രകടനങ്ങള്‍ കേരള സമൂഹത്തിലേക്ക് അവര്‍ കടത്തി വിടുന്നു. ക്രിസ്തു മത സഭകളാണവര്‍.

ചില ഉദാഹരണങ്ങള്‍:

1.ക്രിസ്ത്യാനികള്‍ അവരുടെ കുട്ടികളെ ക്രിസ്തു മത സഭ നടത്തുന്ന സ്കൂളുകളിലേ പഠിപ്പിക്കാവൂ.
2.ക്രിസ്ത്യാനികള്‍ ജനസംഖ്യയില്‍ വളരെ കുറവാണ്. അതുകൊണ്ട് സാമ്പത്തിക സ്ഥിതി നല്ലതായ ക്രിസ്ത്യാനികള്‍ കൂടുതല്‍ കുട്ടികള്‍ക്ക് ജന്മം നല്‍കണം.
3.കേരളത്തില്‍ സര്‍ക്കാര്‍ അവരേയും അവരുടെ സ്ഥാപനങ്ങളേയും അടിച്ചമര്‍ത്തുന്നു എന്ന് നിരന്തരം പ്രചരിപ്പിക്കുന്നു.
4.ദൈവ വിശ്വാസമുള്ളവര്‍ക്ക് മാത്രം വോട്ടുകൊടുക്കുക.
കേരളത്തില്‍ ഒരു മതക്കാരേയും സര്‍ക്കാരോ മറ്റാരെങ്കിലുമോ പീഡിപ്പിക്കുന്നില്ല. ഒറീസ പോലുള്ള സംസ്ഥാനങ്ങളില്‍ ക്രിസ്ത്യാനികളെ ചുട്ടെരിക്കുമ്പോള്‍ അത് കാണാതെ ഇവിടെ അവരെ അക്രമിക്കുന്നു എന്ന് പ്രചരിപ്പിക്കുന്നതെന്തിന്? തെരഞ്ഞെടുപ്പിനെ ബാധിക്കുന്ന ഭരണഘടനാ വിരുദ്ധ പ്രസ്ഥാവനകള്‍ എന്തിന് നടത്തുന്നു?

ഇത്തരം പ്രസ്ഥാവനകള്‍ സമൂഹത്തിലും വ്യക്തികളിലും എന്ത് ചലമാണ് ഉണ്ടാക്കുക?

ഇത് ശരിക്കും പ്രീണിപ്പുന്നത് ഭൂരിപക്ഷ വര്‍ഗ്ഗീയതയെയാണ്. പൊതു ചര്‍ച്ചയിലൊക്കെ മത ബിംബങ്ങളെ എപ്പോഴും ഉയര്‍ത്തിക്കാട്ടുന്നതും അതിനാണ്. ആളുകള്‍ മതപരമായി വര്‍ഗ്ഗീകരിക്കപ്പെടണം എന്നതാണ് ഇവര്‍ അടിസ്ഥാനപരമായി ഉദ്ദേശിക്കുന്നത്.

ക്രിസ്ത്യാനികള്‍ കേരത്തിലെ ഒരു ന്യൂനപക്ഷമാണ്. ഭൂരിപക്ഷ വര്‍ഗ്ഗീയത വളര്‍ന്നാല്‍ അത് ക്രിസ്ത്യാനികള്‍ക്കും ദോഷമാണ്. എന്നിട്ടും എന്തുകൊണ്ട് അവര്‍ ഇങ്ങനെ ചെയ്യുന്നു?
http://mljagadees.wordpress.com/2010/12/07/christianity-dangerous-games/

Simy Chacko :: സിമി ചാക്കൊ said...

ഈ ലേഖകൻ (രണ്ടാമത്തെത്) ഇത്ര വിശല മനസ്കനായി എഴുതുമൊ?

നമ്മുടെ അരിപ്രാഞ്ജിക്കു കിട്ടിയ മാതിരി ഒരു പദ്മശ്രീ .. എ.കെ യുടെ വക ഒരുയ് നോമിനേഷൻ ?



നമ്മുടെ അച്ചന്മാരൊക്കെ നമ്മുടെ പേരു കള
യാൻ നടക്കുവാന്ന് ഒരു ബ്ളൊഗിൽ ഒരു കമ്മെന്റ് എഴുതി ഇരുന്നു ..

ഇപ്പം അതു പലർക്കും തോന്നി തുടങ്ങിയിട്ടൂണ്ടല്ലെ

N.J ജോജൂ said...

കിരണ്‍ ,

കംയൂനിസതിനെതിരെ പ്രവര്‍ത്തിക്കുവാന്‍ കത്തോലിക്കാ സഭയ്ക്ക 100 % അവകാസമുണ്ട്.

തിരഞ്ഞെടുപ്പില്‍ ആര്‍ക്കെങ്കിലും വോട്ടു ചെയ്യരുതുന്നോ വോട്ടു ചെയ്യണമെന്നോ പറയാന്‍ പാടില്ല എന്നതൊഴിച്ചാല്‍ ഒരു പ്രത്യസസ്ത്രതിനെതിരെ പോരാടുവാന്‍ കിരണ്‍ തോമസിന്റെ അനുവാദം ആവശ്യമില്ല. അത് തിരെഞ്ഞെടുപ്പു രാഷ്ട്രീയവുമായി മാത്രം ബന്ധപ്പെട്ട ഒന്നല്ല.

ചൈനയിലെ നിര്‍ബധിത ഗര്‍ഭ ചിദ്രതെക്കുരിച്ചു ഒന്ന് അന്വേഷിക്കുക പോലും ചെയ്യാതെയുള്ള കമന്റുകള്‍ നന്നായിടുണ്ട്.

N.J ജോജൂ said...

The victims of a recent forced abortion are speaking out to the media about a recent forced abortion that involved a woman in her eight month of pregnancy. Construction worker Luo Yanquan has told media outlets his wife was taken kicking and screaming from their home by more than a dozen officials. (10/23/10)
(http://www.lifenews.com/2010/10/23/int-1668/)

During the past week, dozens of women in southwest China have been forced to have abortions even as late as nine months into the pregnancy, according to evidence uncovered by NPR. (April 23, 2007)
(http://www.npr.org/templates/story/story.php?storyId=9766870)

N.J ജോജൂ said...

എം.കെ റോയി സ്വാശ്രയ വിദ്യാഭ്യാസതെക്കുരിച്ചു പറയുന്ന ഭാഗങ്ങള്‍ ശുദ്ധ വിവരക്കേടാണ്.

1 . രണ്ടു സ്വാശ്രയ കോളേജു സമം ഒരു സര്‍ക്കാര്‍ കോളേജു എന്നാ നയം ഉണ്ണികൃഷ്ണന്‍ കേസിലെ വിധിയില്‍ നിന്നാണ് വരുന്നത്. ആന്റണി സ്വാശ്രയ കോളേജു കൊണ്ട് വരുന്ന സമയം (2001) ഉണ്ണികൃഷ്ണന്‍ കേസിലെ വിധി സുപ്രീം കോടതി അസാധുവാക്കിയിട്ടില്ലയിരുന്നു. 2002 ഒക്ടോബര്‍ 31നു സുപ്രീം കോടതി ഉണ്ണീകൃഷ്ണന്‍ കേസിലെ ഫിഫ്ടി-ഫിഫ്ടി ആശയം ഭരണഘടനാവിരുദ്ധാമായി പ്രഖ്യാപിച്ചു. അതുകൊണ്ട് അതിനു മുന്‍പ് കരാര്‍ ഒപ്പിട്ടിരുന്നെങ്കിലും ഇല്ലെങ്കിലും ശരി, കോടതിവിധിക്ക് ശേഷം അങ്ങനെയൊരു കരാറിനും നിയമസാധുതയില്ല.

2 . ഇയിടെ സ്വാശ്രയ പ്രശ്നങ്ങള്‍ ഉണ്ടായിരുന്ന സമയത്ത് ഫസല്‍ ഗഫോര്‍ പറയുകയുണ്ടായി ഞങ്ങള്‍ കരാറില്‍ നിന്ന് പിന്മാറുന്നത് ആലോചിക്കുമെന്ന്. അതിന്റെ അര്‍ഥം കരാറൊപ്പിട്ട എം.ഇ.എസ്‌ നു കരാറില്‍ നിന്ന് പിന്മാറാം എന്നാണു.

N.J ജോജൂ said...

"കത്തോലിക്കാ മെത്രാന്‍ സമിതിയുടെ വക്‌താവെന്നു പറയുന്ന ഒരു ബിഷപ്പിനോട്‌ ഈ വിശ്വാസവഞ്ചനയെക്കുറിച്ചു ഞാന്‍ ചോദിക്കുകയുണ്ടായി. അപ്പോള്‍ അദ്ദേഹം പറഞ്ഞത്‌ അങ്ങനെ ഒരു ഉറപ്പും ആന്റണിക്കു മെത്രാന്മാര്‍ നല്‍കുകയുണ്ടായിട്ടില്ലെന്നാണ്‌."

അന്നത്തെ പത്രങ്ങള്‍ പരിശോധിച്ചാല്‍ അറിയാം എന്താണ് സംഭവിച്ചത് എന്ന്.

1 അഴിമതി തടയാന്‍ എല്ലാവര്ക്കും എന്‍.ഒ.സി കൊടുത്തു എന്ന് പറഞ്ഞത് ആന്റണി തന്നെയാണ്.
2 ന്യൂനപക്ഷ അവകാസതെക്കുര്ച്ചു പത്രക്കാര് ചോദിച്ചപ്പോള്‍ മൌനം അവലംബിച്ചത് ആന്റണി.

കിരണ്‍ തോമസ് തോമ്പില്‍ said...

തിരഞ്ഞെടുപ്പില്‍ ആര്‍ക്കെങ്കിലും വോട്ടു ചെയ്യരുതുന്നോ വോട്ടു ചെയ്യണമെന്നോ പറയാന്‍ പാടില്ല എന്നതൊഴിച്ചാല്‍ ഒരു പ്രത്യസസ്ത്രതിനെതിരെ പോരാടുവാന്‍ കിരണ്‍ തോമസിന്റെ അനുവാദം ആവശ്യമില്ല.


ജോജൂ ഇത് 100% ശരി. പക്ഷെ കഴിഞ്ഞ രണ്ട് തിരഞ്ഞെടുപ്പില്‍ കത്തോലിക്ക സഭ എന്ത് രീതിയിലാണ്‌ പ്രവര്‍ത്തിച്ചത് എന്നത് പകല്‍പ്പോലെ വ്യക്തം. തിരുവമ്പാടി ഉപതിരഞ്ഞെടുപ്പു മുതല്‍ സഭ എങ്ങനെയാണ്‌ രാഷ്ട്രീയത്തില്‍ ഇടപെടുന്നത് എന്ന് ചുമ്മ ഒന്ന് ഓര്‍ത്ത് നോക്കുക. പിന്നെ ചൈനയിലെ രണ്ടാമത്തെയും മൂന്നാമത്തേയും കുട്ടികളൊക്കെ ഉണ്ടാകുന്നതിനുള്ള ബുദ്ധിമുട്ടുകളേപ്പറ്റി മാണി പുതിയിടം പറഞ്ഞത് അങ്ങനെ വിഷുങ്ങാന്‍ ഞാന്‍ ഒരുക്കമല്ല. വെറുതെ ഈ മാതൃഭൂമി വാര്‍ത്ത ഒക്കെ വായിക്കുക

പിന്നെ കിഴക്കന്‍ ജര്‍മ്മിനിക്കാരുടെ ധാര്‍മ്മിക മൂല്യച്യുതിയെപ്പറ്റി വ്യാകുലനാകുന്ന പുതിയടത്തിന്റെ ലോജിക്ക് വച്ച് കത്തോലിക്കാ സഭയെ ഒന്ന് വിലയിരുത്തിയാല്‍ എങ്ങനെ ഇരിക്കും എന്നും വെറുതെ ഒന്ന് ആലോചിക്കുക. കത്തോലിക്ക സഭയുടെ ശക്തി കേന്ദ്രങ്ങളായ യൂറോപ്പില്‍ ഇന്ന് സഭയുടെ അവസ്ഥ എന്താണ്‌. എത്ര യുവജനങ്ങള്‍ ഇവിടങ്ങളില്‍ ധാര്‍മ്മിക മൂല്യങ്ങള്‍ ഉയര്‍ത്തിപ്പിടിക്കുന്നു. ദണ്ഡവിമോചന പത്രമൊക്കെ വിറ്റ് നടന്ന കത്തോലിക്ക സഭയുടെ ചരിത്രവും പ്രൊട്ടസ്റ്റന്റ് വിപ്ലവത്തിന്റെ ചരിത്രവുമൊക്കെപ്പറഞ്ഞ കത്തോലിക്ക സഭയെ വിലയിരുത്തുന്നതെ പോലെയാണ്‌ മാണി പുതിയിടം കാര്യങ്ങളെ നോക്കിക്കാണുന്നത്

സുനിൽ കൃഷ്ണൻ(Sunil Krishnan) said...

ജനസംഖ്യയില്‍ 64% കത്തോലിക്കര്‍ ,ലോകത്തെ തന്നെ ഏറ്റവും കൂടുതല്‍ കത്തോലിക്കരുള്ള രാജ്യമായ ബ്രസീലില്‍ തുടര്‍ച്ചയായി ഇടതു പക്ഷ കക്ഷികളാണു ഭരിക്കുന്നത് എന്നത് മറക്കണോ?

മാര്‍പ്പാപ്പ അവിടെ ചെന്നപ്പോള്‍ “കോമ്രേഡ് പോപ്പ്” എന്നാണു അഭിസംബോധന ചെയ്യപ്പെട്ടത്...

അവിടെ ഇല്ലാത്ത തൊട്ടുകൂടായ്മ കേരളത്തില്‍ മാത്രം എന്തിന്?

അവശേഷിക്കുന്ന അവസാന തുരുത്ത് ആയതുകൊണ്ടാവും

കാണുമ്പോള്‍ എല്ലാം കാണണം..:)))

N.J ജോജൂ said...

കിരണ്‍,

ബലം പ്രയോഗിച്ചുള്ള ഗര്‍ഭ ചിദ്രതിന്റെ വാര്‍ത്തകള്‍ ഉണ്ടായിട്ടുണ്ട്. എട്ടും ഒന്‍പതും മാസം തികഞ്ഞ ഗര്‍ഭിണികളെ നിര്‍ബന്ധിത ഗര്‍ഭ ചിദ്രതിനു വിധേയമാക്കി എന്നത്, ചൈനീസ് ഗവര്‍മെന്റു തന്നെ അംഗീകരിച്ചതാണ്. കിരണ്‍ ആയിട്ടു അത് തിരുത്താനൊന്നും പോവണ്ട.

സഭയുടെ നിലപാട് കമ്യൂണിസ്റ്റു പാര്‍ട്ടിക്ക് ഒട്ടും അനുകൂലമല്ല എന്ന് എനിക്കും അറിയാം. അതിനു കക്ഷി രാഷ്ട്രീവുമായി ബന്ധമില്ലാത്ത എത്രയോ ഘടകങ്ങളുണ്ട്.

"ക്രൈസ്തവസ്ഥാപനങ്ങൾ ന്യൂനപക്ഷസ്ഥാപനങ്ങളല്ലെന്നു വരുത്തിവയ്ക്കുന്ന നിയമമാണല്ലോ ഇന്നത്തെ ഭരണക്കാർ ആദ്യമേ പാസാക്കിയത്‌. ആ നിയമത്തെ എതിർത്തതിന്റെ പേരിൽ വിദ്യാഭ്യാസരംഗത്ത്‌ എന്തെല്ലാം നിയന്ത്രണങ്ങൾ വരുത്താൻ സാധിക്കുമോ അതെല്ലാം നടപ്പിലാക്കാൻ കഴിഞ്ഞ വർഷങ്ങളിൽ അവർ ശ്രമിക്കുകയായിരുന്നല്ലോ.

വഴങ്ങാത്ത വിദ്യാലയങ്ങളെ എല്ലാത്തരത്തിലും തളച്ചിടാനായിരുന്നു ഭരണകർത്താക്കളുടെ പരിശ്രമം. വിദ്യാലയങ്ങൾക്ക്‌ അംഗീകാരം നൽകുന്നതിന്‌, കോഴ്സുകൾ അനുവദിക്കുന്നതിന്‌, നിയമനങ്ങൾക്ക്‌ അംഗീകാരം നൽകുന്ന കാര്യത്തിൽ, മാനേജുമെന്റ്‌ എടുക്കുന്ന ശിക്ഷണനടപടികളുടെ തലത്തിൽ എന്തെല്ലാം കൈയാങ്കളികളാണ്‌ ഇവിടെ നടത്തിയത്‌. നിയമനം അംഗീകരിക്കാനും ശമ്പളം ലഭിക്കാനും ഭരണ പാർട്ടിയുടെ അധ്യാപകസംഘടനയിൽ ചേരുകയോ അവർ ശിപാർശചെയ്യുകയോ ആവശ്യമായിരുന്നു. അധ്യാപക നിയമനത്തിലും പ്രിൻസിപ്പൽ നിയമനത്തിലും മറ്റും കോടതിവിധികൾ മാനേജുമെന്റിന്‌ അനുകൂലമായിരുന്നാലും അവ നടപ്പാക്കുന്നതു സാങ്കേതിക കാരണങ്ങൾ പറഞ്ഞു നീട്ടിക്കൊണ്ടുപോകാനായിരുന്നു ശ്രമം.

ഇതിനെല്ലാം പുറമെ, ക്രൈസ്തവ വിദ്യാലയങ്ങളെ കച്ചവടസ്ഥാപനങ്ങളെന്നു വിളിച്ചാക്ഷേപിച്ചു പ്രചാരണം നടത്തുക, വിദ്യാലയനടത്തിപ്പിനെ കുട്ടിസംഘടനകളെക്കൊണ്ട്‌ തടസപ്പെടുത്തുക, വിദ്യാലയങ്ങൾ തല്ലിത്തകർക്കുക തുടങ്ങിയവ നിത്യസംഭവങ്ങളായിരുന്നല്ലോ."

കത്തോലിക്കാ സഭയ്ക്കെതിരെ ഇടതുപക്ഷ സര്‍ക്കാര്‍ കൈക്കൊണ്ട, ഇപ്പോഴും കൈക്കൊള്ളുന്ന ഭരണഘടന വിരുദ്ധവും, ജനാധിപത്യ വിരുദ്ധവും, മതവിരുധവുമായ നിലപാടുകള്‍ക്കെതിരെ വിശ്വാസികളെ ബോധാവത്കരിക്കുന്നു എന്നതാണ് കമ്യൂണിസ്റ്റു പാര്‍ടിയുടെ ഇപ്പോഴത്തെ പ്രശ്നം.

തങ്ങളുടെ നിലനില്പിനെ ബാധിക്കുന്ന, വിശ്വാസത്തെ തകര്‍ക്കാന്‍ ശ്രമിക്കുന്ന ഒരു സര്‍ക്കാരിനെതിരെ നിലപാടെടുക്കാന്‍ ഒരു സമൂഹത്തിനു അവകാസമില്ല എന്ന് മാത്രം പറയരുത് സാര്‍.

കമ്യൂണിസ്റ്റു പാര്‍ടിയുമായി സഭ എന്നെങ്കിലും സഹകരിചിട്ടുണ്ടോ അന്നൊന്നും കമ്യൂണിസ്റ്റു പാര്‍ടിയുടെ മതവിരുദ്ധതയും ജനാധിപത്യ വിരുദ്ധതയും ഇത്രയും പ്രകടമായിരുന്നില്ല.

N.J ജോജൂ said...
This comment has been removed by the author.
N.J ജോജൂ said...
This comment has been removed by the author.
N.J ജോജൂ said...

പിന്നെ ബ്രസീല്‍,

അവിടെ കമ്യൂണിസ്റ്റു പാര്ടാണോ ഭരിക്കുന്നത്‌? അതൊരു കമ്യൂണിസ്റ്റു രാജ്യമാണോ? (ചൈന, കൊറിയ, ക്യൂബ ...) ബ്രസീലിലെ കമ്യൂണിസ്റ്റു പാര്‍ടി കമ്യൂണിസ്റ്റു പാര്‍ടി ഓഫ് ബ്രസീല്‍ ആണ്.

വിമോചന ദൈവ ശാസ്ത്രമെന്ന കത്തോലികാ സഭ ഔഗ്യോഗികമായി (ഇന്നത്തെ മാര്‍പ്പാപ്പയുടെ അന്നത്തെ കാര്യാലയം) തള്ളിക്കളഞ്ഞ സിദ്ധാന്തത്തെ പിന്തുണയ്ക്കുന്ന ചില ബിഷപുമാര്‍ അവിടെയുണ്ട്. അതും മറൊരു കാരണമാണ്.

കംയൂനിസതിനെ തത്വ ശാസ്ത്രാമെന്ന നിലയിലോ സാമ്പത്തിക സാസ്ത്രമെന്ന നിലയിലോ സാമൂഹിക ശാസ്ത്രാമെന്ന നിലയിലോ സഭയ്ക്ക് അംഗീകരിക്കാന്‍ ആവില്ല.

കേരളത്തില്‍, കമ്യൂണിസ്റ്റു പാര്‍ട്ടി
നയപരിപാടികളും തെറ്റുകളും തിരുത്തണം. നയങ്ങളും നിലപാടുകളും സമീപനരീതികളുമാണു മാറണം. അപ്പോള്‍ അയിത്തവും മാറും.

antony said...

പവ്വുഅത്തില്‍ അച്ചനും പുതിയടതച്ച്നും അറിയാത്ത ചില ഇടവക പലവക കൂത്തുകള്‍ ..!!!!

ആഗോളതലത്തില്‍ ബാലന്മാരെ ''കുണ്ടന്‍'' അടിച്ചു നടക്കുന്ന അച്ചെന്‍ മാരെ നിയന്ത്രിക്കാന്‍ സാക്ഷാല്‍ മാര്‍പ്പാപ്പക്ക് ഇടപെടേണ്ടി വന്നു..!!!

കന്യാസ്ത്രീകളുടെ ഗര്‍ഭം അലസിപ്പിക്കാന്‍ ചൈനയില്‍ സംവിധാനം ഉണ്ട്..!!!!

അച്ചന്മാരുടെ കടുക്ക വെള്ളം കൊണ്ട് മാറാത്ത രോഗങ്ങന്ള്‍ക്ക് കേരളത്തില്‍ സ്ഥിരം സംവിധാനങ്ങള്‍ കൊണ്ടുവരിക ..!!!!

ഒരിസ്സയില്‍ ജീവനും കൊണ്ട് ഓടേണ്ടി വന്ന കുഞ്ഞാടുകള്‍ക്ക് കുരബാനയും പള്ളിപ്പാട്ടും നടത്താന്‍ സംരക്ഷണം കൊടുത്തത് കള്ള കമ്മുനിസ്ടുകള്‍ ആണ്..!!!

കന്യസ്ത്രീ മഠം ആക്രമിച്ചു യേശുവിന്റെ മണവാട്ടിമാരെ പരിക്കേല്‍പ്പിച്ചത് ആരുടെ ഭരണത്തില്‍ ആണ്...!!!

അല്ലയോ...ളോഹയിട്ട പിശാചുക്കളെ.. നിങ്ങളൊക്കെ മഹാനായ ക്ര്സ്തുവിന്റെ അവതാരങ്ങളോ, അതോ കേരള കോങ്ങരസ്സിന്റെ പ്രവര്‍ത്തക സമിതിയാണോ .!!!

സാക്ഷാല്‍ മണി സാറ്‌ പോലും എഴുതാന്‍ മടിക്കുന്ന ലേഘനങ്ങള്‍ മണി പുതിയടം എന്നാ ലോഹയിട്ടച്ചന്‍ എഴുതുമ്പോള്‍ ദൈയിവം പോലും കണ്ണ് പോത്‌ന്നുണ്ടാവും ..!!!

Nasiyansan said...

ജനസംഖ്യയില്‍ 64% കത്തോലിക്കര്‍ ,ലോകത്തെ തന്നെ ഏറ്റവും കൂടുതല്‍ കത്തോലിക്കരുള്ള രാജ്യമായ ബ്രസീലില്‍ തുടര്‍ച്ചയായി ഇടതു പക്ഷ കക്ഷികളാണു ഭരിക്കുന്നത് എന്നത് മറക്കണോ?

ബ്രസീൽ ഒരു കമ്യൂണിസ്റ്റ്‌ രാജ്യമല്ല. ബഹുകക്ഷി ജനാധിപത്യസംവിധാനം നിലനിൽക്കുന്ന അവിടെ ഭരണഘടനാവിധേയമായി തെരഞ്ഞെടുപ്പുകളും ഭരണമാറ്റങ്ങളും നടക്കുന്നുണ്ട്‌. ക്യൂബയിലെ കമ്യൂണിസ്റ്റ്‌ ജനാധിപത്യപ്രകാരം അരനൂറ്റാണ്ടുകാലം ഭരിച്ചു വൃദ്ധനായപ്പോൾ ഫിഡെൽ കാസ്ട്രോ സ്വസഹോദരനാണല്ലോ “ 'രാജാധികാരം'” കൈമാറിയത്‌. ഉത്തരകൊറിയയിൽ അച്ഛന്റെ മകൻ രാജാവായി, ഇളയമകനാണ്‌ അടുത്ത കിരീടാവകാശി. മരിക്കുംവരെയാണ്‌ ലെനിനും സ്റ്റാലിനും ബ്രഷ്ണേവും മറ്റും രാജ്യം ഭരിച്ചത്‌.
രണ്ടു തവണ പ്രസിഡന്റായാൽ പിന്നീട്‌ മത്സരിക്കാൻ വിലക്കുള്ളതിനാലാണ്‌ ബ്രസീലിലെ പ്രസിഡന്റ്‌ ലുല ദ സിൽവ ഇപ്രാവശ്യം മത്സരിക്കാതിരുന്നത്‌.

ബ്രസീലിലെ കഴിഞ്ഞ തെരഞ്ഞെടുപ്പിൽ കമ്യൂണിസ്റ്റ്‌ പാർട്ടിക്ക്‌ നാമമാത്രമായ സീറ്റുകളാണ്‌ ലഭിച്ചതെന്ന കാര്യം പാർട്ടി മാധ്യമങ്ങൾ മറച്ചുവയ്ക്കുകയാണ്‌. അതായത്്‌ അധോസഭയിൽ ആകെയുള്ള 513 സീറ്റിൽ 13 എണ്ണവും ഉപരിസഭയിലെ 81 സീറ്റിൽ ഒരെണ്ണവും. ഇന്ത്യയിലേക്കാൾ ദയനീയം. ഇന്ത്യൻ കമ്യൂണിസ്റ്റുകൾ എതിർക്കുന്ന മുതലാളിത്ത, നവലിബറൽ നയങ്ങളാണ്‌ ലുല ദ സിൽവയുടെ തൊഴിലാളി പാർട്ടി ബ്രസീലിൽ അനുവർത്തിച്ചുപോന്നതും ഇനി തുടരാൻ പോകുന്നതും. പ്രസിഡന്റായി തിരഞ്ഞെടുക്കപ്പെട്ട ദിൽമാ റുസെഫ്‌ വോട്ടുപിടിച്ചതു മാർപാപ്പയും താനുംകൂടി നിൽക്കുന്ന ചിത്രങ്ങൾ പ്രദർശിപ്പിച്ചാണ്‌. ഗർഭഛിദ്രത്തിനായി വാദിച്ചിരുന്ന അവർ സ്വരം മാറ്റി “ജീവിക്കാനുള്ള അവകാശത്തെ" ഉറക്കെ പിന്തുണച്ചതും ശ്രദ്ധേയമായിരുന്നു ...

കാക്കര kaakkara said...

മാണി പുതിയിടത്തിന്റെ ലേഖനത്തിന്റെ അവസാന വരികൾ ശ്രദ്ധിക്കുക...

-“ഇടയലേഖനം കൊണ്ടാണു തോല്‍വിയുണ്ടായതെന്നു പറയുന്നത്‌ എത്ര ബാലിശമാണ്‌? ഇടയലേഖനമല്ല, അവയ്‌ക്കു കാരണമാക്കിയ സൈദ്ധാന്തിക അധിനിവേശവും പാര്‍ട്ടിവല്‍ക്കരണവുമാണ്‌ തോല്‍വിക്കു കാരണമെന്നു തിരിച്ചറിയുന്നതു നല്ലതാവും”-


പാർട്ടിയാണ്‌ പാർട്ടിയെ തോല്പിച്ചത്‌... അത്‌ മനസ്സിലാക്കി തെറ്റ്‌ തിരുത്തിയാൽ... 6 മാസം പോലും ഒരു പ്രശ്നമല്ല... പാർട്ടി സ്വയം വിലയിരുത്തണം... പക്ഷെ അതിന്‌ ആദ്യം വേണ്ടത്‌ അനുഭാവികളും അനുയായികളും *കക്ഷിരാഷ്ട്രീയ സ്വത്വബോധത്തിൽ* നിന്നുണരണം..

----

കിരൺ... ആദ്യത്തെ കമന്റ് മുതൽ ഒന്നുകൂടി വായിക്കുക... അവരും വായിച്ചത്‌ *രാമായണം* തന്നെയല്ലെ...

സുനിൽ കൃഷ്ണൻ(Sunil Krishnan) said...

കേരളത്തിലെപ്പോലെ വിദ്യാഭ്യാസ കച്ചവടം പ്രധാന വരുമാനം മാര്‍ഗം ആക്കാത്ത കത്തോലിക്കാ സഭകളും ഉണ്ട്..

ഈ ലിങ്ക് കാണുക.

കത്തോലിക്കാ സഭയും ബ്രസീലും

N.J ജോജൂ said...

ജനങ്ങളുടെ നികുതിപ്പണമെടുത്ത് ആളൊന്നിന്നു 70000/- എഞ്ചിനീയറിംഗിനു ചിലവാക്കിയാല്‍ അതില്‍ കച്ചവടമില്ല. നടത്തുന്നതു സര്‍ക്കാരല്ലേ. സ്വകാര്യ എഞ്ചിനീയറിംഗ് കോളേജില്‍ അളൊന്നിന്നു ഫീസ് 50000/- വാങ്ങിയാല്‍ കച്ചവടമായി. ഗവര്മെന്റ് മെഡിക്കല്‍ കോളേജില്‍ ആളൊന്നിന്നു 4.5 ലക്ഷം ചിലവാക്കിയാല്‍ കച്ചവടമല്ല. സ്വകാര്യ സ്വാശ്രയമെഡിക്കല്‍ കോളേജില്‍ 4 ലക്ഷം രൂ ഫീസ് വാങ്ങിയാല്‍ കച്ചവടമായി.

കച്ചവടം കച്ചവടം എന്നു കഴിഞ്ഞ നാലഞ്ചുകൊല്ലമായി പാടാനും തങ്ങളുടെ കൂടെ നില്ക്കുന്നവര്ക്ക് കച്ചവടം നടത്താനുള്ള ഒത്താശ ചെയ്യാനുമല്ലാതെ എന്തു ചെയ്തു സഖാവേ. നടക്കട്ടെ.

Mickle said...

സ്വന്തം മക്കളെ നാട്ടിലെയും വിദേശത്തെയും ഏറ്റവും വലിയ കോഴ കോളേജുകളില്‍ വിട്ട് വിദ്യഭ്യാസം നേടിക്കൊടുത്ത ലാവ്ലിന്‍ കള്ളനെ പോലുള്ളവര്‍ക്ക് സ്തുതിപാടുന്നവര്‍ "കച്ചവടം" എന്നു പറഞ്ഞാല്‍ ചിരിക്കാതിരിക്കാന്‍ ആര്‍ക്കെങ്കിലും പറ്റുമൊ? :)

കങ്കാരു said...

ദൈവത്തെ ഓര്‍ത്ത്‌ ആന്റണിയെ ആണെങ്കില്‍ ലാവലിന്‍ കള്ളന്‍ എന്നൊന്നും വിളിക്കരുത്.അദ്ദ ഹത്തിന്റെ ഏറ്റവും അടുത്ത അനുയായി ആയ കാര്തികെയനെ കുറിച്ചു കൂടുതല്‍ അന്വേഷിക്കാന്‍ കോടതി പറഞ്ഞത് വച്ചു, പിന്നെ ടിയാന്‍ canadaെലോക്കെ പോയി കരാര്‍ ഒപ്പിട്ടു എന്നതൊക്കെ വച്ചു ആ പാവത്തിനെ ഇങ്ങനെ ക്രൂശിക്കരുത്. ടിയാന്‍ ഇത് വരെ ലാവലിനെ കുറിച്ചു ഇലക്ഷന്‍ കാലത്ത് പോലും വാ തുറന്നില്ല എന്ന് വച്ചു അങ്ങേരെ സംശയിക്കരുത്‌.

കിരണ്‍ തോമസ് തോമ്പില്‍ said...

എതായാലും മാണി പുതിയിടത്തിന്റെ അഭിപ്രായമല്ല ചൈനയിലെ നിര്‍ബന്ധിത ഗര്‍ഭചിദ്രത്തില്‍ ജോജുവിന്റെത് എന്ന് തോന്നുന്നു. മാണി പുതിയിടം പറഞ്ഞത് പ്രകാരം രണ്ടാമത്തെ കുട്ടിയുണ്ടായാല്‍ പാര്‍ട്ടി നേതാക്കള്‍ വീട്ടിലെത്തി ചവിട്ടി ഗര്‍ഭം കലക്കുമെന്നാണ്‌. അതില്ല എന്ന വാര്‍ത്തകള്‍ ഞാന്‍ നെറ്റില്‍ കണ്ടതുകൊണ്ടാണ്‌ ഇത് ഹൈലറ്റ് ചെയ്ത് നല്‍കിയത്. മാതൃഭൂമി വാര്‍ത്ത ശ്രദ്ധിച്ച് കാണുമല്ലോ. വസ്തുതകള്‍ എഴുതുമ്പോള്‍ കിരണ്‍ തോമസിന്‌ മാത്രമല്ല മാണി പുതിയിടത്തിനും അല്പം ശ്രദ്ധയൊക്കെ ആകാം. ഇനി ഒരു വഴിക്ക് പോകുകയല്ലെ
http://www.time.com/time/world/article/0,8599,1615936,00.html#ixzz17jBGY3y4 ഈ വാര്‍ത്ത കൂടി വായിച്ചോളൂ. ഞാന്‍ അന്വേഷിച്ചില്ല എന്ന് മാത്രം ആരോപിക്കരുത്. ഞാന്‍ അന്വേഷിച്ചത് രണ്ടാമത്തെ കുട്ടി ഉണ്ടായാല്‍ പാര്‍ട്ടി നേതാക്കള്‍ ചവിട്ടി ഗര്‍ഭം കലക്കുമോ എന്നാണ്‌

കിരണ്‍ തോമസ് തോമ്പില്‍ said...

പിന്നെ സ്വയാശ്രയ കോളേജ് വിഷയം ചര്‍ച്ച ചെയ്യുമ്പോള്‍ ഈ പറയുന്ന മഹത്തരമായ സ്ഥാപനങ്ങളില്‍ ഏതാണ്ട് 3 വര്‍ഷം മുന്നെ വരെ കോഴയുടെ അഡ്വാന്‍സ് നല്‍കിയാല്‍ മാത്രമെ അപേക്ഷഫോറം ലഭിക്കുകയുള്ളായിരുന്നു എന്നത് മറക്കരുത്. വാ തുറന്നാല്‍ ന്യൂനപക്ഷ അവകാശം ഭരണഘടന തുടങ്ങിയവയെപ്പറ്റി വികാരം കൊള്ളുന്ന സഭ നേതാക്കള്‍ ഭരണഘടന വിരുദ്ധമായ കോഴ വാങ്ങുകയും സുതാര്യമല്ലാത്ത പ്രവേശനം നടത്തുകയും ചെയ്തു എന്നത് മനപൂര്‍വ്വം മറച്ചു വയ്ക്കുന്നു. 450 ഓളം സീറ്റുള്ള മാനേജ്‌മെന്റ് പരീക്ഷയില്‍ വെറും 475 പേര്‍ മാത്രം പങ്കെടുത്ത മനോഹര കാഴ്ചകള്‍ മറന്ന് പോകരുത്.

N.J ജോജൂ said...

Liu Qiuhong, 39, employee of Zhongce Pharmacy Company, resident of Yantai City, Shandong Province, in East China

Ms. Liu Qiuhong was arrested at her home by the Zhifu District Police Station of Yantai City, merely because she practiced Falun Gong.

Ms. Liu was more than eight months pregnant at the time. The police, however, tied her down and forcefully induced an early labor.

The baby was born alive and healthy, and was crying when the police forced it from her womb.

The authorities did not even allow Ms. Liu any time to recover. They immediately sent her to an Anti-Falun Gong Brainwashing Center for one month, and then sentenced her to a forced labor camp.

No one knows what became of the child.

Nasiyansan said...

ഇന്നെത്തെ ഒരു മനോരമ വാര്‍ത്ത വായിച്ചു ശരിക്കും ഞെട്ടി ...ആ ഞെട്ടല്‍ വായനക്കാരുമായി പങ്കു വെയ്ക്കുന്നു ..

തൃശൂര്‍: നന്മയുടെ വഴിയില്‍ സഭയും രാഷ്ട്രീയക്കാരും ഭരണകൂടവും ഒന്നിച്ചു പ്രവര്‍ത്തിക്കണമെന്നു മന്ത്രി കോടിയേരി ബാലകൃഷ്ണന്‍ പറഞ്ഞു. ആര്‍ച്ച് ബിഷപ് മാര്‍ ആന്‍ഡ്രൂസ് താഴത്തിന്റെ അറുപതാം പിറന്നാള്‍ ആഘോഷവും മുന്‍ ആര്‍ച്ച് ബിഷപ് മാര്‍ ജേക്കബ് തൂങ്കുഴിയുടെ എണ്‍പതാം പിറന്നാളും ആഘോഷിക്കുന്നതിനായി ബിഷപ്സ് ഹൌസില്‍ സംഘടിപ്പിച്ച ചടങ്ങില്‍ ആശംസകളര്‍പ്പിച്ചു സംസാരിക്കുകയായിരുന്നു അദ്ദേഹം.

ക്രിസ്തീയ സഭകളും നേതൃത്വവും കേരളത്തിന്റെ വളര്‍ച്ചയില്‍ വലിയ സംഭാവനകള്‍ ചെയ്തിട്ടുള്ളവരാണ്. വിദ്യാഭ്യാസ രംഗത്തും ആരോഗ്യമേഖലയിലും സഭയുടെ സേവനങ്ങള്‍ അഭിമാനാര്‍ഹമാണ്. എങ്ങനെയെങ്കിലും വിദ്യാഭ്യാസം നല്‍കുകയെന്നതല്ല, മികച്ച വിദ്യാഭ്യാസം എല്ലാവര്‍ക്കും ലഭ്യമാക്കുകയാവണം നമ്മുടെ ലക്ഷ്യമെന്നു സമൂഹത്തെ ബോധ്യപ്പെടുത്തുന്നതില്‍ സഭ വലിയ പങ്കുവഹിച്ചിട്ടുണ്ട്.

പരിസ്ഥിതി സംരക്ഷണം, മാലിന്യ നിര്‍മാര്‍ജനം എന്നീ ലക്ഷ്യങ്ങളിലും സഭയ്ക്ക് വലിയ സംഭാവന അര്‍പ്പിക്കാനാവുമെന്നു കോടിയേരി പറഞ്ഞു. ബിഷപ്സ് ഹൌസിന്റെ മുറ്റത്തു സ്നേഹവും മധുരവും പങ്കുവച്ചായിരുന്നു പിറന്നാളാഘോഷം. സ്നേഹസാന്ദ്രമായ സായാഹ്നത്തില്‍ നടന്ന ചടങ്ങില്‍ നാനാജാതി മതസ്ഥര്‍ പങ്കെടുത്തു. താമരശേരി ബിഷപ്പായിരുന്ന കാലം തൊട്ടേ തൂങ്കുഴി പിതാവുമായുള്ള പരിചയത്തിന്റെ ഒാര്‍മപുതുക്കിയാണു മന്ത്രി കോടിയേരി ബാലകൃഷ്ണന്‍ ബിഷപ്സ് ഹൌസിലെത്തിയത്.

തൂങ്കുഴി പിതാവിന്റെ സ്നേഹവായ്പും വിനയത്തോടെയുള്ള ഇടപെടലും തന്നെ അന്നു മുതലേ ആകര്‍ഷിച്ചതാണെന്നു കോടിയേരി ആശംസാപ്രസംഗത്തില്‍ പറഞ്ഞു. ശരിയെന്നു തനിക്കു ബോധ്യമുള്ള കാര്യങ്ങള്‍ വെട്ടിത്തുറന്നു പറയാനുള്ള തന്റേടമാണു താഴത്ത് പിതാവിന്റെ പ്രത്യേകതയെന്നും കോടിയേരി പറഞ്ഞു.

Rajeeve Chelanat said...

ജോജൂ..

"സ്വകാര്യ എഞ്ചിനീയറിംഗ് കോളേജില്‍ അളൊന്നിന്നു ഫീസ് 50000/...". അല്ല ജോജൂ. 50000-65000 ഇടയ്ക്ക് ആണ്.

പിന്നെ, ഫീസ് കണക്കാക്കുമ്പോള്‍, സര്‍ക്കാര്‍ കോളേജും സ്വകാര്യ കോളേജും എത്ര തലവരി വാങ്ങുന്നു, എത്ര caution deposit വാങ്ങുന്നു എന്നൊന്നും എഴുതരുത് കേട്ടോ. എന്തായാലും ജോജുവിനു അറിയാത്തതാവില്ല അത്‌ എന്ന് എനിക്കറിയാം.

"...കംയൂനിസതിനെതിരെ പ്രവര്‍ത്തിക്കുവാന്‍ കത്തോലിക്കാ സഭയ്ക്ക 100 % അവകാശമുണ്ട്" എന്ന് സമ്മതിക്കുമ്പോള്‍, കത്തോലിക്കാ സമുദായത്തിനെതിരെ പ്രവര്‍ത്തിക്കാന്‍ കമ്മ്യൂണിസത്തിനും അവാകാശമുണ്ട് എന്ന് സമ്മതിക്കേണ്ടതല്ലേ സര്‍?

N.J ജോജൂ said...

"കത്തോലിക്കാ സമുദായത്തിനെതിരെ പ്രവര്‍ത്തിക്കാന്‍ കമ്മ്യൂണിസത്തിനും അവാകാശമുണ്ട് എന്ന് സമ്മതിക്കേണ്ടതല്ലേ സര്‍?"

അങ്ങനെ ഒരു അവകാശം കമ്യൂണിസ്റ്റു പാര്‍ട്ടിക്ക് ഇല്ല എന്ന് ആരെങ്കുലും പറഞ്ഞോ? പക്ഷെ ജനാധിപത്യത്തിന്റെ മറവിലും പൊതു ജനത്തിന്റെ ചിലവിലും അത് നടത്തുവാന്‍ കമ്യൂണിസ്റ്റു പാര്‍ടിക്ക് ഒരവകാശവുമില്ല.

ഇക്കാലമത്രയും പാര്‍ട്ടി പ്രസിദ്ധീകരനങ്ങളിലൂടെ, മാധ്യമാങ്ങളിലൂടെ, പാര്‍ടി ക്ലാസുകളിലൂടെ പാര്‍ടി അത് ചെയ്തിട്ടുണ്ട്. ആരാണ് എതിര്‍ത്തത്?

പക്ഷെ ജനാധിപത്യതിലൂടെ ലഭിച്ച അധികാരം ഉപയോഗിച്ച് കമ്യൂണിസം പ്രചരിപ്പിക്കുവാന്‍ കമ്യൂണിസ്റ്റു പാര്‍ട്ടിക്കോ സ്വന്തം മതവിശ്വാസം പ്രചരിപ്പിക്കാന്‍ മറ്റേതെങ്കിലും വ്യക്തിക്കോ അവകാ സമുന്ടെന്നു ഞാന്‍ കരുതുന്നില്ല.

Nasiyansan said...

പിന്നെ, ഫീസ് കണക്കാക്കുമ്പോള്‍, സര്‍ക്കാര്‍ കോളേജും സ്വകാര്യ കോളേജും എത്ര തലവരി വാങ്ങുന്നു, എത്ര caution deposit വാങ്ങുന്നു എന്നൊന്നും എഴുതരുത് കേട്ടോ. എന്തായാലും ജോജുവിനു അറിയാത്തതാവില്ല അത്‌ എന്ന് എനിക്കറിയാം.

സര്‍ക്കാര്‍ കോളേജും സര്‍ക്കാരുമായി കാരാരോപ്പിട്ട സ്വകാര്യ കോളേജും എന്ന് പ്രത്യേകം എഴുതിയാലേ "തലവരി" എന്നതിനെക്കുറിച്ച് കൂടുതല്‍ ചര്‍ച്ചക്ക് വകയോള്ളൂ ...സര്‍ക്കാരുമായി കാരാരോപ്പിട്ട സ്വകാര്യ കോളേജുകളിലെ തലവരി ആര്‍ക്കും പ്രത്യേക താല്പര്യമുള്ള വിഷയമാണെന്ന് തോന്നുന്നില്ല ..

Rajeeve Chelanat said...

"പൊതുജനത്തിന്റെ .ചിലവില്‍ അത് നടത്തുവാന്‍". എന്ന് പറയുമ്പോള്‍, .എങ്ങിനെയാണ്, ഏതുവിധത്തിലാണ് കമ്മ്യൂണിസ്റ്റ് പാര്‍ട്ടി (അഥവാ, ഇന്നത്തെ സര്‍ക്കാര്‍) പൊതുജനത്തിന്റെ ചിലവില്‍ അത് ചെയ്തത് എന്ന് കൂടി വ്യക്തമാക്കാന്‍ ജോജുവിനു ബാധ്യതയുണ്ട്‌. "ജനാധിപത്യത്തിന്റെ മറവില്‍, ചിലവില്‍" എന്നതൊക്കെ ആപേക്ഷികമാണല്ലോ.

പിന്നെ, കമ്മ്യൂണിസ്റ്റ് പാര്‍ട്ടിക്ക്‌ ജനാധിപത്യത്തിലൂടെ (ജനാധിപത്യം എന്നത്‌ മുഴുവന്‍ ശരിയാവുമോ എന്നറിയില്ല. ഈ കൊണ്ടക്സ്റ്റില്‍ തിരഞ്ഞെടുപ്പിലൂടെ എന്ന് പറയുന്നതാവും കൂടുതല്‍ ശരി) കിട്ടിയ അധികാരം ഉപയോഗിച്ച് കമ്യൂണിസമല്ലാതെ മറ്റെന്താണ് പ്രചരിപ്പിക്കാന്‍ അവകാശം? ബിഷപ്പുമാര്‍ക്ക് അധികാരം കിട്ടിയാല്‍ കമ്മ്യൂണിസം പ്രചരിപ്പിക്കുമോ?

N.J ജോജൂ said...

കിട്ടിയ അധികാരം ഉപയോഗിച്ച് കമ്യൂണിസമല്ലാതെ മറ്റെന്താണ് പ്രചരിപ്പിക്കാന്‍ അവകാശം? ബിഷപ്പുമാര്‍ക്ക് അധികാരം കിട്ടിയാല്‍ കമ്മ്യൂണിസം പ്രചരിപ്പിക്കുമോ?

കിട്ടിയ അധികാരം ഉപയോഗിച്ച് ബി.ജെ.പി കാവി വത്കരണം നടത്തിയാല്‍ താങ്കള്‍ അനുകൂലിക്കുമോ? ബിഷപ്പുമാര്‍ക്ക് അധികാരം കിട്ടിയാല്‍ ക്രിസ്തുമതം പ്രചരിപ്പിച്ചാല്‍ താങ്കള്‍ അനുകൂലിക്കുമോ?

ഗവര്‍മെന്റിന് മതമില്ല. അത് ഏതെങ്കിലും വിധത്തിലുള്ള മത വിശ്വാസത്തെ(നിരീശ്വര വാദം ഉള്‍പ്പെടെ) എതിര്‍ക്കാനോ സഹായിക്കാനോ പാടില്ല. ഏതെങ്കിലും തരത്തിലുള്ള വിശ്വാസം പോതുജനരോഗ്യതിനും സമാധാനത്തിനും പ്രതിബന്ധമാവും എന്ന് കണ്ടാല്‍ മാത്രം സര്‍ക്കാരിന് ഇടപെടാം.

antony said...

മത പൌരോഹിത്യത്തിന് ഇവടെ എന്തുമാവാം ആരും ചോദ്യം ചെയ്യാന്‍ പാടില്ല , ചെയ്താല്‍ പാഠം പഠിപ്പിക്കും..!!
മണ്ണും ചാണകവുംതിരിച്ചറിയാന്‍ കഴിയാത്ത കുഞ്ഞാടുകള്‍ എന്നും കംമുനിസത്തെ കുറിച്ച് പുലയാട്ടു പറഞ്ഞു കൊണ്ടേയിരിക്കും, അതാണ് അവരുടെ മത ജീവിതം..!
ജനാതിപത്യം എന്ന് ഉച്ചരിക്കാന്‍ പോലും യോഗിയത ഇല്ലാത്തവരാണ് അഹന്തയുടെ ധാര്ഷ്ടിയതിന്റെ പ്രതികമായ കുത്തഴിഞ്ഞ ജീവതം നയിക്കുന്ന ആഡംബര ജീവികളായ അധികാര ദാഹികളായ മതപുരോഹിതന്‍മാര്‍., എന്തിനാണ് ഇവറ്റകള്‍ വിമര്‍ശനങ്ങള്‍ വരുമ്പോള്‍ അസഹിഷ്ണുക്ക്ലകുന്നത്.?? ഇടയലേഘ്നം ഇറക്കി പാഠം പഠിപ്പിക്കാന്‍ ഇറങ്ങുന്നത്..?? കര്‍ത്താവിന്റെ പ്രതി പുരുഷന്മാര്‍ മുണ്ടും മടക്കി കുത്തി നഗ്നമായ വലതു പക്ഷ രാഷ്ട്രിയം കളിക്കുന്നതും മുതലാളിമാരെ പോലെ പെരുമാറുന്നതും..??.കേരളത്തിലെ ക്രിസ്ത്യന്‍ പുരോഹിതന്‍മാര്‍ കംമുനിസ്റ്കാരെ തെറി പറയുകയും..ഒപ്പം 1.ക്രിസ്ത്യാനികള്‍ അവരുടെ കുട്ടികളെ ക്രിസ്തു മത സഭ നടത്തുന്ന സ്കൂളുകളിലേ പഠിപ്പിക്കാവൂ.
2.ക്രിസ്ത്യാനികള്‍ ജനസംഖ്യയില്‍ വളരെ കുറവാണ്. അതുകൊണ്ട് സാമ്പത്തിക സ്ഥിതി നല്ലതായ ക്രിസ്ത്യാനികള്‍ കൂടുതല്‍ കുട്ടികള്‍ക്ക് ജന്മം നല്‍കണം.
3.കേരളത്തില്‍ സര്‍ക്കാര്‍ അവരേയും അവരുടെ സ്ഥാപനങ്ങളേയും അടിച്ചമര്‍ത്തുന്നു എന്ന് നിരന്തരം പ്രചരിപ്പിക്കുന്നു.
4.ദൈവ വിശ്വാസമുള്ളവര്‍ക്ക് മാത്രം വോട്ടുകൊടുക്കുക. 5. വിമോചന സമരത്തിന്‌ ആഹുവാനം ചയ്യുന്നു. എന്നിങ്ങനെ യഥാര്‍ത്ഥ ഉള്ളിലിരിപ്പ് പുറത്തു കാട്ടുകയും ചെയ്യുമ്പോള്‍....,,,,

ഇവരെ എന്ത് ജീവികള്‍ എന്നാണാവോ വിളിക്കേണ്ടത്...???

കേരളത്തിലെ മതേതര പുരോഗമന മനസ്സിനെതകര്‍ക്കുക എന്ന എന്നത്തെയും ലക്ഷിയം സാക്ഷാല്‍കരിക്കുക , ...
കംമുനിസ്റ്കാരന്‍ അധികാരത്തില്‍ വന്നാല്‍ ആത്മഹത്യാ ചെയ്യുമെന്ന് വീമ്പിളക്കിയ കച്ചവടക്കരെന്റെ പ്രേതം തന്നെയാണ് ഈ വര്‍ത്തമാനത്തിലും കൊന്തയും കുരിശുമിട്ടു മാര്‍ഗംകളി കളിച്ചു കൊണ്ടിരിക്കുന്നത്.

Rajeeve Chelanat said...
This comment has been removed by the author.
ASOKAN said...

വെറുതെയല്ല,ഈ ജാതി അച്ചമ്മാരുടെ ലേഖനം

മനോരമ പ്രസിദ്ധീകരിക്കാത്തത്.ഈ പുതിയേടത്ത്‌

അച്ഛന്റെ, ഇതുപോലെയുള്ള ഒരു നാല് ലേഖനം

മനോരമയില്‍ വന്നാല്‍, അവരുടെ സ്വന്തം

കുഞ്ഞായ ശ്രീമാന്‍ കുഞ്ഞൂഞ്ഞിന്റെ മുഖ്യമന്ത്രി

സ്ഥാനത്തിന്റെ കാര്യം കട്ട

പോഹ!!!!!.കൊണ്ഗ്രസ്സുകാര്‍ അടുത്ത

തെരഞ്ഞെടുപ്പില്‍ അച്ഛനെ

മുഖ്യമന്ത്രിയാക്കും!!!!!!!!!!!!!!!!!!!.

N.J ജോജൂ said...

"കഴിഞ്ഞ മുപ്പതുവര്‍ഷമായി കേരള കോണ്‍ഗ്രസ്‌ വലിയ ഭൂരിപക്ഷത്തോടെ ജയിക്കുന്ന യു.ഡി.എഫ്‌. ഉരുക്കുകോട്ടയായ ചങ്ങനാശേരിയിലാണ്‌ ആ മുന്നണിക്ക്‌ ഇപ്പോഴത്തെ അനുകൂലമായ പരിതസ്‌ഥിതിയിലും അപ്രതീക്ഷിത പ്രഹരമേറ്റത്‌."

1) This time, UDF got some more wards compared to the previous election, But as Roy pointed, it was much below the expected outcome. As the center of Archdiocese and NSS, all believed that UDF would make a big lead. But the outcome was predicted before the polls. The main reason was the inadequate, inefficient and unpopular candidates put by UDF. Many of the popular leaders tried their chances as rebels and this had a great effect. If the UDF had selected proper candidates, it should have won about 5 more seats surely.

2) Regarding Aramana ward and NSS ward
In both these wards, UDF candidates suffered loses. LDF candidates were satisfied with the third position. But the candidates won were the independent candidates supported by the Archdiocese/NSS. The most important case is that, Aramana ward was an SC Womens reservation ward. Yet Archdiocese was successful in placing a candidate and ensuring her win.
(Thomas Cherian...Changanacherry)

kuttusanum said...

nay nadukkadalil chennelum nakkiye kudikku. malayali blogil vannalum thante identity kalayilla

RED is MY LIFE said...

രിസ്സയില്‍ ജീവനും കൊണ്ട് ഓടേണ്ടി വന്ന കുഞ്ഞാടുകള്‍ക്ക് കുരബാനയും പള്ളിപ്പാട്ടും നടത്താന്‍ സംരക്ഷണം കൊടുത്തത് കള്ള കമ്മുനിസ്ടുകള്‍ ആണ്..!!!
correct